လံာ်ယဃ့းစက့လး 40:25 - Sgaw Karen Common Bible

²⁵ ကျဲစၢၤကျိၤထံးအဒၢးတဖၣ်အံၤအိၣ်ဒီးပဲတြီဖိတဖၣ်ဒ်သိးဒၣ် လၢအဂၤတကပၤတဖၣ်အသိးန့ၣ်လီၤ. ကျဲစၢၤကျိၤထံး အတၢ်ထိၣ်ခဲလၢာ်မ့ၢ်ဝဲအထီ, အပျၢ်ယဲၢ်ဆံဒီးအလဲၢ်, ခံဆံယဲၢ်ပျၢ်န့ၣ်လီၤ.

လံာ်ယဃ့းစက့လး 40:25 Iomraidhean Croise

လံာ်စီၤပၤအခီၣ်ထံးတဘ့ၣ် 7:4

လၢတၢ်ဒူၣ်ခံကပၤအလိၤန့ၣ်ပဲတြီအိၣ်ဝဲ, တခီသၢဂ့ၢ်စုာ်စုာ် န့ၣ်လီၤ.

လံာ်ယဃ့းစက့လး 40:16

ဒၢးခဲလၢာ်အတၢ်ဒူၣ်လၢအချၢတဖၣ်န့ၣ်အိၣ်ဒီးအတၢ်ထူၣ်ဖျိ တဖၣ်ဒီးတၢ်ဒူၣ်လၢတၢ်အိပူၤတဖၣ်လၢအအိၣ်ဝဲလၢဒၢးတဖၣ် အဘၢၣ်စၢၤစ့ၢ်ကီးအိၣ်ဒီးတၢ်ထူၣ်ဖျိတဖၣ်န့ၣ်လီၤ. လၢတၢ်အိပူၤတၢ် ဒူၣ်တဖၣ်အလိၤလၢအကွၢ်ဃီၤတၢ်ဆူတၢ်လဲၤထီၣ်က့ၤလီၤအကျိၤန့ၣ်သ့ၣ်စူၣ် ပလိၣ်အထူၣ်တဖၣ်အဂီၤဘၣ်တၢ်စိးပျၤဃာ်အီၤန့ၣ်လီၤ.

လံာ်ယဃ့းစက့လး 40:29

အပှၤခိးတၢ်အဒၢးတဖၣ်, အကျဲစၢၤထံးအဒၢး, ဒီးအတၢ် အဒူၣ်လၢတၢ်အိပူၤတကပၤခဲလၢာ်, အနီၣ်ထိၣ်မ့ၢ်တၢ်ဒ်သိးသိး ဒီးတၢ်အဂၤတဖၣ်လၢအအိၣ်လၢကျဲစၢၤကျိၤထံးအဂၤတဖၣ် အသိးန့ၣ်လီၤ.

လံာ်ယဃ့းစက့လး 40:33

အပှၤခိးတၢ်အဒၢးတဖၣ်, အကျဲစၢၤထံးအဒၢးဒီးအတၢ်အိပူၤ အတၢ်ဒူၣ်တဖၣ်အတၢ်ထိၣ်မ့ၢ်တၢ်ဒ်သိးသိးဒီးတၢ်လၢအဂၤတဖၣ် လၢအအိၣ်လၢကျဲစၢၤကျိၤထံးအဂၤတဖၣ်အသိးန့ၣ်လီၤ. ပဲတြီဖိတဖၣ်အိၣ်ဝဲကိးကပၤဒဲးဒီးလၢကျဲစၢၤထံးအဒၢးပူၤစ့ၢ်ကီး န့ၣ်လီၤ. အတၢ်ထိၣ်ခဲလၢာ်မ့ၢ်ဝဲအပျၢ်ယဲၢ်ဆံဒီးအလဲၢ်မ့ၢ်ဝဲယဲၢ်ပျၢ်န့ၣ်လီၤ.

လံာ်ယဃ့းစက့လး 41:16

ယွၤအတၢ်လုၢ်ဟံၣ်အကျဲစၢၤထံးအဒၢး, တၢ်လီၢ်စီဆှံဒီးတၢ်အလီၢ်စီဆှံက တၢၢ်ခဲလၢာ်ဘၣ်တၢ်ဒိတံာ်အီၤလၢသ့ၣ်ဘၣ် ဖိတဖၣ်စးထီၣ်လၢအဒါတုၤလၢပဲတြီဖိတဖၣ်န့ၣ်လီၤ. ပဲတြီဖိတဖၣ်အံၤဘၣ်တၢ်ကးဘၢအီၤသ့ဝဲန့ၣ်လီၤ.

လံာ်ယိၤဟၣ် 12:46

ယဟဲနုာ်ဆူဟီၣ်ခိၣ်ချၢဒ်တၢ်ကပီၤအသိး, ဒ်သိးပှၤလၢအစူၢ်က့ၤနာ်က့ၤယၤတဂၤလၢ်လၢ်န့ၣ်, အသုတအိၣ်လၢၤလၢတၢ်ခံးကျါတဂ့ၤအဂီၢ်လီၤ.

1 ကရံၣ်သူး 13:12

တၢ်လၢပထံၣ်ပဝဲခဲကနံၣ်အံၤ, မၤအသးဒ်တၢ်အက့ၢ် အဂီၤလၢအအိၣ်ဖျါထီၣ်ကဒုကယီၢ်လၢမဲာ်ထံကလၤတဘ့ၣ် အပူၤန့ၣ်လီၤ. မ့မ့ၢ်ဖဲဆၢကတီၢ်အဝဲန့ၣ်, ပကထံၣ်လိာ်ပသးလၢမဲာ်သကိးမဲာ်လီၤ. တၢ်လၢယသ့ၣ်ညါယဲခဲကနံၣ်အံၤမ့ၢ်ဒၣ်တၢ်တဖှံၣ် တဝာ်, မ့မ့ၢ်ဖဲဆၢကတီၢ်အဝဲန့ၣ်ကမ့ၢ်တၢ်လၢတၢ်ပှဲၤ, ကလၢပှဲၤဝဲဒ်ကစၢ်ယွၤအတၢ်သ့ၣ်ညါယၤအသိးန့ၣ်လီၤ.

၂ ပ့းတရူး 1:19

လၢတၢ်န့ၣ်အဃိ, တၢ်ကစီၣ်လၢဝံတဖၣ်တဲဖျါထီၣ်ဝဲဒၣ်န့ၣ်, လီၤတံၢ်လၢပဂီၢ်ဒိၣ်န့ၢ်အလီၢ်တက့ၢ်လီၤ. သုဂ့ၤပာ်သူၣ်ပာ်သး လၢတၢ်ကစီၣ်အံၤလၢအလီၤဂာ်ဒီးမ့ၣ်အူဒၢကပီၤထီၣ်လၢတၢ် ခံးကျါတုၤလီၤလၢမုၢ်ဆ့ၣ်ထီၣ်ဒီးဆၣ်တူၢ်ဂီၤအတၢ်ကပီၤ ကပီၤထီၣ်လၢသုသးကံၢ်ပူၤတစုန့ၣ်လီၤ.