လံာ်ယဃ့းစက့လး 40:16 - Sgaw Karen Common Bible

¹⁶ ဒၢးခဲလၢာ်အတၢ်ဒူၣ်လၢအချၢတဖၣ်န့ၣ်အိၣ်ဒီးအတၢ်ထူၣ်ဖျိ တဖၣ်ဒီးတၢ်ဒူၣ်လၢတၢ်အိပူၤတဖၣ်လၢအအိၣ်ဝဲလၢဒၢးတဖၣ် အဘၢၣ်စၢၤစ့ၢ်ကီးအိၣ်ဒီးတၢ်ထူၣ်ဖျိတဖၣ်န့ၣ်လီၤ. လၢတၢ်အိပူၤတၢ် ဒူၣ်တဖၣ်အလိၤလၢအကွၢ်ဃီၤတၢ်ဆူတၢ်လဲၤထီၣ်က့ၤလီၤအကျိၤန့ၣ်သ့ၣ်စူၣ် ပလိၣ်အထူၣ်တဖၣ်အဂီၤဘၣ်တၢ်စိးပျၤဃာ်အီၤန့ၣ်လီၤ.

လံာ်ယဃ့းစက့လး 40:16 Iomraidhean Croise

လံာ်စီၤပၤအခီၣ်ထံးတဘ့ၣ် 6:29

ဒၢးဖးဒိၣ်ဒီးဒၢးလၢတၢ်သးကံၢ်ပူၤကတၢၢ်အတၢ်ဒူၣ်တဖၣ်ဘၣ်တၢ် ကယၢကယဲအီၤခဲလၢာ်လၢခ့ရူာ်တဖၣ်, သ့ၣ်စူၣ်ပလူၣ်တဖၣ်ဒီးဖီတဖၣ်အဂီၤလၢတၢ်စိးပျၤအီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 6:32

တြဲၤတဖၣ်ဘၣ်တၢ်ကယၢကယဲအီၤလၢခ့ရူာ်တဖၣ်, သ့ၣ်စူၣ်ပလူၣ်တဖၣ်ဒီးဖီတဖၣ်အဂီၤလၢတၢ်စိးပျၤအီၤန့ၣ်လီၤ. တြဲၤတဖၣ်, ခ့ရူာ်တဖၣ်ဒီးသ့ၣ်စူၣ်ပလူၣ်တဖၣ်ဘၣ်တၢ်ကးဘၢအီၤ လၢထူန့ၣ်လီၤ.

လံာ်စီၤပၤအခီၣ်ထံးတဘ့ၣ် 6:35

ဒီးဘၣ်တၢ်ကယၢကယဲအီၤလၢခ့ရူာ်တဖၣ်, သ့ၣ်စူၣ်ပလူၣ်တဖၣ်ဒီးဖီတဖၣ် အဂီၤလၢတၢ်စိးပျၤအီၤဒီးဘၣ်တၢ်ကးဘၢအီၤလၢထူဖိးလိာ်ဖိး ဒ့န့ၣ်လီၤ.

လံာ်စီၤပၤအခီၣ်ထံးတဘ့ၣ် 6:4

ယွၤအတၢ်လုၢ်ဟံၣ်အဒူၣ်တဖၣ်န့ၣ်အိၣ်ဒီးပဲတြီဖိတဖၣ်လၢအလိၤ, လၢအအံၣ်လၢတၢ်ချၢဒိၣ်န့ၢ်ဒံးလၢတၢ်အိပူၤတက့ၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 7:4

လၢတၢ်ဒူၣ်ခံကပၤအလိၤန့ၣ်ပဲတြီအိၣ်ဝဲ, တခီသၢဂ့ၢ်စုာ်စုာ် န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 3:5

သ့ၣ်ဘၣ်တဖၣ်လၢတၢ်ကျးအီၤလၢဒၢးမိၢ်ပှၢ်အခိၣ်ဒုးအဖီလာ်ဒီး တၢ်ဒူၣ်တဖၣ်အလိၤန့ၣ်မ့ၢ်သ့ၣ်ဆှိတဖၣ်လၢတၢ်ပီၤအီၤလၢထူစီ ဒီးဘၣ်တၢ်ဒဲးကံၣ်ဒဲးဝ့ၤအီၤဒီးတၢ်အက့ၢ်အဂီၤတဖၣ်လၢအမ့ၢ် သ့ၣ်စူၣ်ပလူၣ်တဖၣ်အိၣ်စဲဘူးဒ်ထးပျံၤအသိးန့ၣ်လီၤ.

စံးထီၣ်ပတြၢၤ 92:12

ပှၤတီပှၤလိၤကဂုၤထီၣ်ပသီထီၣ်ဒ်သ့ၣ်စူၣ်ပလိၣ်အသိး, ဒီးမဲထီၣ်ဒ်သ့ၣ်ဆှိအ့ရ့းလၢ လဘၤနိၣ်အသိးန့ၣ်လီၤ.

လံာ်ယဃ့းစက့လး 40:12

လၢပှၤခိးတၢ်အဒၢးတဖၣ်, တဖျၢၣ်စုာ်စုာ်အမဲာ်ညါန့ၣ်အိၣ်ဒီး တၢ်ဒူၣ်အဖုၣ်ဖိတခါလၢအထီအိၣ်ဝဲတပျၢ်ဒီးအဒီၣ်ဃီၤအိၣ်ဝဲ တပျၢ်န့ၣ်လီၤ. (ဒၢးဖိတဖၣ်အတၢ်ထိၣ်မ့ၢ်ဝဲဃုပျၢ်ဝးတရံး န့ၣ်လီၤ.)

လံာ်ယဃ့းစက့လး 40:15

ကျဲစၢၤအထီခဲလၢာ်စးထီၣ်လၢပဲတြီဖးဒိၣ်အတၢ်ဒူၣ်ချၢတုၤဆူဒၢး လၢခံကတၢၢ်တဖျၢၣ်အကပၤန့ၣ်မ့ၢ်ဝဲဒၣ်အပျၢ်ယဲၢ်ဆံန့ၣ်လီၤ.

လံာ်ယဃ့းစက့လး 40:25

ကျဲစၢၤကျိၤထံးအဒၢးတဖၣ်အံၤအိၣ်ဒီးပဲတြီဖိတဖၣ်ဒ်သိးဒၣ် လၢအဂၤတကပၤတဖၣ်အသိးန့ၣ်လီၤ. ကျဲစၢၤကျိၤထံး အတၢ်ထိၣ်ခဲလၢာ်မ့ၢ်ဝဲအထီ, အပျၢ်ယဲၢ်ဆံဒီးအလဲၢ်, ခံဆံယဲၢ်ပျၢ်န့ၣ်လီၤ.

လံာ်ယဃ့းစက့လး 40:26

ဃီသွါနွံသွါလဲၤထီၣ်ဆူအအိၣ်, ဒီးအကျဲစၢၤထံးအဒၢးအိၣ် စ့ၢ်ကီးဝဲဖဲတၢ်အခိၣ်ထိး, ကွၢ်ဃီၤတၢ်ဆူတၢ်လုၢ်ဟံၣ်အဂၢၤ န့ၣ်လီၤ. စူၣ်ပလိၣ်အထူၣ်တဖၣ်လၢအဘၣ်တၢ်စိးပျၤအီၤအိၣ်ဝဲ လၢတၢ်ဒူၣ်လၢတၢ်အိပူၤတကပၤအလိၤလၢအကွၢ်ဃီၤတၢ်ဆူ တၢ်လဲၤထီၣ်က့ၤလီၤအကျိၤန့ၣ်လီၤ.

လံာ်ယဃ့းစက့လး 40:29

အပှၤခိးတၢ်အဒၢးတဖၣ်, အကျဲစၢၤထံးအဒၢး, ဒီးအတၢ် အဒူၣ်လၢတၢ်အိပူၤတကပၤခဲလၢာ်, အနီၣ်ထိၣ်မ့ၢ်တၢ်ဒ်သိးသိး ဒီးတၢ်အဂၤတဖၣ်လၢအအိၣ်လၢကျဲစၢၤကျိၤထံးအဂၤတဖၣ် အသိးန့ၣ်လီၤ.

လံာ်ယဃ့းစက့လး 40:30

လၢကျဲစၢၤကျိၤထံးအံၤအဒၢးတဖၣ်အပူၤန့ၣ်, အိၣ်စ့ၢ်ကီးဒီး ပဲတြီဖိတဖၣ်န့ၣ်လီၤ. အထီခဲလၢာ်မ့ၢ်ဝဲအပျၢ်ယဲၢ်ဆံဒီးအ လဲၢ်မ့ၢ်ဝဲခံဆံယဲၢ်ပျၢ်န့ၣ်လီၤ.

လံာ်ယဃ့းစက့လး 40:31

အကျဲစၢၤကျိၤထံးအဒၢးန့ၣ်ကွၢ်ဃီၤတၢ်ဆူတၢ်လုၢ်ဟံၣ်အဂၢၤ လၢအဂၤတကပၤ, ဒီးလၢတၢ်လဲၤထီၣ်က့ၤလီၤအကျိၤအကပၤ တၢ်ဒူၣ်တဖၣ်အလိၤန့ၣ်သ့ၣ်စူၣ်ပလိၣ်တဖၣ်အဂီၤဘၣ်တၢ်စိးပျၤဃာ် အီၤန့ၣ်လီၤ. ဃီသွါဃိးသွါလဲၤထီၣ်ဆူတြဲၤဖးဒိၣ်အံၤန့ၣ်လီၤ.

လံာ်ယဃ့းစက့လး 40:33

အပှၤခိးတၢ်အဒၢးတဖၣ်, အကျဲစၢၤထံးအဒၢးဒီးအတၢ်အိပူၤ အတၢ်ဒူၣ်တဖၣ်အတၢ်ထိၣ်မ့ၢ်တၢ်ဒ်သိးသိးဒီးတၢ်လၢအဂၤတဖၣ် လၢအအိၣ်လၢကျဲစၢၤကျိၤထံးအဂၤတဖၣ်အသိးန့ၣ်လီၤ. ပဲတြီဖိတဖၣ်အိၣ်ဝဲကိးကပၤဒဲးဒီးလၢကျဲစၢၤထံးအဒၢးပူၤစ့ၢ်ကီး န့ၣ်လီၤ. အတၢ်ထိၣ်ခဲလၢာ်မ့ၢ်ဝဲအပျၢ်ယဲၢ်ဆံဒီးအလဲၢ်မ့ၢ်ဝဲယဲၢ်ပျၢ်န့ၣ်လီၤ.

လံာ်ယဃ့းစက့လး 40:34

ကျဲစၢၤထံးအဒၢးန့ၣ်, ကွၢ်ဃီၤတၢ်ဆူတၢ်လုၢ်ဟံၣ်အဂၢၤလၢ တၢ်ချၢတကပၤန့ၣ်လီၤ. လၢတၢ်လဲၤထီၣ်က့ၤလီၤအကျိၤ အကပၤတၢ်ဒူၣ်တဖၣ်အလိၤန့ၣ်သ့ၣ်စူၣ်ပလိၣ်အဂီၤတဖၣ်ဘၣ်တၢ် စိးပျၤဃာ်အီၤန့ၣ်လီၤ. ဃီသွါဃိးသွါလဲၤထီၣ်ဆူတြဲၤဖးဒိၣ် အံၤန့ၣ်လီၤ.

လံာ်ယဃ့းစက့လး 40:36

ဒ်တၢ်အဂၤတဖၣ်အသိးန့ၣ်တြဲၤဖးဒိၣ်အံၤအိၣ်စ့ၢ်ကီးဒီးပှၤခိးတၢ် အဒၢးတဖၣ်, တၢ်အိပူၤအတၢ်ဒူၣ်တဖၣ်လၢအဘၣ်တၢ်မၤဃံမၤလၤ အီၤ, ကျဲစၢၤထံးအဒၢးဖိတဖျၢၣ်ဒီးပဲတြီဖိလၢအအိၣ်ဝးတရံး ခဲလၢာ်န့ၣ်လီၤ. အနီၣ်ထိၣ်ခဲလၢာ်အထီမ့ၢ်ဝဲအပျၢ်ယဲၢ်ဆံဒီး အလဲၢ်မ့ၢ်ဝဲခံဆံယဲၢ်ပျၢ်န့ၣ်လီၤ.

လံာ်ယဃ့းစက့လး 40:37

ကျဲစၢၤထံးအဒၢး, ကွၢ်ဃီၤတၢ်လုၢ်ဟံၣ်အဂၢၤလၢတၢ်ချၢ တကပၤန့ၣ်လီၤ. လၢတၢ်လဲၤထီၣ်က့ၤလီၤအကျိၤအကပၤတၢ်ဒူၣ် တဖၣ်အလိၤန့ၣ်, သ့ၣ်စူၣ်ပလိၣ်အဂီၤတဖၣ်ဘၣ်တၢ်စိးပျၤဃာ်အီၤ န့ၣ်လီၤ. ဃီသွါဃိးသွါလဲၤထီၣ်ဆူတြဲၤဖးဒိၣ်အံၤန့ၣ်လီၤ.

လံာ်ယဃ့းစက့လး 40:7

ဖျိကွံာ်ကျဲစၢၤအဝဲန့ၣ်, တၢ်လဲၤထီၣ်က့ၤလီၤအကျိၤလၢအကပၤ ခံခီယၢ်ဘးအိၣ်ဒီးပှၤခိးတၢ်အဒၢးသၢဖျၢၣ်စုာ်စုာ်အိၣ်ဝဲတကျိၤ န့ၣ်လီၤ. ဒၢးတဖျၢၣ်စုာ်စုာ်အိၣ်ဒီးအတၢ်ထိၣ်လွံၢ်ကပၤတုၤသိး လိာ်အသး, လၢအမ့ၢ်တကပၤဃုပျၢ်စုာ်စုာ်, ဒီးတၢ်ဒူၣ်တဖၣ်လၢ အဘၢၣ်စၢၤန့ၣ်အဒီၣ်ဃီၤအိၣ်ဝဲယဲၢ်ပျၢ်စုာ်စုာ်န့ၣ်လီၤ. ဖျိထီၣ်ကွံာ် ပှၤခိးတၢ်အဒၢးတဖၣ်န့ၣ်, တၢ်လဲၤထီၣ်က့ၤလီၤအကျိၤလၢ အထီဝဲဒၣ်ဃုပျၢ်လၢအလဲၤလိၤလိၤဆူကျဲစၢၤထံးအဒၢးလၢ အကွၢ်ဃီၤတၢ်ဆူယွၤအတၢ်လုၢ်ဟံၣ်အိၣ်ဝဲတကျိၤန့ၣ်လီၤ.

လံာ်ယဃ့းစက့လး 41:18

သ့ၣ်စူၣ်ပလိၣ်တဖၣ်ဒီးတၢ်ဘၣ်တ့တဖၣ်လၢအအိၣ်ဒီးအဒံးဆ့တဖၣ် န့ၣ်လီၤ. ဝးတရံးဒၢးဒီတဖျၢၣ်ညါန့ၣ်သ့ၣ်စူၣ်ပလူၣ်တဖၣ်ဒီးတၢ်ဘၣ်တ့ တဖၣ်လၢအအိၣ်ဒီးအဒံးဆ့တဖၣ်အတၢ်ဂီၤစိးပျၤအသးန့ၣ်အိၣ် ရဲၣ်လီၤအသးတခါဝံၤတခါပိာ်လိာ်အခံန့ၣ်လီၤ. တၢ်ဘၣ်တ့တခါ စုာ်စုာ်န့ၣ်အိၣ်ဒီးအမဲာ်သၣ်ခံဘ့ၣ်န့ၣ်လီၤ.

လံာ်ယဃ့းစက့လး 41:25

သ့ၣ်စူၣ်ပလူၣ်တဖၣ်ဒီးတၢ်ဘၣ်တ့လၢအအိၣ်ဒီးအဒံးဆ့တဖၣ် ဘၣ်တၢ်စိးပျၤဃာ်အီၤလၢတၢ်လီၢ်စီဆှံအတြဲၤတဖၣ်အလိၤ, ဒ်သိးဒၣ်အအိၣ်ဝဲလၢတၢ်ဒူၣ်တဖၣ်အလိၤအသိးန့ၣ်လီၤ. ကျဲစၢၤကျိၤလၢအအိၣ်လၢကျဲစၢၤကျိၤထံးဒၢးအချၢန့ၣ်, အိၣ်ဒီးတၢ်အခိၣ်ဒုးတခါလၢအဘၣ်တၢ်မၤအီၤလၢသ့ၣ်န့ၣ်လီၤ.

လံာ်ယဃ့းစက့လး 41:26

လၢဒၢးအံၤအကပၤတဖၣ်န့ၣ်အိၣ်ဒီးပဲတြီဖိတဖၣ်ဒီးတၢ်အဒူၣ် တဖၣ်ဘၣ်တၢ်မၤဃံမၤလၤအီၤဒီးသ့ၣ်စူၣ်ပလူၣ်အထူၣ်တဖၣ်န့ၣ်လီၤ.

လံာ်ယဃ့းစက့လး 41:3

အန့ၣ်ဝံၤဒီးအဝဲလဲၤနုာ်ဆူဒၢးလၢအအိၣ်လၢတၢ်သးကံၢ်ပူၤ ကတၢၢ်န့ၣ်လီၤ. အဝဲထိၣ်တၢ်လဲၤထီၣ်က့ၤလီၤအကျိၤလၢ အလဲၤနုာ်ဆူဒၢးန့ၣ်အပူၤလီၤ. အကစီၤထီၣ်ထီဝဲခံပျၢ်ဒီး အလဲၢ်အိၣ်ဝဲဃုပျၢ်, အိၣ်ဒီးတၢ်ဒူၣ်တဖၣ်လၢအကပၤတခီ စုာ်စုာ်လၢအဒီၣ်ဃီၤအိၣ်ဝဲနွံပျၢ်န့ၣ်လီၤ.

လံာ်ယဃ့းစက့လး 42:3

အကပၤတခီန့ၣ်ကွၢ်ဃီၤတၢ်ဆူတၢ်လီၢ်လီၤပျီတခါလၢအလဲၢ် အိၣ်ဝဲအပျၢ်ခံဆံလၢအအိၣ်သဃဲၤလိာ်အသးဒီးယွၤအတၢ်လုၢ်ဟံၣ် ဒီးအဂၤတကပၤန့ၣ်ကွၢ်ဃီၤတၢ်ဆူကျဲလၢအဘၣ်တၢ်ဒါလီၤအီၤ လၢအအိၣ်လၢတၢ်လုၢ်ဟံၣ်အဂၢၤလၢတၢ်ချၢန့ၣ်လီၤ. တၢ်သူၣ်ထီၣ်န့ၣ်ဘၣ်တၢ်ဘှီအီၤသၢပတီၢ်, လၢတပတီၢ်စုာ်စုာ် ဘၣ်တၢ်သုးအီၤဆူအလီၢ်ခံအါန့ၢ်ဒံး, တၢ်လၢအအိၣ်လၢ အဖီလာ်တပတီၢ်တက့ၢ်န့ၣ်လီၤ.

လံာ်ယိၤဟၣ် 5:2

ဖဲတၢ်လီၢ်ကိးဝဲလၢသိတြဲၤအဃၢၤလၢဝ့ၢ်ယရူၤၡလ့ၣ် အပူၤန့ၣ်, နိၣ်အိၣ်ဝဲတနိၣ်အိၣ်ဒီးအတၢ်ဒုးခိၣ်ယဲၢ်ဖျၢၣ်ဒီး နိၣ်အံၤတၢ်ကိးအီၤလၢဧ့ၤဘြံၤအကျိာ်လၢဘ့ၤသ့းစဒါန့ၣ်လီၤ.

1 ကရံၣ်သူး 13:12

တၢ်လၢပထံၣ်ပဝဲခဲကနံၣ်အံၤ, မၤအသးဒ်တၢ်အက့ၢ် အဂီၤလၢအအိၣ်ဖျါထီၣ်ကဒုကယီၢ်လၢမဲာ်ထံကလၤတဘ့ၣ် အပူၤန့ၣ်လီၤ. မ့မ့ၢ်ဖဲဆၢကတီၢ်အဝဲန့ၣ်, ပကထံၣ်လိာ်ပသးလၢမဲာ်သကိးမဲာ်လီၤ. တၢ်လၢယသ့ၣ်ညါယဲခဲကနံၣ်အံၤမ့ၢ်ဒၣ်တၢ်တဖှံၣ် တဝာ်, မ့မ့ၢ်ဖဲဆၢကတီၢ်အဝဲန့ၣ်ကမ့ၢ်တၢ်လၢတၢ်ပှဲၤ, ကလၢပှဲၤဝဲဒ်ကစၢ်ယွၤအတၢ်သ့ၣ်ညါယၤအသိးန့ၣ်လီၤ.

လံာ်လီၣ်ဖျါ 7:9

တၢ်မၤအသးဒ်အံၤဝံၤအလီၢ်ခံန့ၣ်, ယကွၢ်တၢ်, ဒီးပှၤဂီၢ်မုၢ်ဖးဒိၣ်တဖုအိၣ်ဝဲဒၣ်လီၤ. ပှၤဂံၢ်အနီၣ်ဂံၢ် တသ့ဘၣ်နီတဂၤဘၣ်. အဝဲသ့ၣ်ဟဲလၢကလုာ်ကိး ကလုာ်ဒဲး, ဒူၣ်ဖိထၢဖိကိးဒူၣ်ဒဲး, ထံကီၢ်ကိးဘ့ၣ်ဒဲး, ဒီးပှၤကတိၤကျိာ်ကိးကျိာ်ဒဲးအကျါန့ၣ်လီၤ. ဒီးအဝဲသ့ၣ်အိၣ်ဆၢထၢၣ်လၢလီၢ်ပစိာ်ဒီးသိဖိအမဲာ်ညါ, ကူသိးဆ့ကၤအဝါဒီးဟံးဃာ်လိၣ်ဒၢအဒ့တဖၣ်လၢ အစုပူၤန့ၣ်လီၤ.