လံာ်ယဃ့းစက့လး 4:13 - Sgaw Karen Common Bible

¹³ ယွၤစံးဝဲဒၣ်, “အဝဲအံၤမ့ၢ်ကျဲအဒိအတဲာ်လၢပှၤအံၣ်စရ့လးဖိ တဖၣ်ကဘၣ်အီၣ်တၢ်အီၣ်လၢယူဒၤအတၢ်သိၣ်တၢ်သီတြီအီၤ, ဖဲယမၤလီၤပြံလီၤပြါအဝဲသ့ၣ်ဆူထံဂုၤကီၢ်ဂၤတဖၣ်အခါန့ၣ်လီၤ.”

လံာ်ယဃ့းစက့လး 4:13 Iomraidhean Croise

လံာ်ဒၤနံးယ့လး 1:8

စီၤဒၤနံးယ့လးပာ်လီၤအသးလၢအသုတမၤဘၣ်အၢလီၤအသး ခီဖျိတၢ်အီၣ်စီၤပၤအတၢ်အီၣ်ဒီးအီစပံးထံလၢစီၤပၤအီဝဲဘၣ် အဃိ, ဃ့ကညးဝဲစီၤအၤၡပနးလၢကမၤစၢၤအီၤ,

လံာ်ဧၤမိၣ် 7:17

မၤသးဒ်န့ၣ်ဒီးစီၤအမၤစယါဧၢ, ယွၤစံးဘၣ်နၤ, နမါကကဲထီၣ်ဃဲသဲမုၣ်လၢဝ့ၢ်ပူၤ, နဖိတဖၣ် ကသံလၢတၢ်ဒုးအပူၤလီၤ. နထံနကီၢ်ကဘၣ်တၢ်နီၤဖးကွံာ်အီၤဒီး ကဘၣ်တၢ်ဟ့ၣ်လီၤကွံာ်အီၤဆူပှၤဂၤန့ၣ်လီၤ. ဒီးနဲဒၣ်, နကစၢ်ဒၣ်နဲနကသံလၢကီၢ်တကဆှီဘၣ်တဘ့ၣ်အပူၤန့ၣ်လီၤ. ဒီးကီၢ်အံၣ်စရ့လးအပှၤဂီၢ်မုၢ်ကဘၣ်တၢ်စိာ်ထီၣ်ကွံာ်အီၤလၢ အကီၢ်ဒၣ်ဝဲအပူၤဆူတၢ်စိာ်မၢကဲကုၢ်အပူၤသပှၢ်တၢၢ်န့ၣ်လီၤ.