လံာ်ယဃ့းစက့လး 36:25 - Sgaw Karen Common Bible

²⁵ ယကဖှံလီၤတၢ်မၤကဆှီထီၣ်တၢ်အထံလၢသုဖီခိၣ်ဒီးမၤကဆှီထီၣ် သုလၢကယဲၢ်သုတၢ်ဂီၤတၢ်ဖီၣ်ခဲလၢာ်ဒီးတၢ်အဂုၤအဂၤခဲလၢာ် လၢအမၤတကဆှီသုန့ၣ်လီၤ.

လံာ်ယဃ့းစက့လး 36:25 Iomraidhean Croise

စံးထီၣ်ပတြၢၤ 51:2

သ့စီယၤလၢယတၢ်အၢစီစီ, ဒီးမၤကဆှီယၤလၢယတၢ်ဒဲးဘးတက့ၢ်.

စံးထီၣ်ပတြၢၤ 51:7

မၤကဆှီယၤလၢကဖျီၣ်အ့စိးတက့ၢ်. ဒီးယကကဆှီထီၣ်လီၤ. သ့စီယၤတက့ၢ်, ဒီးယကဝါန့ၢ်မူခိၣ်ဖီလီၤ.

စံးထီၣ်ပတြၢၤ 51:9

ပာ်တဒၢနမဲာ်လၢယတၢ်ဒဲးဘး, ဒီးတြူာ်ကွံာ်ယတၢ်အၢတၢ်သီခဲလၢာ်န့ၣ်တက့ၢ်.

တၢ်ကတိၤဒိ. 30:12

ပှၤအိၣ်ဝဲတကလုာ်လၢအဆိကမိၣ်လီၤအသးလၢအဝဲသ့ၣ် ကဆှီဝဲဖဲအနီၢ်ကစၢ်ဒၣ်ဝဲဘၣ်အၢလၢာ်အခၢးန့ၣ်လီၤ.

လံာ်ယၡါယၤ 4:4

လၢအစိကမီၤဒၣ်ဝဲ, ယွၤကစံၣ်ညီၣ်ဒီးမၤကဆှီပှၤကလုာ်ဒီး သ့စီကွံာ်ဝ့ၢ်ယရူၤၡလ့ၣ်အတၢ်ကမၣ် ဒီးသွံၣ်လၢအဘၣ်တၢ်ဂၢ်လီၤတ့ၢ်အသးဖဲန့ၣ်, န့ၣ်လီၤ.

လံာ်ယၡါယၤ 52:15

ဘၣ်ဆၣ်ဒီးအခဲအံၤ, ပှၤကလုာ်တဖၣ်ကကမၢကမၣ်ဝဲလၢအဃိ, ဒီးစီၤပၤတဖၣ်အသးကလီၤကတုၤ, တုၤဒၣ်လဲာ်အဲးထီၣ်အထး ခိၣ်တန့ၢ်ဘၣ်လီၤ. တၢ်တမံၤလၢအဝဲသ့ၣ်တနၢ်ပၢၢ်တ့ၢ်ဝဲနီတစုန့ၣ်, ကထံၣ်ဒီးသ့ၣ်ညါနၢ်ပၢၢ်ထီၣ်ဝဲလီၤ.”

လံာ်ယံးရမံယၤ 33:8

ယကမၤကဆှီထီၣ်အဝဲသ့ၣ်လၢ တၢ်ဒဲးဘးတဖၣ်လၢ အဝဲသ့ၣ်မၤတ့ၢ်ဝဲ ထီဒါယၤ, ဒီးယကပျၢ်ကွံာ် အဝဲသ့ၣ်အတၢ်ဒဲးဘး တဖၣ်ဒီး အတၢ်ပူထီၣ်ယၤန့ၣ်လီၤ.

လံာ်ယဃ့းစက့လး 16:9

အန့ၣ်ဝံၤဒီးယဟံးန့ၢ်ထံဒီးသ့ကွံာ်တၢ်သွံၣ်လၢနလိၤန့ၣ်လီၤ. ယဖှူသ့ၣ်စၤယံးအသိလၢနဖံးဘ့ၣ်ခိၣ်လီၤ.

လံာ်ယဃ့းစက့လး 36:29

ယကမၤပူၤဖျဲးသုလၢကယဲၢ်တၢ်ကိးမံၤဒဲးလၢအမၤဘၣ်အၢ သုန့ၣ်လီၤ. ယကဟ့ၣ်လီၤယကလုၢ်လၢဘုဧိၤဟုဧိၤကအါဝဲဂီၢ်ဝဲအဂီၢ်, ဒ်သိးသုသုတအိၣ်ဒီးတၢ်သၣ်ဝံၤလီၤဒိနီတဘျီလၢၤတဂ့ၤ န့ၣ်လီၤ.

လံာ်ယဃ့းစက့လး 37:23

အဝဲသ့ၣ်တမၤဘၣ်အၢလီၤအသးလၢတၢ်ဂီၤတၢ်ဖီၣ်တဖၣ်လၢ အလီၤသးဘၣ်အၢမ့ၢ်ဂ့ၤ, မၤဟးဂီၤလီၤအသးလၢတၢ်ဒဲးဘး မ့ၢ်ဂ့ၤလၢၤဘၣ်. ယကဒုးထူၣ်ဖျဲးအဝဲသ့ၣ်လၢကျဲတဖၣ်လၢ အဝဲသ့ၣ်ပိာ်တ့ၢ်အီၤလၢအမ့ၢ်တၢ်မၤတၢ်ဒဲးဘးဒီးတၢ်သမၢကွံာ် ယၤန့ၣ်လီၤ. ယကမၤကဆှီထီၣ်အဝဲသ့ၣ်န့ၣ်လီၤ. အဝဲသ့ၣ် ကမ့ၢ်ယပှၤဂီၢ်မုၢ်ဒီးယကမ့ၢ်အဝဲသ့ၣ်အကစၢ်ယွၤန့ၣ်လီၤ.

လံာ်ဟိၤၡ့ 14:3

ကီၢ်အၤၡူၢ်အုၣ်က့ၤခီၣ်က့ၤပှၤတသ့နီတစုဘၣ်. ဒီးတၢ်ဒုးအကသ့ၣ်တဖၣ်ကဟုကယာ်အိၣ်ပှိၤပှၤတသ့ဘၣ်. ပတတဲလၢၤပတၢ်ဂီၤတဖၣ်လၢသုမ့ၢ်ပကစၢ်ယွၤန့ၣ်လၢၤဘၣ်. အိ, ယွၤဧၢ, ဒုးနဲၣ်ဖျါထီၣ်နတၢ်သးကညီၤဆူပှၤတဖၣ်လၢတအိၣ်ဘၣ် ဒီးပှၤအဂၤနီတဂၤလၢအကဃၣ်ဝဲအသးဆူအအိၣ်န့ၣ်တက့ၢ်.

လံာ်ဟိၤၡ့ 14:8

ကီၢ်အံၣ်စရ့လးအပှၤဂီၢ်မုၢ်တဘၣ်ဃးလၢၤဒီးတၢ်ဂီၤတဖၣ်လၢကမၤ ဝဲအတၢ်န့ၣ်ဘၣ်. ယကစံးဆၢအဝဲသ့ၣ်အတၢ်ထုကဖၣ်ဒီးအံးထွဲကွၢ်ထွဲ အဝဲသ့ၣ်လီၤ. ဒ်သ့ၣ်ဆှိသံကစဲာ်တထံးအသိးယကဟ့ၣ်အဝဲသ့ၣ်လၢတၢ်ကဒုလီၤ. ယကမ့ၢ်တၢ်ဆိၣ်ဂ့ၤခဲလၢာ်အဂံၢ်ထံးလၢအဝဲသ့ၣ်အဂီၢ်လီၤ.

လံာ်ဟိၤၡ့ 14:9

မ်ပှၤလၢအကူၣ်သ့ကိးဂၤဒဲးနၢ်ပၢၢ်တၢ်လၢအကွဲးအသးဖဲအံၤ ဒီးမ်အတိၢ်န့ၢ်ဝဲလၢအသးပူၤန့ၣ်တက့ၢ်. ယွၤအကျဲန့ၣ်မ့ၢ်အဘၣ်ဒီးပှၤဂီၢ်မုၢ်လၢအတီဝဲလိၤဝဲကမူလၢ တၢ်ပိာ်ထွဲအီၤအဃိ, မ့မ့ၢ်ပှၤတၢ်ဒဲးဘးဖိတဖၣ်အခီၣ် ကဘၣ်တိၢ်ဒီးကလီၤဃံၤဝဲမ့ၢ်လၢအဝဲသ့ၣ်လဲၤကပာ်အီၤအဃိန့ၣ် လီၤ.

လံာ်တၢ်ဘူၣ်ထီၣ်ဘါထီၣ် 16:30

ဒီးလၢမုၢ်နံၤအဝဲန့ၣ်န့ၣ်, တၢ်ဘူၣ်တၢ်ဘါအလုၢ်အလၢ်ဘၣ်ဃးဘူၣ်တၢ်ပျၢ်တၢ်ဒဲးဘး ကဘၣ်တၢ်မၤအီၤလၢတၢ်မၤကဆှီထီၣ်က့ၤအဝဲသ့ၣ်လၢအတၢ်ဒဲးဘးခဲလၢာ်အဂီၢ်ဒ်သိးအဝဲသ့ၣ်ကကဆှီထီၣ်က့ၤဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်လီၤ.

လံာ်မံကၤ 5:12

ယကမၤဟးဂီၤတၢ်သမူပယၢ်လၢသုသူတဖၣ်ဒီး ပာ်လီၤတဲာ်သုတအိၣ်ဘၣ်ဒီးပှၤဖးတၢ်ဟဲဝံနီတဂၤဘၣ်.

လံာ်တၢ်ဂံၢ် 8:7

ဖှံအီၤဒီးတၢ်မၤကဆှီထီၣ်တၢ်အထံဒီးတဲဘၣ်အဝဲသ့ၣ်လၢကလူၤ ကွံာ်အဆူၣ်ဒီဂၤညါ, ဒီးကဆှုၣ်ကွံာ်အတၢ်ကူတၢ်သိးဒၣ်ဝဲတဖၣ်တက့ၢ်. အန့ၣ်ဒီးအဝဲသ့ၣ်က, ကဆှီထီၣ်ဝဲဒ်တၢ်ဘူၣ်တၢ်ဘါအလုၢ်အလၢ်အသိး န့ၣ်လီၤ.

လံာ်ယိၤဟၣ် 13:8

စီၤပ့းတရူးစံးဝဲ “နတဘၣ်သ့ယခီၣ်နီတဘျီဘၣ်.” ယ့ၣ်ၡူးစံးဆၢအီၤ, “ယမ့ၢ်တသ့ဘၣ်နခီၣ်ဒီးနတဘၣ် ဃးဒီးယၤလၢၤဘၣ်.”

လံာ်ယိၤဟၣ် 3:5

ယ့ၣ်ၡူးစံးဆၢဝဲ, “ယတဲဘၣ်နၤတီတီလိၤလိၤ, ပှၤမ့ၢ်တအိၣ်ဖျဲၣ်လၢထံဒီးယွၤအသးန့ၣ်ဘၣ်ဒီးပှၤလဲၤနုာ် ဆူကစၢ်ယွၤအဘီအမုၢ်အပူၤတသ့နီတဂၤဘၣ်.

မၤတၢ် 22:16

ဒီးခဲကနံၣ်အံၤဘၣ်မနုၤဃိနမၤယံာ်မၤနီၢ်နသးလဲၣ်. ဂဲၤဆၢထၢၣ်ဒီးဒိးဘျၢနသးလၢထံဒီးပျဲနတၢ်ဒဲးဘးဘၣ် တၢ်သ့စီကွံာ်အီၤခီဖျိနကိးထီၣ်အမံၤန့ၣ်တက့ၢ်.’

1 ကရံၣ်သူး 6:11

သုဝဲတနီၤသုလီၤဂာ်ဒ်န့ၣ်လီၤ. ဘၣ်ဆၣ်ဒီးသုဘၣ်တၢ်မၤကဆှီထီၣ်က့ၤသုလၢသုတၢ်ဒဲးဘး အပူၤလံ. သုဘၣ်တၢ်ပာ်စီဆှံသုလၢကစၢ်ယွၤအဂီၢ်လံ. သုဘၣ်တၢ်မၤဘၣ်လိာ်ဖိးဒ့လံသုဒီးကစၢ်ယွၤလၢကစၢ်ယ့ၣ်ၡူး ခရံာ်ဒီးလၢယွၤအသးစီဆှံလံန့ၣ်လီၤ.

၂ ကရံၣ်သူး 7:1

တၢ်အၢၣ်လီၤအီလီၤသ့ၣ်တဖၣ်အံၤခဲလၢာ်ဘၣ်တၢ်ဟ့ၣ်လီၤ အီၤဆူပအိၣ်လီၤ. ယတံၤသကိးသးဘိသ့ၣ်ဧၢ, လၢတၢ်န့ၣ် အဃိ, မ်ပကမၤကဆှီထီၣ်ပသးလၢတၢ်ခဲလၢာ်လၢအတဒုး ကဆှီနီၢ်ခိမ့ၢ်ဂ့ၤ, သးသမူမ့ၢ်ဂ့ၤ, ဒီးမ်ပကစီဆှံပဝဲလၢာ်လၢာ်ဆ့ဆ့ခီဖျိပအိၣ်မူလၢတၢ်ပျံၤ ကစၢ်ယွၤအပူၤန့ၣ်တက့ၢ်.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

ဧ့ၤဘြံၤ 9:19

အဂ့ၢ်ဒ်အံၤ, ဖဲစီၤမိၤၡ့စံၣ်တဲၤတဲလီၤန့ၢ်ပှၤဂီၢ်မုၢ်လၢတၢ်မၤလိာ်ကိး ထံၣ်ဒဲးလၢတၢ်သိၣ်တၢ်သီအပူၤဝံၤန့ၣ်, အဝဲဟံးန့ၢ်ဂီၤဖံးဖိဒီးမဲာ်တဲးလဲး အသွံၣ်, ဃါဃုာ်ဝဲဒီးထံဝံၤသူဝဲကဖျီၣ်အ့စိးဒီးသိဆူၣ်ဂီၤဒီးဖှံဝဲ လၢတၢ်သိၣ်တၢ်သီအလံာ်ထူဒီးပှၤဂီၢ်မုၢ်ခဲလၢာ်အလိၤန့ၣ်လီၤ.

၁ ယိၤဟၣ် 1:7

ဘၣ်ဆၣ်ပမ့ၢ်အိၣ်မူလၢတၢ်ကပီၤအပူၤ, ဒ်အဝဲဒၣ်အိၣ်လၢတၢ်ကပီၤအပူၤအသိးန့ၣ်ဒီး, မ့ၢ်ပရ့လိာ်မုာ်လိာ်ပသးတဂၤဒီးတဂၤဒီးကစၢ်ယွၤ အဖိခွါယ့ၣ်ၡူးခရံာ်အသွံၣ်သ့စီကွံာ်ပှၤလၢပတၢ် ဒဲးဘးခဲလၢာ်န့ၣ်လီၤ.

၁ ယိၤဟၣ် 5:6

ယ့ၣ်ၡူးခရံာ်မ့ၢ်ပှၤလၢအဟဲဝဲအိၣ်ဒီးအတၢ်ဒိးဘျၢ အသးလၢထံဒီးအတၢ်တူၢ်သံအသးအသွံၣ်န့ၣ်လီၤ. အဝဲတဟဲဝဲထဲလၢထံဧိၤန့ၣ်ဘၣ်. မ့မ့ၢ်, ဟဲဝဲလၢထံဒီးသွံၣ်ခံမံၤလိာ်န့ၣ်လီၤ. ဒီးယွၤအသးအကစၢ်ဒၣ်ဝဲအုၣ်အသးလၢတၢ်အံၤမ့ၢ် တၢ်မ့ၢ်တၢ်တီ, မ့ၢ်လၢယွၤအသးမ့ၢ်တၢ်မ့ၢ်တၢ်တီ အဃိန့ၣ်လီၤ.

လံာ်လီၣ်ဖျါ 1:5

ဒီးလၢယ့ၣ်ၡူးခရံာ်, ပှၤအုၣ်အသးလၢအသးတီဝဲတဂၤ အအိၣ်, ပှၤအဆိကတၢၢ်တဂၤလၢအဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံဒီးမ့ၢ်စ့ၢ်ကီးပှၤပၢဘၣ်ဟီၣ်ခိၣ်အစီၤပၤတဖၣ်န့ၣ် တက့ၢ်. အဝဲဒၣ်အဲၣ်ပှၤ, ဒီးခီဖျိအဝဲအတၢ်သံန့ၣ်, မၤထူၣ်ဖျဲးထီၣ်ကွံာ်ပှၤလၢပတၢ်ဒဲးတူၢ်ဒဲးဘးတဖၣ်,

လံာ်လီၣ်ဖျါ 7:14

“ယတသ့ၣ်ညါဘၣ်, တၢ်ဒိၣ်ဧၢ, နသ့ၣ်ညါနဲလီၤ” ယစံးဆၢယဲ. အဝဲဒၣ်စံးဘၣ်ယၤ, “ပှၤသ့ၣ်တဖၣ်အံၤမ့ၢ်ပှၤတဖၣ်လၢ အလဲၤခီဖျိဘၣ်တၢ်မၤအၢမၤနးလီၤပျံၤလီၤဖုးတမံၤန့ၣ်လီၤ. အဝဲသ့ၣ်သ့စီကွံာ်တ့ၢ်ဝဲအဆ့ကၤဖးထီတဖၣ်, ဒီးမၤဝါထီၣ်အီၤလၢသိဖိတဒုန့ၣ်အသွံၣ်လီၤ.