လံာ်ယဃ့းစက့လး 40:3 - Sgaw Karen Common Bible

³ အဝဲစိာ်ဃီၤယၤဘူးထီၣ်, ဒီးယထံၣ်ဘၣ်ပှၤတဂၤလၢအကပီၤဝဲဒ်တိၢ်ဘီအသိးန့ၣ်လီၤ. အဝဲဖီၣ်ဃးနီၣ်ထိၣ်ပျံၤလုၣ်တဘိဒီးနီၣ်ထိၣ်ဘိတဘိဒီး ဆၢထၢၣ်ဝဲဖဲကျဲစၢၤတပူၤအကပၤန့ၣ်လီၤ.

လံာ်ယဃ့းစက့လး 40:3 Iomraidhean Croise

လံာ်ယၡါယၤ 28:17

တၢ်စံၣ်ညီၣ်တီကမ့ၢ်နီၣ်ထိၣ်အပျံၤတဘိလၢတၢ်အခီၣ်ထံး အဂီၢ်, ဒီးတၢ်သူၣ်လိၤသးဘျၢကမ့ၢ်အနီၣ်ထိၣ်ထံအပျံၤ လၢအလီၤစဲၤဝဲန့ၣ်လီၤ.” ကလံၤမုၢ်အိၣ်ဒီးသူၣ်ကစိာ်ကွံာ် တၢ်လီတၢ်ဝ့ၤခဲလၢာ်လၢသုသန့ၤသုသး, ဒီးထံလုၣ်ဘၢ တၢ်ကမၤဟးဂီၤသုတၢ်ပူၤဖျဲးအလီၢ်န့ၣ်လီၤ.

လံာ်ယၡါယၤ 8:20

သုကဘၣ်စံးဆၢက့ၤအဝဲသ့ၣ်, “ဒိကနၣ်တၢ်လၢယွၤသိၣ်လိ သီလိသုတက့ၢ်. ဒိကနၣ်ပှၤကွဲပှၤသံအကလၤတဖၣ်တဂ့ၤ. တၢ်လၢအစံးဘၣ်သုန့ၣ်တမၤဂ့ၤသုနီတမံၤဘၣ်.”

လံာ်ယဃ့းစက့လး 1:27

က့ၢ်ဂီၤအံၤဖျါကပီၤထီၣ်ဝဲဒ်တိၢ်ဘီလၢအအိၣ်လၢမ့ၣ်အူကဲၤ ကဖးအပူၤအသိးန့ၣ်လီၤ. ကပီၤထီၣ်ဝဲဝးဝးလၢတၢ်ကပီၤဆှံ,

လံာ်ယဃ့းစက့လး 1:7

အခိၣ်တဖၣ်ဘျၢဝဲ, ဒီးအဝဲသ့ၣ်အိၣ်ဒီးခီၣ်မ့ၣ်တဖၣ်ဒ်ကျီၢ်ဖါတ ဒုအသိးဒီးကပြုၢ်ကပြီၤထီၣ်ဝဲဒ်တိၢ်ဘီလၢအဘၣ်တၢ်ထူးဘျ့ တ့ၢ်အီၤအသိးန့ၣ်လီၤ.

လံာ်ယဃ့းစက့လး 41:1

တၢ်န့ၣ်ဝံၤအလီၢ်ခံ, ပှၤတဂၤန့ၣ်ဆှၢယၤဆူဒၢးလၢတၢ်ခၢၣ်သး ကတၢၢ်, လၢအမ့ၢ်တၢ်လီၢ်စီဆှံန့ၣ်လီၤ. အဝဲထိၣ်တၢ်လဲၤထီၣ်က့ၤလီၤအကျိၤလၢ အလဲၤနုာ်ဆူတၢ်လီၢ်အံၤန့ၣ်လီၤ. အကစီၤထီၣ်ထီဝဲဃုပျၢ်,

လံာ်ယဃ့းစက့လး 42:16

အဝဲဟံးထီၣ်နီၣ်ထိၣ်တဘိန့ၣ်ဒီးထိၣ်ဝဲလၢမုၢ်ထီၣ်တကပၤဒီးအိၣ်ဝဲဒၣ် အပျၢ်ယဲၢ်ကယၤန့ၣ်လီၤ.

လံာ်ယဃ့းစက့လး 43:6

ပှၤတဂၤန့ၣ်ဆၢထၢၣ်လၢယကပၤဖဲန့ၣ်, ဒီးယနၢ်ဟူယွၤကတိၤ တၢ်ဒီးယၤအကလုၢ်သီၣ်ထီၣ်ဝဲလၢယွၤအတၢ်လုၢ်ဟံၣ်အပူၤ န့ၣ်လီၤ.

လံာ်ယဃ့းစက့လး 47:3

ပှၤတဂၤန့ၣ်ထိၣ်ဃီၤထံယွၤလီၤအကျိၤဆူမုၢ်ထီၣ် တကပၤလၢနီၣ်ထိၣ်လၢအအိၣ်ဒီးအီၤ အပျၢ်တကထိဒီးတဲဘၣ်ယၤလၢယကလဲၤ ခီဂာ်ထံကျိဖိဖဲတၢ်လီၢ်န့ၣ်လီၤ. ထံန့ၣ်ယိာ်ဝဲတုၤဒၣ်ဖဲ ယခီၣ်ဒ့န့ၣ်လီၤ.

လံာ်ယဃ့းစက့လး 8:2

ယကွၢ်ထီၣ်တၢ်ဒီးထံၣ်တၢ်ထံၣ်လၢညါခီတမံၤဘၣ်ဃးဒီးပှၤကညီ တဂၤအက့ၢ်အဂီၤလၢအမၤအသးဒ်မ့ၣ်အူအသိးန့ၣ်လီၤ. လၢအယီၢ်ဒ့ဒီးဆူအဖီလာ်န့ၣ်အနီၢ်ခိအိၣ်ဖျါလီၤဂာ်ဒ်မ့ၣ်အူ အသိး, ဒီးလၢအယီၢ်ဒ့ဒီးဆူအဖီခိၣ်န့ၣ်, အဝဲကပီၤထီၣ်ဝဲဒ်တိၢ်ဘီ လၢအဘၣ်တၢ်ထူးကတြ့ၣ်ထီၣ်အီၤအသိးန့ၣ်လီၤ.

လံာ်လီၣ်ဖျါ 1:15

အခီၣ်လၣ်တဖၣ်ကပီၤဝဲဒ်တိၢ်ဘီလၢအဘၣ်တၢ်ပှံၢ်အီၤလၢမ့ၣ် အူ, ဒ်သိးအကဆှံထီၣ်ဂ့ၤထီၣ်အဂီၢ်, ဒီးအကလုၢ်သီၣ်ဝဲဒ်ထံလီၤဆူဖးဒိၣ်သီၣ်ဝဲအသိးန့ၣ်လီၤ.

လံာ်လီၣ်ဖျါ 11:1

တုၤနုၤတစုတၢ်ဟ့ၣ်ယၤနီၣ်ထိးဘိတဘိလၢအလီၤဂာ်ဒီးနီၣ်ထိၣ်, ဒီးယဘၣ်တၢ်စံးဘၣ်ယၤ, “လဲၤဒီးထိၣ်ကွၢ်ကစၢ်ယွၤအတၢ်လုၢ်ဟံၣ်ဒီးတၢ်လုၢ်လီၢ်, ဒီးဂံၢ်ကွၢ်ပှၤတဖၣ်လၢအဘူၣ်ထီၣ်ဘါထီၣ်တၢ်ဖဲတၢ်လုၢ်ဟံၣ် အပူၤန့ၣ်တက့ၢ်.

လံာ်လီၣ်ဖျါ 21:15

ကလူးလၢအကတိၤတၢ်ဒီးယၤတဂၤန့ၣ်အိၣ်ဒီးနီၣ်ထိၣ်ထူ တဘိလၢအကထိၣ်ကွၢ်ဝ့ၢ်, ဝ့ၢ်အတြဲၤဖးဒိၣ်တဖၣ်, ဒီး အတၢ်ဒူၣ်တဖၣ်အဂီၢ်လီၤ.