လံာ်ယဃ့းစက့လး 40:21 - Sgaw Karen Common Bible

²¹ ပှၤခိးတၢ်အဒၢးသၢဒၢးလၢအအိၣ်ဖဲတၢ်လဲၤထီၣ်က့ၤလီၤအကျိၤ အကပၤတခီတစုာ်စုာ်, တၢ်ဒူၣ်တဖၣ်လၢအဝဲသ့ၣ်အဘၢၣ်စၢၤ, ဒီးကျဲစၢၤထံးအဒၢး, ခဲလၢာ် န့ၣ်အိၣ်ဒီးအတၢ်ထိၣ်တမံၤဃီဒ်သိးဒၣ်တၢ်တဖၣ်လၢအအိၣ် လၢမုၢ်ထီၣ်ကျဲစၢၤကျိၤထံးတကပၤန့ၣ်လီၤ. ကျဲစၢၤကျိၤထံးအတၢ်ထိၣ်ခဲ လၢာ်မ့ၢ်ဝဲ, အထီအပျၢ်ယဲၢ်ဆံဒီးအလဲၢ်ခံဆံယဲၢ်ပျၢ်န့ၣ်လီၤ.

လံာ်ယဃ့းစက့လး 40:21 Iomraidhean Croise

လံာ်ယဃ့းစက့လး 40:24

မၤကဒီးတစု, ပှၤတဂၤန့ၣ်ဆှၢကဒီးယၤဆူကလံၤထံးတကပၤဒီး ဖဲန့ၣ်ပထံၣ်ဘၣ်ကျဲစၢၤကျိၤထံးအဂၤတခါန့ၣ်လီၤ. အဝဲထိၣ် ကျဲစၢၤကျိၤထံးန့ၣ်အတၢ်ဒူၣ်တဖၣ်လၢတၢ်အိပူၤတကပၤဒီး အကျဲစၢၤထံးအဒၢး, ဒီးအဝဲသ့ၣ်မ့ၢ်တၢ်ဒ်သိးလိာ်အသးဒီး တၢ်အိၣ်လၢအဂၤတကပၤန့ၣ်လီၤ.

လံာ်ယဃ့းစက့လး 40:33

အပှၤခိးတၢ်အဒၢးတဖၣ်, အကျဲစၢၤထံးအဒၢးဒီးအတၢ်အိပူၤ အတၢ်ဒူၣ်တဖၣ်အတၢ်ထိၣ်မ့ၢ်တၢ်ဒ်သိးသိးဒီးတၢ်လၢအဂၤတဖၣ် လၢအအိၣ်လၢကျဲစၢၤကျိၤထံးအဂၤတဖၣ်အသိးန့ၣ်လီၤ. ပဲတြီဖိတဖၣ်အိၣ်ဝဲကိးကပၤဒဲးဒီးလၢကျဲစၢၤထံးအဒၢးပူၤစ့ၢ်ကီး န့ၣ်လီၤ. အတၢ်ထိၣ်ခဲလၢာ်မ့ၢ်ဝဲအပျၢ်ယဲၢ်ဆံဒီးအလဲၢ်မ့ၢ်ဝဲယဲၢ်ပျၢ်န့ၣ်လီၤ.

လံာ်ယဃ့းစက့လး 40:34

ကျဲစၢၤထံးအဒၢးန့ၣ်, ကွၢ်ဃီၤတၢ်ဆူတၢ်လုၢ်ဟံၣ်အဂၢၤလၢ တၢ်ချၢတကပၤန့ၣ်လီၤ. လၢတၢ်လဲၤထီၣ်က့ၤလီၤအကျိၤ အကပၤတၢ်ဒူၣ်တဖၣ်အလိၤန့ၣ်သ့ၣ်စူၣ်ပလိၣ်အဂီၤတဖၣ်ဘၣ်တၢ် စိးပျၤဃာ်အီၤန့ၣ်လီၤ. ဃီသွါဃိးသွါလဲၤထီၣ်ဆူတြဲၤဖးဒိၣ် အံၤန့ၣ်လီၤ.