လံာ်ယဃ့းစက့လး 38:5 - Sgaw Karen Common Bible

⁵ ပှၤပိာ်ခွါတဖၣ်လၢကီၢ်ပၤရၣ်, ကီၢ်ကူၤၡးဒီးကီၢ်လံးဘယၣ်အိၣ် ဒီးအီၤဒီးအဝဲသ့ၣ်ခဲလၢာ်အိၣ်ဒီးကတီၤတဖၣ်ဒီးခိၣ်ကုာ်သုးတဖၣ် န့ၣ်လီၤ.

လံာ်ယဃ့းစက့လး 38:5 Iomraidhean Croise

လံာ်တၢ်ကဲထီၣ်အခီၣ်ထံး 10:6

ဒီးစီၤဃၣ်အဖိခွါန့ၣ်မ့ၢ်ဝဲစီၤကူၤၡး, စီၤအဲၤကူပတူး, စီၤဖူးဒီးစီၤကနၤဧၣ်တဖၣ်န့ၣ်လီၤ. အဝဲသ့ၣ်တဖၣ်န့ၣ်မ့ၢ်ပၢ်လၢပျၢၤတဖၣ်လၢအပှၤဂီၢ်မုၢ်စိာ်အဝဲ သ့ၣ်တဖၣ်အမံၤန့ၣ်လီၤ.

လံာ်တၢ်ကဲထီၣ်အခီၣ်ထံး 10:8

ဒီးစီၤကူၤၡးထီၣ်ဖိစီၤနံးမရိးလၢအကဲထီၣ်ပှၤလၢအမၤနၢၤ တၢ်ဖးဒိၣ်အဆိကတၢၢ်တဂၤလၢဟီၣ်ခိၣ်ချၢန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 1:8

စီၤဃၣ်အဖိခွါတဖၣ်န့ၣ်မ့ၢ်ဝဲ, စီၤကူၤၡး, စီၤမံးစရၤယံၣ်အဲၤကူပတူးစီၤဖူးဒီးစီၤကနၤဧၣ် လၢအပှၤဂီၢ်မုၢ်အဟံးန့ၢ် အဝဲသ့ၣ်အမံၤတဖၣ်ဒ်အပၢ်ဖးဒိၣ် လၢပျၢၤတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:20

အဝဲက့ၤကိးကယဲၢ်ပှၤလၢအအိၣ်မူလီၤတဲာ်ဒံးတဖၣ်ဆူကီၢ်ဘၤဘူၤ လိၣ်, တၢ်လီၢ်ဖဲအဝဲသ့ၣ်မၤကီၢ်ဘၤဘူၤလိၣ်အစီၤပၤဒီးအဝဲ အစၢၤအသွဲၣ်တဖၣ်အတၢ်ဒ်ကုၢ်တဖၣ်အသိး, တုၤပၤရၣ်အဘီအမုၢ်ဟဲအိၣ်ထီၣ်ဝဲတစုန့ၣ်လီၤ.

လံာ်စီၤဧ့စြၤ 1:1

ဖဲကီၢ်ပၤရၣ်အစီၤပၤဖးဒိၣ်စီၤကိရ့ၣ်ပၢတၢ်အခီၣ်ထံးတနံၣ် န့ၣ်, ယွၤမၤလၢထီၣ်ပှဲၤထီၣ်တၢ်လၢအစံးတ့ၢ်ဝဲခီဖျိဝံယံးရမံယၤ န့ၣ်လီၤ. အဝဲမၢန့ၢ်ဆီၣ်ခံစီၤကိရ့ၣ်ဒ်သိးအကဟ့ၣ်လီၤအကလုၢ်ဒီးဆှၢ လီၤအီၤလၢတၢ်ကွဲးဒ်လၢလာ်အံၤအသိး, လၢကဘၣ်တၢ်ဖးအီၤလၢအကလုၢ်ဖးဒိၣ်လၢတၢ်လီၢ်ကိးပူၤဒဲးလၢ အဘီအမုၢ်အပူၤန့ၣ်လီၤ.

လံာ်ယဃ့းစက့လး 27:10

ပှၤသုးဖိတဖၣ်လၢ ကီၢ်ပၤရၣ်, ကီၢ်လူၤဒံဒီးကီၢ်လံးဘယၣ်မၤနၢ်နတၢ်လၢသုးမုၢ်အပူၤန့ၣ်လီၤ. အဝဲသ့ၣ်ဘျးထီၣ်အကတီၤတဖၣ်ဒီးခိၣ်ကုာ်သုးတဖၣ်လၢ နသုးဖိအိၣ်အဟံၣ်တဖၣ်အပူၤန့ၣ်လီၤ. အဝဲသ့ၣ်မ့ၢ် ပှၤတဖၣ်လၢအမၤနၢၤတၢ်လၢနလၤကပီၤအဂီၢ်န့ၣ်လီၤ.

လံာ်ယဃ့းစက့လး 30:4

တၢ်ဒုးကအိၣ်ဝဲလၢကီၢ်အဲၤကူပတူးအပူၤဒီး တၢ်ကိၢ်တၢ်ဂီၤဖးဒိၣ်လၢကီၢ်ကူၤၡးအပူၤန့ၣ်လီၤ. ပှၤအါဂၤလၢ ကီၢ်အဲၤကူပတူးအပူၤကဘၣ်တၢ်မၤသံအီၤလီၤ. ထံကီၢ်ကဘၣ်တၢ်ဂုာ်န့ၢ်ဆူၣ်အီၤဒီး ပာ်လီၤတဲာ်တ့ၢ်အီၤလၢ တၢ်ဟးဂီၤတဖၣ်အပူၤန့ၣ်လီၤ.

လံာ်ယဃ့းစက့လး 30:5

တၢ်ဒုးအဝဲန့ၣ် ကမၤသံကွံာ်စ့ၢ်ကီးသုးဖိတဖၣ် လၢအဘၣ်တၢ်ဒိးလဲအီၤလၢ ကီၢ်ကူၤၡး, ကီၢ်လံးဘယၣ်, ကီၢ်အရ့ဘယၣ်, ကီၢ်လူၤဒံ, ကီၢ်ကူာ်ဒီးလၢယပှၤဂီၢ်မုၢ်ဒၣ်ယဲအကျါဒၣ်လဲာ်န့ၣ်လီၤ.”

လံာ်ဒၤနံးယ့လး 8:20

သိဖါအိၣ်ဒီးအနၢၤခံဘိလၢနထံၣ်တ့ၢ်အီၤန့ၣ်ဒိလီၤပှၤမၤဒဲဖိဒီး ပှၤပၤရၣ်ဖိအဘီအမုၢ်တဖၣ်န့ၣ်လီၤ.

လံာ်နၤဃူၣ် 3:9

ကီၢ်ကူၤၡးဒီးကီၢ်အဲၤကူပတူးမ့ၢ်အဂံၢ်အဘါဒီး အတၢ်စိတၢ်ကမီၤန့ၣ်အကတၢၢ်ကတာ်တအိၣ်ဘၣ်. ပှၤပူၤတၤဖိဒီးပှၤလံးဘယၣ်ဖိမ့ၢ်အသိၣ်အမှံၤတဖၣ်လီၤ.