လံာ်ယဃ့းစက့လး 38:1 - Sgaw Karen Common Bible

^1-2 ယွၤကတိၤတၢ်ဒီးယၤန့ၣ်လီၤ. အဝဲစံးဝဲဒၣ်, “ပှၤကညီလၢအသံသ့ဧၢ, စံးလၢစီၤကိး, လၢအမ့ၢ်ပှၤကလုာ်တဖၣ်လၢအမ့ၢ်ပှၤမ့ၤၡးဖိ, ပှၤတူၤဘလးဖိ, လၢအအိၣ်လၢကီၢ်မကိးအပူၤ, အပှၤပၢတၢ်အခိၣ်ကျၢၢ်, ဂ့ၤဘၣ်တၢ်စံၣ်ညီၣ်န့ၣ်တက့ၢ်. စံးလၢအဝဲဂ့ၤဘၣ်တၢ်စံၣ်ညီၣ်,

လံာ်ယဃ့းစက့လး 38:1 Iomraidhean Croise

လံာ်ယၡါယၤ 11:14

အဝဲသ့ၣ်ကပာ်ဖှိၣ်အသးဒီးကဒုးတၢ်ထီဒါပှၤဖလ့ၡသးဖိလၢ မုၢ်နုာ်တခီဒီးဂုာ်ဆူၣ်ပျီဆူၣ်ပှၤလၢအအိၣ်လၢမုၢ်ထီၣ်တကပၤ န့ၣ်လီၤ. အဝဲသ့ၣ်ကမၤန့ၢ်မၤနၢၤပှၤအဒိၣ်ဒီးမိၤအး, ဒီးပှၤဧၣ်မိၣ်ဖိကစူၢ်အဝဲသ့ၣ်လီၤ.

လံာ်ယၡါယၤ 24:21

တၢ်ဆၢကတီၢ်တခါန့ၣ်ဘူးထီၣ်လံဖဲယွၤကစံၣ်ညီၣ်တၢ်စိ ကမီၤတဖၣ်လၢထးဒီးပှၤပၢတၢ်တဖၣ်လၢဟီၣ်ခိၣ်လိၤလီၤ.

လံာ်ယဃ့းစက့လး 37:28

တုၤမ့ၢ်ယပာ်ယတၢ်လုၢ်ဟံၣ်ဖဲန့ၣ်လၢအဝဲသ့ၣ်အကျါလီၤစိၤလီၤထီဒီး, အန့ၣ်တစုပှၤကလုာ်တဖၣ်ကသ့ၣ်ညါဝဲလၢ, ယၤ, ယွၤဃုထၢတ့ၢ်ပှၤအံၣ်စရ့လးဖိလၢကမ့ၢ်ယပှၤဂီၢ်မုၢ်ဒၣ်ယဲန့ၣ်လီၤ.”

လံာ်ယဃ့းစက့လး 39:1

ယွၤပၢဘၣ်တၢ်ခဲလၢာ်ကစၢ်စံးဝဲ, “ပှၤကညီလၢအသံသ့ဧၢ, စံးလၢစီၤကိးလၢအမ့ၢ်ပှၤမ့ၤၡးဖိဒီးပှၤတူၤဘလးဖိအပှၤကလုာ် တဖၣ်အပှၤပၢတၢ်အဒိၣ်ကတၢၢ်ကြၢးဘၣ်တၢ်စံၣ်ညီၣ်ဒီးတဲဘၣ်အီၤ လၢယမ့ၢ်အဒုၣ်အဒါန့ၣ်တက့ၢ်.

လံာ်စကၤရယၤ 12:3

ဘၣ်ဆၣ်ဒီးဖဲအဆၢကတီၢ်အဝဲန့ၣ်တုၤဃီၤဒီး, ယကဒုးကဲထီၣ်ဝ့ၢ်ယရူၤၡလ့ၣ်ဒ်လၢၢ်အဃၢတဖျၢၣ်အသိး, ဒီးကယဲၢ်ပှၤတကလုာ်ဂ့ၤတကလုာ်ဂ့ၤလၢအကျဲးစၢးစိာ်ထီၣ်အီၤန့ၣ် ကဘၣ်ဒိဘၣ်ထံးဝဲဒၣ်လီၤ. ပှၤကလုာ်ခဲလၢာ်လၢဟီၣ်ခိၣ်ချၢကပာ်ဖှိၣ်ထီၣ်အသုးမုၢ်သံၣ်ဘိ တဖၣ်ဒီးကဒုးတၢ်ထီဒါအီၤလီၤ.

လံာ်လီၣ်ဖျါ 16:12

တုၤနုၤတစုကလူးဃုဂၤတဂၤဂၢ်လီၤအသလၢလၢထံကျိဖးဒိၣ် ဖရၤသးအပူၤလီၤ. ထံကျိဃ့ထီကွံာ်ဝဲ, ဒ်သိးအကဒုးအိၣ်ထီၣ်ကျဲလၢစီၤပၤလၢအဟဲလၢမုၢ်ထီၣ် တဖၣ်အဂီၢ်န့ၣ်လီၤ.

လံာ်လီၣ်ဖျါ 20:8

ဒီးအဝဲဒၣ်ကဟးထီၣ်ဒ်သိးအကလီန့ၢ်ပှၤကလုာ်လၢ ထံဧိၤကီၢ်ဧိၤလၢအအိၣ်ရၤလီၤအသးသကုၤဟီၣ်ခိၣ်ဒီဘ့ၣ်ညါလၢ အမ့ၢ်ပှၤကိးဖိဒီးပှၤမကိးဖိလီၤ. မုၣ်ကီၤလံၢ်ကပာ်ဖှိၣ်အဝဲသ့ၣ်တပူၤဃီလၢတၢ်ဒုးသုးအဂီၢ်, အနီၣ်ဂံၢ်ကအါဝဲဒ်မဲးဧိၤဟီၣ်ဧိၤလၢပီၣ်လဲၣ်ကၢၢ်နံၤအသိး န့ၣ်လီၤ.