လံာ်ယဃ့းစက့လး 36:22 - Sgaw Karen Common Bible

²² ဒီးခဲကနံၣ်အံၤ, ဟ့ၣ်လီၤပှၤအံၣ်စရ့လးဖိတဖၣ်လၢယၤ, ယွၤ ပၢဘၣ်တၢ်ခဲလၢာ်ကစၢ်အတၢ်ကစီၣ်လၢအဝဲသ့ၣ်အဂီၢ်န့ၣ်တက့ၢ်. တၢ်လၢယကမၤအီၤန့ၣ်, တမ့ၢ်ဘၣ်လၢသုဝဲပှၤအံၣ်စရ့လးဖိတဖၣ် အဃိဘၣ်. မ့မ့ၢ်တခီ, မ့ၢ်လၢယမံၤစီဆှံလၢသုဒုးအိၣ်ထီၣ် တၢ်မၤမဲာ်ဆှးအီၤလၢထံကီၢ်တဘ့ၣ်လၢ်လၢ်ဖဲသု လဲၤတ့ၢ်အပူၤအဃိန့ၣ်လီၤ.

လံာ်ယဃ့းစက့လး 36:22 Iomraidhean Croise

လံာ်စီၤပၤခံဘ့ၣ်တဘ့ၣ် 19:34

ယကကဟုကယာ်ဝ့ၢ်အံၤဒီးဒီဒၣ်အိၣ်ပှိၤအီၤလၢယလၤကပီၤဒၣ်ယဲ အဂီၢ်ဒီးမ့ၢ်လၢတၢ်အၢၣ်လီၤအီလီၤလၢယမၤတ့ၢ်ဒီးယခ့ယပှၤစီၤ ဒၤဝံးအဃိန့ၣ်လီၤ.”

စံးထီၣ်ပတြၢၤ 106:8

ဘၣ်ဆၣ်အဝဲဒၣ်အုၣ်က့ၤခီၣ်က့ၤအဝဲသ့ၣ်, ဒ်အဝဲအၢၣ်လီၤတ့ၢ်ဝဲအသိး, ဒ်သိးကပာ်ဖျါထီၣ်အစိဒိၣ်အကမီၤဒိၣ်န့ၣ်လီၤ.

စံးထီၣ်ပတြၢၤ 109:21

ဘၣ်ဆၣ်နဲဒၣ်ယယွၤ, စီၤပၤဖးဒိၣ်ဧၢ, မၤစၢၤယၤဒ်နအၢၣ်လီၤတ့ၢ်နဲအသိး ဒီးမၤပူၤဖျဲးယၤလၢ နတၢ်အဲၣ်အတၢ်ဂ့ၤတၢ်ဝါ အဃိန့ၣ်တက့ၢ်.

လံာ်ယၡါယၤ 43:25

အန့ၣ်ဒၣ်လဲာ်, ယမ့ၢ်ကစၢ်ယွၤလၢအပျၢ်နတၢ်ဒဲးဘးတဖၣ် ဒီးယမၤတၢ်အံၤမ့ၢ်လၢယမ့ၢ်ပှၤလၢယမ့ၢ်အဃိလီၤ. ယတစၢဃာ်နတၢ်ဒဲးဘးတဖၣ်ထီဒါနၤဘၣ်.

လံာ်ယၡါယၤ 48:11

တၢ်လၢယမၤအီၤန့ၣ်, ယမၤတ့ၢ်အီၤလၢယကစၢ်ဒၣ်ယဲအဃိလီၤ. ယတပျဲယမံၤအလၤကပီၤဟးဂီၤမ့ၢ်ဂ့ၤပှၤအဂၤတဂၤဂၤနီၤဟံးန့ၢ် တၢ်လၤကပီၤအဝဲန့ၣ်မ့ၢ်ဂ့ၤဘၣ်. အဝဲန့ၣ်ကြၢးမ့ၢ်ဒၣ်ယတၢ်, ထဲယၤတဂၤဧိၤအတၢ်န့ၣ်လီၤ.”

လံာ်ယဃ့းစက့လး 16:61

နကသ့ၣ်နီၣ်ထီၣ်က့ၤလၢနမၤတ့ၢ်တၢ်ဒ်လဲၣ်ဒီးမဲာ်ဆှးလၢတၢ်န့ၣ် အဃိဖဲနမၤန့ၢ်က့ၤနဝဲၢ်မုၣ်ဒီးနပုၢ်မုၣ်အဆၢကတီၢ်န့ၣ်လီၤ. ယကပျဲအဝဲသ့ၣ်ကဲထီၣ်ဒ်ဖိမုၣ်တဖၣ်အသိးလၢနဂီၢ်, ဖဲတၢ်အံၤမ့တမ့ၢ်တၢ်လၢအအိၣ်လၢယတၢ်အၢၣ်လီၤအီၤလီၤဒီးနၤ အပူၤဒၣ်လဲာ်န့ၣ်လီၤ.

လံာ်ယဃ့းစက့လး 20:44

ဖဲယမၤတၢ်လၢ, တၢ်ဒီဒၣ်အိၣ်ပှိၤက့ၤယလၤကပီၤအဂီၢ်န့ၣ် သုဝဲပှၤအံၣ်စရ့လးဖိတဖၣ်သုကသ့ၣ်ညါလၢယမ့ၢ်ယွၤန့ၣ်လီၤ. အဂ့ၢ်ဒ်အံၤ, ယတမၤဘၣ်သုဒ်သုတၢ်အၢတၢ်သီ, တၢ်ဟူးတၢ်ဂဲၤအအၢအသီတဖၣ်ကြၢးတူၢ်ဘၣ်ဝဲအသိးန့ၣ်ဘၣ်.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 20:9

ဘၣ်ဆၣ်ယတမၤတ့ၢ်ယဲဘၣ်. အဂ့ၢ်ဒ်အံၤတၢ်န့ၣ်ကဟဲစိာ်တၢ်မၤဘၣ်ဒိယမံၤအလၤကပီၤ, မ့ၢ်လၢ, လၢပှၤဂီၢ်မုၢ်လၢအဝဲသ့ၣ်အိၣ်ဝဲဆိးဝဲအကျါ, အမဲာ်ညါန့ၣ်ယဘိးဘၣ်သ့ၣ်ညါတ့ၢ်အံၣ်စရ့လးလၢ, ယကဒုးဟးထီၣ်အဝဲသ့ၣ်လၢကီၢ်အဲၤကူပတူးအပူၤအဃိန့ၣ်လီၤ.

လံာ်ယဃ့းစက့လး 36:32

ကီၢ်အံၣ်စရ့လးဧၢ, ယအဲၣ်ဒိးလၢနကသ့ၣ်ညါလၢ, တမ့ၢ် ယမၤတၢ်သ့ၣ်တဖၣ်ခဲလၢာ်အံၤလၢနဃိဘၣ်. ယအဲၣ်ဒိးလၢ နကကလၢၢ်ဘၣ်တၢ်မဲာ်ဆှးဒီးတၢ်လီၤမဲာ်ဆှးလၢနမၤအီၤတဖၣ် န့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.”

လံာ်ယဃ့းစက့လး 39:25

ယွၤ, ပၢဘၣ်တၢ်ခဲလၢာ်ကစၢ်စံးဝဲဒၣ်, “မ့မ့ၢ်ခဲကနံၣ်အံၤ, ယကသူၣ်ကညီၤသးကညီၤစီၤယၤကိာ်အစၢၤအသွဲၣ်တဖၣ်, ကီၢ်အံၣ်စရ့လးအပှၤဂီၢ်မုၢ်, ဒီးမၤဘီၣ်ထီၣ်ညီထီၣ်ကဒီးအဝဲ သ့ၣ်န့ၣ်လီၤ. ယကဒီဒၣ်အိၣ်ပှိၤယမံၤစီဆှံန့ၣ်လီၤ.

လံာ်ဒၤနံးယ့လး 9:18

အိကစၢ်ယွၤဧၢ, ဒိကနၣ်လၢ်ပှၤတက့ၢ်. ကွၢ်လီၤပှၤဒီးထံၣ်လီၤ ပတၢ်ကိၢ်တၢ်ဂီၤလၢအအိၣ်လၢပပူၤဒီးဝ့ၢ်တဝ့ၢ်လၢအအိၣ်ဒီး နမံၤအတၢ်ဘၣ်နးဘၣ်ဖှီၣ်န့ၣ်တက့ၢ်. ပဘါထုကဖၣ်တၢ်ဆူနအိၣ်န့ၣ်မ့ၢ် လၢနလၢပှဲၤဒီးတၢ်သးကညီၤအဃိလီၤ. တမ့ၢ်ဘၣ်လၢပမၤ တ့ၢ်တၢ်လိၤတၢ်ဘၣ်အဃိဘၣ်.

မၤတၢ် 2:36

အန့ၣ်သတးဒီး, သုဝဲပှၤအံၣ်စရ့လးဖိခဲလၢာ်သုကဘၣ်သ့ၣ်ညါ လီၤတံၢ်လၢယ့ၣ်ၡူးလၢသုပျၤထီအီၤလၢထူၣ်စုညါလိၤတဂၤအံၤ, မ့ၢ်ပှၤလၢကစၢ်ယွၤဒုးကဲထီၣ်အီၤလၢကစၢ်ဒီးခရံာ်န့ၣ်လီၤ.”