လံာ်ယဃ့းစက့လး 37:3 - Sgaw Karen Common Bible

³ အဝဲစံးဘၣ်ယၤ, “ပှၤကညီလၢအသံသ့ဧၢ, တၢ်ဃံတၢ်ကွဲ တဖၣ်အံၤမူထီၣ်ကဒါက့ၤဘၣ်ကသ့ဒံးဧါ.” ယစံးဆၢက့ၤအီၤ, ယွၤပၢဘၣ်တၢ်ခဲလၢာ်ကစၢ်ဧၢ, ထဲဒၣ်နၤတဂၤဧိၤနသ့ၣ်ညါနဲ လီၤ.”

လံာ်ယဃ့းစက့လး 37:3 Iomraidhean Croise

စံးထီၣ်ပတြၢၤ 88:11

မ့ၢ်နတၢ်အဲၣ်ဂၢၢ်ကျၢၤဘၣ်တၢ်စံးကတိၤအဂ့ၢ်လၢ တၢ်သွၣ်ခိၣ်အပူၤ, မ့တမ့ၢ်နတၢ်သူၣ်တီသးလိၤလၢ တၢ်ဟးဂီၤအလီၢ်န့ၣ်ဧါ.

လံာ်ယဃ့းစက့လး 26:19

ယွၤပၢဘၣ်တၢ်ခဲလၢာ်ကစၢ်စံးတ့ၢ်အီၤ, “ယကဒုးအိၣ်လီၤဃီနၤ ဒ်ဝ့ၢ်တဖၣ်လၢအဟးဂီၤကွံာ်အသိးဖဲ ပှၤတအိၣ်ဆိးနီတဂၤဘၣ်န့ၣ် လီၤ. ယကလုၣ်ဘၢနၤဒီး ထံလၢပီၣ်လဲၣ်အတၢ်ယိာ်ပူၤတဖၣ်န့ၣ်လီၤ.

လံာ်ယဃ့းစက့လး 37:2

အဝဲဆှၢတရံးယၤလၢတြီၤအံၤဒီးယထံၣ်ဘၣ်လၢဖဲန့ၣ်တၢ်ဃံ တၢ်ကွဲတဖၣ်အိၣ်အါအါဂီၢ်ဂီၢ်ဒီးမ့ၢ်တၢ်ဃံတၢ်ကွဲလၢအဃ့ထီ ဒိၣ်မးန့ၣ်လီၤ.

လံာ်ယိၤဟၣ် 5:21

ဒ်ပၢ်ဒုးဂဲၤဆၢထၢၣ်သမူထီၣ်က့ၤပှၤလၢအသံတဖၣ် ဒီးဟ့ၣ်အဝဲသ့ၣ်လၢတၢ်မူအသိးန့ၣ်, ဖိခွါစ့ၢ်ကီးဟ့ၣ်တၢ်မူလၢပှၤလၢအသးအိၣ်ဟ့ၣ်ဝဲ တဖၣ်န့ၣ်လီၤ.

မၤတၢ် 26:8

ဘၣ်မနုၤအဃိသုဝဲသုတနာ်လၢကစၢ်ယွၤဒုးဂဲၤဆၢထၢၣ် သမူထီၣ်က့ၤပှၤသံန့ၣ်လဲၣ်.

ရိမ့ၤ 4:17

တၢ်ကွဲးအသးစံးဝဲဒၣ်, “ယဒုးကဲထီၣ်လံနၤလၢပှၤ အါကလုာ်အပၢ်လံ.” လၢတၢ်န့ၣ်အဃိ, တၢ်အၢၣ်လီၤအီလီၤအံၤဂ့ၤဝဲလၢကစၢ်ယွၤအမဲာ်ညါ လၢစီၤအၤဘြၤဟၣ်နာ်, ကစၢ်ယွၤတဂၤလၢ အမၤမူထီၣ်က့ၤပှၤသံ, ဒီးဖဲအဟ့ၣ်လီၤအကလုၢ်န့ၣ်တၢ်လၢအတအိၣ်ဘၣ် တဖၣ်အိၣ်ထီၣ်ဒီးကဲထီၣ်ဝဲန့ၣ်လီၤ.

1 ကရံၣ်သူး 15:35

ပှၤတဂၤကသံကွၢ်ဝဲ, “ပှၤသံကဘၣ်တၢ်ဒုးဂဲၤဆၢထၢၣ်သမူထီၣ် က့ၤအီၤလၢကျဲဒ်လဲၣ်. အဝဲသ့ၣ်ကအိၣ်ဒီးအနီၢ်ခိဒ်လဲၣ်တကလုာ် လဲၣ်.”

လံာ်သိၣ်လီၤသီလီၤတၢ် 32:29

ဘၣ်မနုၤအဃိအဝဲသ့ၣ်ဘၣ်တၢ်မၤနၢၤအီၤလဲၣ်န့ၣ်, အဝဲသ့ၣ်ထံၣ်ဝဲတသ့ဘၣ်, တၢ်လၢအမၤတ့ၢ်အသးန့ၣ်အဝဲသ့ၣ်နၢ်ပၢၢ်ဝဲ တသ့ဘၣ်.

လံာ်သိၣ်လီၤသီလီၤတၢ် 32:39

ယၤ, ဒီးထဲယၤတဂၤဧိၤ, မ့ၢ်ကစၢ်ယွၤန့ၣ်လီၤ. ကစၢ်အဂၤန့ၣ်တမ့ၢ်တတီနီတဂၤဘၣ်. ယမၤသံတၢ်ဒီးယဟ့ၣ်တၢ်မူ, ယမၤဘၣ်ဒိတၢ်ဒီးယမၤဘျါက့ၤတၢ်, ဒီးတၢ်လၢယမၤအီၤန့ၣ်ပှၤထီဒါတသ့နီတဂၤဘၣ်.

ဧ့ၤဘြံၤ 11:19

အဝဲဆိကမိၣ်ပာ်စၢၤဝဲလၢအသးကံၢ်ပူၤလၢကစၢ်ယွၤ မၤမူထီၣ်က့ၤစီၤအံၤစဲးလၢတၢ်သံန့ၣ်သ့ဝဲဒီးဒ်န့ၣ်အသိး မၤအသးဒ်စီၤအၤဘြၤဟၣ်ဒိးန့ၢ်က့ၤစီၤအံၤစဲးလၢတၢ်သံ အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:6

ယွၤမၤသံတၢ်ဒီးဟ့ၣ်ဒုးမူက့ၤတၢ်လီၤ. အဝဲဆှၢလီၤပှၤဂီၢ်မုၢ်ဆူပှၤသံတဖၣ်အကီၢ်ပူၤ, ဒီးကိးက့ၤအဝဲသ့ၣ်လီၤ.