လံာ်ယဃ့းစက့လး 37:4 - Sgaw Karen Common Bible

⁴ အဝဲစံးဝဲဒၣ်, “ကတိၤတၢ်လၢဝံအကျိာ်ဒီးတၢ်ဃံတၢ်ကွဲတဖၣ်အံၤတက့ၢ်. တဲဘၣ်တၢ်ဃံတၢ်ကွဲအဃ့ထီတဖၣ်အံၤလၢကကနၣ် ယွၤအကလုၢ်န့ၣ်တက့ၢ်.

လံာ်ယဃ့းစက့လး 37:4 Iomraidhean Croise

လံာ်စီၤပၤအခီၣ်ထံးတဘ့ၣ် 13:2

ဒ်ယွၤအတၢ်မၤလိာ်အသိးဝံန့ၣ်ကိးထီၣ်တၢ်စံၣ်ညီၣ်အတၢ်ကတိၤထီ ဒါတၢ်လုၢ်လီၢ်, “တၢ်လုၢ်လီၢ်ဧၢ, တၢ်လုၢ်လီၢ်ဧၢ, အအံၤမ့ၢ်တၢ်လၢယွၤစံးဝဲဒၣ်န့ၣ်လီၤ. ဖိသၣ်တဂၤလၢအမံၤ ကမ့ၢ်စီၤယိၤၡံယၤကအိၣ်ဖျဲၣ်ထီၣ်လၢစီၤဒၤဝံးအဒူၣ်ဖိထၢဖိအပူၤန့ၣ်လီၤ. ပှၤလုၢ်တၢ်အခိၣ်တဖၣ်လၢအလုၢ်ထီၣ်ပာ်ထီၣ်တၢ်အံၤ, လၢအမ့ၢ်ပှၤမၤတၢ်လၢတၢ်ဂီၤတၢ်ဖီၣ်အတၢ်လုၢ်လီၢ်န့ၣ်, အဝဲကမၤသံကွံာ်အီၤလၢနလိၤဒီးအဝဲကဆိၣ်ကဲၤထီၣ်ပှၤကညီ အဃံတဖၣ်လၢနဖီခိၣ်လီၤ.”

လံာ်စီၤယိၤဘး 10:11

နတ့ယနီၢ်ခိနီၢ်ခီလၢတၢ်ဃံဒီးတၢ်အထူၣ်အပျၢ်, ဒီးနမၤဘၢတၢ် ဃံလၢပညၣ်ထူၣ်တဖၣ်ဒီးပဖံးန့ၣ်လီၤ.

လံာ်ယၡါယၤ 26:19

ပပှၤဂီၢ်မုၢ်လၢအသံတ့ၢ်တဖၣ်ကမူကဒီးလီၤ. အဝဲသ့ၣ်အနီၢ်ခိတဖၣ်ကမူထီၣ်က့ၤလီၤ. ကယဲၢ်ပှၤလၢအမံလၢအသွၣ်ခိၣ်အပူၤတဖၣ်ကပၢၢ်ထီၣ် ဒီးသးဝံၣ်တၢ်လၢတၢ်သးခုအပူၤလီၤ. ဒ်ဘှ့ၣ်ပစီၤအတၢ်ကပီၤမၤသီထီၣ်က့ၤဟီၣ်ခိၣ်အသိးန့ၣ်, ယွၤကမၤမူထီၣ်ပှၤလၢအသံတ့ၢ်ဝဲလၢပျၢၤတဖၣ်လီၤ.

လံာ်ယၡါယၤ 42:18

ယွၤစံးဝဲ, “သုဝဲပှၤလၢအနၢ်တအၢသ့ၣ်ဧၢ, ဒိကနၣ်တၢ်တက့ၢ်. သုဝဲပှၤလၢအမဲာ်ဘျီၣ်သ့ၣ်ဧၢ, ကွၢ်ထံတၢ်တက့ၢ်.

လံာ်ယံးရမံယၤ 22:29

အိဟီၣ်ခိၣ်ဧၢ, ဟီၣ်ခိၣ်ဧၢ, ဒိကနၣ်တၢ်လၢယွၤစံးတ့ၢ်ဝဲန့ၣ်တက့ၢ်.

လံာ်ယဃ့းစက့လး 36:1

ယွၤစံးဝဲဒၣ်, “ပှၤကညီလၢအသံသ့ဧၢ, ကတိၤတၢ်ဒီးကီၢ်အံၣ်စ ရ့လးအကစၢၢ်ကလိတဖၣ်ဒီးစံးဘၣ်အဝဲသ့ၣ်လၢကဒိကနၣ်ယၤ,

လံာ်ယဃ့းစက့လး 37:11

ကစၢ်ယွၤစံးဘၣ်ယၤ, “ပှၤကညီလၢအသံသ့ဧၢ, ကီၢ်အံၣ်စရ့လးအပှၤဂီၢ်မုၢ်လီၤဂာ် ဒီးတၢ်ဃံတၢ်ကွဲတဖၣ်အံၤလီၤ. အဝဲသ့ၣ်စံးဝဲလၢအဝဲသ့ၣ်ဃ့ထီကွံာ်လံ, တအိၣ်ဒီးတၢ်မုၢ်လၢ်နီတမံၤဒီးခါဆူညါလၢအဂီၢ်တအိၣ်ဘၣ်.

လံာ်ယဃ့းစက့လး 37:12

လၢတၢ်န့ၣ်အဃိ, ကတိၤတၢ်လၢဝံအကျိာ်ဆူယပှၤဂီၢ်မုၢ် အံၣ်စရ့လးဒီးတဲဘၣ်အဝဲသ့ၣ်လၢယၤ, ယွၤပၢဘၣ်တၢ်ခဲလၢာ်ကစၢ်, ကအိးထီၣ်အဝဲသ့ၣ်အသွၣ်ခိၣ်တဖၣ်န့ၣ်တက့ၢ်. ယကထုး ထီၣ်ကွံာ်အဝဲသ့ၣ်ဒီးဟဲက့ၤစိာ်က့ၤအဝဲသ့ၣ်ဆူကီၢ်အံၣ် စရ့လးန့ၣ်လီၤ.

လံာ်ယဃ့းစက့လး 37:9

ကစၢ်ယွၤစံးဘၣ်ယၤ, “ပှၤကညီလၢအသံသ့ဧၢ, ကတိၤတၢ်လၢ ဝံအကျိာ်ဆူကလံၤအအိၣ်တက့ၢ်. တဲဘၣ်ကလံၤလၢယွၤပၢဘၣ် တၢ်ခဲလၢာ်ကစၢ်, ဟ့ၣ်လီၤအကလုၢ်လၢအကဘၣ်ဟဲလၢ တၢ်လီၢ်ကိးကပၤဒဲး, ဒ်သိးကအူသဖှိနုာ်တၢ်သါဆူနီၢ်ခိတဖၣ် လၢအသံအံၤအပူၤ, ဒီးကဒုးမူထီၣ်ကဒါက့ၤအဝဲသ့ၣ်န့ၣ်တက့ၢ်.”

လံာ်မံကၤ 6:2

သုဝဲဒၣ်ကစၢၢ်တဖၣ်, ဒီးဟီၣ်ခိၣ်အခီၣ်ထံးလၢအအိၣ်လီၤထူ လီၤယိာ်သ့ၣ်ဧၢ, ဒိကနၣ်ယွၤအကွီၢ်တက့ၢ်. ယွၤအိၣ်ဒီးအကွီၢ်တမံၤထီဒါအပှၤဂီၢ်မုၢ်လီၤ. အဝဲကပာ်ဖျါထီၣ်တၢ်ဂ့ၢ်ထီဒါအံၣ်စရ့လးတမံၤလီၤ.

လံာ်တၢ်ဂံၢ် 20:8

“ဟံးန့ၢ်နီၣ်ထိးဘိတဘိလၢအအိၣ်လၢတၢ်အၢၣ်လီၤအီလီၤ တလါအမဲာ်ညါဝံၤဒီးနဲဒၣ်ဒီးစီၤအၤဟရိၣ်ကိးဖှိၣ်ပှၤဂီၢ်မုၢ်ဒီ ဖုညါတက့ၢ်. ဖဲန့ၣ်လၢအဝဲသ့ၣ်ခဲလၢာ်အမဲာ်ညါန့ၣ်, ကတိၤတၢ်ဆူလ့လၢအအိၣ်ဖဲန့ၣ်အအိၣ်ဒီးထံကပုာ်ထီၣ်ယွၤလီၤလၢ အပူၤန့ၣ်လီၤ. လၢကျဲဒ်သိးအံၤန့ၣ်နကဒုးဖျိးထီၣ်ထံလၢလ့ အအိပူၤလၢပှၤဂီၢ်မုၢ်အဂီၢ်လၢအဝဲသ့ၣ်ဒီးအဆၣ်ဖိကီၢ်ဖိတဖၣ် ကအိဘၣ်ဝဲအဂီၢ်န့ၣ်လီၤ.”

လံာ်မးသဲ 21:21

ယ့ၣ်ၡူးစံးဆၢအဝဲသ့ၣ်ဒီးစံး, “နာ်ယၤတက့ၢ်. ယစံးဘၣ်တဲဘၣ်သု, သုမ့ၢ်အိၣ်ဒီးတၢ်နာ်ဒီးသုသးမ့ၢ်တဒ့ဒီဘၣ်န့ၣ်, တၢ်လၢယမၤဘၣ်ချၢၣ်ဒၢအံၤသုမၤကသ့ဒီးအါန့ၢ်အန့ၣ်သုမ့ၢ်စံးဘၣ် ကစၢၢ်အံၤ, ‘သုးကွံာ်နသးဒီးတ့ၢ်လီၤကွံာ်နသးဆူပီၣ်လဲၣ်ပူၤတက့ၢ်’ န့ၣ်, ကမၤအသးလီၤ.

လံာ်ယိၤဟၣ် 2:5

ယ့ၣ်ၡူးအမိၢ်စံးဘၣ်တၢ်ခ့တၢ်ပှၤတဖၣ်, “တၢ်လၢအဝဲကမၢသုတမံၤမံၤန့ၣ်မၤအီၤတက့ၢ်.”

လံာ်ယိၤဟၣ် 5:25

ယစံးဘၣ်တဲဘၣ်သုတၢ်မ့ၢ်တၢ်တီလၢအဆၢကတီၢ်ကဘၣ်ဝဲ, ဒီးဘၣ်လံခဲကနံၣ်အံၤလၢပှၤအသံတဖၣ်ကနၢ်ဟူကစၢ်ယွၤ အဖိခွါအကလုၢ်, ဒီးပှၤလၢအနၢ်ဟူတဖၣ်န့ၣ်ကမူထီၣ်ဝဲလီၤ.

လံာ်လီၣ်ဖျါ 10:11

အန့ၣ်ဝံၤအလီၢ်ခံ ယဘၣ်တၢ်စံးဘၣ်ယၤ, “မၤကဒီးတစုနကဘၣ်ကတိၤကဒီးတၢ်လၢဝံ အကျိာ်ဘၣ်ဃးကီၢ်အါဘ့ၣ်, ပှၤကလုာ်အါကလုာ်, ကျိာ်အါကျိာ်ဒီးစီၤလိၣ်စီၤပၤအါဂၤအဂ့ၢ်လီၤ.”