လံာ်ယဃ့းစက့လး 37:19 - Sgaw Karen Common Bible

¹⁹ တဲဘၣ်အဝဲသ့ၣ်လၢ, ယၤယွၤပၢဘၣ်တၢ်ခဲလၢာ်ကစၢ်, ကဟံးန့ၢ် သ့ၣ်ဘိလၢအမ့ၢ်ကီၢ်အံၣ်စရ့လးအခၢၣ်စးဒီးပာ်အီၤတပူၤဃီဃုာ်ဒီး အဂၤတဘိလၢအမ့ၢ်ကီၢ်ယူဒၤအခၢၣ်စးန့ၣ်လီၤ. ယကဒုးကဲထီၣ်သ့ၣ်ခံဘိန့ၣ်ဆူသ့ၣ်တဘိဃီဒီးဖီၣ်ဃာ်အီၤလၢ ယစုပူၤန့ၣ်လီၤ.

လံာ်ယဃ့းစက့လး 37:19 Iomraidhean Croise

လံာ်ယံးရမံယၤ 3:18

ကီၢ်အံၣ်စရ့လးကပာ်ဖှိၣ်ဃုာ်အသးဒီးကီၢ်ယူဒၤဒီးအဝဲသ့ၣ်ကဟဲဝဲ တပူၤဃီလၢတၢ်စိာ်မၢကဲကုၢ်အလီၢ်လၢကလံၤစိးတခီဒီးအဝဲသ့ၣ် ကဟဲက့ၤကဒါက့ၤဆူထံကီၢ်လၢယဟ့ၣ်န့ၢ်သါတ့ၢ်အမိၢ်ပၢ်ဖံဖု လၢပျၢၤတဖၣ်ဒ်အမ့ၢ်အတၢ်န့ၢ်သါအဂၢၢ်အကျၢၤအသိးန့ၣ်လီၤ.”

လံာ်ယဃ့းစက့လး 37:18

တုၤနပှၤဂီၢ်မုၢ်နၤလၢဃ့နကတဲဘၣ်အဝဲသ့ၣ်လၢတၢ်အံၤ အခီပညီန့ၣ်,

လံာ်ယဃ့းစက့လး 37:20

ဖီၣ်ဃာ်သ့ၣ်ခံဘိအံၤလၢနစုပူၤဒီးပျဲပှၤဂီၢ်မုၢ်ထံၣ်ဘၣ်အီၤန့ၣ်တက့ၢ်.

လံာ်စကၤရယၤ 10:6

“ယကဒုးဂံၢ်ဆူၣ်ဘါဆူၣ်ကီၢ်ယူဒၤအပှၤဂီၢ်မုၢ်, ယကမၤပူၤမၤဖျဲးကီၢ်အံၣ်စရ့လးအပှၤဂီၢ်မုၢ်လီၤ. ယကအိၣ်ဒီးတၢ်သးကညီၤဘၣ်အဝဲသ့ၣ်, ဒီးဟဲက့ၤစိာ်ကဒါက့ၤအဝဲသ့ၣ်ခဲလၢာ်ဆူဟံၣ်လီၤ. အဝဲသ့ၣ်ကမၤအသးဒ်ပှၤလၢယတညိကွံာ်တ့ၢ်ဘၣ်အီၤနီတဘျီအသိး န့ၣ်လီၤ. ယမ့ၢ်ယွၤ, အဝဲသ့ၣ်အကစၢ်ယွၤ, ယကစံးဆၢအဝဲသ့ၣ်အတၢ်ထုကဖၣ်တဖၣ် လီၤ.

ကလီးစဲ 3:11

လၢတၢ်အိၣ်မူအသီအံၤအပူၤန့ၣ်, တၢ်ပာ်တၢ်အဒူၣ်အဆၢဒ် ပှၤကလုာ်အဂၤ, ဒီးပှၤယူဒၤဖိ, ပှၤဒိးတၢ်ကူးတရံးဒီးပှၤတဒိးဘၣ် တၢ်ကူးတရံး, ပှၤတခီထံတခီကီၢ်, ပှၤရၢၢ်ပှၤစၢၢ်, ပှၤကုၢ်ဖိဒီးပှၤသဘျ့ဖိတဖၣ်အိၣ်တသ့လၢၤဘၣ်. အဂ့ၢ်ဒ်အံၤ, ခရံာ်မ့ၢ်တၢ်ခဲလၢာ်ဒီးအိၣ်ဝဲဆိးဝဲလၢပှၤခဲလၢာ်အပူၤလီၤ.