လံာ်ယဃ့းစက့လး 37:7 - Sgaw Karen Common Bible

⁷ လၢတၢ်န့ၣ်အဃိ, ယကတိၤတၢ်လၢဝံအကျိာ်ဒ်တၢ်တဲဘၣ်တ့ၢ်ယၤ အသိးန့ၣ်လီၤ. ဖဲယကတိၤတၢ်အဖၢမုၢ်န့ၣ်, ယနၢ်ဟူဘၣ်တၢ်အသီၣ်ရဲာ် သီၣ်ရီာ်တမံၤဒီးတၢ်ဃံတၢ်ကွဲတဖၣ်စးထီၣ်စဲဘူးလိာ် အသးန့ၣ်လီၤ.

လံာ်ယဃ့းစက့လး 37:7 Iomraidhean Croise

လံာ်ယံးရမံယၤ 26:8

ဒီးဖဲယကတိၤတၢ်လၢယွၤမၤလိာ်တ့ၢ်ယၤတဖၣ် ဝံၤတဘျီဃီန့ၣ်, အဝဲသ့ၣ်ဖီၣ်စှီၤတံၢ်ဃာ်ယၤဒီး ကိးထီၣ်ဝဲ, “နကြၢးဘၣ်တၢ်မၤသံနၤလၢ တၢ်အံၤအဃိန့ၣ်လီၤ.

လံာ်ယဃ့းစက့လး 12:7

ယမၤတၢ်လၢယွၤတဲဘၣ်တ့ၢ်ယၤလၢယကဘၣ်မၤအီၤန့ၣ်လီၤ. မုၢ်နံၤအဝဲန့ၣ်ယဘိၣ်ထီၣ်တၢ်ဘိၣ်တဘိၣ်ဒ်ပှၤဃ့ၢ်ကွံာ်ဆူထံဂၤ ကီၢ်ဂၤတဂၤမၤဝဲအသိး, ဒီးလၢဟါအဝဲန့ၣ်ဖဲတၢ်ခံးလီၤန့ၣ်, ယဘၢၣ်ဖျိတၢ်ပူၤတပူၤလၢဟံၣ်အတၢ်ဒူၣ်လၢယစုဒၣ်ယဲဒီးဟးထီၣ် ကွံာ်ယဲလီၤ. ဖဲပှၤကိးဂၤဒဲးကွၢ်တၢ်အဖၢမုၢ်န့ၣ်, ယဝံထီၣ်တၢ်ဘိၣ်လၢယဖံဘၣ်ခိၣ်အလိၤဒီးဟးထီၣ်ကွံာ်န့ၣ်လီၤ.

လံာ်ယဃ့းစက့လး 37:8

ဖဲယကွၢ်တၢ်အဖၢမုၢ်န့ၣ်, တၢ်ဃံတၢ်ကွဲဘၣ်တၢ်ကးဘၢအီၤ လၢအထူၣ်အပျၢ်တဖၣ်ဒီးအညၣ်တဖၣ်ဝံၤဒီးအဖံးန့ၣ်လီၤ. ဘၣ်ဆၣ်လၢနီၢ်ခိတဖၣ်အပူၤန့ၣ်, တၢ်သါထီၣ်တအိၣ်ဝဲဘၣ်.

မၤတၢ် 2:2

သတူၢ်ကလာ်, တၢ်အသီၣ်ဟဲလီၤလၢမူခိၣ်လီၤဂာ်ဒ်ကလံၤလၢအအူတၢ်ဆူၣ်မး အသိး, ဒီးတၢ်အသီၣ်အံၤမၤပှဲၤဟံၣ်လၢအဝဲသ့ၣ်ဆ့ၣ်နီၤဝဲလၢအပူၤဒီ တဖျၢၣ်ညါလီၤ.

မၤတၢ် 2:37

တုၤပှၤတဖၣ်နၢ်ဟူဘၣ်တၢ်လၢစီၤပ့းတရူးစံးတ့ၢ်ဝဲအံၤန့ၣ်, အဝဲသ့ၣ်အသးဘၣ်ဒိဘၣ်ထံးနးမးဒီးစံးဘၣ်စီၤပ့းတရူးဒီး ပှၤတၢ်မၢဖိအဂၤတဖၣ်, “ဒီပုၢ်ဝဲၢ်သ့ၣ်ဧၢ, ပကမၤဘၣ်ဒ်လဲၣ်.”

မၤတၢ် 4:19

ဘၣ်ဆၣ်ဒီးစီၤပ့းတရူးဒီးစီၤယိၤဟၣ်စံးဆၢက့ၤအဝဲသ့ၣ်, “လၢကစၢ်ယွၤအမဲာ်ညါန့ၣ်, တၢ်အဘၣ်မ့ၢ်တၢ်ဒ်လဲၣ်န့ၣ်စံၣ်ညီၣ်ဒၣ်သုဝဲတက့ၢ်. မ့ၢ်တၢ်ဒိကနၣ်သုကလုၢ်ဧါ. မ့တမ့ၢ်ဘၣ်ဒီးတၢ်ဒိကနၣ်ကစၢ်ယွၤ အကလုၢ်လဲၣ်.