လံာ်ယဃ့းစက့လး 39:8 - Sgaw Karen Common Bible

⁸ ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “မုၢ်နံၤလၢယကတိၤပာ်စၢၤ လၢအဂ့ၢ်န့ၣ်ကဟဲဝဲသပှၢ်ကတၢၢ်န့ၣ်လီၤ.

လံာ်ယဃ့းစက့လး 39:8 Iomraidhean Croise

လံာ်ယၡါယၤ 46:10

လၢထံးလၢသီလံၤလံၤယကတိၤဆိပာ်တ့ၢ်တၢ်လၢ အကကဲထီၣ်လိၣ်ထီၣ်ဝဲ, ဒီးလၢပျၢၤလံၤလံၤယတဲတ့ၢ်ပာ်စၢၤတၢ်လၢအကမၤအသးလီၤ. ယစံးတ့ၢ်လၢယတၢ်ကူၣ်ကျဲၤတဖၣ်တကဲထီၣ်ဒီးတအိၣ်ဘၣ်နီ တဘျီဘၣ် ဒီးယကမၤတၢ်ခဲလၢာ်လၢယတိာ်သူၣ်ပာ်သးလၢယကမၤအီၤန့ၣ်လီၤ.

လံာ်ယဃ့းစက့လး 33:33

ဘၣ်ဆၣ်တုၤနတၢ်ကတိၤတဖၣ်လၢထီၣ်ပှဲၤထီၣ်ဝဲ, ကလၢထီၣ် ပှဲၤထီၣ်ဝဲသပှၢ်ကတၢၢ်န့ၣ်, အန့ၣ်တစု, အဝဲသ့ၣ်ကသ့ၣ်ညါ ဝဲလၢဝံတဂၤအိၣ်ဝဲလၢအဝဲသ့ၣ်အကျါန့ၣ်လီၤ.”

လံာ်ယဃ့းစက့လး 38:17

နမ့ၢ်ပှၤတဂၤလၢယကတိၤတၢ်လၢအဂ့ၢ်ယံာ်တ့ၢ်လံ, ဖဲယဘိးဘၣ် သ့ၣ်ညါတ့ၢ်တၢ်ခီဖျိယခ့ယပှၤကီၢ်အံၣ်စရ့လးအဝံတဖၣ်, လၢမုၢ်နံၤ တဖၣ်လၢအကဟဲဝဲန့ၣ်, ယကဟဲစိာ်ဃီၤပှၤတဂၤလၢ ကဒုးပှၤအံၣ်စရ့လးဖိတဖၣ်န့ၣ်လီၤ.” ယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 39:7

ယကမၤလီၤတံၢ်ဒ်သိးပှၤဂီၢ်မုၢ်အံၣ်စရ့လးကသ့ၣ်ညါယမံၤ စီဆှံဒီးယတပျဲယမံၤဘၣ်တၢ်မၤမဲာ်ဆှးအီၤနီတ ဘျီလၢၤဘၣ်. အန့ၣ်တစုပှၤကလုာ်တဖၣ်ကသ့ၣ်ညါဝဲလၢယၤ, ယွၤအံၤမ့ၢ်အံၣ်စရ့လးအတၢ်စီဆှံကစၢ်ယွၤန့ၣ်လီၤ.”

လံာ်ယဃ့းစက့လး 39:9

ပှၤဂီၢ်မုၢ်လၢအအိၣ်ဝဲလၢကီၢ်အံၣ်စရ့လးအဝ့ၢ်တဖၣ်ကဟးထီၣ် ဒီးထၢဖှိၣ်တၢ်စုကဝဲၤလၢအဘၣ်တၢ်ပာ်လီၤတဲာ်ကွံာ်အီၤ တဖၣ်လၢသ့ၣ်မုၣ်အဂီၢ်န့ၣ်လီၤ. အဝဲသ့ၣ်ကမၤကဲၤထီၣ်မ့ၣ်အူ လၢကတီၤတဖၣ်, ချံၣ်တဖၣ်, ပျၢ်တဖၣ်ဘီတဖၣ်ဒီးနီၣ်တီၢ်ဖိတဖၣ် ဒီးကအိၣ်လၢဝဲလၢနွံနံၣ်အတီၢ်ပူၤန့ၣ်လီၤ.

၂ ပ့းတရူး 3:8

ယတံၤသကိးသးဘိသ့ၣ်ဧၢ, တဘၣ်သးပ့ၤနီၣ်တၢ်တမံၤ အံၤတဂ့ၤ. လၢကစၢ်အမဲာ်ညါန့ၣ်, မုၢ်တနံၤဒီးအနံၣ် တကထိအဘၢၣ်စၢၤတၢ်လီၤဆီတအိၣ်ဘၣ်. လၢအဝဲအဂီၢ်တၢ်ခံမံၤအံၤမ့ၢ်ဒၣ်တၢ်ဒ်သိးသိးလီၤ.

လံာ်လီၣ်ဖျါ 16:17

အန့ၣ်ဝံၤအလီၢ်ခံ, ကလူးနွံဂၤတဂၤဂၢ်လီၤအသလၢလၢကလံၤ ကျါလီၤ. တၢ်ကလုၢ်ဖးဒိၣ်သီၣ်ထီၣ်လၢလီၢ်ပစိာ်လၢတၢ်လုၢ်ဟံၣ် အပူၤဒီးစံးဝဲ, “တၢ်မၤအသးဝံၤလံ.”

လံာ်လီၣ်ဖျါ 21:6

ဒီးအဝဲဒၣ်စံးဝဲ, “တၢ်မၤအသးဝံၤလံ. ယမ့ၢ် က, ဒီး ဧ, တၢ်အခီၣ်ထံးဒီးတၢ်အကတၢၢ်လီၤ. ဆူပှၤတဂၤလၢ်လၢ်လၢတၢ်သူအသးလၢထံန့ၣ်, ယကဟ့ၣ်အီၤအခွဲးအယာ်လၢအကအီထံဖဲတၢ်မူ အထံထီၣ်ပၢၢ်တအိၣ်ဒီးတၢ်ဟ့ၣ်ဘၣ်အပှ့ၤအကလံၤ န့ၣ်ဘၣ်လီၤ.