လံာ်ယဃ့းစက့လး 38:4 - Sgaw Karen Common Bible

⁴ ယကဃၣ်တရံးကဒါက့ၤအီၤ, ဘျးထီၣ်နီၣ်ကျးတဖၣ်လၢအခၣ် တဖၣ်အပူၤ, ဒီးတွံၢ်ကွံာ်အီၤဃုာ်ဒီးကယဲၢ်အသုးဖိသံၣ်ဖိတဖၣ်န့ၣ်လီၤ. အဝဲအသုးမုၢ်ဃုာ်ဒီးအကသ့ၣ်တဖၣ်ဒီးအပှၤအဒိး ကသ့ၣ်တဖၣ်လၢအလဲၤတၢ်ဃူဃူဒ်သိးသိးန့ၣ်, အိၣ်ဖျါဒိၣ်ဝဲ သွါဝဲ, ဒီးသုးဖိကိးဂၤဒဲးကံာ်တူာ်အသးဒီးကတီၤတဘ့ၣ်ဒီး နးတဘ့ၣ်စုာ်စုာ်န့ၣ်လီၤ.

လံာ်ယဃ့းစက့လး 38:4 Iomraidhean Croise

လံာ်စီၤပၤခံဘ့ၣ်တဘ့ၣ် 19:28

ယဒိးန့ၢ်တ့ၢ်, တၢ်ပာ်ဖျါဘၣ်ထွဲဒီးနတၢ်သးကဲၤထီၣ်န့ၣ်ဒီး နတၢ်ပာ်ထီၣ်ထီနသးန့ၣ်, ဒီးခဲကနံၣ်အံၤယကတုၢ်နနါဒ့လၢနီၣ်ကွးတခါ, ဒီးပျံာ်နထးခိၣ်လၢနိးပျံာ်ထးတဘိဒီးက့ၤမိၤကဒါက့ၤနၤ လၢကျဲတဘိဃီလၢနဟဲတ့ၢ်နဲန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 12:8

အအံၤမ့ၢ်ပှၤသုးဖိလၢအမံၤဟူသၣ်ဖျါဒီးအိၣ်ဒီးအတၢ်လဲၤခီ ဖျိသ့ၣ်တဖၣ်လၢပှၤကးအဒူၣ်ဖိအကျါလၢအပာ်ဖှိၣ်အသးဒီးစီၤဒၤဝံး အသုးမုၢ်ဖဲအဝဲအိၣ်ဝဲဆိးဝဲလၢတိာ်လၢပှၢ်လၢ်ကျါန့ၣ်လီၤ. အဝဲသ့ၣ်မ့ၢ်ပှၤသ့ပှၤဘၣ်လၢကတီၤဒီးဘီသ့ၣ်တဖၣ်, ဒီးမ့ၢ်ပှၤတဖၣ်လၢအမဲာ်အိၣ်ဖျါလီၤပျံၤဒ်ခ့ယုၢ်တဖၣ်အသိးပှၤ လဲၤတၢ်ချ့ဒ်တၤဟိစဘံလၢကစၢၢ်လိၤအသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:5

စီၤပၤအမၤစယါကရၢကရိထီၣ်ကယဲၢ်ပှၤပိာ်ခွါခဲလၢာ်လၢယူဒၤ ဒီးဘံၣ်ယၤမံၣ်အဒူၣ်တဖၣ်အပူၤဆူသုးမုၢ်တဖုဘၣ်တဖုဒ်ဒူၣ်ထၢ တဖၣ်လၢအဝဲသ့ၣ်ဘၣ်ထွဲဝဲအသိး, ဒီးပာ်လီၤသုးခိၣ်တဖၣ်လၢကကဲခိၣ်ကဲနၢ်လၢပှၤပိာ်ခွါတဖုလၢ အအိၣ်တကထိအဖီခိၣ်မ့ၢ်ဂ့ၤ, ပှၤပိာ်ခွါတဖုလၢအအိၣ်တကယၤအဖီခိၣ်မ့ၢ်ဂ့ၤန့ၣ်လီၤ. တၢ်အံၤအိၣ်ဃုာ်ဝဲဒီးကယဲၢ်ပှၤပိာ်ခွါလၢအသးအနံၣ်ခံဆံမ့ၢ်ဂ့ၤ, အသးပှၢ်န့ၢ်အနံၣ်ခံဆံမ့ၢ်ဂ့ၤ, ပှၤခဲလၢာ်အဂၤသၢကလီၢ် န့ၣ်လီၤ. အဝဲသ့ၣ်မ့ၢ်သုးဖိတဖၣ်လၢအဘၣ်တၢ်ဃုထၢလီၤဆီအီၤ, ပှၤအိၣ်ကတဲာ်ကတီၤအသးလၢတၢ်ဒုးအဂီၢ်, အိၣ်ဒီးတၢ်သ့တၢ်ဘၣ်လၢတၢ်သူဘီတဖၣ်ဒီးကတီၤတဖၣ်န့ၣ်လီၤ.

လံာ်ယၡါယၤ 37:29

ယဒိးန့ၢ်တ့ၢ်တၢ်ပာ်ဖျါဘၣ်ဃးဒီးနတၢ်သူၣ်ဒိၣ်သးဖျိး, ဒီးနတၢ်ပာ်ထီၣ်ထီနသးအဝဲန့ၣ်အဂ့ၢ်လီၤ. ဒီးခဲအံၤယကဘျးနနါစ့ၤလၢနီၣ်ကွးတခါဒီးယကဒုးအ့ၣ်နၤလၢ ထးအ့ၣ်တဘိဒီးယကမိၤကဒါက့ၤနၤလၢကျဲတဘိဃီ လၢနဟဲတ့ၢ်နဲန့ၣ်လီၤ.”

လံာ်ယၡါယၤ 43:17

အဝဲဆှၢသုးမုၢ်ဂံၢ်ဆူၣ်ဘါဆူၣ်တဖုဆူတၢ်ဟးဂီၤ, သုးမုၢ်တဖုလၢအအိၣ်ဒီးလ့ၣ်ကဟၣ်တဖၣ်ဒီး ကသ့ၣ်တဖၣ်လီၤ. အဝဲသ့ၣ်လီၤဃံၤကွံာ်ဝဲဒီးတဂဲၤဆၢထၢၣ်က့ၤ နီတဘျီလၢၤဘၣ်. အဝဲသ့ၣ်ဘၣ်တၢ်မၤပံာ်ကွံာ်အီၤဒ်မ့ၣ်အူဒၢ အမ့ၣ်အူလၣ်အသိးလီၤ.

လံာ်ယံးရမံယၤ 46:9

ဟ့ၣ်လီၤတၢ်ကလုၢ်လၢ ကသ့ၣ်တဖၣ်လၢ ကလဲၤတၢ်ဒီး ပှၤနီၣ်လ့ၣ်ကဟၣ်ကနီၣ်တၢ်ဆူၣ်ဆူၣ် အဂီၢ်တက့ၢ်. ဆှၢထီၣ်သုးဖိတဖၣ် လၢအစိာ်ကတီၤတဖၣ်လၢ ကီၢ်ကူၤၡးဒီး လံးဘယၢ် ဃုာ်ဒီး ပှၤခးချံၣ်စဲၣ်နီးတဖၣ်လၢ ကီၢ်လူၤဒံန့ၣ်တက့ၢ်.’ ”

လံာ်ယဃ့းစက့လး 23:12

အဝဲစ့ၢ်ကီးလၢပှဲၤဝဲဒီးတၢ်သးကတၢလၢကီၢ်အၤၡူၢ်အပှၤတူၢ် ဒိၣ်ကီၤဒိၣ်တဖၣ်, သုးခိၣ်သုးနၢ်တဖၣ်, သုးဖိတဖၣ်လၢအိၣ်ဒီးတၢ်ကူ တၢ်သိးဒ်သိးသိးလၢအလွဲၢ်ဖျါဆှံဒီးပှၤဒိးကသ့ၣ်သုးဖိအခိၣ်အနၢ်တဖၣ်, လၢအမ့ၢ်ကယဲၢ်ပှၤဒိၣ်တၢ်ဂ့ၤဖိၣ်သၣ်ခွါသးစၢ်ကိးဂၤဒဲးအဂီၢ်န့ၣ်လီၤ.

လံာ်ယဃ့းစက့လး 29:4

ယကတုၢ်ဖျိနခၣ်ဃံဒီးနီၣ်ကွးတခါ, ဒီးဒုးစဲဘူးညၣ်လၢန ထံပူၤတဖၣ်လၢနလိၤန့ၣ်လီၤ. အန့ၣ်ဝံၤဒီးယကထုးထီၣ် ကွံာ်နၤလၢထံကျိနံၤလါအပူၤဃုာ်ဒီး ညၣ်ခဲလၢာ်လၢအအိၣ်ဝဲလၢနလိၤန့ၣ်လီၤ.

လံာ်ယဃ့းစက့လး 38:15

ဒီးဟဲထီၣ်လၢတၢ်လီၢ်အိၣ်လီၢ်ဆိးလၢကလံၤစိးတခီ, ဆှၢထီၣ် သုးမုၢ်ဖးဒိၣ်တဖုလၢအဂံၢ်ဆူၣ်ဘါဆူၣ်, အိၣ်ဒီးသုးဖိတဖၣ် လၢထံကီၢ်အါဘ့ၣ်လၢကိးဂၤဒဲးဒိးကသ့ၣ်န့ၣ်တက့ၢ်.

လံာ်ယဃ့းစက့လး 38:3

ဒီးတဲအီၤလၢယၤ, ယွၤပၢဘၣ်တၢ်ခဲလၢာ်ကစၢ်မ့ၢ်အဝဲအဒုၣ်အဒါ န့ၣ်တက့ၢ်.

လံာ်ယဃ့းစက့လး 39:2

ယကဃၣ်တရံးအီၤဆူကျဲအသီတဘိအပူၤဒီးဆှၢထီၣ်အီၤလၢ ကလံၤစိးလၢအယံၤတခီတုၤအလဲၤတုၤဝဲဆူကီၢ်အံၣ်စရ့လး အကစၢၢ်ကလိတဖၣ်န့ၣ်လီၤ.

လံာ်ယဃ့းစက့လး 39:20

လၢယစီၢ်နီၢ်ခိၣ်န့ၣ်, အဝဲသ့ၣ်ကအီၣ်ကူးအီပှဲၤဒီး ကယဲၢ်တၢ်လၢအဖီၣ်န့ၢ်ဝဲသ့ဒ်ကသ့ၣ်တဖၣ်ဒီးပှၤတဖၣ်လၢ အဒိးအဝဲသ့ၣ်ဒီးပှၤသုးဖိတဖၣ်ဒီးပှၤဒုးတၢ်ပိာ်ခွါတဖၣ်န့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.”

လံာ်ဒၤနံးယ့လး 11:40

ဖဲကီၢ်စူၤရံအစီၤပၤအမုၢ်နံၤလၢခံကတၢၢ်ဘူးကတုၤဝဲန့ၣ်, ကီၢ်အဲၤကူပတူးအစီၤပၤကဟဲဒုးအီၤဒီးကီၢ်စူၤရံအစီၤပၤကဒုး ဆၢက့ၤအီၤလၢအဂံၢ်အဘါခဲလၢာ်, လၢလ့ၣ်ကဟၣ်ဒုးသုး, ကသ့ၣ်ဒီးကဘီတဖၣ်လီၤ. ဒီးအဝဲကဟဲနုာ်လီၤဒုးထံကီၢ်အါဘ့ၣ်ဒ်ထံအါလုၣ်ဘၢတၢ်အသိးန့ၣ်လီၤ.

လံာ်ဧၤမိၣ် 4:2

ဒ်တၢ်စိတၢ်ကမီၤခဲလၢာ်အယွၤမ့ၢ်တၢ်စီတၢ်ဆှံအသိးန့ၣ်, အဝဲအၢၣ်လီၤတ့ၢ်ဝဲလၢ, မုၢ်နံၤတဖၣ်ကဟဲဝဲလၢသုကဘၣ်တၢ်ထုးသု လၢထးကွးတဖၣ်, ဒီးသုဝဲကိးဂၤဒဲးသုကလီၤဂာ်ဒီးညၣ်အိၣ် လၢတခွဲကနၣ်အလိၤန့ၣ်လီၤ.