လံာ်ယဃ့းစက့လး 40:29 - Sgaw Karen Common Bible

²⁹ အပှၤခိးတၢ်အဒၢးတဖၣ်, အကျဲစၢၤထံးအဒၢး, ဒီးအတၢ် အဒူၣ်လၢတၢ်အိပူၤတကပၤခဲလၢာ်, အနီၣ်ထိၣ်မ့ၢ်တၢ်ဒ်သိးသိး ဒီးတၢ်အဂၤတဖၣ်လၢအအိၣ်လၢကျဲစၢၤကျိၤထံးအဂၤတဖၣ် အသိးန့ၣ်လီၤ.

လံာ်ယဃ့းစက့လး 40:29 Iomraidhean Croise

လံာ်စီၤပၤအခီၣ်ထံးတဘ့ၣ် 7:4

လၢတၢ်ဒူၣ်ခံကပၤအလိၤန့ၣ်ပဲတြီအိၣ်ဝဲ, တခီသၢဂ့ၢ်စုာ်စုာ် န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:11

ခီဖျိစီၤပၤအတၢ်ဟ့ၣ်လီၤတၢ်ကလုၢ်တဖၣ်န့ၣ်, အဝဲသ့ၣ်ကတဲာ်ကတီၤတၢ်ပာ်ဖှိၣ်အဒၢးတဖၣ်လၢယွၤအတၢ်လုၢ်ဟံၣ် အလီၢ်ကဝီၤပူၤ,

လံာ်စီၤနဃ့မယၤ 13:5

အဝဲပျဲတ့ၢ်စီၤတိၤဘံယၤလၢကသူဝဲဒၢးဖးဒိၣ်တဖျၢၣ်လၢတၢ် ပာ်လီၤဆီအီၤထဲဒၣ်လၢတၢ်ကပာ်တၢ်မၤဘူၣ်လၢဘုဧိၤဟုဧိၤဒီး တၢ်နၢမူ, တၢ်ပီးတၢ်လီလၢတၢ်သူအီၤလၢယွၤအတၢ်လုၢ်ဟံၣ်အပူၤ, တၢ်မၤဘူၣ်တဖၣ်လၢပှၤလုၢ်တၢ်အဒိၣ်တဖၣ်အဂီၢ်, ဒီးတၢ်ဆံဆဲၣ်ပူတပူတဖၣ်လၢဘုဧိၤဟုဧိၤ, စပံးထံ, သ့ၣ်စၤယံးအသိလၢအဘၣ်တၢ်ဟ့ၣ်အီၤဆူပှၤလ့ၤဝံဖိ တဖၣ်ဆူတၢ်လုၢ်ဟံၣ်အပှၤသးဝံၣ်တၢ်ဖိတဖၣ်ဒီးဆူပှၤခိးတၢ်လုၢ် ဟံၣ်တဖၣ်အဂီၢ်န့ၣ်လီၤ.

လံာ်စီၤနဃ့မယၤ 13:9

ယဟ့ၣ်လီၤယကလုၢ်လၢဒၢးတဖၣ်ကဘၣ်တၢ်မၤကဆှီထီၣ်က့ၤအီၤဒ်တၢ် ဘူၣ်တၢ်ဘါအလုၢ်အလၢ်အိၣ်ဝဲအသိးဒီးလၢတၢ်လုၢ်ဟံၣ်အတၢ်ပီးတၢ် လီတဖၣ်, တၢ်မၤဘူၣ်ဘုဧိၤဟုဧိၤ, ဒီးတၢ်နၢမူတဖၣ်ကဘၣ်တၢ်ပာ်ကဒါက့ၤအီၤန့ၣ်လီၤ.

လံာ်ယံးရမံယၤ 36:10

အန့ၣ်ဒီး, ဖဲပှၤဂီၢ်မုၢ်ခဲလၢာ် ဒိကနၣ်တၢ်အခါန့ၣ်, စီၤဘၤရူးဖးထီၣ်တၢ်လၢ လံာ်ထူအပူၤတၢ်ခဲလၢာ် လၢ ယစံးတ့ၢ်ယဲန့ၣ်လီၤ. အဝဲမၤတၢ်အံၤလၢ ယွၤ အတၢ်လုၢ်ဟံၣ်ပူၤ, ဖဲစီၤၡၤဖၣ်အဖိခွါ ကွီၢ်ဘျီၣ်အပှၤ ကွဲးလံာ် စီၤကမၤရယၤ အဒၢးပူၤန့ၣ်လီၤ. ဒၢးအဝဲအံၤ အိၣ်ဝဲလၢ ကွီၢ်ဘျီၣ်, ထးခီတတီၤ, လၢအဘူးဒီးကျဲစၢၤ လဲၤနုာ်ဆူ ယွၤအတၢ်လုၢ်ဟံၣ်အတြဲၤအသီန့ၣ်လီၤ.

လံာ်ယဃ့းစက့လး 40:10

(ပှၤခိးတၢ်အဒၢးသ့ၣ်တဖၣ်လၢအအိၣ်ဖဲတၢ်လဲၤထီၣ်က့ၤလီၤ အကျိၤအကပၤစုာ်စုာ်န့ၣ်အတၢ်ထိၣ်အက့ၢ်အဂီၤမ့ၢ်တၢ်ဒ်သိး လိာ်အသးဒီးတၢ်အဒူၣ်တဖၣ်လၢအအိၣ်ဖဲအဝဲသ့ၣ်အဘၢၣ်စၢၤ အဒီၣ်ဃီၤမ့ၢ်တၢ်ဒ်သိးသိးခဲလၢာ်န့ၣ်လီၤ.)

လံာ်ယဃ့းစက့လး 40:12

လၢပှၤခိးတၢ်အဒၢးတဖၣ်, တဖျၢၣ်စုာ်စုာ်အမဲာ်ညါန့ၣ်အိၣ်ဒီး တၢ်ဒူၣ်အဖုၣ်ဖိတခါလၢအထီအိၣ်ဝဲတပျၢ်ဒီးအဒီၣ်ဃီၤအိၣ်ဝဲ တပျၢ်န့ၣ်လီၤ. (ဒၢးဖိတဖၣ်အတၢ်ထိၣ်မ့ၢ်ဝဲဃုပျၢ်ဝးတရံး န့ၣ်လီၤ.)

လံာ်ယဃ့းစက့လး 40:16

ဒၢးခဲလၢာ်အတၢ်ဒူၣ်လၢအချၢတဖၣ်န့ၣ်အိၣ်ဒီးအတၢ်ထူၣ်ဖျိ တဖၣ်ဒီးတၢ်ဒူၣ်လၢတၢ်အိပူၤတဖၣ်လၢအအိၣ်ဝဲလၢဒၢးတဖၣ် အဘၢၣ်စၢၤစ့ၢ်ကီးအိၣ်ဒီးတၢ်ထူၣ်ဖျိတဖၣ်န့ၣ်လီၤ. လၢတၢ်အိပူၤတၢ် ဒူၣ်တဖၣ်အလိၤလၢအကွၢ်ဃီၤတၢ်ဆူတၢ်လဲၤထီၣ်က့ၤလီၤအကျိၤန့ၣ်သ့ၣ်စူၣ် ပလိၣ်အထူၣ်တဖၣ်အဂီၤဘၣ်တၢ်စိးပျၤဃာ်အီၤန့ၣ်လီၤ.

လံာ်ယဃ့းစက့လး 40:25

ကျဲစၢၤကျိၤထံးအဒၢးတဖၣ်အံၤအိၣ်ဒီးပဲတြီဖိတဖၣ်ဒ်သိးဒၣ် လၢအဂၤတကပၤတဖၣ်အသိးန့ၣ်လီၤ. ကျဲစၢၤကျိၤထံး အတၢ်ထိၣ်ခဲလၢာ်မ့ၢ်ဝဲအထီ, အပျၢ်ယဲၢ်ဆံဒီးအလဲၢ်, ခံဆံယဲၢ်ပျၢ်န့ၣ်လီၤ.

လံာ်ယဃ့းစက့လး 40:33

အပှၤခိးတၢ်အဒၢးတဖၣ်, အကျဲစၢၤထံးအဒၢးဒီးအတၢ်အိပူၤ အတၢ်ဒူၣ်တဖၣ်အတၢ်ထိၣ်မ့ၢ်တၢ်ဒ်သိးသိးဒီးတၢ်လၢအဂၤတဖၣ် လၢအအိၣ်လၢကျဲစၢၤကျိၤထံးအဂၤတဖၣ်အသိးန့ၣ်လီၤ. ပဲတြီဖိတဖၣ်အိၣ်ဝဲကိးကပၤဒဲးဒီးလၢကျဲစၢၤထံးအဒၢးပူၤစ့ၢ်ကီး န့ၣ်လီၤ. အတၢ်ထိၣ်ခဲလၢာ်မ့ၢ်ဝဲအပျၢ်ယဲၢ်ဆံဒီးအလဲၢ်မ့ၢ်ဝဲယဲၢ်ပျၢ်န့ၣ်လီၤ.

လံာ်ယဃ့းစက့လး 40:36

ဒ်တၢ်အဂၤတဖၣ်အသိးန့ၣ်တြဲၤဖးဒိၣ်အံၤအိၣ်စ့ၢ်ကီးဒီးပှၤခိးတၢ် အဒၢးတဖၣ်, တၢ်အိပူၤအတၢ်ဒူၣ်တဖၣ်လၢအဘၣ်တၢ်မၤဃံမၤလၤ အီၤ, ကျဲစၢၤထံးအဒၢးဖိတဖျၢၣ်ဒီးပဲတြီဖိလၢအအိၣ်ဝးတရံး ခဲလၢာ်န့ၣ်လီၤ. အနီၣ်ထိၣ်ခဲလၢာ်အထီမ့ၢ်ဝဲအပျၢ်ယဲၢ်ဆံဒီး အလဲၢ်မ့ၢ်ဝဲခံဆံယဲၢ်ပျၢ်န့ၣ်လီၤ.

လံာ်ယဃ့းစက့လး 40:7

ဖျိကွံာ်ကျဲစၢၤအဝဲန့ၣ်, တၢ်လဲၤထီၣ်က့ၤလီၤအကျိၤလၢအကပၤ ခံခီယၢ်ဘးအိၣ်ဒီးပှၤခိးတၢ်အဒၢးသၢဖျၢၣ်စုာ်စုာ်အိၣ်ဝဲတကျိၤ န့ၣ်လီၤ. ဒၢးတဖျၢၣ်စုာ်စုာ်အိၣ်ဒီးအတၢ်ထိၣ်လွံၢ်ကပၤတုၤသိး လိာ်အသး, လၢအမ့ၢ်တကပၤဃုပျၢ်စုာ်စုာ်, ဒီးတၢ်ဒူၣ်တဖၣ်လၢ အဘၢၣ်စၢၤန့ၣ်အဒီၣ်ဃီၤအိၣ်ဝဲယဲၢ်ပျၢ်စုာ်စုာ်န့ၣ်လီၤ. ဖျိထီၣ်ကွံာ် ပှၤခိးတၢ်အဒၢးတဖၣ်န့ၣ်, တၢ်လဲၤထီၣ်က့ၤလီၤအကျိၤလၢ အထီဝဲဒၣ်ဃုပျၢ်လၢအလဲၤလိၤလိၤဆူကျဲစၢၤထံးအဒၢးလၢ အကွၢ်ဃီၤတၢ်ဆူယွၤအတၢ်လုၢ်ဟံၣ်အိၣ်ဝဲတကျိၤန့ၣ်လီၤ.