လံာ်ယဃ့းစက့လး 4:16 - Sgaw Karen Common Bible

¹⁶ ဒီးကစၢ်ယွၤစံးအါထီၣ်, “ပှၤကညီလၢအသံသ့ဧၢ, ယကဒီၣ်တဲာ်ကွံာ်တၢ်ဆှၢလီၤကိၣ်လၢဝ့ၢ်ယရူၤၡလ့ၣ်အဂီၢ်န့ၣ်လီၤ. ပှၤဂီၢ်မုၢ်ဖဲန့ၣ်တဖၣ်ကဘၣ်တၢ်ကိၢ်တၢ်ဂီၤဒီးကအိၣ်ဒီးတၢ်ဘၣ် ယိၣ်ဘၣ်ဘီ, ဖဲအဝဲသ့ၣ်စီၤထီၣ်ဝဲတၢ်အီၣ်လၢအဝဲသ့ၣ်အီၣ်ဝဲဒီးဃီၣ်ဝဲထံ လၢအဝဲသ့ၣ်အီဝဲအခါန့ၣ်လီၤ.

လံာ်ယဃ့းစက့လး 4:16 Iomraidhean Croise

လံာ်စီၤပၤခံဘ့ၣ်တဘ့ၣ် 25:3

လၢနံၣ်တနံၣ်ဃီ, လါလွံၢ်လါတလါထီၣ်ခွံသီတသီ, ဖဲန့ၣ်တၢ်သၣ်ဝံၤလီၤဒိအိၣ်ထီၣ်ဝဲနးမး, တုၤဒၣ်လဲာ်ပှၤဂီၢ်မုၢ်ကအီၣ်တၢ်အဂီၢ်တၢ်တအိၣ်လီၤတဲာ်နီတမံၤ လၢၤဘၣ်န့ၣ်,

လံာ်စီၤပၤခံဘ့ၣ်တဘ့ၣ် 6:25

လၢတၢ်ကဝီၤဃာ်အံၤအဃိ, တၢ်အီၣ်ကၤဝဲလၢဝ့ၢ်ပူၤနးမးတုၤဒၣ် လဲာ်ကသ့ၣ်ယီၤအခိၣ်တဖျၢၣ်အပှ့ၤမ့ၢ်ဝဲစ့အဘ့ၣ်ဃိးဆံဒီးထိၣ် လွံၢ်အအ့ၣ်လီၤတယၢၢ်တကာ်လွံၢ်ပူတပူန့ၣ်အပှ့ၤမ့ၢ်ဝဲစ့ယဲၢ်ဘ့ၣ် န့ၣ်လီၤ.

စံးထီၣ်ပတြၢၤ 105:16

ယွၤဒုးလီၤဘၣ်တၢ်သၣ်ဝံၤလီၤဒိလၢ အဝဲသ့ၣ်အထံအကီၢ်, ဒီးစိာ်ထီၣ်ကွံာ်အတၢ်အီၣ်တၢ်အီခဲလၢာ်လီၤ.

စံးထီၣ်ပတြၢၤ 60:3

နဒုးတူၢ်တ့ၢ်လံနပှၤဂီၢ်မုၢ်လၢ တၢ်ကီတၢ်ခဲသ့ၣ်တဖၣ်, နဟ့ၣ်တ့ၢ်လံပှၤစပံးထံလၢပကအီဒီး ကမၤမူၤပှၤန့ၣ်လီၤ.

လံာ်ယၡါယၤ 3:1

ခဲအံၤယွၤ, ယွၤသ့တၢ်လၢာ်, ကဟံးထီၣ် ကွံာ်တၢ်ခဲလၢာ်ဒီးပှၤကိးဂၤဒဲးလၢ ပှၤဂီၢ်မုၢ်သန့ၤအသးလၢအီၤလၢအအိၣ်ဝဲလၢ ဝ့ၢ်ယရူၤရှလ့ၣ်ဒီးကီၢ်ယူဒၤအပူၤ, ဒီးအဝဲကစိာ်ကွံာ်အတၢ်အီၣ်ဒီးအထံဧိၤနိဧိၤ,

လံာ်ယံးရမံယၤ 52:6

နံၣ်တနံၣ်ဃီန့ၣ်, ဖဲလါလွံၢ်လါတလါ, လါထီၣ်ခွံသီတသီအနံၤ န့ၣ်, တၢ်သၣ်ဝံၤလီၤဒိနးမးမၤအသးဒီး တၢ်အီၣ်လၢပှၤဂီၢ်မုၢ် ကအီၣ်တအိၣ်လီၤတဲာ်နီတမံၤလၢၤဘၣ်.

လံာ်သးသယုၢ်တၢ် 1:11

အပှၤဂီၢ်မုၢ်ကအုကစွါဖဲအဟးဃုန့ၢ်တၢ်တမံၤမံၤလၢကအီၣ်ဝဲ အဂီၢ် ဒီးဟ့ၣ်လဲလိာ်အတၢ်ထူးတၢ်တီၤတဖၣ်လၢတၢ်အီၣ် အဂီၢ်ဒ်သိးကအိၣ်မူဘၣ်ဒံးဝဲအဂီၢ်လီၤ. ဝ့ၢ်ယရူၤၡလ့ၣ်ကိးထီၣ် ဝဲ, “ကွၢ်ဃီၤယၤ, ယွၤဧၢ, ထံၣ်ယၤလၢယတၢ်ကိၢ်တၢ်ဂီၤအပူၤတက့ၢ်.”

လံာ်သးသယုၢ်တၢ် 5:4

ပကဘၣ်ဟ့ၣ်တၢ်အပှ့ၤလၢထံလၢပအီအီၤအဂီၢ်ဒီး သ့ၣ်မုၣ်လၢပဆူးကဲၤအီၤအဂီၢ်လီၤ.

လံာ်သးသယုၢ်တၢ် 5:9

ပှၤမၤသံမၤဝီတၢ်တဖၣ်လဲၤဝ့ၤဝီၤတၢ်လၢထံကီၢ် အခိၣ်အဃၢၤ ဒီးပဘၣ်လိာ်ဒူပသးဖဲပဃ့တၢ်လၢတၢ်အီၣ် အဂီၢ်န့ၣ်လီၤ.

လံာ်ယဃ့းစက့လး 4:15

လၢတၢ်န့ၣ်အဃိကစၢ်ယွၤစံးဝဲဒၣ်, “ဂ့ၤလံ. မ့မ့ၢ်ဒ်န့ၣ်ဒီး, လၢတၢ်န့ၣ်အလီၢ်, ယကပျဲနသူကျီၢ်အ့ၣ်ဒီးနကုၢ်ကိၣ်လၢအဖီခိၣ်သ့ဝဲလီၤ.”

လံာ်ယဃ့းစက့လး 5:16

ယကဒီၣ်တဲာ်ကွံာ်သုတၢ်အီၣ်အကျိၤအကျဲဒီးပျဲသုသၣ်ဝံၤလီၤဒိ လီၤ. သုကကလၢၢ်ဘၣ်တၢ်သၣ်ဝံၤလီၤဒိအတၢ်ဘၣ်ဒိဘၣ်ထံးလၢ အလီၤဂာ်ဒ်ပျၢ်ခိၣ်စူတဖၣ်လၢတၢ်ခးအီၤလၢကမၤဟးဂီၤသုအဂီၢ်, အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:26

ယကဆိကတီၢ်ကွံာ်တၢ်ဟ့ၣ်လီၤသုတၢ်အီၣ်တၢ်အီတုၤဒၣ်လဲာ် ပိာ်မုၣ်ဆံဆဲၣ်ဂၤကကုၢ်ကိၣ်လၢဖၣ်ကပူၤတပူၤဃီအပူၤလီၤ. အဝဲသ့ၣ်ကစီၤန့ၢ်ဒီးနီၤလီၤသုလၢကိၣ်ဒီးသုကအီၣ်အီၤဘၣ်ဆၣ်သုတဘျဲးအီၣ်ဘၣ်န့ၣ်လီၤ.

လံာ်ဧၤမိၣ် 4:8

ပှၤဂီၢ်မုၢ်လၢဝ့ၢ်အါဖျၢၣ်န့ၣ်လီၤဘှံးဝဲလၢတၢ်သူ အသးလၢထံသတးဒီးလဲၤဆူဝ့ၢ်တဖျၢၣ်အိၣ်ဒီးတၢ်မုၢ်လၢ်လၢ ကထံၣ်န့ၢ်ထံလီၤ. ဘၣ်ဆၣ်ထံတအိၣ်လၢကဘျဲးအီဝဲအဂီၢ်ဘၣ်. ဘၣ်ဆၣ်ဒီးသုတဟဲက့ၤကဒါက့ၤဆူယအိၣ်ဘၣ်.

လံာ်လီၣ်ဖျါ 6:5

အန့ၣ်ဝံၤဒီး, သိဖိအိးထီၣ်တၢ်စဲပနီၣ်ဃာ်သၢခါတခါ, ဒီးယနၢ်ဟူတၢ်အသးသမူအိၣ်သၢဒုတဒုစံးဝဲ, “ဟဲတက့ၢ်” န့ၣ်လီၤ. ယကွၢ်, ဒီးကသ့ၣ်သူအိၣ်ဝဲတဒုလီၤ. ပှၤလၢအဒိးအီၤတဂၤအိၣ်ဒီးစီၤပီၢ်လၢအစုပူၤလီၤ.