လံာ်ယဃ့းစက့လး 39:27 - Sgaw Karen Common Bible

²⁷ ဒ်သိးယဒုးနဲၣ်ပှၤအါကလုာ်လၢယမ့ၢ်တၢ်စီဆှံကသ့ဝဲအဂီၢ်န့ၣ်, ယကဟဲစိာ်ကဒါက့ၤယပှၤဂီၢ်မုၢ်လၢကယဲၢ်ထံကီၢ်တဖၣ်လၢ အဝဲသ့ၣ်အဒုၣ်အဒါတဖၣ်အိၣ်ဆိးဝဲန့ၣ်လီၤ.

လံာ်ယဃ့းစက့လး 39:27 Iomraidhean Croise

လံာ်ယၡါယၤ 5:16

ဘၣ်ဆၣ်ယွၤသ့တၢ်လၢာ်ကစၢ်ဒုးနဲၣ်အတၢ်ဒိၣ်တၢ်မုၢ်ခီဖျိ အမၤတၢ်အဘၣ်ဒီးအဝဲလီၣ်ဖျါထီၣ်အတၢ်စီတၢ်ဆှံခီဖျိ တၢ်စံၣ်ညီၣ်အပှၤဂီၢ်မုၢ်န့ၣ်လီၤ.

လံာ်ယဃ့းစက့လး 20:41

ဖဲယစိာ်ထီၣ်ကွံာ်သုလၢထံကီၢ်တဖၣ် လၢသုဘၣ်တၢ်မၤလီၤပြံလီၤပြါသု ဒီးပာ်ဖှိၣ်က့ၤသုတပူၤဃီဝံၤအလီၢ်ခံန့ၣ်, ယကတူၢ်လိာ်တၢ်လုၢ်တၢ်ပာ်တဖၣ်လၢသုဆိၣ်ကဲၤထီၣ်အီၤဒီးပှၤကလုာ် တဖၣ်ကထံၣ်ဝဲလၢယမ့ၢ်တၢ်စီဆှံတဂၤန့ၣ်လီၤ.

လံာ်ယဃ့းစက့လး 37:21

အန့ၣ်ဝံၤဒီးတဲဘၣ်အဝဲသ့ၣ်လၢယၤ, ယွၤပၢဘၣ်တၢ်ခဲလၢာ်ကစၢ် ကဟံးထီၣ်ကွံာ်ယပှၤဂီၢ်မုၢ်ခဲလၢာ်လၢထံကီၢ်တဖၣ်လၢအဝဲသ့ၣ် လဲၤတ့ၢ်ဝဲဒီးပာ်ဖှိၣ်က့ၤအဝဲသ့ၣ်တပူၤဃီ, ဒီးဟဲက့ၤစိာ်ကဒါက့ၤ အဝဲသ့ၣ်ဆူအထံအကီၢ်ဒၣ်ဝဲန့ၣ်တက့ၢ်.

လံာ်ယဃ့းစက့လး 38:16

နကလဲၤထီၣ်ဒုးယပှၤဂီၢ်မုၢ်အံၣ်စရ့လးဒ်ကလံၤမုၢ်လၢအအူ တၢ်သကုၤကီၢ်ဒီဘ့ၣ်ညါအသိးန့ၣ်လီၤ. ဖဲတၢ်ဆၢကတီၢ်န့ၣ်တုၤဃီၤဒီး, ယကဆှၢနၤလၢနကလဲၤနုာ်လီၤဒုးယကီၢ်, ဒ်သိးယကဒုးနဲၣ်ပှၤကလုာ်တဖၣ်လၢယမ့ၢ်မတၤလဲၣ်, ဒ်သိးယကဒုးနဲၣ် ယတၢ်စီတၢ်ဆှံခီဖျိတၢ်လၢယမၤအီၤခီဖျိနၤန့ၣ်လီၤ.

လံာ်ယဃ့းစက့လး 38:23

လၢကျဲဒ်အံၤန့ၣ်ယကဒုးနဲၣ်ပှၤကလုာ်တဖၣ်လၢယမ့ၢ်ပှၤတဂၤ လၢအဒိၣ်ဝဲဒီးစီဝဲဆှံဝဲန့ၣ်လီၤ. အန့ၣ်ဒီးအဝဲသ့ၣ် ကသ့ၣ်ညါဝဲလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 38:8

အါနံၣ်ဝံၤအလီၢ်ခံန့ၣ်, ယကမၢလီၤအီၤဒ်သိးကလဲၤနုာ်လီၤဒုး ထံကီၢ်တဘ့ၣ်ဖဲပှၤဂီၢ်မုၢ်ဘၣ်တၢ်ဟဲက့ၤ စိာ်ကဒါက့ၤအီၤတပူၤဃီလၢပှၤအါက လုာ်အကျါဒီးအိၣ်ဆိးဝဲတအိၣ်ဘၣ်ဒီးတၢ်ဒုးသုးအတၢ်ပျံၤတၢ်ဖုးဘၣ်န့ၣ်လီၤ. အဝဲကလဲၤထီၣ်ဒုးကီၢ်အံၣ်စရ့လးအကစၢၢ်ကလိတဖၣ်လၢအအိၣ် သယုၢ်လီၤဃီယံာ်တ့ၢ်လံဘၣ်ဆၣ်ခဲအံၤ, ပှၤဂီၢ်မုၢ်ဖဲန့ၣ်တဖၣ်အိၣ်ဆိး ဝဲလၢတၢ်ပူၤဖျဲးအပူၤန့ၣ်လီၤ.

လံာ်ယဃ့းစက့လး 39:13

ပှၤကိးဂၤဒဲးလၢကီၢ်ပူၤကခူၣ်လီၤစၢၤအဝဲသ့ၣ်ဒီးအဝဲသ့ၣ်ကဘၣ် တၢ်မၤလၤကပီၤလၢတၢ်အံၤအဃိ, လၢယတၢ်မၤနၢၤအမုၢ်တနံၤ န့ၣ်လီၤ. ယၤယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 39:25

ယွၤ, ပၢဘၣ်တၢ်ခဲလၢာ်ကစၢ်စံးဝဲဒၣ်, “မ့မ့ၢ်ခဲကနံၣ်အံၤ, ယကသူၣ်ကညီၤသးကညီၤစီၤယၤကိာ်အစၢၤအသွဲၣ်တဖၣ်, ကီၢ်အံၣ်စရ့လးအပှၤဂီၢ်မုၢ်, ဒီးမၤဘီၣ်ထီၣ်ညီထီၣ်ကဒီးအဝဲ သ့ၣ်န့ၣ်လီၤ. ယကဒီဒၣ်အိၣ်ပှိၤယမံၤစီဆှံန့ၣ်လီၤ.

လံာ်ယဃ့းစက့လး 39:28

အန့ၣ်ဒီးယပှၤဂီၢ်မုၢ်ကသ့ၣ်ညါလၢယမ့ၢ်ယွၤ, အဝဲသ့ၣ်အကစၢ်ယွၤ န့ၣ်လီၤ. အဝဲသ့ၣ်ကသ့ၣ်ညါတၢ်အံၤမ့ၢ်လၢယဆှၢဃီၤအဝဲသ့ၣ် ဆူတၢ်စိာ်မၢကဲကုၢ်အလီၢ်, ဒီးခဲကနံၣ်အံၤ, ပာ်ဖှိၣ်က့ၤ အဝဲသ့ၣ်ဒီးဟဲက့ၤစိာ်ကဒါက့ၤအဝဲသ့ၣ်ဆူအကီၢ်ဒၣ်ဝဲအပူၤ တပာ်လီၤတဲာ်ကွံာ်ဘၣ်အဝဲသ့ၣ်နီတဂၤဒၣ်လဲာ်အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:3

တုၤနုၤတစု, စီၤမိၤၡ့စံးဘၣ်စီၤအၤဟရိၣ်, “အအံၤမ့ၢ်တၢ်လၢယွၤကတိၤတၢ်ဒီးစံး, ကယဲၢ်ပှၤခဲလၢာ်လၢအမၤယတၢ်မၤန့ၣ်ကဘၣ်ယူးယီၣ်ပာ်ကဲယတၢ်စီတၢ်ဆှံလီၤ. ဒီးယကလီၣ်ဖျါထီၣ်ယလၤကပီၤဆူယပှၤဂီၢ်မုၢ်အအိၣ်လီၤ.” မ့မ့ၢ်စီၤအၤဟရိၣ်အိၣ်ဘှီၣ်ကလာ်ဝဲဒၣ်လီၤ.