လံာ်ယဃ့းစက့လး 38:19 - Sgaw Karen Common Bible

¹⁹ လၢယတၢ်သးဒိၣ်ကဲၤထီၣ်အပူၤန့ၣ်ယဘိးဘၣ်သ့ၣ်ညါလၢ ဖဲမုၢ်နံၤအဝဲန့ၣ်, ဟီၣ်ခိၣ်ကဟူးဒိၣ်ဒိၣ်ကလဲာ်လၢကီၢ်အံၣ်စရ့လး အပူၤန့ၣ်လီၤ.

လံာ်ယဃ့းစက့လး 38:19 Iomraidhean Croise

စံးထီၣ်ပတြၢၤ 18:7

တုၤနုၤတစုဟီၣ်ခိၣ်ဟူးဝးဒီးဆှဲးဆှိးဝဲ, ကစၢၢ်တဖၣ်အခီၣ်ထံးသုးအသးဒီးဟူးဝးဝဲ, မ့ၢ်လၢကစၢ်ယွၤသးဒိၣ်ထီၣ်အဃိန့ၣ်လီၤ.

စံးထီၣ်ပတြၢၤ 18:8

မ့ၣ်အူခုၣ်ဟဲထီၣ်လၢအနါဒ့အပူၤ, မ့ၣ်အူလၣ်ဒီးမ့ၣ်အူကဖးဟဲထီၣ်လၢအထးခိၣ်လီၤ.

စံးထီၣ်ပတြၢၤ 79:5

ယွၤဧၢ, မ့ၢ်နကသးထီၣ်ပှၤလီၤထူလီၤယိာ်ဧါ. မ့ၢ်နတၢ်သးထီၣ်ကအီၣ်တၢ်ဒ် မ့ၣ်အူအသိးဆူညါဒံးဧါ.

လံာ်ယၡါယၤ 42:13

ယွၤလဲၤထီၣ်လၢအကဒုးတၢ်ဒ်ပှၤသုးဖိတဂၤအသိးလီၤ. အဝဲအိၣ်ကတဲာ်ကတီၤအသးဒီးသူၣ်ဆူၣ်သးဂဲၤလၢတၢ်ဒုးတၢ်ယၤ အဂီၢ်လီၤ. အဝဲကိးထီၣ်တၢ်ဒုးတၢ်ယၤအသီၣ်ဒီးတၢ်ထီ ဒုၣ်ထီဒါအတၢ်ကိးသတြီထီၣ်န့ၣ်လီၤ. အဝဲဒုးနဲၣ်အစိအကမီၤလၢအဒုၣ်အဒါတဖၣ် အဖီခီၣ်လီၤ.

လံာ်ယၡါယၤ 42:15

ယကမၤဟးဂီၤကွံာ်တၢ်လူၢ်ဒီးကစၢၢ်တဖၣ် ဒီးမၤဃ့ထီကွံာ်နီၣ်ဧိၤမံၤဧိၤဒီးသ့ၣ်ထူၣ်တဖၣ်လီၤ. ယကဒုးကဲထီၣ်က့ၤထံကျိအတြီၤတဖၣ်ဆူမဲးမုၢ်ခိၣ် ဒီးမၤဃ့ထီကွံာ်ထံအကွံတဖၣ်လီၤ.

လံာ်ယဃ့းစက့လး 36:5

ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လၢယတၢ် သးဒိၣ်ကဲၤထီၣ်အပူၤထီဒါပှၤကလုာ်တဖၣ်လၢအအိၣ်ခိၣ်အိၣ်ဃၢၤ ဒီးလီၤဆီဒၣ်တၢ်ထီဒါကီၢ်အဒိၣ်န့ၣ်လီၤ. လၢတၢ်နံၤဘၣ်ဖၣ်လဲ ဒီးတၢ်တပာ်လ့ၢ်ပာ်ကဲအပူၤ, အဝဲသ့ၣ်မၤန့ၢ်ကွံာ်ယကီၢ် ဒီးဟံးန့ၢ်ကွံာ်အတၢ်အီၣ်ဆၣ်အလီၢ်တဖၣ်န့ၣ်လီၤ.

လံာ်ယဃ့းစက့လး 36:6

လၢတၢ်န့ၣ်အဃိကတိၤတၢ်လၢဝံအကျိာ်ဒီးကီၢ်အံၣ်စရ့လးတက့ၢ်, တဲဘၣ်ကစၢၢ်ကလိတဖၣ်, တၢ်လူၢ်တဖၣ်, ထံကျိဖိတဖၣ်ဒီး တၢ်တြီၤတဖၣ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲဒၣ် လၢတၢ်သးက့ၣ်, အတၢ်သးဒိၣ်ထီၣ်အပူၤ, မ့ၢ်လၢပှၤကလုာ်သ့ၣ်တဖၣ်ကတိၤဒုၣ် ဒွဲၣ်ဒီးဆီၣ်လီၤကွံာ်အဝဲသ့ၣ်အဃိန့ၣ်တက့ၢ်.

လံာ်ယဃ့းစက့လး 39:25

ယွၤ, ပၢဘၣ်တၢ်ခဲလၢာ်ကစၢ်စံးဝဲဒၣ်, “မ့မ့ၢ်ခဲကနံၣ်အံၤ, ယကသူၣ်ကညီၤသးကညီၤစီၤယၤကိာ်အစၢၤအသွဲၣ်တဖၣ်, ကီၢ်အံၣ်စရ့လးအပှၤဂီၢ်မုၢ်, ဒီးမၤဘီၣ်ထီၣ်ညီထီၣ်ကဒီးအဝဲ သ့ၣ်န့ၣ်လီၤ. ယကဒီဒၣ်အိၣ်ပှိၤယမံၤစီဆှံန့ၣ်လီၤ.

လံာ်ယဃ့းစက့လး 39:6

ယကစးထီၣ်မၢမ့ၣ်အူအီၣ်တၢ်လၢကီၢ်မကိးလၢအပူၤဒီးလၢပီၣ်လဲၣ် ကၢၢ်နံၤတဖၣ်ဖဲပှၤဂီၢ်မုၢ်အိၣ်ဆိးဝဲတအိၣ်ဒီးတၢ်မၤတံာ်တာ်အီၤ ဘၣ်ဒီးပှၤကိးဂၤဒဲးကသ့ၣ်ညါဝဲလၢယမ့ၢ်ယွၤန့ၣ်လီၤ.

လံာ်ယဃ့းစက့လး 5:13

သုကကလၢၢ်ဘၣ်ယတၢ်သးဒိၣ်ဒီးသးကဲၤထီၣ်အသဟီၣ်တုၤယသးမံယဲ တစုလီၤ. ဖဲတၢ်ခဲလၢာ်အံၤမၤအသးန့ၣ်, သုကနာ်နီၢ်နီၢ်လၢယၤ, ယွၤအံၤ, ကတိၤလံတၢ်ဒီးသုမ့ၢ်လၢယကသး ကဲၤထီၣ်ဘၣ်သုတၢ်သူၣ်တတီသးတလိၤအဃိန့ၣ်လီၤ.

လံာ်ယိၤအ့လး 2:18

တုၤနုၤတစုယွၤကသူၣ်အိၣ်သးအိၣ်အထံအကီၢ်, ဒီးသးကညီၤအပှၤဂီၢ်မုၢ်န့ၣ်လီၤ.”

လံာ်ယိၤအ့လး 3:16

ယွၤထုထီၣ်အကလုၢ်လၢကစၢၢ်စံယိၣ်အလိၤ, အကလုၢ်သီၣ်ဒ်လီသီၣ်, သီၣ်ထီၣ်ဝဲလၢဝ့ၢ်ယရူၤၡလ့ၣ်, ဟီၣ်ခိၣ်ဒီးမူကပိာ်လိၤန့ၣ်ဟူးဝးဆှဲးဆှိးဝဲလီၤ. ဘၣ်ဆၣ်, အဝဲကဒီသဒၢအပှၤဂီၢ်မုၢ်န့ၣ်လီၤ.

လံာ်နၤဃူၣ် 1:2

ယွၤ, ကစၢ်ယွၤအသးတစူၤဘၣ်ပှၤပြၢလိာ်အသးဒီးအီၤတဖၣ် နီတဂၤဘၣ်, အဝဲစံၣ်ညီၣ်ဃၣ်ပှၤလၢအထီဒါအီၤတဖၣ်ဒီး လၢအတၢ်သးကဲၤထီၣ်အပူၤန့ၣ်ဟ့ၣ်ကၣ်က့ၤ အဝဲသ့ၣ်န့ၣ်လီၤ.

လံာ်စကၤရယၤ 1:14

ဒီးကလူးန့ၣ်တဲဘၣ်ယၤလၢယကတဲဖျါထီၣ် တၢ်လၢသ့တၢ်လၢာ်ယွၤစံးတ့ၢ်ဒ်အံၤ, “ယအိၣ်ဒီးတၢ်အဲၣ်ဒီးတၢ်သးအိၣ်လၢအဒိၣ်ဝဲယိာ်ဝဲတမံၤလၢ ဝ့ၢ်ယရူၤရှလ့ၣ်, ယဝ့ၢ်စီဆှံအဂီၢ်,

လံာ်သိၣ်လီၤသီလီၤတၢ် 29:20

ယွၤတပျၢ်ကွံာ်ပှၤဒ်န့ၣ်အသိးတဂၤအတၢ်ကမၣ်ဘၣ်, အခိၣ်တလိာ်, ယွၤအတၢ်သးကဲၤထီၣ်ကကဲၤကပျီၤထီၣ်ဘၣ်ထီဒါအီၤ, ဒီးကယဲၢ်တၢ်တတၢးတနါတဖၣ်လၢအအိၣ်ကွဲးအသးလၢလံာ်အံၤအပူၤ ကလီၤဘၣ်လၢအလိၤ, တုၤလၢယွၤမၤဟးဂီၤကွံာ်အီၤလၢာ်လၢာ်ဆ့ဆ့တစုန့ၣ်လီၤ.

လံာ်သိၣ်လီၤသီလီၤတၢ် 32:22

ယတၢ်သးဒိၣ်ကမၤသးဒ်မ့ၣ်အူကဲၤထီၣ် ဒီးအီၣ်ကွံာ်ကယဲၢ်တၢ်ခဲလၢာ်လၢဟီၣ်ခိၣ်အသိးန့ၣ်လီၤ. တၢ်န့ၣ်ကတုၤဃီၤဆူဟီၣ်ခိၣ်လာ်ဒီးအီၣ်လၢာ်ဂီၤကွံာ် ကစၢၢ်ကလိတဖၣ်အခီၣ်ထံးတဖၣ်န့ၣ်လီၤ.

ဧ့ၤဘြံၤ 12:26

အကတီၢ်ဖဲန့ၣ်အဝဲအကလုၢ်မၤဟူးမၤဝးဟီၣ်ခိၣ်လီၤ. ဘၣ်ဆၣ်ဒီးခဲကနံၣ်အံၤစံးပာ်လံဝဲ, “ယကမၤဟူးမၤဝးထီၣ်ကဒီးဟီၣ်ခိၣ်တဘျီတမ့ၢ်ထဲဟီၣ်ခိၣ်ဘၣ်, မ့မ့ၢ်ယကမၤဟူးမူခိၣ်စ့ၢ်ကီးလီၤ.”

ဧ့ၤဘြံၤ 12:29

အဂ့ၢ်ဒ်အံၤ, ပကစၢ်ယွၤမ့ၢ်မ့ၣ်အူလၢအအီၣ်ကွံာ်တၢ်လီၤ.

လံာ်လီၣ်ဖျါ 11:13

တကတီၢ်ဃီဖဲန့ၣ်ဟီၣ်ခိၣ်ဟူးဝးဝဲဒၣ်ဆူၣ်ဆူၣ်ကလဲာ်, ဝ့ၢ်အဆံဆဲၣ်ပူဘၣ်တၢ်မၤဟးဂီၤကွံာ်အီၤ, ဒီးပှၤအဂၤနွံကထိ သံကွံာ်ဝဲဒၣ်လီၤ. ပှၤအိၣ်လီၤတဲာ်တ့ၢ်တဖၣ်အသူၣ်ပျံၤသးဖုး ဒီးစံးထီၣ်ပတြၢၤကစၢ်ယွၤလၢမူခိၣ်တဂၤအတၢ်ဒိၣ်တၢ်မုၢ် န့ၣ်လီၤ.

လံာ်လီၣ်ဖျါ 16:18

လီဝၢ်အဒံး, လီသီၣ်လီသဲဒီးဟီၣ်ခိၣ်ဟူးဝးဆှဲးဆှိးဝဲလီၤပျံၤလီၤ ဖုးဒိၣ်မးလီၤ. စးထီၣ်လၢပှၤကညီဘၣ်တၢ်တ့လီၤအီၤလံၤလံၤန့ၣ်, ဟီၣ်ခိၣ်ဟူးဒ်အံၤအသိးတအိၣ်ဒံးဝဲနီတစု, အဝဲအံၤမ့ၢ်ဟီၣ်ခိၣ်ဟူးအဒိၣ်ကတၢၢ်နးကတၢၢ်တဘျီလီၤ.

လံာ်လီၣ်ဖျါ 16:20

ကယဲၢ်ကီးတဖၣ်ခဲလၢာ်ဟါမၢ်ကွံာ်, ကစၢၢ်ခဲလၢာ်လီၤမၢ် ကွံာ်ဝဲလီၤ.