လံာ်ယဃ့းစက့လး 40:34 - Sgaw Karen Common Bible

³⁴ ကျဲစၢၤထံးအဒၢးန့ၣ်, ကွၢ်ဃီၤတၢ်ဆူတၢ်လုၢ်ဟံၣ်အဂၢၤလၢ တၢ်ချၢတကပၤန့ၣ်လီၤ. လၢတၢ်လဲၤထီၣ်က့ၤလီၤအကျိၤ အကပၤတၢ်ဒူၣ်တဖၣ်အလိၤန့ၣ်သ့ၣ်စူၣ်ပလိၣ်အဂီၤတဖၣ်ဘၣ်တၢ် စိးပျၤဃာ်အီၤန့ၣ်လီၤ. ဃီသွါဃိးသွါလဲၤထီၣ်ဆူတြဲၤဖးဒိၣ် အံၤန့ၣ်လီၤ.

လံာ်ယဃ့းစက့လး 40:34 Iomraidhean Croise

လံာ်ယဃ့းစက့လး 40:16

ဒၢးခဲလၢာ်အတၢ်ဒူၣ်လၢအချၢတဖၣ်န့ၣ်အိၣ်ဒီးအတၢ်ထူၣ်ဖျိ တဖၣ်ဒီးတၢ်ဒူၣ်လၢတၢ်အိပူၤတဖၣ်လၢအအိၣ်ဝဲလၢဒၢးတဖၣ် အဘၢၣ်စၢၤစ့ၢ်ကီးအိၣ်ဒီးတၢ်ထူၣ်ဖျိတဖၣ်န့ၣ်လီၤ. လၢတၢ်အိပူၤတၢ် ဒူၣ်တဖၣ်အလိၤလၢအကွၢ်ဃီၤတၢ်ဆူတၢ်လဲၤထီၣ်က့ၤလီၤအကျိၤန့ၣ်သ့ၣ်စူၣ် ပလိၣ်အထူၣ်တဖၣ်အဂီၤဘၣ်တၢ်စိးပျၤဃာ်အီၤန့ၣ်လီၤ.

လံာ်ယဃ့းစက့လး 40:22

ကျဲစၢၤထံးအဒၢး, ပဲတြီဖိတဖၣ်, ဒီးသ့ၣ်စူၣ်ပလိၣ်လၢအဘၣ် တၢ်ဒိးပျၤအီၤတဖၣ်န့ၣ်, မ့ၢ်တၢ်ဒ်သိးလိာ်အသးဒီးတၢ်တဖၣ် လၢအအိၣ်လၢမုၢ်ထီၣ်အတြဲၤဖးဒိၣ်တခီန့ၣ်လီၤ. ဖဲအံၤဃီသွါနွံသွါလဲၤထီၣ်ဝဲဆူတြဲၤဖးဒိၣ်, ဒီးကျဲစၢၤထံးအဒၢးန့ၣ်, အိၣ်ဝဲဖဲဃီသွါအခိၣ်ထိး, ကွၢ်ဃီၤတၢ်ဆူတၢ်လုၢ်ဟံၣ်အဂၢၤန့ၣ်လီၤ.

လံာ်ယဃ့းစက့လး 40:26

ဃီသွါနွံသွါလဲၤထီၣ်ဆူအအိၣ်, ဒီးအကျဲစၢၤထံးအဒၢးအိၣ် စ့ၢ်ကီးဝဲဖဲတၢ်အခိၣ်ထိး, ကွၢ်ဃီၤတၢ်ဆူတၢ်လုၢ်ဟံၣ်အဂၢၤ န့ၣ်လီၤ. စူၣ်ပလိၣ်အထူၣ်တဖၣ်လၢအဘၣ်တၢ်စိးပျၤအီၤအိၣ်ဝဲ လၢတၢ်ဒူၣ်လၢတၢ်အိပူၤတကပၤအလိၤလၢအကွၢ်ဃီၤတၢ်ဆူ တၢ်လဲၤထီၣ်က့ၤလီၤအကျိၤန့ၣ်လီၤ.

လံာ်ယဃ့းစက့လး 40:31

အကျဲစၢၤကျိၤထံးအဒၢးန့ၣ်ကွၢ်ဃီၤတၢ်ဆူတၢ်လုၢ်ဟံၣ်အဂၢၤ လၢအဂၤတကပၤ, ဒီးလၢတၢ်လဲၤထီၣ်က့ၤလီၤအကျိၤအကပၤ တၢ်ဒူၣ်တဖၣ်အလိၤန့ၣ်သ့ၣ်စူၣ်ပလိၣ်တဖၣ်အဂီၤဘၣ်တၢ်စိးပျၤဃာ် အီၤန့ၣ်လီၤ. ဃီသွါဃိးသွါလဲၤထီၣ်ဆူတြဲၤဖးဒိၣ်အံၤန့ၣ်လီၤ.

လံာ်ယဃ့းစက့လး 40:37

ကျဲစၢၤထံးအဒၢး, ကွၢ်ဃီၤတၢ်လုၢ်ဟံၣ်အဂၢၤလၢတၢ်ချၢ တကပၤန့ၣ်လီၤ. လၢတၢ်လဲၤထီၣ်က့ၤလီၤအကျိၤအကပၤတၢ်ဒူၣ် တဖၣ်အလိၤန့ၣ်, သ့ၣ်စူၣ်ပလိၣ်အဂီၤတဖၣ်ဘၣ်တၢ်စိးပျၤဃာ်အီၤ န့ၣ်လီၤ. ဃီသွါဃိးသွါလဲၤထီၣ်ဆူတြဲၤဖးဒိၣ်အံၤန့ၣ်လီၤ.

လံာ်ယဃ့းစက့လး 40:49

ဃီသွါတဖၣ်လၢအလဲၤထီၣ်ဆူကျဲစၢၤထံးအဒၢးန့ၣ်အလဲၢ် အိၣ်ဝဲအပျၢ်ခံဆံဒီးကစီၤထီၣ်ထီဝဲတဆံခံပျၢ်န့ၣ်လီၤ. တၢ်အထူၣ် အိၣ်ဝဲခံထူၣ်လၢကျဲစၢၤကျိၤထံးတခီတကပၤစုာ်စုာ်န့ၣ်လီၤ.

လံာ်ယဃ့းစက့လး 40:6

အန့ၣ်ဝံၤဒီးအဝဲလဲၤဃီၤဆူကျဲစၢၤလၢအဃၣ်အသးဆူမုၢ်ထီၣ် တကပၤန့ၣ်လီၤ. အဝဲလဲၤထီၣ်ဆူအဃီသွါတဖၣ်လိၤဒီးလၢ အဃီခီၣ်ထံးန့ၣ်ထိၣ်ဝဲကျဲစၢၤအကျိၤထံးန့ၣ်လီၤ. အကစီၤထီၣ်ထီဝဲဃုပျၢ်န့ၣ်လီၤ.