လံာ်ယဃ့းစက့လး 39:18 - Sgaw Karen Common Bible

¹⁸ အဝဲသ့ၣ်ကဘၣ်အီၣ်သုးဖိတဖၣ်အညၣ်ဒီးကဘၣ်အီဟီၣ်ခိၣ် အပဒိၣ်ဖးဒိၣ်တဖၣ်အသွံၣ်, ကယဲၢ်ပှၤခဲလၢာ်လၢအကဘၣ် တၢ်မၤသံအီၤဒ်သိဖါတဖၣ်မ့ၢ်ဂ့ၤ, သိဖိတဖၣ်မ့ၢ်ဂ့ၤမဲာ်တဲး လဲးတဖၣ်မ့ၢ်ဂ့ၤ, ကျီၢ်ဖါလၢအဘီၣ်တဖၣ်မ့ၢ်ဂ့ၤအသိးန့ၣ်လီၤ.

လံာ်ယဃ့းစက့လး 39:18 Iomraidhean Croise

စံးထီၣ်ပတြၢၤ 22:12

ဒုၣ်ဒါအါဂၤကဝီၤဃာ်ယၤဒ်ဂီၤဖံးဖါတဖၣ်အသိး, အဝဲသ့ၣ်အိၣ်ဝးတရံးယၤဒ်ဂီၤဖံးဖါလၢအအၢ လၢအအိၣ်လၢကီၢ်ဘၤၡၣ်အသိးန့ၣ်လီၤ.

စံးထီၣ်ပတြၢၤ 68:30

သိၣ်ဃီၣ်အဲၤကူပတူး, ဆၣ်ဖိကီၢ်ဖိအဒူတဒုန့ၣ် လၢအအိၣ်လၢတပိၢ်အကျါ, သိၣ်ဃီၣ်ထံကီၢ်တဖၣ်, လၢအလီၢ်ဂာ်ဒီး ဂီၤဖံးဖါတဖုအိၣ်ဒီး ဂီၤဖံးဖါဖိတဖၣ်, တုၤလၢအဝဲသ့ၣ်ခဲလၢာ်တီၤလီၤ ကဒွံကျိာ်ဒီး လုၢ်ထီၣ်နၤလၢ အစ့တဖၣ်တက့ၢ်. မၤလီၤပြံလီၤပြါပှၤဂီၢ်မုၢ်လၢ အအဲၣ်တၢ်ဒုးတၢ်ယၤတက့ၢ်.

လံာ်ယၡါယၤ 34:6

အနးကဘၣ်အၢပှဲၤဒီးအဝဲသ့ၣ်အသွံၣ်ဒီးအသိ, ဒ်သိဖိဒီးမဲာ်တဲးလဲးတဖၣ်အသွံၣ်ဒီးအသိလၢတၢ်လုၢ်ထီၣ် အီၤအသိးလီၤ. ယွၤကလုၢ်ထီၣ်တၢ်လုၢ်အံၤလၢဝ့ၢ်ဘိးစရၤအပူၤလီၤ. အဝဲကဒုးကဲထီၣ်တၢ်အံၤလၢတၢ်မၤသံဖးဒိၣ်လၢကီၢ်အဒိၣ် အပူၤန့ၣ်လီၤ.

လံာ်ယၡါယၤ 34:7

ပှၤဂီၢ်မုၢ်တဖၣ်ကလီၤဃံၤသံဝဲဒ်ကျီၢ်ဖါမံၤတဖၣ်ဒီးဂီၤဖံးဖါဖိ တဖၣ်အသိး, ဒီးဟီၣ်ခိၣ်ကဂီၤဝဲဒီးတၢ်သွံၣ်ဒီးဘၣ်အၢပှဲၤဒီး တၢ်အသိလီၤ.

လံာ်ယံးရမံယၤ 46:5

ယွၤသံကွၢ်ဝဲ, ဘၣ်ဆၣ်ဒီး ယထံၣ်ဘၣ်တၢ်မနုၤလဲၣ်. အဝဲသ့ၣ် ဃၣ်ကဒါက့ၤအသးလၢ တၢ်ပျံၤတၢ်ဖုးအပူၤလီၤ. အသုးဖိတဖၣ် ဘၣ်တၢ်မၤဃၣ်ကွံာ်အီၤ, တၢ်ပျံၤတၢ်ဖုးလုၣ်ဘၢကွံာ်အီၤလီၤ. အဝဲသ့ၣ်ဃ့ၢ်တချ့ဖဲအချ့ ဒီးတကွၢ်ကဒါက့ၤအလီၢ်ခံလၢၤဘၣ်.

လံာ်ယံးရမံယၤ 50:11

ယွၤစံးဝဲဒၣ်, “ကီၢ်ဘၤဘူၤလိၣ်အပှၤဂီၢ်မုၢ်သ့ၣ်ဧၢ, သုဂုာ်ဆူၣ်ပျီဆူၣ်တ့ၢ်ယပှၤကလုာ်န့ၣ်လီၤ. သုသူၣ်ဖှံသးညီဒီး သူၣ်ခုသးခုဒီး သုဝ့ၤဝီၤသုသးဒ်ဂီၤဖံးမိၢ်တဒုလၢ အယီၢ်ဘုအသိးမ့ၢ်ဂ့ၤ, ကသ့ၣ်လၢအကဟဲးမ့ၢ်ဂ့ၤ

လံာ်ယံးရမံယၤ 50:27

မၤသံအဝဲသ့ၣ်အသုးဖိလၢ အလီၤဂာ်ဒ် ကျီၢ်ဖါဖိခဲလၢာ် တက့ၢ်. မၤသံမၤဝီအဝဲသ့ၣ်တက့ၢ်. ကီၢ်ဘၤဘူၤလိၣ်အပှၤ ဂီၢ်မုၢ်ဘၣ် တၢ်စံၣ်ညီၣ်ဃါမနၤလီၤ. တၢ်ဆၢကတီၢ်ဟဲတုၤလံ ဝဲလၢအဝဲသ့ၣ်အဂီၢ်လၢ ကဘၣ်တၢ်စံၣ်ညီၣ်အီၤန့ၣ်လီၤ.”

လံာ်ယံးရမံယၤ 51:40

ယကလဲၤစိာ်အဝဲသ့ၣ်လၢ တၢ်ကမၤသံအီၤအဂီၢ်ဒ်သိဖိတဖၣ်, မဲာ်တဲးလဲးတဖၣ်, ဒီးသိဖါတဖၣ်အသိးန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 29:5

ယကစူးကွံာ်နၤဒီးကယဲၢ်ညၣ်တဖၣ်န့ၣ်ခဲလၢာ်ဆူမဲးမုၢ်ခိၣ်အပူၤလီၤ. နမိၢ်ပှၢ်ကလီၤတဲာ်လၢဟီၣ်ခိၣ်လိၤဒီးတၢ်တခူၣ်လီၤဘျၢလီၤဘၣ် အီၤန့ၣ်ဘၣ်. ယကဟ့ၣ်လီၤအီၤဆူထိၣ်တဖၣ်ဒီးဆၣ်ဖိကီၢ်ဖိတဖၣ် လၢအဝဲသ့ၣ်အတၢ်အီၣ်အဂီၢ်န့ၣ်လီၤ.

လံာ်ယဃ့းစက့လး 34:17

ဒီးခဲကနံၣ်အံၤယသိတဖုဧၢ, ယၤ, ယွၤပၢဘၣ်တၢ်ခဲလၢာ်ကစၢ် တဲဘၣ်သုလၢယကစံၣ်ညီၣ်သုဝဲတဂၤစုာ်စုာ်ဒီးနီၤဖးတၢ်အဂ့ၤဒီး အအၢ, သိတဖၣ်ဒီးမဲာ်တဲးလဲးတဖၣ်န့ၣ်လီၤ.

လံာ်ယဃ့းစက့လး 34:8

ဒ်ယမ့ၢ်ကစၢ်ယွၤလၢအမူဝဲနီၢ်နီၢ်တဂၤအသိး, ယစံးယဲ, ဂ့ၤဒိၣ် ဒၣ်တၢ်တက့ၢ်လၢသုဒိကနၣ်ယၤန့ၣ်လီၤ. ယသိဘၣ်တၢ်လူၤဖီၣ် ဆူၣ်အီၤလၢဆၣ်ဖီကီၢ်ဖိအမံၤတဖၣ်လၢမၤသံဒီးအီၣ်ကွံာ် အဝဲသ့ၣ်, မ့ၢ်လၢပှၤကွၢ်သိတအိၣ်နီတဂၤအဃိန့ၣ်လီၤ. ယပှၤကွၢ်သိတဖၣ်တဂုာ်ကျဲးစၢးဃုထံၣ်က့ၤသိတဖၣ်ဘၣ်. အဝဲသ့ၣ်အံးထွဲကွၢ်ထွဲလီၤက့ၤအသးဒၣ်ဝဲဒီး တအံးထွဲကွၢ်ထွဲသိန့ၣ်ဘၣ်.

လံာ်ယဃ့းစက့လး 39:19

တုၤမ့ၢ်ယမၤသံပှၤဂီၢ်မုၢ်တဖၣ်အံၤဒ်တၢ်လုၢ်တၢ်ပာ်တဖၣ်အသိးန့ၣ်, ထိၣ်တဖၣ်ဒီးဆၣ်ဖိကီၢ်ဖိတဖၣ်ကဘၣ်အီၣ်ကယဲၢ်တၢ်အသိတုၤ အအီၣ်ကုးအီပှဲၤဒီးကဘၣ်အီတၢ်သွံၣ်တဖၣ်တုၤအအီမူၤအသး န့ၣ်လီၤ.

လံာ်ဧၤမိၣ် 4:1

ဒိကနၣ်တၢ်အံၤ, သုဝဲပိာ်မုၣ်တဖၣ်လၢကီၢ်ၡၤမရံလၢအဘီၣ်ထီၣ်လီၤဂာ်ဒ်ဘၤၡၣ် အဂီၤဖံးမိၢ်တဖၣ်လၢအဘၣ်တၢ်လုၢ်အီၣ်လုၢ်အီအီၤဂ့ၤဂ့ၤ ကလဲာ်အသိး, လၢအမၤတရီတပါပှၤဂံၢ်စၢ်ဘါစၢ်, မၤအၢမၤနးပှၤဖှီၣ်ဖိယာ်ဖိဒီးလၢအဃ့ကိၢ်ဃ့ဂီၤသုဝၤ တဖၣ်လၢကဟဲစိာ်ဒုးအီသုလၢစပံးထံသ့ၣ်ဧၢ,

လံာ်သိၣ်လီၤသီလီၤတၢ် 32:14

အဝဲသ့ၣ်အဂီၤဖံးမိၢ်တဖၣ်ဒီးအမဲာ်တဲးလဲးတဖၣ်ဟ့ၣ်ထီၣ်တၢ်နုၢ်ထံအါအါဂီၢ်ဂီၢ်, အဝဲသ့ၣ်အိၣ်ဒီးသိအဂ့ၤကတၢၢ်တဖၣ်, မဲာ်တဲးလဲးအဂ့ၤကတၢၢ်တဖၣ်ဒီးဂီၤဘုၣ်ဂီၤဖံးအဂ့ၤကတၢၢ်တဖၣ်, ဘုကၠူၣ်အဂ့ၤကတၢၢ်ဒီးစပံးထံအဂ့ၤကတၢၢ်န့ၣ်လီၤ.

လံာ်လီၣ်ဖျါ 19:21

အဝဲသ့ၣ်အသုးမုၢ်သံၣ်ဘိတဖၣ်ဘၣ်တၢ်မၤသံအီၤလၢနးတဘ့ၣ် လၢအဟဲဖျိးထီၣ်လၢပှၤဒိးကသ့ၣ်တဂၤန့ၣ်အကိာ်ပူၤ, ဒီးထိၣ်ခဲလၢာ်အီၣ်အဝဲသ့ၣ်တဖၣ်အညၣ်လၢအအီၣ်ဝဲကဲခဲလၢာ်လီၤ.