လံာ်ယဃ့းစက့လး 39:9 - Sgaw Karen Common Bible

⁹ ပှၤဂီၢ်မုၢ်လၢအအိၣ်ဝဲလၢကီၢ်အံၣ်စရ့လးအဝ့ၢ်တဖၣ်ကဟးထီၣ် ဒီးထၢဖှိၣ်တၢ်စုကဝဲၤလၢအဘၣ်တၢ်ပာ်လီၤတဲာ်ကွံာ်အီၤ တဖၣ်လၢသ့ၣ်မုၣ်အဂီၢ်န့ၣ်လီၤ. အဝဲသ့ၣ်ကမၤကဲၤထီၣ်မ့ၣ်အူ လၢကတီၤတဖၣ်, ချံၣ်တဖၣ်, ပျၢ်တဖၣ်ဘီတဖၣ်ဒီးနီၣ်တီၢ်ဖိတဖၣ် ဒီးကအိၣ်လၢဝဲလၢနွံနံၣ်အတီၢ်ပူၤန့ၣ်လီၤ.

လံာ်ယဃ့းစက့လး 39:9 Iomraidhean Croise

စံးထီၣ်ပတြၢၤ 46:9

အဝဲဆိကတီၢ်တၢ်ဒုးတၢ်ယၤသ့ၣ်တဖၣ်လၢ ဟီၣ်ခိၣ်ချၢ, ဘိးကၢ်ကွံာ်ပျၢ်သ့ၣ်တဖၣ်, မၤဟးဂီၤကွံာ်ဘီသ့ၣ်တဖၣ်ဒီးဒွဲၣ်အူထီၣ်ကွံာ် လ့ၣ်ကဟၣ်သ့ၣ်တဖၣ်လၢမ့ၣ်အူန့ၣ်လီၤ.

လံာ်ယၡါယၤ 66:24

“ဖဲအဝဲသ့ၣ်ဟးထီၣ်အဖၢမုၢ်န့ၣ်, အဝဲသ့ၣ်ကထံၣ်ဘၣ်ပှၤတဖၣ် လၢအပူထီၣ်တၢ်ထီဒါတ့ၢ်ယၤအစိၣ်န့ၣ်လီၤ. လၢၣ်တဖၣ်လၢအအီၣ်အဝဲ သ့ၣ်န့ၣ်တသံနီတစုဘၣ်, ဒီးမ့ၣ်အူလၢအအီၣ်အဝဲ သ့ၣ်န့ၣ်တၢ်တမၤလီၤပံာ်ကွံာ်အီၤနီတစုဘၣ်. တၢ်ထံၣ်ဘၣ် တၢ်တဖၣ်အံၤကမ့ၢ်တၢ်လီၤသးဘၣ်အၢလၢပှၤဟီၣ်ခိၣ်ဖိ ခဲလၢာ်အဂီၢ်န့ၣ်လီၤ.”

လံာ်ယဃ့းစက့လး 39:10

အဝဲသ့ၣ်တဘၣ်ထၢဖှိၣ်လၢၤဘၣ်သ့ၣ်မုၣ်လၢပျီတဖၣ်အပူၤမ့ၢ်ဂ့ၤ, ကူာ်လီၤသ့ၣ်တဖၣ်လၢပှၢ်ပူၤမ့ၢ်ဂ့ၤလၢၤဘၣ်. အဂ့ၢ်ဒ်အံၤအဝဲသ့ၣ် ကအိၣ်ဒီးတၢ်စုကဝဲၤလၢအဘၣ်တၢ်ပာ်လီၤတဲာ်ကွံာ်အီၤတဖၣ် လၢကဆိၣ်ကဲၤဝဲအဂီၢ်န့ၣ်လီၤ. အဝဲသ့ၣ်ကဂုာ်ဆူၣ်ပျိဆူၣ်ဒီး ဂုာ်န့ၢ်ကွံာ်ပှၤတဖၣ်လၢအဂုာ်ဆူၣ်ပျိဆူၣ်ဒီးဂုာ်န့ၢ်တ့ၢ်အဝဲသ့ၣ် န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 39:8

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “မုၢ်နံၤလၢယကတိၤပာ်စၢၤ လၢအဂ့ၢ်န့ၣ်ကဟဲဝဲသပှၢ်ကတၢၢ်န့ၣ်လီၤ.

လံာ်စကၤရယၤ 9:10

ဒီးယွၤစံးဝဲဒၣ်, ယကထုးကွံာ်လ့ၣ်ကဟၣ်ဒုးသုးတဖၣ်လၢ ကီၢ်အံၣ်စရ့လး, ဒီးဟံးန့ၢ်ကွံာ်ကသ့ၣ်တဖၣ်လၢဝ့ၢ်ယရူၤၡလ့ၣ်လီၤ. ချံၣ်တဖၣ်လၢအဘၣ်တၢ်သူအီၤ လၢတၢ်ဒုးတၢ်ယၤအပူၤန့ၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ. နစီၤပၤကမၤတၢ်ဃူတၢ်ဖိးလၢပှၤကလုာ်တဖၣ်အကျါ, အဝဲကပၢတၢ်လၢပီၣ်လဲၣ်တုၤလၢပီၣ်လဲၣ်, စးထီၣ်လၢထံမိၢ်ပှၢ်ဖရၤသးဒီးတုၤလၢဟီၣ်ခိၣ်အကတၢၢ်လီၤ.”

လံာ်မၤလကံ 1:5

အံၣ်စရ့လးအပှၤဂီၢ်မုၢ်ကထံၣ်ဘၣ်တၢ်အံၤလၢအမဲာ်ချံဒၣ်ဝဲတဖၣ်, ဒီးအဝဲသ့ၣ်ကစံးဝဲ, “ယွၤန့ၣ်ဒိၣ်ဝဲလၢအံၣ်စရ့လးအကီၢ်အချၢဒၣ် လဲာ်လီၤ.”

လံာ်စီၤယိၤၡူ 11:6

ယွၤစံးဘၣ်စီၤယိၤၡူ, “တဘၣ်ပျံၤအဝဲသ့ၣ်တဂ့ၤ. အဂ့ၢ်မ့ၢ်လၢခဲမုၢ်ဆ့ၣ်ဒ်သိးအံၤအဆၢကတီၢ်န့ၣ်ယကမၤသံအဝဲ သ့ၣ်ခဲလၢာ်ဒီးဟ့ၣ်လီၤအီၤလၢအံၣ်စရ့လးအစုပူၤအဃိန့ၣ် လီၤ. သုကဘၣ်ကျီတဲာ်အကသ့ၣ်တဖၣ်အခီၣ်ထူၣ်ဒီးဒွဲၣ်အူ ထီၣ်အလ့ၣ်ကဟၣ်တဖၣ်လၢမ့ၣ်အူန့ၣ်လီၤ.”