လံာ်ယဃ့းစက့လး 4:2 - Sgaw Karen Common Bible

² ဝံၤဒီး, လၢတၢ်ဒုးနဲၣ်တၢ်ကဝီၤဃာ်တၢ်အဂီၢ်န့ၣ်, ခူၣ်လီၤတၢ်ကျိၤတဖၣ်, ပူၣ်ထီထီၣ်ဟီၣ်ခိၣ်တဖၣ်, သူၣ်ဒဲတဖၣ်, ဒီးပာ်လီၤစုကဝဲၤလၢအဆဲးတိၢ်လီၤပှီၢ်တၢ်တဖၣ် ဝးတရံးအီၤတက့ၢ်.

လံာ်ယဃ့းစက့လး 4:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:15

စီၤယိၤအာ်အပှၤတဖၣ်နၢ်ဟူဘၣ်ဝဲလၢစီၤၡဘၤအိၣ်ဝဲဖဲန့ၣ်အဃိ ဒီးအဝဲသ့ၣ်လဲၤဒီးကဝီၤဃာ်ဝ့ၢ်န့ၣ်လီၤ. အဝဲသ့ၣ်မၤကစီၤထီၣ်ဟီၣ်ခိၣ်ဝးတရံးဝ့ၢ်ခိၣ်ဒူအချၢဒီးတဘျီ ဃီစးထီၣ်ခူၣ်လီၤစ့ၢ်ကီးတၢ်လၢဝ့ၢ်ခိၣ်ဒူအဖီလာ်ဒ်သိးကမၤ လီၤပှီၢ်အီၤန့ၣ်လီၤ.

လံာ်ယၡါယၤ 22:7

ကီၢ်ယူဒၤအကစၢၢ်ကဆူးတဖၣ်လၢအအိၣ်ဒီးဟီၣ်ခိၣ်ညၣ်ထ့ၣ် န့ၣ်, ပှဲၤဝဲဒီးလ့ၣ်ကဟၣ်တဖၣ်, ဒီးသုးဖိလၢအဒိးကသ့ၣ်တဖၣ် အိၣ်ဆၢထၢၣ်လၢဝ့ၢ်ယရူၤၡလ့ၣ်အကျဲစၢၤအမဲာ်ညါန့ၣ်လီၤ.

လံာ်ယံးရမံယၤ 32:24

ပှၤဘၤဘူၤလိၣ်ဖိတဖၣ် မၤထီၣ်တ့ၢ်ဟီၣ်ခိၣ်ထီၣ် စိကဝီၤဃာ်တၢ်တဖၣ်, ဝးတရံးဝ့ၢ်လၢ ကဒုးန့ၢ်ဝဲအဂီၢ်, ဒီးအဝဲသ့ၣ်လဲၤထီၣ် ဒုးဝဲန့ၣ်လီၤ. တၢ်ဒုးတၢ်ယၤ, တၢ်သၣ်ဝံၤလီၤဒိဒီး တၢ်ဆူးတၢ်ဆါ ကဒုးလီၤဝ့ၢ်အံၤဆူ အဝဲသ့ၣ်တဖၣ် အစုပူၤန့ၣ်လီၤ. နကထံၣ်ဘၣ်လၢ တၢ်လၢ နစံးတ့ၢ်အီၤ ခဲလၢာ်န့ၣ်, မၤအသးလံန့ၣ်လီၤ.

လံာ်ယံးရမံယၤ 33:4

ယၤ, ယွၤ, အံၣ်စရ့လးအကစၢ်ယွၤစံး, လၢဝ့ၢ်ယရူၤၡလ့ၣ် အဟံၣ်တဖၣ်ဒီး ကီၢ်ယူဒၤအစီၤပၤအနူၢ်အစီၤကဘၣ်တၢ်ရူၢ် လီၤကွံာ်အီၤခီဖျိတၢ်ကဝီၤဃာ်ဒီး တၢ်ဟဲထီၣ်ဒုးအီၤအဃိန့ၣ်လီၤ.

လံာ်ယံးရမံယၤ 52:4

ဒီးလၢတၢ်န့ၣ်အဃိ, စီၤနဘူၤကးန့စၢ်ဟဲဝဲဒီး အသုးမုၢ်ခဲလၢာ်ဒီး ထီၣ်ဒုးဝ့ၢ်ယရူၤၡလ့ၣ်ဖဲစီၤစံးဒကံယၤပၢတၢ်ပှဲၤထီၣ် ခွံနံၣ်တနံၣ်, ဆံဆဲလါတလါ, လါထီၣ်ဆံဆဲၣ်သီတသီအနံၤန့ၣ်လီၤ. အဝဲသ့ၣ်သူၣ်ဒဲဖဲဝ့ၢ်အချၢ, ဒီးသူၣ်ထီၣ်တိာ်အဒူၣ်တဖၣ်ဝးတရံးအီၤ,

လံာ်ယံးရမံယၤ 6:6

ယွၤသ့တၢ်လၢာ်ဟ့ၣ်လီၤတ့ၢ်အကလုၢ်လၢစီၤပၤတဖၣ်အံၤကကူာ် လီၤသ့ၣ်တဖၣ်ဒီးမၤထီၣ်စိဟီၣ်ခိၣ်တဖၣ်လၢတၢ်ဝီၤတရံးဒုး ဝ့ၢ်ယရူၤရှလ့ၣ်အဂီၢ်န့ၣ်လီၤ. အဝဲစံးတ့ၢ်ဝဲ, “ယကစံၣ်ညီၣ်ဝ့ၢ်အံၤ မ့ၢ်လၢဝ့ၢ်အံၤပှဲၤဝဲဒီးတၢ်မၤအၢမၤနးအဃိလီၤ.

လံာ်ယဃ့းစက့လး 21:22

ခဲကနံၣ်အံၤ, အဝဲအစုထွဲဖီၣ်ဃာ်ပျၢ်တဘိလၢတၢ်မၤနီၣ်အီၤ, ‘ဝ့ၢ်ယရူၤၡလ့ၣ်’ အဂီၢ်န့ၣ်လီၤ. တၢ်န့ၣ်တဲအီၤလၢအဝဲကလဲၤ ဒီးပာ်လီၤနီၣ်ဘၢၣ်ဖျိတၢ်တဖၣ်, ကကိးသတြီထီၣ်တၢ်ဒုးတၢ်ယၤအတၢ်ကိးပသူ, ကပာ်လီၤနီၣ်ဘၢၣ်ဖျိတၢ်တဖၣ်ထီဒါတြဲၤတဖၣ်ဒီးကမၤကစီၤထီၣ် ဟီၣ်ခိၣ်ပူၣ်တဖၣ်ဒီးကခူၣ်လီၤတၢ်ကျိၤတဖၣ်န့ၣ်လီၤ.

လံာ်ယဃ့းစက့လး 21:27

တၢ်ဟးဂူာ်ဟးဂီၤ, တၢ်ဟးဂူာ်ဟးဂီၤ, မ့ၢ်လီၤ. ယကဒုးကဲထီၣ်ဝ့ၢ်ဆူတၢ်ဟးဂီၤတမံၤန့ၣ်လီၤ. ဘၣ်ဆၣ်တၢ်အံၤတချုးဒံးလၢပှၤတဂၤလၢယဃု ထၢအီၤလၢကမၤဟးဂီၤဝ့ၢ်အံၤဟဲတုၤဒံးဘၣ်န့ၣ်တမၤ ဘၣ်အသးဘၣ်. အန့ၣ်ဝံၤဒီးယကဟ့ၣ်လီၤအီၤဆူအဝဲ အစုပူၤန့ၣ်လီၤ.

လံာ်ယဃ့းစက့လး 5:2

တုၤတၢ်ကဝီၤဃာ်ဝ့ၢ်ဝံၤဝဲဒီး, သၢပူတပူၤန့ၣ်ဆူးထီၣ်ကွံာ် အီၤလၢဝ့ၢ်အသးကံၢ်ပူၤတက့ၢ်. ဟံးန့ၢ်အဂၤသၢပူတပူၤဒီးဒီၣ်တဲာ်ကွံာ်အီၤလၢနနးဖဲနသုး ထီၣ်သုးလီၤနသးဝးတရံးဝ့ၢ်အချၢအခါန့ၣ်တက့ၢ်. အိၣ်တီၢ်သၢပူတပူန့ၣ်, မၤလီၤပြံလီၤပြါအီၤလၢကလံၤကျါ, ဒီးယကလူၤထွဲအီၤလၢယနးန့ၣ်လီၤ.

လံာ်ဒၤနံးယ့လး 11:15

မၤသးဒ်န့ၣ်ဒီးကီၢ်စူၤရံအစီၤပၤကမၤထီၣ်ထီဟီၣ်ခိၣ်လၢတိာ်ခၢၣ် သနၢၣ်အဝ့ၢ်တဖျၢၣ်အခိၣ်ဒူအဃၢၤဒီးမၤန့ၢ်မၤနၢၤအီၤလီၤ. ကီၢ်အဲၤကူပတူးအသုးဖိတဖၣ်အဂံၢ်အဘါကလီၤစၢ်လၢကဒုး တၢ်ဆူညါအဂီၢ်ဒီးပှၤအဆူၣ်ကတၢၢ်လၢအကျါဒၣ်လဲာ်အဂံၢ် အဘါတအိၣ်လၢၤလၢလၢလီၣ်လီၣ်ဘၣ်န့ၣ်လီၤ.