လံာ်ယဃ့းစက့လး 37:14 - Sgaw Karen Common Bible

¹⁴ ယကဒၢနုာ်ယတၢ်သါဆူအဝဲသ့ၣ်အပူၤ, မၤမူထီၣ်ကဒါက့ၤအဝဲသ့ၣ် ဒီးပျဲအဝဲသ့ၣ်အိၣ်ဆိးလၢအကီၢ်ဒၣ်ဝဲအပူၤန့ၣ်လီၤ. အန့ၣ်ဒီးအဝဲသ့ၣ်က သ့ၣ်ညါဝဲလၢယမ့ၢ်ယွၤန့ၣ်လီၤ. ယအၢၣ်လီၤတ့ၢ်လၢယကမၤတၢ်အံၤဒီးယကမၤအီၤန့ၣ်လီၤ. ယၤ, ယွၤ, ကတိၤလံတၢ်လံ.”

လံာ်ယဃ့းစက့လး 37:14 Iomraidhean Croise

လံာ်ယၡါယၤ 32:15

ဘၣ်ဆၣ်ဒီးကစၢ်ယွၤကဟ့ၣ်လီၤပှၤလၢအသးအသီတဘျီ န့ၣ်လီၤ. ဟီၣ်ခိၣ်လီၤဃိကကဲထီၣ်က့ၤဟီၣ်ခိၣ်ညၣ်ထ့ၣ်, ဒီးစံာ်ပျီတဖၣ်ကဟ့ၣ်ထီၣ်တၤသူတၤသၣ်အါအါဂီၢ်ဂီၢ်လီၤ.

လံာ်ယဃ့းစက့လး 11:19

ယကဟ့ၣ်လီၤအဝဲသ့ၣ်လၢသးအကံၢ်အလဲအသီဒီးသးလၢ အသ့ၣ်ညါဒၣ်တၢ်အသီလီၤ. ယကဟံးထီၣ်ကွံာ်အဝဲသ့ၣ်အသးလၢအကိၤဒ်လၢၢ်အသိးဒီးဟ့ၣ်လီၤ အဝဲသ့ၣ်လၢသးလၢအစူၢ်တၢ်တဖျၢၣ်န့ၣ်လီၤ.

လံာ်ယဃ့းစက့လး 17:24

ကယဲၢ်သ့ၣ်ခဲလၢာ်လၢထံကီၢ်န့ၣ်အပူၤကသ့ၣ်ညါဝဲလၢယမ့ၢ်ယွၤ လီၤ. ကကူာ်လီၤကွံာ်သ့ၣ်လၢအထီတဖၣ်ဒီးယမၤထီထီၣ်သ့ၣ်လၢ အဖုၣ်တဖၣ်လီၤ. ယမၤလီၤညွံးလီၤဘဲကွံာ်သ့ၣ်လၢအသံကစဲာ်တဖၣ်ဒီးဒုးကဲထီၣ် သ့ၣ်အဃ့တဖၣ်ဆူသ့ၣ်အသံကစဲာ်တဖၣ်လီၤ. ယၤယွၤအံၤကတိၤလံတၢ်လံ. ယကမၤတၢ်လၢယစံးတ့ၢ်ယဲ လၢယကမၤအီၤန့ၣ်လီၤ.”

လံာ်ယဃ့းစက့လး 22:14

မ့ၢ်နဆိကမိၣ်လၢနတၢ်သူၣ်ဒူသးဒူကအိၣ်တ့ၢ်ဒံးမ့ၢ်ဂ့ၤ နအိၣ်ဒံးဒီးတၢ်ဂံၢ်တၢ်ဘါအလၢအပှဲၤမ့ၢ်ဂ့ၤလၢနကယူာ်ထီၣ် နစုဖဲမုၢ်တနံၤလၢယတကနၣ်ဃုာ်လၢၤနၤန့ၣ်ဧါ. ယၤ, ယွၤကတိၤတ့ၢ်တၢ်ဒီးယဟံးဃာ်ဂၢၢ်ကျၢၤယတၢ်ကတိၤန့ၣ်လီၤ.

လံာ်ယဃ့းစက့လး 36:27

ယကဒၢနုာ်လီၤယသးလၢသုပူၤဒီးယကကွၢ်, လၢမ့ၢ်သု ပိာ်ထွဲယတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးတိၢ်န့ၢ်ဖံးဃာ် တၢ်မၤလိာ်တဖၣ်လၢယဟ့ၣ်လီၤတ့ၢ်သုကစီဒီဧါန့ၣ်လီၤ.

လံာ်ယဃ့းစက့လး 36:36

အန့ၣ်ဒီးပှၤကလုာ်အိၣ်ဘူးအိၣ်တံၢ်တဖၣ်လၢအအိၣ်မူတ့ၢ်ဒံးန့ၣ်, ကသ့ၣ်ညါဝဲလၢယၤယွၤ, ဘှီထီၣ်ကဒါက့ၤဝ့ၢ်တဖၣ်လၢအဟး ဂီၤကွံာ်ဒီးသူၣ်လီၤဖျးလီၤကဒါက့ၤစံာ်ပျီလၢအအိၣ်ကလီဒီး အဘျုးတအိၣ်ဘၣ်တဖၣ်န့ၣ်လီၤ. ယၤ, ယွၤမၤတၢ်အၢၣ်လီၤ လၢယကမၤတၢ်အံၤ, ဒီးယကမၤအီၤလီၤ.”

လံာ်ယဃ့းစက့လး 37:13

တုၤယအိးထီၣ်တၢ်သွၣ်ခိၣ်တဖၣ်လၢယပှၤဂီၢ်မုၢ်ဘၣ်တၢ်ခူၣ်လီၤ အီၤဒီးထုးထီၣ်ကွံာ်အဝဲသ့ၣ်န့ၣ်, အဝဲသ့ၣ်ကသ့ၣ်ညါဝဲလၢယမ့ၢ် ယွၤန့ၣ်လီၤ.

လံာ်ယဃ့းစက့လး 37:15

ယွၤကတိၤကဒီးတၢ်ဒီးယၤန့ၣ်လီၤ. အဝဲစံးဝဲဒၣ်, “ပှၤကညီအသံသ့ဧၢ, ဟံးန့ၢ်သ့ၣ်တဘိဒီးလၢ အဖီခိၣ်န့ၣ်ကွဲးလီၤတၢ်ကတိၤ, ကီၢ်ယူဒၤအဘီအမုၢ်တက့ၢ်. အန့ၣ်ဝံၤဒီးဟံးန့ၢ်ကဒီးသ့ၣ်အဂၤတဘိဒီးကွဲးလီၤလံာ်မဲာ်ဖျၢၣ်, ကီၢ်အံၣ်စရ့လးအဘီအမုၢ်, လၢအဖီခိၣ်န့ၣ်တက့ၢ်.

လံာ်ယဃ့းစက့လး 37:6

ယကဟ့ၣ်လီၤသုလၢထူၣ်ဧိၤပျၢ်ဧိၤတဖၣ်ဒီးအညၣ်တဖၣ်ဒီးမၤဘၢ သုလၢအဖံးန့ၣ်လီၤ. ယကဒၢနုာ်တၢ်သါလၢသုပူၤဒီးဒုးမူထီၣ် ကဒါက့ၤသုန့ၣ်လီၤ. အန့ၣ်ဒီးသုကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 37:9

ကစၢ်ယွၤစံးဘၣ်ယၤ, “ပှၤကညီလၢအသံသ့ဧၢ, ကတိၤတၢ်လၢ ဝံအကျိာ်ဆူကလံၤအအိၣ်တက့ၢ်. တဲဘၣ်ကလံၤလၢယွၤပၢဘၣ် တၢ်ခဲလၢာ်ကစၢ်, ဟ့ၣ်လီၤအကလုၢ်လၢအကဘၣ်ဟဲလၢ တၢ်လီၢ်ကိးကပၤဒဲး, ဒ်သိးကအူသဖှိနုာ်တၢ်သါဆူနီၢ်ခိတဖၣ် လၢအသံအံၤအပူၤ, ဒီးကဒုးမူထီၣ်ကဒါက့ၤအဝဲသ့ၣ်န့ၣ်တက့ၢ်.”

လံာ်ယဃ့းစက့လး 39:29

ယကလူလီၤယသးလၢကီၢ်အံၣ်စရ့လးအပှၤဂီၢ်မုၢ်အလိၤဒီး တဃၣ်ကွံာ်ဘၣ်ယသးလၢအဝဲသ့ၣ်အအိၣ်နီတစုလၢၤဘၣ်န့ၣ်လီၤ. ယၤယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.”

လံာ်စကၤရယၤ 12:10

ဒီးယကမၤပှဲၤစီၤဒၤဝံးအစၢၤအသွဲၣ်တဖၣ်ဒီးဝ့ၢ် ယရူၤၡလ့ၣ်အပှၤဂီၢ်မုၢ်ဒီးသးလၢအသးကညီၤတၢ်ဒီး သးလၢအအိၣ်ဒီးတၢ်ထုကဖၣ်န့ၣ်လီၤ. အဝဲသ့ၣ်ကကွၢ်ဃီၤတၢ်ဆူပှၤတဂၤလၢအဝဲသ့ၣ်ဆဲးသံကွံာ်ဝဲ, ဒီးအဝဲသ့ၣ်ကဟီၣ်ဝဲယၢၤဝဲလၢအဃိဒ်ပှၤတဖၣ်လၢအဟီၣ်ဝဲယၢၤဝဲ လၢအဖိခွါတဂၤဃီအဃိအသိးန့ၣ်လီၤ. အဝဲသ့ၣ်ကဟီၣ်ဝဲနးနးကလဲာ်ဒ်ပှၤတဖၣ်လၢအဟီၣ်ဝဲယၢၤဝဲလၢ အဖိခွါဝဲၢ်ကိလီၤမၢ်ကွံာ်အဃိအသိးန့ၣ်လီၤ.

ရိမ့ၤ 8:11

ကစၢ်ယွၤအသးလၢအဒုးဂဲၤဆၢထၢၣ်သမူထီၣ်က့ၤယ့ၣ်ၡူး လၢတၢ်သံန့ၣ်, မ့ၢ်မူလၢသုပူၤဒီး, ပှၤလၢအဒုးဂဲၤဆၢထၢၣ် သမူထီၣ်က့ၤခရံာ်လၢတၢ်သံန့ၣ်ကဟ့ၣ်လီၤစ့ၢ်ကီးသုနီၢ်ခိလၢ အသံသ့တဖၣ်အံၤလၢတၢ်မူခီဖျိယွၤအသးလၢအအိၣ် ဝဲဆိးဝဲလၢသုပူၤန့ၣ်လီၤ.

ရိမ့ၤ 8:2

အဂ့ၢ်ဒ်လဲၣ်န့ၣ်ယွၤအသးအတၢ်သိၣ်တၢ်သီလၢအဟဲစိာ် န့ၢ်ပှၤတၢ်အိၣ်မူလၢယ့ၣ်ၡူးခရံာ်အပူၤန့ၣ်, မၤထူၣ်ဖျဲးကွံာ်လံယၤလၢတၢ်ဒဲးဘးဒီးတၢ်သံအတၢ် သိၣ်တၢ်သီန့ၣ်လီၤ.

1 ကရံၣ်သူး 15:45

အဂ့ၢ်ဒ်အံၤ, တၢ်ကွဲးအသးစံးဝဲ, “ပှၤကညီအဆိကတၢၢ် တဂၤ, စီၤအၤဒၣ်ဘၣ်တၢ်တ့လီၤပာ်လီၤအီၤဒ်သးလၢအမူဝဲ,” မ့မ့ၢ်စီၤအၤဒၣ်လၢခံကတၢၢ်တဂၤမ့ၢ်ဝဲသးလၢအဟ့ၣ်တၢ်မူန့ၣ်လီၤ.