လံာ်ယဃ့းစက့လး 38:15 - Sgaw Karen Common Bible

¹⁵ ဒီးဟဲထီၣ်လၢတၢ်လီၢ်အိၣ်လီၢ်ဆိးလၢကလံၤစိးတခီ, ဆှၢထီၣ် သုးမုၢ်ဖးဒိၣ်တဖုလၢအဂံၢ်ဆူၣ်ဘါဆူၣ်, အိၣ်ဒီးသုးဖိတဖၣ် လၢထံကီၢ်အါဘ့ၣ်လၢကိးဂၤဒဲးဒိးကသ့ၣ်န့ၣ်တက့ၢ်.

လံာ်ယဃ့းစက့လး 38:15 Iomraidhean Croise

လံာ်ယဃ့းစက့လး 32:30

ကယဲၢ်အပဒိၣ်ဖးဒိၣ်တဖၣ်လၢကလံၤစိးအိၣ်ဖဲန့ၣ်ဒီးပှၤစံဒိၣ်ဖိတဖၣ် စ့ၢ်ကီးန့ၣ်လီၤ. တဘျီန့ၣ်အဝဲသ့ၣ်အစိကမီၤရၤလီၤတၢ်မၤပျံၤ မၤဖုးဘၣ်ဆၣ်ခဲအံၤအဝဲသ့ၣ်လဲၤလီၤလၢတၢ်လီၤမဲာ်ဆှးအပူၤ ဃုာ်ဒီးပှၤတဖၣ်လၢအဘၣ်တၢ်မၤသံအီၤလၢတၢ်ဒုးပူၤဒီးမံလီၤတ့ၢ် လၢတၢ်အိၣ်ဘှံးအပူၤတအိၣ်ဒီးတၢ်ဒိးဘၣ်တၢ်ကူးတရံးဘၣ်န့ၣ်လီၤ. အဝဲသ့ၣ်ဒိးဘၣ်တၢ်မဲာ်ဆှးတမံၤဃီဒ်သိးဒၣ်ပှၤတဖၣ် လၢအလဲၤလီၤတ့ၢ်ဆူတၢ်သံအကီၢ်ပူၤန့ၣ်လီၤ.

လံာ်ယဃ့းစက့လး 38:4

ယကဃၣ်တရံးကဒါက့ၤအီၤ, ဘျးထီၣ်နီၣ်ကျးတဖၣ်လၢအခၣ် တဖၣ်အပူၤ, ဒီးတွံၢ်ကွံာ်အီၤဃုာ်ဒီးကယဲၢ်အသုးဖိသံၣ်ဖိတဖၣ်န့ၣ်လီၤ. အဝဲအသုးမုၢ်ဃုာ်ဒီးအကသ့ၣ်တဖၣ်ဒီးအပှၤအဒိး ကသ့ၣ်တဖၣ်လၢအလဲၤတၢ်ဃူဃူဒ်သိးသိးန့ၣ်, အိၣ်ဖျါဒိၣ်ဝဲ သွါဝဲ, ဒီးသုးဖိကိးဂၤဒဲးကံာ်တူာ်အသးဒီးကတီၤတဘ့ၣ်ဒီး နးတဘ့ၣ်စုာ်စုာ်န့ၣ်လီၤ.

လံာ်ယဃ့းစက့လး 38:6

ကယဲၢ်ပှၤဒုးတၢ်ဖိအပိာ်ခွါတဖၣ်လၢအအိၣ်ဒီးကီၢ်ကိမၢၤဒီး အပှၤဟံၣ်ဖိလၢကလံၤစိးတခီဒီးဒ်န့ၣ်အသိးပှၤပိာ်ခွါတဖၣ်လၢထံကီၢ် အဂၤအါဘ့ၣ်စ့ၢ်ကီးအိၣ်ဒီးအီၤန့ၣ်လီၤ.

လံာ်ယဃ့းစက့လး 39:2

ယကဃၣ်တရံးအီၤဆူကျဲအသီတဘိအပူၤဒီးဆှၢထီၣ်အီၤလၢ ကလံၤစိးလၢအယံၤတခီတုၤအလဲၤတုၤဝဲဆူကီၢ်အံၣ်စရ့လး အကစၢၢ်ကလိတဖၣ်န့ၣ်လီၤ.

လံာ်ဒၤနံးယ့လး 11:40

ဖဲကီၢ်စူၤရံအစီၤပၤအမုၢ်နံၤလၢခံကတၢၢ်ဘူးကတုၤဝဲန့ၣ်, ကီၢ်အဲၤကူပတူးအစီၤပၤကဟဲဒုးအီၤဒီးကီၢ်စူၤရံအစီၤပၤကဒုး ဆၢက့ၤအီၤလၢအဂံၢ်အဘါခဲလၢာ်, လၢလ့ၣ်ကဟၣ်ဒုးသုး, ကသ့ၣ်ဒီးကဘီတဖၣ်လီၤ. ဒီးအဝဲကဟဲနုာ်လီၤဒုးထံကီၢ်အါဘ့ၣ်ဒ်ထံအါလုၣ်ဘၢတၢ်အသိးန့ၣ်လီၤ.

လံာ်ယိၤအ့လး 3:11

သုဝဲပှၤကလုာ်အိၣ်ဝးတရံးခဲလၢာ်သ့ၣ်ဧၢ, မၤချ့ချ့ဒီးဟဲတက့ၢ်. ဒီးပာ်ဖှိၣ်သုသးလၢတၢ်တြီၤပူၤတက့ၢ်.” ယွၤဧၢ, မၢလီၤနသုးမုၢ်သံၣ်ဘိလၢကဒုးအဝဲသ့ၣ် န့ၣ်တက့ၢ်.

လံာ်ယိၤအ့လး 3:2

ယကပာ်ဖှိၣ်ပှၤကလုာ်ခဲလၢာ်, ဒီးဟဲစိာ်အီၤဆူတၢ်စံၣ်ညီၣ်အတြီၤပူၤန့ၣ်လီၤ. ဖဲန့ၣ်ယကစံၣ်ညီၣ်အဝဲသ့ၣ် မ့ၢ်လၢအမၤလီၤပြံလီၤပြါယပှၤဂီၢ်မုၢ်အဃိန့ၣ်လီၤ. အဝဲသ့ၣ်မၤလီၤပြံလီၤပြါပှၤအံၣ်စရ့လးဖိလၢတခီထံတခီ ကီၢ်တဖၣ်အပူၤ, ဒီးနီၤဖးကွံာ်ယထံယကီၢ်, ကီၢ်အံၣ်စရ့လးန့ၣ်လီၤ.

လံာ်စဖါနယၤ 3:8

ယွၤစံးဝဲဒၣ်, “အိၣ်ခိး, ခိးတုၤမုၢ်တနံၤလၢယဂဲၤဆၢထၢၣ် အုၣ်ယသးထီဒါပှၤကလုာ်တဖၣ်န့ၣ်တက့ၢ်. ယပာ်လီၤယသးလၢယကပာ်ဖှိၣ်ပှၤကလုာ်တဖၣ်ဒီးဘီမုၢ် တဖၣ်ဒ်သိးယကပျဲအဝဲသ့ၣ်ကလၢၢ်ဘၣ်ယတၢ်သးထီၣ် အသဟီၣ်လီၤ. ဟီၣ်ခိၣ်ဒီဘ့ၣ်ကဘၣ်တၢ်မၤဟးဂီၤကွံာ်အီၤလၢယတၢ်သးကဲၤထီၣ် အမ့ၣ်အူန့ၣ်လီၤ.

လံာ်လီၣ်ဖျါ 16:14

အဝဲသ့ၣ်မ့ၢ်တၢ်ဝံတၢ်နါလၢအမၤတၢ်လီၤလးတဖၣ်အသး န့ၣ်လီၤ. သးသၢဒုအံၤလဲၤဝဲဆူဟီၣ်ခိၣ်အစီၤပၤခဲလၢာ်အအိၣ် ဒ်သိးအကဒုးအိၣ်ဖှိၣ်အဝဲသ့ၣ်တပူၤဃီလၢတၢ်ဒုးဖဲသ့တၢ် လၢာ်ကစၢ်ယွၤအမုၢ်နံၤဖးဒိၣ်တနံၤန့ၣ်အဂီၢ်လီၤ.

လံာ်လီၣ်ဖျါ 16:16

တုၤနုၤတစုသးတဖၣ်ဟဲဆှၢစီၤပၤတဖၣ်တပူၤဃီဖဲတၢ်လီၢ် တတီၤလၢအဘၣ်တၢ်ကိးအီၤလၢဧ့ၤဘြံၤ အကျိာ်လၢအၢ်မက့းဒိၣ် န့ၣ်လီၤ.

လံာ်လီၣ်ဖျါ 20:8

ဒီးအဝဲဒၣ်ကဟးထီၣ်ဒ်သိးအကလီန့ၢ်ပှၤကလုာ်လၢ ထံဧိၤကီၢ်ဧိၤလၢအအိၣ်ရၤလီၤအသးသကုၤဟီၣ်ခိၣ်ဒီဘ့ၣ်ညါလၢ အမ့ၢ်ပှၤကိးဖိဒီးပှၤမကိးဖိလီၤ. မုၣ်ကီၤလံၢ်ကပာ်ဖှိၣ်အဝဲသ့ၣ်တပူၤဃီလၢတၢ်ဒုးသုးအဂီၢ်, အနီၣ်ဂံၢ်ကအါဝဲဒ်မဲးဧိၤဟီၣ်ဧိၤလၢပီၣ်လဲၣ်ကၢၢ်နံၤအသိး န့ၣ်လီၤ.