လံာ်ယဃ့းစက့လး 39:10 - Sgaw Karen Common Bible

¹⁰ အဝဲသ့ၣ်တဘၣ်ထၢဖှိၣ်လၢၤဘၣ်သ့ၣ်မုၣ်လၢပျီတဖၣ်အပူၤမ့ၢ်ဂ့ၤ, ကူာ်လီၤသ့ၣ်တဖၣ်လၢပှၢ်ပူၤမ့ၢ်ဂ့ၤလၢၤဘၣ်. အဂ့ၢ်ဒ်အံၤအဝဲသ့ၣ် ကအိၣ်ဒီးတၢ်စုကဝဲၤလၢအဘၣ်တၢ်ပာ်လီၤတဲာ်ကွံာ်အီၤတဖၣ် လၢကဆိၣ်ကဲၤဝဲအဂီၢ်န့ၣ်လီၤ. အဝဲသ့ၣ်ကဂုာ်ဆူၣ်ပျိဆူၣ်ဒီး ဂုာ်န့ၢ်ကွံာ်ပှၤတဖၣ်လၢအဂုာ်ဆူၣ်ပျိဆူၣ်ဒီးဂုာ်န့ၢ်တ့ၢ်အဝဲသ့ၣ် န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 39:10 Iomraidhean Croise

လံာ်တၢ်ဟးထီၣ်ကွံာ် 12:36

ဒီးယွၤမၤဝဲဒ်သိးပှၤအဲၤကူပတူးဖိတဖၣ်ကပာ်ကဲပှၤဂီၢ်မုၢ် ဒီးဟ့ၣ်တၢ်လၢအဝဲသ့ၣ်ဃ့ဝဲတဖၣ်န့ၣ်လီၤ. လၢကျဲဒ်အံၤန့ၣ်, ပှၤအံၣ်စရ့လးဖိတဖၣ်ဟံးန့ၢ်ကွံာ်ပှၤအဲၤကူပတူးဖိတဖၣ် အတၢ်ထူးတၢ်တီၤန့ၣ်လီၤ.

လံာ်တၢ်ဟးထီၣ်ကွံာ် 3:22

ဒီးကယဲၢ်ပှၤအံၣ်စရ့လးမုၣ်တဂၤလၢ်လၢ်ကလဲၤဆူပှၤအဲၤကူပတူး ဖိလၢအအိၣ်လၢအဟံၣ်ဃၢၤအအိၣ်, ဒီးဆူပှၤအဲၤကူပတူးမုၣ်လၢအအိၣ်လၢအဟံၣ်ပူၤအအိၣ်ဒီးကဃ့ ဝဲတၢ်ကူတၢ်သိး, ဒီးထူဧိၤစ့ဧိၤအတၢ်လုၢ်ဒိၣ်ပှ့ၤဒိၣ်တဖၣ်န့ၣ်လီၤ. ပှၤအံၣ်စရ့လးဖိတဖၣ်ကကယၢကယဲထီၣ်အဖိခွါတဖၣ်ဒီးအဖိမုၣ် တဖၣ်လၢတၢ်တဖၣ်န့ၣ်ဒီးသုကဂုာ်န့ၢ်ပှၤအဲၤကူပတူးဖိတဖၣ်အတၢ်ထူးတၢ်တီၤန့ၣ်လီၤ.”

လံာ်ယၡါယၤ 14:2

ပှၤကလုာ်အါကလုာ်ကမၤစၢၤပှၤအံၣ်စရ့လးဖိတဖၣ်ဒ်သိးကက့ၤ ကဒါက့ၤဘၣ်ဆူကီၢ်လၢယွၤဟ့ၣ်လီၤအဝဲသ့ၣ်န့ၣ်လီၤ. ဖဲန့ၣ်, ပှၤကလုာ်တဖၣ်ကမၤပှၤအံၣ်စရ့လးဖိတဖၣ်အတၢ် ခ့တၢ်ပှၤအတၢ်မၤဒ်ကုၢ်တဖၣ်အသိးန့ၣ်လီၤ. တဘျီပှၤလၢအမၤန့ၢ်မၤ နၢၤပှၤအံၣ်စရ့လးဖိတဖၣ်န့ၣ်, ခဲအံၤကဘၣ်တၢ်မၤန့ၢ်မၤ နၢၤအီၤလၢပှၤအံၣ်စရ့လးဖိ, ဒီးအံၣ်စရ့လးအပှၤဂီၢ်မုၢ်က ပၢပှၤတဖၣ်လၢ, တဘျီမၤနၢၤမၤဃၣ်တ့ၢ်အဝဲသ့ၣ်န့ၣ်လီၤ.

လံာ်ယၡါယၤ 33:1

ပဒုၣ်ပဒါတဖၣ်ဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်ဂုာ်ဆူၣ်ပျီဆူၣ်တ့ၢ်တၢ်ဒီးဆါလီၤကွံာ်တၢ်ဖဲပှၤ တဂုာ်ဆူၣ်ပျီဆူၣ်တ့ၢ်အဝဲသ့ၣ်မ့ၢ်ဂ့ၤပှၤတဆါ လီၤကွံာ်အဝဲသ့ၣ်မ့ၢ်ဂ့ၤနီတဂၤဘၣ်အဆၢကတီၢ်န့ၣ်လီၤ. ဘၣ်ဆၣ်ဒီးအဝဲသ့ၣ်အတၢ်ဂုာ်ဆူၣ် ပျီဆူၣ်တၢ်ဒီးတၢ်ဆါလီၤကွံာ်တၢ်အ ဆၢကတီၢ်န့ၣ်ကတၢၢ်ဝဲဒီးအဝဲသ့ၣ်အကစၢ်ဒၣ် ဝဲကကဲထီၣ်ပှၤလၢတၢ်မၤနၢၤအီၤလၢ အဘၣ်တၢ်ဂုာ်ဆူၣ်ပျီဆူၣ်ဒီးလီန့ၢ်အီၤတဖၣ်န့ၣ်လီၤ.

လံာ်ယဃ့းစက့လး 39:11

ယွၤစံးဝဲဒၣ်, “တုၤတၢ်တဖၣ်အံၤခဲလၢာ်မၤအသးန့ၣ်, ယကဟ့ၣ်လီၤစီၤကိးလၢတၢ်ခူၣ်လီၤဘျၢလီၤအလီၢ်တတီၤလၢ ကီၢ်အံၣ်စရ့လးအပူၤ, လၢပှၤလဲၤတၢ်ဖိတဖၣ်အတြီၤပူၤ, လၢပီၣ်လဲၣ်သံအမုၢ်ထီၣ်တခီန့ၣ်လီၤ. စီၤကိးဒီးကယဲၢ်အဝဲ အသုးမုၢ်ခဲလၢာ်, ကဘၣ်တၢ်ခူၣ်လီၤဘျၢလီၤအီၤဖဲန့ၣ်ဒီး တြီၤန့ၣ်ကဘၣ်တၢ်ကိးအီၤလၢစီၤကိးအသုးမုၢ်အတြီၤန့ၣ်လီၤ.

လံာ်မံကၤ 5:8

ဒီးကီၢ်အံၣ်စရ့လးအပှၤဂီၢ်မုၢ်လၢအအိၣ်လီၤတဲာ်ဒံးလၢ ပှၤကလုာ်တဖၣ်အကျါန့ၣ်ကလီၤဂာ်ဒီးခ့ယုၢ်တဒုလၢအဃုကွၢ်တၢ် အိၣ်လၢပှၢ်လၢ်ကျါမ့တမ့ၢ်လၢတၢ်အီၣ်ဆၣ်အလီၢ်န့ၣ်လီၤ. ဟဲနုာ်ဆူသိတဖၣ်အကျါ, စံၣ်ပှီၤအဝဲသ့ၣ်ဒီးအ့ၣ်ဖှီလီၤကလဲ ကွံာ်အီၤဒီးတၢ်မုၢ်လၢ်လၢကပူၤဖျဲးတအိၣ်ဘၣ်.

လံာ်ဃဘးကူာ် 2:8

မ့ၢ်သုဂုာ်ဆူၣ်ပျီဆူၣ်တ့ၢ်ပှၤဂီၢ်မုၢ်လၢပှၤအါကလုာ်အကျါ အဃိ, ခဲကနံၣ်အံၤပှၤလၢအအိၣ်လီၤတဲာ်တဖၣ်ကဂုာ် ဆူၣ်ပျီဆူၣ်က့ၤသုလၢတၢ်လၢသုမၤသံသ့ၣ်တဖၣ်ဒီးသုတၢ် အၢတၢ်သီထီဒါပှၤဂီၢ်မုၢ်လၢဟီၣ်ခိၣ်ချၢဒီးအဝ့ၢ်တဖၣ်အဃိလီၤ.

လံာ်ဃဘးကူာ် 3:8

ယွၤဧၢ, မ့ၢ်ထံကျိတဖၣ်အံၤမၤဒိၣ်ထီၣ်နသးဧါ. မ့ၢ်ပီၣ်လဲၣ်အံၤမၤကဲၤထီၣ်နသးဧါ. ဖဲနဟဲစိာ်တၢ်မၤနၢၤဆူနပှၤဂီၢ်မုၢ်အအိၣ်ဒီး, နဒိးလၢတၢ်အၢၣ်တဖၣ်အဖီခိၣ်, ကလံၤမုၢ်တၢ်အၢၣ်မ့ၢ်နလ့ၣ်ကဟၣ်လီၤ.

လံာ်စကၤရယၤ 14:14

ပှၤကီၢ်ယူဒၤဖိတဖၣ်ကဒုးတၢ်လၢတၢ်ဒီဒၣ်ကဟု ကယာ်က့ၤဝ့ၢ်ယရူၤရှလ့ၣ်အဂီၢ်လီၤ. အဝဲသ့ၣ်ကဟံးန့ၢ်ပှၤကလုာ်တဖၣ်အတၢ်ထူးတၢ်တီၤခဲလၢာ်လၢအမ့ၢ် ထူ, စ့ဒီးတၢ်ကူတၢ်သိးအါအါကလဲာ်ဒ်တၢ်ဂုာ်န့ၢ်ဆူၣ်အသိးန့ၣ် လီၤ.

လံာ်မးသဲ 7:2

အဂ့ၢ်ဒ်အံၤ, ကစၢ်ယွၤကစံၣ်ညီၣ်သုလၢတၢ်စံၣ်ညီၣ်တမံၤဃီလၢသုစံၣ်ညီၣ် ပှၤဂၤဒီး အဝဲကဃီၣ်ဟ့ၣ်သုတၢ်လၢနီၣ်ဃီၣ်တခါဃီလၢသုဃီၣ်ဟ့ၣ်တၢ်န့ၣ် လီၤ.

လံာ်လီၣ်ဖျါ 13:10

ပှၤတဂၤလၢ်လၢ်လၢတၢ်တိာ်ပာ်လၢတၢ်ကဘၣ်ဖီၣ်န့ၢ်အီၤန့ၣ် ကဘၣ်တၢ်ဖီၣ်န့ၢ်အီၤသပှၢ်ကတၢၢ်, ပှၤတဂၤလၢ်လၢ်လၢတၢ်တိာ်ပာ်လၢအကဘၣ်တၢ်မၤသံ အီၤလၢနးန့ၣ်, ကဘၣ်တၢ်မၤသံအီၤလၢနးသပှၢ်ကတၢၢ် လီၤ. အဝဲအံၤန့ၣ်အလီၢ်အိၣ်လၢကစၢ်ယွၤအပှၤဂီၢ်မုၢ်တဖၣ် ကဝံသးစူၤတူၢ်တၢ်ဒီးကစူၢ်တၢ်နာ်တၢ်လီၤ.

လံာ်လီၣ်ဖျါ 18:6

မၤအီၤလၢတၢ်တမံၤဃီဒ်အဝဲမၤသုအသိးတက့ၢ်. ကယဲၢ်တၢ်လၢအမၤတ့ၢ်ဝဲတဖၣ်န့ၣ်, ဟ့ၣ်ကၣ်က့ၤအီၤခံစးတက့ၢ်. မၤပှဲၤအဝဲဒၣ်အလီခီလၢတၢ်အီလၢအဆူၣ်ဝဲဒၣ် ပှဲၤသိးတၢ်အီလၢအကတဲာ်ကတီၤပာ်ဝဲ လၢသုဂီၢ်န့ၣ်ခံစးတက့ၢ်.