လံာ်ယဃ့းစက့လး 38:23 - Sgaw Karen Common Bible

²³ လၢကျဲဒ်အံၤန့ၣ်ယကဒုးနဲၣ်ပှၤကလုာ်တဖၣ်လၢယမ့ၢ်ပှၤတဂၤ လၢအဒိၣ်ဝဲဒီးစီဝဲဆှံဝဲန့ၣ်လီၤ. အန့ၣ်ဒီးအဝဲသ့ၣ် ကသ့ၣ်ညါဝဲလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 38:23 Iomraidhean Croise

စံးထီၣ်ပတြၢၤ 9:16

ယွၤဒုးနဲၣ်အသးခီဖျိအတၢ်စံၣ်ညီၣ်အတီအလိၤတဖၣ်, ဒီးပှၤတတီတလိၤတဖၣ်န့ၣ်, ဘၣ်ဘျးလၢပျံၤသကွီၤလၢ အမၤဝဲလၢအစုဒၣ်ဝဲလီၤ. ဟံၣ်ကယိၣ်စ့လၤ

လံာ်တၢ်ဟးထီၣ်ကွံာ် 14:4

ယကမၤကိၤထီၣ်အဝဲအသးဒီးအဝဲကလူၤထွဲသုခံဒီးယတၢ်မၤနၢၤ စီၤပၤဒီးအသုးမုၢ်ကဟဲစိာ်တၢ်လၤကပီၤလၢယဂီၢ်န့ၣ်လီၤ. အန့ၣ်တစုပှၤအဲၤကူပတူးဖိတဖၣ်ကသ့ၣ်ညါလၢယမ့ၢ်ယွၤန့ၣ်လီၤ.” ဒီးပှၤအံၣ်စရ့လးဖိတဖၣ်မၤဝဲဒ်တၢ်စံးတ့ၢ်အီၤအသိးန့ၣ်လီၤ.

လံာ်ယၡါယၤ 25:3

ပှၤကလုာ်တဖၣ်လၢအစိကမီၤ ဒိၣ်ဝဲအပှၤဂီၢ်မုၢ်ကစံးထီၣ်ပတြၢၤ နၤလီၤ. နကဘၣ်တၢ်ပျံၤနၤလၢပှၤက လုာ်အအၢအသီတဖၣ်အဝ့ၢ်ပူၤလီၤ.

လံာ်ယဃ့းစက့လး 20:41

ဖဲယစိာ်ထီၣ်ကွံာ်သုလၢထံကီၢ်တဖၣ် လၢသုဘၣ်တၢ်မၤလီၤပြံလီၤပြါသု ဒီးပာ်ဖှိၣ်က့ၤသုတပူၤဃီဝံၤအလီၢ်ခံန့ၣ်, ယကတူၢ်လိာ်တၢ်လုၢ်တၢ်ပာ်တဖၣ်လၢသုဆိၣ်ကဲၤထီၣ်အီၤဒီးပှၤကလုာ် တဖၣ်ကထံၣ်ဝဲလၢယမ့ၢ်တၢ်စီဆှံတဂၤန့ၣ်လီၤ.

လံာ်ယဃ့းစက့လး 20:42

တုၤယဆှၢကဒါက့ၤသုဆူကီၢ်အံၣ်စရ့လး, ကီၢ်တဘ့ၣ်လၢယအၢၣ်လီၤတ့ၢ်လၢယကဟ့ၣ်လီၤသုမိၢ်ပၢ်ဖံဖု လၢပျၢၤတဖၣ်န့ၣ်ဒီး, အန့ၣ်တစု, သုကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 28:25

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ယကဟဲက့ၤစိာ်ကဒါက့ၤ ကီၢ်အံၣ်စရ့လးအပှၤဂီၢ်မုၢ်လၢထံကီၢ်တဖၣ်လၢယမၤလီၤပြံလီၤပြါ တ့ၢ်အဝဲသ့ၣ်ဒီးပှၤကလုာ်ခဲလၢာ်ကသ့ၣ်ညါဝဲလၢယမ့ၢ်တၢ်စီဆှံ န့ၣ်လီၤ. ကီၢ်အံၣ်စရ့လးအပှၤဂီၢ်မုၢ် ကအိၣ်ဆိးလၢ အထံကီၢ်ဒၣ်ဝဲအပူၤ, ထံကီၢ်တဘ့ၣ်လၢယဟ့ၣ်လီၤ တ့ၢ်ယခ့ယပှၤစီၤယၤကိာ်န့ၣ်လီၤ.

လံာ်ယဃ့းစက့လး 36:23

တုၤမ့ၢ်ယဒုးနဲၣ်ဖျါထီၣ်ယမံၤအဒိၣ်အမုၢ်အတၢ်စီဆှံလၢပှၤကလုာ် တဖၣ်အမဲာ်ညါ, မံၤလၢသုမၤမဲာ်ဆှးတ့ၢ်အီၤလၢအဝဲသ့ၣ်အကျါ န့ၣ်ဒီး, အန့ၣ်တစု, အဝဲသ့ၣ်ကသ့ၣ်ညါဝဲလၢယမ့ၢ်ယွၤန့ၣ်လီၤ. ယၤ, ယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ. ယကသူသုဒ်သိး ယကဒုးနဲၣ်ပှၤကလုာ်တဖၣ်လၢယမ့ၢ်တၢ်စီဆှံန့ၣ်လီၤ.

လံာ်ယဃ့းစက့လး 37:28

တုၤမ့ၢ်ယပာ်ယတၢ်လုၢ်ဟံၣ်ဖဲန့ၣ်လၢအဝဲသ့ၣ်အကျါလီၤစိၤလီၤထီဒီး, အန့ၣ်တစုပှၤကလုာ်တဖၣ်ကသ့ၣ်ညါဝဲလၢ, ယၤ, ယွၤဃုထၢတ့ၢ်ပှၤအံၣ်စရ့လးဖိလၢကမ့ၢ်ယပှၤဂီၢ်မုၢ်ဒၣ်ယဲန့ၣ်လီၤ.”

လံာ်ယဃ့းစက့လး 37:6

ယကဟ့ၣ်လီၤသုလၢထူၣ်ဧိၤပျၢ်ဧိၤတဖၣ်ဒီးအညၣ်တဖၣ်ဒီးမၤဘၢ သုလၢအဖံးန့ၣ်လီၤ. ယကဒၢနုာ်တၢ်သါလၢသုပူၤဒီးဒုးမူထီၣ် ကဒါက့ၤသုန့ၣ်လီၤ. အန့ၣ်ဒီးသုကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 38:16

နကလဲၤထီၣ်ဒုးယပှၤဂီၢ်မုၢ်အံၣ်စရ့လးဒ်ကလံၤမုၢ်လၢအအူ တၢ်သကုၤကီၢ်ဒီဘ့ၣ်ညါအသိးန့ၣ်လီၤ. ဖဲတၢ်ဆၢကတီၢ်န့ၣ်တုၤဃီၤဒီး, ယကဆှၢနၤလၢနကလဲၤနုာ်လီၤဒုးယကီၢ်, ဒ်သိးယကဒုးနဲၣ်ပှၤကလုာ်တဖၣ်လၢယမ့ၢ်မတၤလဲၣ်, ဒ်သိးယကဒုးနဲၣ် ယတၢ်စီတၢ်ဆှံခီဖျိတၢ်လၢယမၤအီၤခီဖျိနၤန့ၣ်လီၤ.

လံာ်ယဃ့းစက့လး 39:13

ပှၤကိးဂၤဒဲးလၢကီၢ်ပူၤကခူၣ်လီၤစၢၤအဝဲသ့ၣ်ဒီးအဝဲသ့ၣ်ကဘၣ် တၢ်မၤလၤကပီၤလၢတၢ်အံၤအဃိ, လၢယတၢ်မၤနၢၤအမုၢ်တနံၤ န့ၣ်လီၤ. ယၤယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 39:21

ယွၤစံးဝဲဒၣ်, “ယကပျဲပှၤကလုာ်တဖၣ်ထံၣ်ဘၣ်ယလၤကပီၤဒီးယကဒုးနဲၣ် အဝဲသ့ၣ်လၢယသူယစိကမီၤဒ်လဲၣ်, လၢယကမၤထွဲယတၢ်ပာ်လီၤသး အတီအလိၤတဖၣ်အဂီၢ်န့ၣ်လီၤ.

လံာ်ယဃ့းစက့လး 39:27

ဒ်သိးယဒုးနဲၣ်ပှၤအါကလုာ်လၢယမ့ၢ်တၢ်စီဆှံကသ့ဝဲအဂီၢ်န့ၣ်, ယကဟဲစိာ်ကဒါက့ၤယပှၤဂီၢ်မုၢ်လၢကယဲၢ်ထံကီၢ်တဖၣ်လၢ အဝဲသ့ၣ်အဒုၣ်အဒါတဖၣ်အိၣ်ဆိးဝဲန့ၣ်လီၤ.

လံာ်ယဃ့းစက့လး 39:7

ယကမၤလီၤတံၢ်ဒ်သိးပှၤဂီၢ်မုၢ်အံၣ်စရ့လးကသ့ၣ်ညါယမံၤ စီဆှံဒီးယတပျဲယမံၤဘၣ်တၢ်မၤမဲာ်ဆှးအီၤနီတ ဘျီလၢၤဘၣ်. အန့ၣ်တစုပှၤကလုာ်တဖၣ်ကသ့ၣ်ညါဝဲလၢယၤ, ယွၤအံၤမ့ၢ်အံၣ်စရ့လးအတၢ်စီဆှံကစၢ်ယွၤန့ၣ်လီၤ.”