လံာ်ယဃ့းစက့လး 40:17 - Sgaw Karen Common Bible

¹⁷ ပှၤတဂၤန့ၣ်ဆှၢယၤခီဖျိကျဲစၢၤအတြဲၤဆူတၢ်လုၢ်ဟံၣ်အဂၢၤ ပူၤန့ၣ်လီၤ. ဖဲန့ၣ်ဒၢးတဖၣ်လၢအဘၣ်တၢ်ဘှီထီၣ်အီၤ, လၢအချၢဃံထိးအသးဒီးတၢ်ဒူၣ်လၢတၢ်ချၢတကပၤအိၣ်ဝဲ အဖျၢၣ်သၢဆံဒီးလၢအဝဲသ့ၣ်အမဲာ်ညါန့ၣ်အိၣ်ဒီးတၢ်လီၢ်တတီၤ လၢအဘၣ်တၢ်ဒါအီၤလၢလၢၢ်တဖၣ်,

လံာ်ယဃ့းစက့လး 40:17 Iomraidhean Croise

လံာ်စီၤပၤအခီၣ်ထံးတဘ့ၣ် 6:5

ဝးတရံးတၢ်လုၢ်ဟံၣ်အဒၢးဖးဒိၣ်တဖၣ်န့ၣ်, တၢ်သူၣ်ထီၣ်ဖိလၢ အအိၣ်သၢဆီတဖၣ်ဘၣ်တၢ်သူၣ်ထီၣ်အီၤအိၣ်စဲဘူးလိာ်အသး, ဒီးတဆီစုာ်စုာ်န့ၣ်ကစီၤထီၣ်ဝဲယဲၢ်ပျၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:11

အဝဲသုးကွံာ်စ့ၢ်ကီးကသ့ၣ်တဖၣ်လၢကီၢ်ယူဒၤအစီၤပၤတဖၣ်ပာ်စီ ဆှံတ့ၢ်အီၤလၢတၢ်ဘူၣ်ထီၣ်ဘါထီၣ်မုၢ်အဂီၢ်, ဒီးအဝဲဒွဲၣ်အူကွံာ်လ့ၣ်ကဟၣ်တဖၣ်လၢတၢ်သူအီၤလၢတၢ်ဘူၣ်ထီၣ်ဘါ ထီၣ်အံၤအပူၤန့ၣ်လီၤ. (တၢ်သ့ၣ်တဖၣ်အံၤဘၣ်တၢ်ပာ်အီၤလၢတၢ်လုၢ်ဟံၣ်အဂၢၤပူၤ, ဘူးဒီးတြဲၤ, ဒီးတယံၤဘၣ်ဒီးပဒိၣ်ဖးဒိၣ်တဂၤလၢအမ့ၢ်စီၤနၤ သၣ်မ့လ့း, အတၢ်အိၣ်တၢ်ဆိးအလီၢ်ဘၣ်န့ၣ်လီၤ.)

လံာ်ကွဲးနီၣ်တၢ်အခီၣ်ထံးတဘ့ၣ် 23:28

ဒီးဘၣ်တၢ်ဟ့ၣ်မူဟ့ၣ်ဒါအီၤ, မူဒါဒ်လၢလာ်တဖၣ်အံၤ, လၢကမၤစၢၤပှၤလုၢ်တၢ်အခိၣ်တဖၣ်လၢအဟဲလီၤစၢၤလီၤသွဲၣ်လၢစီၤ အၤဟရိၣ်လၢတၢ်ဘူၣ်ထီၣ်ဘါထီၣ်လၢယွၤအတၢ်လုၢ်ဟံၣ်အပူၤအဂီၢ်, လၢကကွၢ်ထွဲအဂၢၤတဖၣ်ဒီးအဒၢးသ့ၣ်တဖၣ်, ဒီးကပၢၤဃာ်ကယဲၢ်တၢ်တမံၤလၢ်လၢ်လၢအစီဆှံန့ၣ်ဒ်သိးသု တဘၣ်တၢ်မၤတကဆှီအီၤတဂ့ၤ,

လံာ်ကွဲးနီၣ်တၢ်အခီၣ်ထံးတဘ့ၣ် 9:26

ပှၤပၢၤတၢ်ဖိအခိၣ်အဒိၣ်ကတၢၢ်လွံၢ်ဂၤ, မ့ၢ်ပှၤလ့ၤဝံဖိတဖၣ် ဒီးမ့ၢ်ပှၤအိၣ်ဒီးမူဒါအဒိၣ်လၢခံကတၢၢ်န့ၣ်လီၤ. အဝဲသ့ၣ်အိၣ်မူအိၣ်ဒါစ့ၢ်ကီးလၢဒၢးတဖၣ်လၢတၢ်လုၢ်ဟံၣ်အပူၤ ဒီးလၢတၢ်လုၢ်ဟံၣ်အတၢ်ပာ်ဖှိၣ်လၢတၢ်ပာ်အီၤဖဲန့ၣ်တဖၣ်အဂီၢ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:11

ခီဖျိစီၤပၤအတၢ်ဟ့ၣ်လီၤတၢ်ကလုၢ်တဖၣ်န့ၣ်, အဝဲသ့ၣ်ကတဲာ်ကတီၤတၢ်ပာ်ဖှိၣ်အဒၢးတဖၣ်လၢယွၤအတၢ်လုၢ်ဟံၣ် အလီၢ်ကဝီၤပူၤ,

လံာ်တၢ်ဟးထီၣ်ကွံာ် 27:9

လၢယအိၣ်ယဆိးအဒဲစီဆှံအဂီၢ်န့ၣ်, ဆးန့ၢ်တၢ်အဒူၣ်တဘ့ၣ်လၢယၣ် ဘျးသဒၢတၢ်လုၣ်အဂ့ၤတဖၣ်တက့ၢ်. လၢကလံၤစိးတကပၤအဂီၢ်ယၣ်ဘျးသဒၢတဖၣ်ကဘၣ်ထီဝဲအပျၢ်တကယၤ,

လံာ်ယဃ့းစက့လး 10:5

တၢ်အသီၣ်လၢအဟဲထီၣ်လၢတၢ်ဘၣ်တ့တဖၣ်အံၤအဒံးဆ့တဖၣ်န့ၣ်, ဘၣ်တၢ်နၢ်ဟူအီၤလၢယွၤအတၢ်လုၢ်ဟံၣ်အဂၢၤအချၢဒၣ်လဲာ်သ့ဝဲ လီၤ. အတၢ်သီၣ်လီၤဂာ်ဒီးကစၢ်ယွၤသ့တၢ်လၢာ်အကလုၢ်န့ၣ်လီၤ.

လံာ်ယဃ့းစက့လး 40:18

လၢဘၣ်တၢ်မၤလဲၤထီၣ်အီၤဝးတရံးတၢ်လုၢ်ဟံၣ်အဂၢၤန့ၣ်လီၤ. တၢ်လုၢ်ဟံၣ်အဂၢၤလၢတၢ်ချၢတတီၤအံၤ, ဖုၣ်န့ၢ်ဒံးဂၢၤလၢတၢ်အိပူၤတက့ၢ်န့ၣ်လီၤ.

လံာ်ယဃ့းစက့လး 40:38

လၢတၢ်လုၢ်ဟံၣ်အဂၢၤလၢတၢ်ချၢတတီၤအပူၤန့ၣ်ဒၢးအိၣ်ဝဲတဖျၢၣ် လၢအအိၣ်စဲဘူးဒီးတၢ်အိပူၤအကျဲစၢၤကျိၤထံးလၢကလံၤစိး တကပၤန့ၣ်လီၤ. ဒၢးအံၤအိၣ်အိးထီၣ်ပာ်အသးဆူကျဲစၢၤ ထံးအဒၢးလၢအကွၢ်ဃီၤတၢ်ဆူတၢ်လုၢ်ဟံၣ်အဂၢၤပူၤ, ဒီးဖဲန့ၣ် အဝဲသ့ၣ်သ့ကွံာ်ဆၣ်ဖိကီၢ်ဖိတဖၣ်လၢအဘၣ်တၢ်မၤသံအီၤဒ်သိး ကဘၣ်တၢ်ဆိၣ်ကဲၤအီၤဒီဒုဒ်တၢ်လုၢ်တၢ်ပာ်တဖၣ်အသိးန့ၣ်လီၤ.

လံာ်ယဃ့းစက့လး 40:44

အန့ၣ်ဝံၤဒီးအဝဲဆှၢဃီၤယၤဆူတၢ်လုၢ်လီၢ်အဂၢၤလၢတၢ်အိပူၤ န့ၣ်လီၤ. ဒၢးအိၣ်ဝဲဒၣ်ခံဖျၢၣ်လၢအအိၣ်အိးထီၣ်ဃာ်အသး လၢတၢ်လုၢ်ဟံၣ်အဂၢၤတၢ်အိပူၤ, တဖျၢၣ်အိၣ်ဖဲကလံၤစီး အကျဲစၢၤကျိၤထံးဒီးအမဲာ်ကွၢ်တၢ်ဆူကလံၤထံး, ဒီးအဂၤ တဖျၢၣ်န့ၣ်အိၣ်လၢကလံၤထံးအကျဲစၢၤကျိၤထံးဒီးအမဲာ် ကွၢ်တၢ်ဆူကလံၤစိးတကပၤန့ၣ်လီၤ.

လံာ်ယဃ့းစက့လး 40:45

ပှၤတဂၤန့ၣ်စံးဘၣ်ယၤလၢဒၢးတဖျၢၣ်လၢအကွၢ်ဃီၤတၢ်ဆူ ကလံၤထံးန့ၣ်မ့ၢ်ဝဲဒၣ်လၢပှၤလုၢ်တၢ်အဒိၣ်တဖၣ်လၢအမၤတၢ် လၢယွၤအတၢ်လုၢ်ဟံၣ်အပူၤအဂီၢ်,

လံာ်ယဃ့းစက့လး 40:46

ဒီးဒၢးတဖျၢၣ်လၢအကွၢ်ဃီၤတၢ်ဆူကလံၤစိးန့ၣ်မ့ၢ်လၢပှၤလုၢ်တၢ်အ ခိၣ်တဖၣ်လၢအမၤတၢ်လၢတၢ်လုၢ်လီၢ်အဂီၢ်လီၤ. ပှၤလုၢ်တၢ်အခိၣ်ခဲ လၢာ်လီၤစၢၤလီၤသွဲၣ်လၢစီၤစၤဒိးန့ၣ်လီၤ. မ့ၢ်ပှၤလ့ၤဝံအဒူၣ်, အဟံၣ်ဖိဃီဖိလၢတၢ်ဟ့ၣ်အီၤအခွဲးလၢကလဲၤနုာ်ဆူ ယွၤအိၣ်ဝဲဆိးဝဲအလီၢ်အပူၤဒီးကမၤအတၢ်အဂီၢ်န့ၣ်လီၤ.

လံာ်ယဃ့းစက့လး 41:10

လၢအလဲၢ်အိၣ်ဝဲအပျၢ်ခံဆံ, လၢယွၤအတၢ်လုၢ်ဟံၣ်အကပၤဝးဝးန့ၣ်လီၤ.

လံာ်ယဃ့းစက့လး 41:6

ဒၢးတဖၣ်အံၤအိၣ်ဝဲဒၣ်သၢကထၢ, အိၣ်ဒီးဒၢးအဖျၢၣ်သၢဆံ လၢတကထၢစုာ်စုာ်န့ၣ်လီၤ. ယွၤအတၢ်လုၢ်အတၢ်ဒူၣ်လၢ တၢ်ချၢတကပၤန့ၣ်ဘူလီၤဝဲတကထၢဘၣ်တကထၢဒ်သိး ဒၢးတဖၣ်န့ၣ်အိၣ်ဂၢၢ်ဝဲလၢတၢ်အဒူၣ်အလိၤကသ့ဝဲ, ဒီးအလီၢ်တအိၣ်ဘၣ်လၢတၢ်ကမၤကျၢၤလီၤဆီအီၤဘၣ်န့ၣ်လီၤ.

လံာ်ယဃ့းစက့လး 42:1

အန့ၣ်ဝံၤဒီးပှၤတဂၤန့ၣ်ဆှၢနုာ်ယၤဆူတၢ်လုၢ်ဟံၣ်အဂၢၤလၢ တၢ်ချၢတကပၤဒီးဆှၢယၤဆူတၢ်သူၣ်ထီၣ်တဖျၢၣ်လၢအအိၣ်လၢ ယွၤအတၢ်လုၢ်ဟံၣ်အကလံၤစိးတကပၤ, တယံၤကဲာ်ဆိးဒီး တၢ်သူၣ်ထီၣ်တဖျၢၣ်လၢအအိၣ်လၢယွၤအတၢ်လုၢ်ဟံၣ်, အမုၢ်နုာ် အကတၢၢ်တကပၤဘၣ်န့ၣ်လီၤ.

လံာ်ယဃ့းစက့လး 42:10

တၢ်ဒူၣ်လၢအအိၣ်စဲဘူးဒီးတၢ်လုၢ်ဟံၣ်အဂၢၤလၢတၢ်ချၢတတီၤ အံၤအိၣ်ဝဲလၢယွၤအတၢ်လုၢ်ဟံၣ်အဒူၣ်လၢမုၢ်ထီၣ်တကပၤ အမဲာ်ညါဒီးဒၢးဖိတဖၣ်အိၣ်ဖဲအမဲာ်ညါန့ၣ်လီၤ.

လံာ်ယဃ့းစက့လး 42:3

အကပၤတခီန့ၣ်ကွၢ်ဃီၤတၢ်ဆူတၢ်လီၢ်လီၤပျီတခါလၢအလဲၢ် အိၣ်ဝဲအပျၢ်ခံဆံလၢအအိၣ်သဃဲၤလိာ်အသးဒီးယွၤအတၢ်လုၢ်ဟံၣ် ဒီးအဂၤတကပၤန့ၣ်ကွၢ်ဃီၤတၢ်ဆူကျဲလၢအဘၣ်တၢ်ဒါလီၤအီၤ လၢအအိၣ်လၢတၢ်လုၢ်ဟံၣ်အဂၢၤလၢတၢ်ချၢန့ၣ်လီၤ. တၢ်သူၣ်ထီၣ်န့ၣ်ဘၣ်တၢ်ဘှီအီၤသၢပတီၢ်, လၢတပတီၢ်စုာ်စုာ် ဘၣ်တၢ်သုးအီၤဆူအလီၢ်ခံအါန့ၢ်ဒံး, တၢ်လၢအအိၣ်လၢ အဖီလာ်တပတီၢ်တက့ၢ်န့ၣ်လီၤ.

လံာ်ယဃ့းစက့လး 42:4

လၢတၢ်သူၣ်ထီၣ်အံၤအကလံၤစိးတကပၤန့ၣ်အိၣ်ဒီးတၢ်လဲၤထီၣ် က့ၤလီၤအကျိၤတကျိၤလၢအလဲၢ်ဝဲဒၣ်အပျၢ်ခံဆံဒီးထီဝဲဒၣ် အပျၢ်တကယၤအိၣ်ဒီးကျဲစၢၤထံးတဖၣ်ဖဲတၢ်ကပၤအဝဲန့ၣ်လီၤ.

လံာ်ယဃ့းစက့လး 44:1

ပှၤတဂၤန့ၣ်ဆှၢဃီၤယၤဆူတၢ်ချၢအတြဲၤဖးဒိၣ်လၢတၢ်လုၢ်ဟံၣ် အလီၢ်ကဝီၤအမုၢ်ထီၣ်တကပၤန့ၣ်လီၤ. တြဲၤဖးဒိၣ်န့ၣ်ကးတံာ်ဃး အသး,

လံာ်ယဃ့းစက့လး 45:5

လီၢ်ကဝီၤအံၤအဂၤတဝာ်န့ၣ်တၢ်ကဘၣ်ပာ်လီၤဆီအီၤဒ်အမ့ၢ် တၢ်လီၢ်လၢပှၤလ့ၤဝံဖိတဖၣ်လၢအမၤတၢ်လၢယွၤအတၢ်လုၢ်ဟံၣ် ပူၤအဂီၢ်န့ၣ်လီၤ. ဖဲန့ၣ်ကအိၣ်ဒီးဝ့ၢ်တဖၣ်လၢအဝဲသ့ၣ်ကအိၣ်ဆိးလၢအပူၤ အဂီၢ်န့ၣ်လီၤ.

လံာ်ယဃ့းစက့လး 46:21

အန့ၣ်ဝံၤဒီးအဝဲလဲၤဆှၢထီၣ်ယၤဆူဂၢၤလၢတၢ်ချၢဒီးဒုးနဲၣ်ယၤ လၢဂၢၤအသနၢၣ်လွံၢ်သနၢၣ်န့ၣ်,

လံာ်လီၣ်ဖျါ 11:2

မ့မ့ၢ်ဂၢၤလၢအချၢတကပၤန့ၣ်, တဘၣ်ထိၣ်ကွၢ်အီၤတဂ့ၤ, အဂ့ၢ်ဒ်အံၤ, အဝဲသ့ၣ်ဘၣ်တၢ်ဟ့ၣ်လီၤတ့ၢ်အီၤဆူပှၤကလုာ်ဂၤ တဖၣ်လၢအကယီၢ်တံၢ်ဝ့ၢ်စီဆှံတဖျၢၣ်န့ၣ်လၢလွံၢ်ဆံခံလါ အတီၢ်ပူၤလီၤ.