လံာ်ယဃ့းစက့လး 39:22 - Sgaw Karen Common Bible

²² အန့ၣ်တစု, စးထီၣ်ဖဲန့ၣ်, ပှၤအံၣ်စရ့လးဖိတဖၣ်ကသ့ၣ်ညါဝဲ လၢယမ့ၢ်ယွၤ, အဝဲသ့ၣ်အကစၢ်ယွၤန့ၣ်လီၤ.

လံာ်ယဃ့းစက့လး 39:22 Iomraidhean Croise

စံးထီၣ်ပတြၢၤ 9:16

ယွၤဒုးနဲၣ်အသးခီဖျိအတၢ်စံၣ်ညီၣ်အတီအလိၤတဖၣ်, ဒီးပှၤတတီတလိၤတဖၣ်န့ၣ်, ဘၣ်ဘျးလၢပျံၤသကွီၤလၢ အမၤဝဲလၢအစုဒၣ်ဝဲလီၤ. ဟံၣ်ကယိၣ်စ့လၤ

လံာ်ယံးရမံယၤ 24:7

ယကဟ့ၣ်လီၤအဝဲသ့ၣ်လၢတၢ်သးအိၣ်သ့ၣ်ညါလၢယမ့ၢ်ယွၤန့ၣ်လီၤ. အန့ၣ်ဒီးအဝဲသ့ၣ်ကမ့ၢ်ယပှၤဂီၢ်မုၢ်ဒီးယကမ့ၢ်အဝဲသ့ၣ်အကစၢ်ယွၤ, မ့ၢ်လၢအဝဲသ့ၣ်ကဟဲက့ၤကဒါက့ၤဆူယအိၣ်လၢအသးဒီဖျၢၣ်ညါ အဃိန့ၣ်လီၤ.

လံာ်ယံးရမံယၤ 31:34

ပှၤတလိၣ်လၢၤနီတဂၤလၢ ကသိၣ်လိအထံဖိကီၢ်ဖိ ကဒဲတဒဲလၢ ကသ့ၣ်ညါယွၤအဂီၢ်န့ၣ်ဘၣ်, အဂ့ၢ်ဒ်အံၤ ပှၤခဲလၢာ်, ပှၤအဆံးကတၢၢ်တုၤလၢ ပှၤအဒိၣ်ကတၢၢ်န့ၣ် ကသ့ၣ်ညါယၤလီၤ. ယကပျၢ်အဝဲသ့ၣ်အတၢ်ဒဲးဘးတဖၣ်ဒီး ယတသ့ၣ်နီၣ်လၢၤ အဝဲသ့ၣ် အတၢ်ကမၣ်တဖၣ်န့ၣ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 28:26

အဝဲသ့ၣ်ကအိၣ်ဆိးဝဲဖဲန့ၣ်လၢတၢ်ဘံၣ်တၢ်ဘၢအပူၤန့ၣ်လီၤ. အဝဲသ့ၣ်ကဘှီထီၣ်ဟံၣ်တဖၣ်ဒီး ကသူၣ်လီၤစပံးမုၢ်လီၢ်တဖၣ်လီၤ. ယကစံၣ်ညီၣ်ကယဲၢ်ပှၤအိၣ်ခိၣ် အိၣ်ဃၢၤအဝဲသ့ၣ်တဖၣ်လၢအဒုၣ်ဒွဲၣ်တ့ၢ်အဝဲသ့ၣ်, ဒီးကီၢ်အံၣ်စရ့လး ကအိၣ်ဂၢၢ်ဆိးကျၢၤဝဲလီၤ. အန့ၣ်တစု, အဝဲသ့ၣ်ကသ့ၣ်ညါဝဲလၢယမ့ၢ်ယွၤအဝဲသ့ၣ်အကစၢ်ယွၤန့ၣ်လီၤ.”

လံာ်ယဃ့းစက့လး 34:30

ပှၤကိးဂၤဒဲးကသ့ၣ်ညါဝဲဒၣ်လၢယဒီဒၣ်အိၣ်ပှိၤကီၢ်အံၣ်စရ့လး ဒီးလၢအဝဲသ့ၣ်မ့ၢ်ယပှၤဂီၢ်မုၢ်န့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 39:23

ဒီးပှၤကလုာ်တဖၣ်ကသ့ၣ်ညါဝဲလၢ, ပှၤအံၣ်စရ့လးဖိတဖၣ်ဘၣ် လဲၤဆူတၢ်စိာ်မၢကဲကုၢ်အလီၢ်, မ့ၢ်လၢတၢ်ဒဲးဘးတဖၣ်လၢ အဝဲသ့ၣ်မၤတ့ၢ်ထီဒါယၤအဃိန့ၣ်လီၤ. ယကဃၣ်ကွံာ်ယသးလၢ အဝဲသ့ၣ်အအိၣ်ဒီးပျဲအဝဲသ့ၣ်အဒုၣ်အဒါတဖၣ်မၤနၢၤမၤဃၣ်အဝဲသ့ၣ် ဒီးမၤသံကွံာ်အဝဲသ့ၣ်လၢတၢ်ဒုးအပျီပူၤန့ၣ်လီၤ.

လံာ်ယဃ့းစက့လး 39:28

အန့ၣ်ဒီးယပှၤဂီၢ်မုၢ်ကသ့ၣ်ညါလၢယမ့ၢ်ယွၤ, အဝဲသ့ၣ်အကစၢ်ယွၤ န့ၣ်လီၤ. အဝဲသ့ၣ်ကသ့ၣ်ညါတၢ်အံၤမ့ၢ်လၢယဆှၢဃီၤအဝဲသ့ၣ် ဆူတၢ်စိာ်မၢကဲကုၢ်အလီၢ်, ဒီးခဲကနံၣ်အံၤ, ပာ်ဖှိၣ်က့ၤ အဝဲသ့ၣ်ဒီးဟဲက့ၤစိာ်ကဒါက့ၤအဝဲသ့ၣ်ဆူအကီၢ်ဒၣ်ဝဲအပူၤ တပာ်လီၤတဲာ်ကွံာ်ဘၣ်အဝဲသ့ၣ်နီတဂၤဒၣ်လဲာ်အဃိန့ၣ်လီၤ.

လံာ်ယဃ့းစက့လး 39:7

ယကမၤလီၤတံၢ်ဒ်သိးပှၤဂီၢ်မုၢ်အံၣ်စရ့လးကသ့ၣ်ညါယမံၤ စီဆှံဒီးယတပျဲယမံၤဘၣ်တၢ်မၤမဲာ်ဆှးအီၤနီတ ဘျီလၢၤဘၣ်. အန့ၣ်တစုပှၤကလုာ်တဖၣ်ကသ့ၣ်ညါဝဲလၢယၤ, ယွၤအံၤမ့ၢ်အံၣ်စရ့လးအတၢ်စီဆှံကစၢ်ယွၤန့ၣ်လီၤ.”

လံာ်ယိၤဟၣ် 17:3

ဒီးတၢ်မူအထူအယိာ်အခီပညီမ့ၢ်ဝဲတၢ်သ့ၣ်ညါနၤ, ကစၢ်ယွၤ အမ့ၢ်အတီတဂၤဧိၤ, ဒီးတၢ်သ့ၣ်ညါယ့ၣ်ၡူးခရံာ်လၢနမၢလီၤ အီၤန့ၣ်လီၤ.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.