လံာ်ယဃ့းစက့လး 4:3 - Sgaw Karen Common Bible

³ ဟံးန့ၢ်သပၢၤထးဘံၣ်သလၣ်တဖျၢၣ်ဒီးပာ်လီၤအီၤဒ်တၢ်အဒူၣ်အသိး လၢနၤဒီးဝ့ၢ်အဘၢၣ်စၢၤန့ၣ်တက့ၢ်. ဃၣ်နမဲာ်ဆူဝ့ၢ်န့ၣ်တက့ၢ်. ဝ့ၢ်ဘၣ်တၢ်ကဝီၤဃာ်အီၤလံဒီးနမ့ၢ်ပှၤတဂၤလၢအကဝီၤဃာ်အီၤန့ၣ်လီၤ. အဝဲအံၤကမ့ၢ်တၢ်ပနီၣ်တမံၤလၢအံၣ်စရ့လးအပှၤတကလုာ်အဂီၢ်န့ၣ်လီၤ.

လံာ်ယဃ့းစက့လး 4:3 Iomraidhean Croise

လံာ်ယၡါယၤ 20:3

ဖဲဝ့ၢ်အၤစဒိာ်ဘၣ်တၢ်ဒုးန့ၢ်အီၤဝံၤဒီး, ယွၤစံးဝဲဒၣ်, “ယခ့ယပှၤစီၤယၡါယၤဟးဝ့ၤဝီၤတ့ၢ်အိၣ်ဘ့ၣ်ဆ့အိၣ်ဘ့ၣ်ခီၣ် သၢနံၣ်လံလီၤ. အဝဲအံၤမ့ၢ်တၢ်ပနီၣ်တခါလၢတၢ်ကမၤအသး ဒီးကီၢ်အဲၤကူပတူးဒီးကီၢ်ကူၤၡးလီၤ.

လံာ်ယၡါယၤ 22:7

ကီၢ်ယူဒၤအကစၢၢ်ကဆူးတဖၣ်လၢအအိၣ်ဒီးဟီၣ်ခိၣ်ညၣ်ထ့ၣ် န့ၣ်, ပှဲၤဝဲဒီးလ့ၣ်ကဟၣ်တဖၣ်, ဒီးသုးဖိလၢအဒိးကသ့ၣ်တဖၣ် အိၣ်ဆၢထၢၣ်လၢဝ့ၢ်ယရူၤၡလ့ၣ်အကျဲစၢၤအမဲာ်ညါန့ၣ်လီၤ.

လံာ်ယၡါယၤ 8:18

ကွၢ်ကွၢ်, ယအိၣ်ဒီးဖိတဖၣ်လၢယွၤဟ့ၣ်လီၤတ့ၢ်ယၤလီၤ. ယွၤ, သ့တၢ်လၢာ်ကစၢ်, လၢအလီၢ်ပစိာ်အိၣ်လၢကစၢၢ်စံ ယိၣ်အလိၤ, ဆှၢလီၤတ့ၢ်န့ၢ်ပှၤတၢ်ကစီၣ်အမူတဖၣ်ဆူအံၣ်စရ့လး အပှၤဂီၢ်မုၢ်အအိၣ်လီၤ.

လံာ်ယံးရမံယၤ 39:1

လၢစီၤစံးဒကံယၤ ကဲစီၤပၤလၢ ကီၢ်ယူဒၤပှဲၤထီၣ် ခွံနံၣ်တနံၣ်, လါဆံဆဲၣ်လါတလါအပူၤန့ၣ်, ကီၢ်ဘၤဘူၤလိၣ်အစီၤပၤ နဘူၤကးန့ စၢ်ဟဲဝဲဒီၤ အသုးမုၢ်ဒီ ဖုညါဒီး ဒုးဝ့ၢ်ယရူၤရှလ့ၣ်န့ၣ်လီၤ.

လံာ်ယံးရမံယၤ 39:2

ဒီးလၢစီၤစံးဒကံယၤကဲစီၤပၤတဆံနံၣ်တနံၣ်, လါလွံၢ်လါတလါ, ခွံသီတသီအနံၤန့ၣ်, ဝ့ၢ်အခိၣ်ဒူတဖၣ်ဘၣ်တၢ်ဘၢၣ်ဖျိမၤလီၤပှီၢ် ကွံာ်အီၤလီၤ.

လံာ်ယဃ့းစက့လး 12:11

တဲဘၣ်အဝဲသ့ၣ်လၢ, တၢ်လၢနမၤတ့ၢ်န့ၣ်, မ့ၢ်တၢ်ပနီၣ်တမံၤလၢတၢ် လၢယဟဲဘၣ်အဝဲသ့ၣ်အဂီၢ်န့ၣ်တက့ၢ်. အဝဲသ့ၣ်ကကဲထီၣ်ပှၤဘၣ်ဃ့ၢ်ကွံာ်ဆူထံဂၤကီၢ်ဂၤတဖၣ်ဒီးပှၤလၢ အဘၣ်တၢ်ဖီၣ်န့ၢ်အီၤတဖၣ်န့ၣ်လီၤ.

လံာ်ယဃ့းစက့လး 12:6

ပျဲအဝဲသ့ၣ်ကွၢ်နဝံထီၣ်ယိးထီၣ်နတၢ်ဘိၣ်လၢနဖံဘၣ်ခိၣ်အလိၤ ဒီးနတၢ်ဟးထီၣ်ကွံာ်ဆူတၢ်ခံးကျါအိၣ်ဒီးနမဲာ်ချံတဖၣ်ဘၣ်တၢ် ကးဘၢအီၤ, ဒ်သိးနကလဲၤဆူလဲၣ်န့ၣ်နထံၣ်ဘၣ်သုတသ့တဂ့ၤန့ၣ် တက့ၢ်. တၢ်လၢနမၤအီၤအံၤကမ့ၢ်တၢ်ဟ့ၣ်ပလီၢ်တမံၤလၢပှၤ အံၣ်စရ့လးဖိတဖၣ်အဂီၢ်န့ၣ်လီၤ.”

လံာ်ယဃ့းစက့လး 5:2

တုၤတၢ်ကဝီၤဃာ်ဝ့ၢ်ဝံၤဝဲဒီး, သၢပူတပူၤန့ၣ်ဆူးထီၣ်ကွံာ် အီၤလၢဝ့ၢ်အသးကံၢ်ပူၤတက့ၢ်. ဟံးန့ၢ်အဂၤသၢပူတပူၤဒီးဒီၣ်တဲာ်ကွံာ်အီၤလၢနနးဖဲနသုး ထီၣ်သုးလီၤနသးဝးတရံးဝ့ၢ်အချၢအခါန့ၣ်တက့ၢ်. အိၣ်တီၢ်သၢပူတပူန့ၣ်, မၤလီၤပြံလီၤပြါအီၤလၢကလံၤကျါ, ဒီးယကလူၤထွဲအီၤလၢယနးန့ၣ်လီၤ.

လံာ်ဒၤနံးယ့လး 11:17

ကီၢ်စူၤရံအစီၤပၤကကူၣ်ထီၣ်တၢ်ကျဲၤဖးဒိၣ်တမံၤခီဖျိအသုးမုၢ်အဂံၢ် အဘါခဲလၢာ်လၢအဘီအမုၢ်အပူၤတမံၤန့ၣ်လီၤ. ဒီးလၢတၢ်မၤဟးဂီၤကွံာ်အဒုၣ်အဒါအဘီမုၢ်အဂီၢ်န့ၣ်ကဒုးအိၣ် ထီၣ်တၢ်ဒီသိၣ်ဒီမှံၤလိာ်သးဒီးအီၤဒီးဟ့ၣ်အီၤလၢအပှၤပိာ်မုၣ် သးစၢ်တဂၤလၢကဖျီဃုာ်အသးဒီးအီၤန့ၣ်လီၤ. ဘၣ်ဆၣ်ဒီးအတၢ်ကူၣ်တၢ်ကျဲၤအံၤတကဲထီၣ်လိၣ်ထီၣ်ဘၣ်.

လံာ်တၢ်ဘူၣ်ထီၣ်ဘါထီၣ် 2:5

ဒီးတၢ်လုၢ်မ့မ့ၢ်ကိၣ်ကုၢ်အသးလၢထးကဘျၣ်အဖီခိၣ်န့ၣ်ဒီး, ကဘၣ်မ့ၢ်တၢ်ဃါဃုာ်ကိၣ်ကမူၣ်ဒီးသ့ၣ်စၤယံးအသိ, လၢအတအိၣ်ဘၣ်ဒီးကိၣ်မံၣ်န့ၣ်လီၤ.

လံာ်လူၤကၣ် 2:34

စီၤစူၤမ့းအိၣ်ဆိၣ်ဂ့ၤအဝဲသ့ၣ်ဒီးစံးဘၣ်ဖိသၣ်အမိၢ်, နီၢ်မၤရံ, “ဖိသၣ်အဝဲအံၤဘၣ်တၢ်ဃုထၢတ့ၢ်အီၤလၢကစၢ်ယွၤ လၢတၢ်မၤဟးဂီၤဒီးတၢ်အုၣ်က့ၤခီၣ်က့ၤပှၤအါဒံအါဂၤလၢ အံၣ်စရ့လးအပူၤအဂီၢ်န့ၣ်လီၤ. အဝဲဒၣ်ကမ့ၢ်တၢ်ပနီၣ်တခါလၢ ကစၢ်ယွၤအအိၣ်လၢပှၤအါဒံအါဂၤကကတိၤထီဒါဝဲ,

ဧ့ၤဘြံၤ 2:4

တဘျီဃီကစၢ်ယွၤစ့ၢ်ကီးအုၣ်အသးခီဖျိတၢ်ပနီၣ်လီၤလး တဖၣ်, တၢ်လီၤကမၢကမၣ်တဖၣ်ဒီးတၢ်လီၤလးအတၢ်မၤ အကလုာ်ကလုာ်ဒီးခီဖျိအဟ့ၣ်နီၤသးစီဆှံအတၢ်ဟ့ၣ်ဒ် အသးဒၣ်ဝဲအသိးန့ၣ်လီၤ.