လံာ်ယဃ့းစက့လး 39:17 - Sgaw Karen Common Bible

¹⁷ ယွၤပၢဘၣ်တၢ်ခဲလၢာ်ကစၢ်စံးဘၣ်ယၤ, “ပှၤကညီလၢ အသံသ့ဧၢ, ကိးထီၣ်ကယဲၢ်ထိၣ်တဖၣ်ဒီးဆၣ်ဖိကီၢ်ဖိတဖၣ်ဒ်သိး ကဟဲလၢတၢ်လီၢ်ကိးပူၤဒဲးလၢအကအီၣ်တၢ်လုၢ်တၢ်ပာ်လၢ ယကတဲာ်ကတီၤပာ်လၢအဝဲသ့ၣ်အဂီၢ်န့ၣ်တက့ၢ်. တၢ်န့ၣ်ကမ့ၢ် တၢ်အီၣ်အမူးဖးဒိၣ်တမူးလၢကီၢ်အံၣ်စရ့လးအကစၢၢ်ကလိ တဖၣ်အဒီခိၣ်, ဖဲအဝဲသ့ၣ်အီၣ်တၢ်ညၣ်ဒီးအီတၢ်သွံၣ်ကသ့န့ၣ်လီၤ.

လံာ်ယဃ့းစက့လး 39:17 Iomraidhean Croise

လံာ်တၢ်ကဲထီၣ်အခီၣ်ထံး 31:54

စီၤယၤကိာ်မၤသံဆၣ်ဖိကီၢ်ဖိတဒုဒီးလုၢ်ထီၣ်ဝဲဒ်တၢ်လုၢ်ထီၣ် ပာ်ထီၣ်တမံၤအသိးလၢကစၢၢ်လိၤဒီးကွဲဃီၤဝဲအပှၤတဖၣ်လၢကဟဲ အီၣ်တၢ်န့ၣ်လီၤ. အဝဲသ့ၣ်အီၣ်တၢ်ဝံၤဒီးမံဝဲလၢကစၢၢ်လိၤန့ၣ်လီၤ.

လံာ်ယၡါယၤ 18:6

အသုးဖိတဖၣ်အစိၣ်ကဘၣ်တၢ်ကွံာ်တ့ၢ်အီၤလၢတၢ်ပျီပူၤဒ်သိး ထိၣ်ဧိၤလံာ်ဧိၤဒီးဆၣ်ဖိကီၢ်ဖိအမံၤတဖၣ်ကထံၣ်အီၤအဂီၢ်န့ၣ်လီၤ. လၢတၢ်ကိၢ်ခါန့ၣ်, ထိၣ်ဧိၤလံာ်ဧိၤကအီၣ်အီၤ, ဒီးလၢ တၢ်ဂိၢ်ခါန့ၣ်ဆၣ်ဖိကီၢ်ဖိတဖၣ်ကအီၣ်အီၤလီၤ.”

လံာ်ယၡါယၤ 29:2

အန့ၣ်ဒီး, ကစၢ်ယွၤကဆှၢလီၤတၢ်တတၢးတနါလၢဝ့ၢ်လၢ အဘၣ်တၢ်ကိးတ့ၢ်အီၤလၢ “အရံၤအ့လး’ အခီပညီ “ကစၢ်ယွၤအတၢ်လုၢ်လီၢ်” အဖီခိၣ်န့ၣ်လီၤ. တၢ်ဟီၣ်တၢ် ယၢၤဒီးတၢ်မဲာ်ထံမဲာ်နိကအိၣ်ဝဲ, ဒီးဝ့ၢ်ဒီဝ့ၢ်န့ၣ်ကလီၤဂာ်ဒီးတၢ် လုၢ်လီၢ်တတီၤလၢတၢ်သွံၣ်ကးဘၢကွံာ်အီၤန့ၣ်လီၤ.

လံာ်ယၡါယၤ 34:6

အနးကဘၣ်အၢပှဲၤဒီးအဝဲသ့ၣ်အသွံၣ်ဒီးအသိ, ဒ်သိဖိဒီးမဲာ်တဲးလဲးတဖၣ်အသွံၣ်ဒီးအသိလၢတၢ်လုၢ်ထီၣ် အီၤအသိးလီၤ. ယွၤကလုၢ်ထီၣ်တၢ်လုၢ်အံၤလၢဝ့ၢ်ဘိးစရၤအပူၤလီၤ. အဝဲကဒုးကဲထီၣ်တၢ်အံၤလၢတၢ်မၤသံဖးဒိၣ်လၢကီၢ်အဒိၣ် အပူၤန့ၣ်လီၤ.

လံာ်ယၡါယၤ 34:7

ပှၤဂီၢ်မုၢ်တဖၣ်ကလီၤဃံၤသံဝဲဒ်ကျီၢ်ဖါမံၤတဖၣ်ဒီးဂီၤဖံးဖါဖိ တဖၣ်အသိး, ဒီးဟီၣ်ခိၣ်ကဂီၤဝဲဒီးတၢ်သွံၣ်ဒီးဘၣ်အၢပှဲၤဒီး တၢ်အသိလီၤ.

လံာ်ယၡါယၤ 56:9

ယွၤစံးဘၣ်တခီဘီမုၢ်အပှၤကလုာ်တဖၣ်လၢ ကဟဲဒ်ဆၣ်ဖိကီၢ်ဖိအမံၤတဖၣ်အသိးဒီးအီၣ်ကွံာ် အပှၤဂီၢ်မုၢ်န့ၣ်လီၤ.

လံာ်ယံးရမံယၤ 12:9

ယပှၤဂီၢ်မုၢ်လၢယဃုထၢတ့ၢ်အီၤန့ၣ်လီၤဂာ်ဒီး ထိၣ်တဘ့ၣ် လၢအဘၣ်တၢ်ဖျးအီၤလၢကိးကပၤဒဲးလၢ လံာ်တဖၣ်န့ၣ်လီၤ. ကိးထီၣ်ဆၣ်ဖိကီၢ်ဖိအမံၤတဖၣ် လၢကဟဲဒီးပာ်ဖှိၣ်အသးလၢတၢ်အီၣ် အဝဲသ့ၣ်အစိၣ်တဖၣ်အဂီၢ်န့ၣ်တက့ၢ်.

လံာ်ယံးရမံယၤ 25:33

လၢမုၢ်နံၤအဝဲန့ၣ်, ပှၤတဖၣ်လၢယွၤမၤသံတ့ၢ်အီၤအစိၣ်ကဘၣ် တၢ်မၤလီၤပြံလီၤပြါအီၤလၢဟီၣ်ခိၣ်အကတၢၢ်တခီ တုၤဆူဟီၣ်ခိၣ် အကတၢၢ်အဂၤတခီန့ၣ်လီၤ. ပှၤတဟီၣ်တၢ်ယၢၤတၢ်လၢအဝဲသ့ၣ် အဃိ နီတဂၤဘၣ်, အဝဲသ့ၣ် တဘၣ်တၢ်စိာ်ကွံာ်အီၤဒီးခူၣ်လီၤကွံာ် အီၤန့ၣ်ဘၣ်. အဝဲသ့ၣ် ကအိၣ်မံလီၤလၢ ဟီၣ်ခိၣ်လိၤဒ်တၢ်အ့ၣ်အပူၣ် တဖၣ်အသိးန့ၣ်လီၤ.

လံာ်ယံးရမံယၤ 46:10

အအံၤတနံၤအံၤ မ့ၢ်ယွၤသ့တၢ်လၢာ်ဒီး ပၢဘၣ် တၢ်ခဲလၢာ်ကစၢ် တဂၤအမုၢ်နံၤလီၤ. တနံၤအံၤ အဝဲကဟ့ၣ်ကၣ်တၢ်န့ၣ်လီၤ. တနံၤအံၤ အဝဲကစံၣ်ညီၣ်အဒုၣ်အဒါတဖၣ်န့ၣ်လီၤ. အနးကအီၣ် အဝဲသ့ၣ် တုၤအီၣ်ဘျဲးအီၣ်ဒီး အီအဝဲသ့ၣ် အသွံၣ်တုၤအသးမံဝဲတစုလီၤ. တနံၤအံၤ, ယွၤသ့တၢ်လၢာ်လုၢ်ထီၣ်ပာ်ထီၣ်ပှၤလၢ အမၤနၢၤဝဲတဖၣ် ဖဲထံကျိဖရၤသးအနံၤလၢ ကီၢ်ကလံၤစိးန့ၣ်လီၤ.

လံာ်ယဃ့းစက့လး 29:5

ယကစူးကွံာ်နၤဒီးကယဲၢ်ညၣ်တဖၣ်န့ၣ်ခဲလၢာ်ဆူမဲးမုၢ်ခိၣ်အပူၤလီၤ. နမိၢ်ပှၢ်ကလီၤတဲာ်လၢဟီၣ်ခိၣ်လိၤဒီးတၢ်တခူၣ်လီၤဘျၢလီၤဘၣ် အီၤန့ၣ်ဘၣ်. ယကဟ့ၣ်လီၤအီၤဆူထိၣ်တဖၣ်ဒီးဆၣ်ဖိကီၢ်ဖိတဖၣ် လၢအဝဲသ့ၣ်အတၢ်အီၣ်အဂီၢ်န့ၣ်လီၤ.

လံာ်ယဃ့းစက့လး 39:16

(ဝ့ၢ်ကအိၣ်ဘူးဖဲန့ၣ်တဖျၢၣ်လၢအမံၤကဘၣ်တၢ်ကွဲးထွဲအီၤလၢ သုးမုၢ်အမံၤန့ၣ်လီၤ.) ဒီးလၢတၢ်န့ၣ်အဃိ, ကီၢ်ကဘၣ်တၢ်မၤ ကဆှီထီၣ်က့ၤကဒီးအီၤန့ၣ်လီၤ.”

လံာ်ယဃ့းစက့လး 39:4

စီၤကိးဒီးအဝဲအသုးမုၢ်ဒီးအသိၣ်အမှံၤတဖၣ်ကလီၤဃံၤကွံာ်လၢ ကီၢ်အံၣ်စရ့လးအကစၢၢ်ကလိတဖၣ်အဒီခိၣ်ဒီးယကဒုးကဲထီၣ် အနီၢ်ခိတဖၣ်လၢတၢ်အီၣ်လၢကယဲၢ်ထိၣ်တဖၣ် ဒီးဆၣ်ဖိကီၢ်ဖိအမံၤတဖၣ်အဂီၢ်န့ၣ်လီၤ.

လံာ်စဖါနယၤ 1:7

မုၢ်နံၤလၢယွၤကဆ့ၣ်နီၤလၢတၢ်စံၣ်ညီၣ်အလီၢ်န့ၣ်ဘူးထီၣ်လံ. မၤသးဒ်န့ၣ်ဒီးအိၣ်ဘှီၣ်ကလာ်လၢအမဲာ်ညါန့ၣ်တက့ၢ်. ယွၤကတဲာ်ကတီၤလံတၢ်လုၢ်ထီၣ်ပာ်ထီၣ်အပှၤဂီၢ်မုၢ်ဒီးကွဲ ဃီၤဒုၣ်ဒါတဖၣ်လၢကဂုာ်ဆူၣ်ပျီဆူၣ်ဒီးမၤဟးဂီၤကီၢ်ယူဒၤန့ၣ်လီၤ.

လံာ်မးသဲ 24:28

တၢ်လီၢ်တပူၤလၢ်လၢ်ဖဲတၢ်သံစိၣ်အိၣ်ဝဲန့ၣ်, လီတာ်ကအိၣ်ဖှိၣ်ဖဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:3

ကွဲမုာ်စီၤယံးၡဲဆူတၢ်လုၢ်တၢ်ပာ်န့ၣ်ဒီးယကတဲနၤတၢ်လၢ နကဘၣ်မၤနဲလီၤ. ပှၤတဂၤလၢယကတဲနၤန့ၣ်နကဘၣ်ဖှူအီၤဒ်စီၤပၤတဂၤအသိးလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 17:46

တနံၤဃီအံၤန့ၣ်ယွၤကပာ်နၤလၢယစိကမီၤအဖီလာ်လီၤ. ယကမၤနၢၤကွံာ်နၤဒီးကျီတဲာ်နခိၣ်လီၤ. ဒီးယကဟ့ၣ်လီၤပှၤဖလ့ၡသးဖိအသုးမုၢ်တဖၣ်အနီၢ်ခိဆူ ထိၣ်ဖိလံာ်ဖိဒီးဆၣ်ဖိကီၢ်ဖိတဖၣ်ကအီၣ်တၢ်အဂီၢ်လီၤ. တုၤနုၤတစု, ဟီၣ်ခိၣ်ဒီဘ့ၣ်ညါကသ့ၣ်ညါလၢကီၢ်အံၣ်စရ့လး အိၣ်ဒီးကစၢ်ယွၤတဂၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:13

သုမ့ၢ်လဲၤနုာ်ဆူဝ့ၢ်ပူၤတဘျီဃီဒီးသုကထံၣ်အီၤလီၤ. အဝဲဟဲတုၤလၢဝ့ၢ်ပူၤတနံၤအံၤန့ၣ်လီၤ. အဂ့ၢ်ဒ်အံၤပှၤဂီၢ်မုၢ်ကလုၢ်ထီၣ်တၢ်လုၢ်တၢ်ပာ်တမံၤလၢတၢ်လုၢ် လီၢ်အဖီခိၣ်လၢအအိၣ်လၢတၢ်လူၢ်ဒီခိၣ်န့ၣ်လီၤ. တချုးဒံးလၢအဝဲဟဲတုၤဒံးဖဲန့ၣ်ဘၣ်ဒီးပှၤဂီၢ်မုၢ်လၢတၢ် ကွဲမုာ်အီၤတဖၣ်တစးထီၣ်အီၣ်တၢ်ဘၣ်. မ့ၢ်လၢအဝဲကဘၣ်ဆိၣ်ဂ့ၤတၢ်လုၢ်တၢ်ပာ်လၢအဆိအဃိန့ၣ်လီၤ. သုမ့ၢ်လဲၤခဲအံၤဒီးသုကထံၣ်အီၤတချုးဒံးဘၣ်လၢ အဝဲလဲၤထီၣ်ဆူကစၢၢ်ဒီခိၣ်ဒ်သိးကအီၣ်တၢ်န့ၣ်လီၤ.”