လံာ်ယဃ့းစက့လး 36:18 - Sgaw Karen Common Bible

¹⁸ ယဒုးကလၢၢ်ဘၣ်အဝဲသ့ၣ်လၢယတၢ်သးကဲၤထီၣ်အသဟီၣ်အဆူၣ်, လၢတၢ်မၤသံတဖၣ်လၢအဝဲသ့ၣ်မၤတ့ၢ်ဝဲလၢကီၢ်ပူၤဒီးလၢတၢ်ဂီၤ တၢ်ဖီၣ်တဖၣ်လၢအဝဲသ့ၣ်မၤဘၣ်အၢကီၢ်အဃိန့ၣ်လီၤ.

လံာ်ယဃ့းစက့လး 36:18 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 34:21

“လဲၤဒီးသံကွၢ်တၢ်လၢယွၤ, လၢယဂီၢ်ဒီးလၢပှၤဂီၢ်မုၢ်လၢ အအိၣ်တ့ၢ်ဒံးဝဲလၢကီၢ်အံၣ်စရ့လးဒီးကီၢ်ယူဒၤအပူၤအဂီၢ် န့ၣ်တက့ၢ်. ဃုထံၣ်သ့ၣ်ညါလံာ်အံၤအတၢ်သိၣ်တၢ်သီတဖၣ် အဂ့ၢ်တက့ၢ်. ယွၤသးထီၣ်ပှၤ, မ့ၢ်လၢပမိၢ်ပၢ်ဖံဖုလၢပျၢၤတဖၣ်တစူၢ်ယွၤအကလုၢ်ဒီးတမၤ ဘၣ်တၢ်လၢလံာ်အံၤတဲဘၣ်အီၤလၢကဘၣ်မၤဝဲတဖၣ် အဃိန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 34:25

အဝဲသ့ၣ်ညိကွံာ်တ့ၢ်ယၤဒီးလုၢ်ထီၣ်ပာ်ထီၣ်တၢ်လုၢ်တၢ်ပာ်ဆူ ကစၢ်အဂၤတဖၣ်အအိၣ်, ဒီးလၢတၢ်န့ၣ်အဃိ, ထိၣ်ဂဲၤထီၣ်ယတၢ်သးဒိၣ်ထီၣ်ခီဖျိတၢ်လၢအဝဲသ့ၣ်မၤတ့ၢ်ဝဲ ခဲလၢာ်န့ၣ်လီၤ. ယတၢ်သးဒိၣ်ထီၣ်ထီဒါဝ့ၢ်ယရူၤၡလ့ၣ်လၢအဘၣ် တၢ်ထိၣ်ဂဲၤထီၣ်တ့ၢ်အီၤန့ၣ်, တလီၤပံာ်ကွံာ်ဝဲဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 34:26

လၢစီၤပၤအနီၢ်ကစၢ်ဒၣ်ဝဲအဂီၢ်န့ၣ်, အအံၤမ့ၢ်တၢ်လၢယၤ, ယွၤအံၣ်စရ့လးအကစၢ်ယွၤစံးဝဲန့ၣ်လီၤ. နဒိကနၣ်တ့ၢ်တၢ်လၢအကွဲးအသးလၢလံာ်န့ၣ်အပူၤလံ.

လံာ်ယၡါယၤ 42:25

လၢတၢ်န့ၣ်အဃိ, အဝဲဒၣ်ဒုးကလၢၢ်ပှၤလၢအတၢ်သးဒိၣ်အသဟီၣ် ဒီးဒုးတူၢ်ပှၤတၢ်ဒုးတၢ်ယၤအတၢ်မၤဆူၣ်မၤစိးန့ၣ်လီၤ. ဒ်မ့ၣ်အူအီၣ်တၢ်အသိးအတၢ်သးထီၣ်အီၣ်တၢ်သကုၤကီၢ်အံၣ်စရ့လး လီၤ. ဘၣ်ဆၣ်ဒီးတၢ်မနုၤမနုၤမၤအသးန့ၣ် ပတနၢ်ပၢၢ်နီတစုဘၣ်. လၢတၢ်အံၤန့ၣ်, ပတမၤလိတ့ၢ်တၢ်နီတမံၤဘၣ်.

လံာ်ယံးရမံယၤ 16:18

ယကမၢအဝဲသ့ၣ်ဟ့ၣ်က့ၤတၢ်အပှ့ၤခံစး လၢအဝဲသ့ၣ်အတၢ်ဒဲးဘး ဒီးအတၢ်တတီတလိၤအဂီၢ်, မ့ၢ်လၢအဝဲသ့ၣ်မၤဘၣ်အၢဘၣ်သီ တ့ၢ်ယကီၢ်လၢတၢ်ဂီၤတၢ်ဖီၣ်တဖၣ်လၢအတၢ်မူတအိၣ်ဘၣ်ဒ်ပှၤ အစိၣ်တဖၣ်အသိး, ဒီးမၤပှဲၤအီၤဒီးအဝဲသ့ၣ်အကစၢ် ကဘျံးကဘျၣ်တဖၣ်အဃိန့ၣ်လီၤ.”

လံာ်ယံးရမံယၤ 44:6

သတးဒီး, ယလူလီၤဂၢ်လီၤတ့ၢ် ယတၢ်သးဒိၣ်ဒီးသးကဲၤထီၣ်လၢ ကီၢ်ယူဒၤအဝ့ၢ်တဖၣ်အဖီခိၣ်ဒီးလၢဝ့ၢ်ယရူၤရှလ့ၣ်အကျဲမုၢ် ကျဲဘိတဖၣ် အဖီခိၣ်ဒီးယဒွဲၣ်အူထီၣ်ကွံာ် အဝဲသ့ၣ်လၢ မ့ၣ်အူန့ၣ်လီၤ. အဝဲသ့ၣ်အိၣ်လီၤပှီၢ်တ့ၢ်ဝဲလၢ တၢ်ဟးဂူာ်ဟးဂီၤ အပူၤဒီး ကဲထီၣ်တၢ်ထံၣ်ဘၣ်အလီၢ်တပူၤလၢ အလီၤ ပျံၤလီၤဖုးဒ် အအိၣ်ဝဲခဲအံၤအသိးန့ၣ်လီၤ.

လံာ်ယံးရမံယၤ 7:20

လၢတၢ်န့ၣ်အဃိ, ယၤ, ယွၤလၢပၢဘၣ်တၢ်ခဲလၢာ်, ကလူလီၤဂၢ်လီၤယတၢ်သးကဲၤထီၣ်ဆူၣ် လၢယွၤအတၢ်လုၢ်ဟံၣ်အဖီခိၣ်လီၤ. ယကလူလီၤဂၢ်လီၤအီၤလၢပှၤဂီၢ် မုၢ်ဒီးဆၣ်ဖိကီၢ်ဖိတဖၣ်အဖီခိၣ်တမံၤဃီ, တုၤဒၣ်လဲာ်လၢသ့ၣ်တဖၣ် ဒီးတၤသူတၤသၣ်တဖၣ်အဖီခိၣ်န့ၣ်လီၤ. ယတၢ်သးကဲၤထီၣ်ကလီၤဂာ် ဒ်မ့ၣ်အူအီၣ်တၢ်လၢပှၤမၤလီၤပံာ်ကွံာ်တန့ၢ်နီတဂၤဘၣ် အသိးန့ၣ်လီၤ.

လံာ်သးသယုၢ်တၢ် 2:4

ပညိၣ်ဃီၤတ့ၢ်ဝဲအပျၢ်တဖၣ်ဆူပအိၣ်ဒ်ဒုၣ်ဒါတဂၤအသိးလီၤ. မၤသံကွံာ်ဝဲကယဲၢ်ပှၤလၢအမ့ၢ်ပတၢ်သးခုဒီးပတၢ်သးမုာ်တဖၣ် န့ၣ်လီၤ. ဖဲအံၤလၢဝ့ၢ်ယရူၤၡလ့ၣ်အပူၤန့ၣ်ပကလၢၢ်ဘၣ်တ့ၢ်အသးဒိၣ်ကဲၤ ထီၣ်န့ၣ်လီၤ.

လံာ်သးသယုၢ်တၢ် 4:11

ယွၤဃ့ၣ်လီၤကွံာ်အတၢ်သးကဲၤထီၣ်အသဟီၣ်တုၤအလၢာ်လီၤ. ဆူးကဲၤထီၣ်ဝဲမ့ၣ်အူလၢဝ့ၢ်စံယိၣ်အပူၤဒီးတၢ်န့ၣ်အီၣ်ကွံာ် အီၤတုၤလၢဟီၣ်ခိၣ်လီၤ.

လံာ်ယဃ့းစက့လး 14:19

ယမ့ၢ်မၢလီၤတၢ်ဆါသံသတြိာ်လၢကီၢ်န့ၣ်အဖီခိၣ်ဒီးလၢယတၢ်သး ထီၣ်အပူၤဟံးထီၣ်ကွံာ်သးသမူအါဖျၢၣ်, မၤသံကွံာ်ပှၤဂီၢ်မုၢ်ဒီးဆၣ်ဖိကီၢ်ဖိတဖၣ်ဒီး,

လံာ်ယဃ့းစက့လး 21:31

သုကကလၢၢ်ဘၣ်ယတၢ်သးထီၣ်, ဖဲယလူလီၤအီၤလၢသုလိၤဒ်မ့ၣ်အူကဲၤတခါအသိးန့ၣ်လီၤ. ဒီးယကဟ့ၣ်လီၤကွံာ်သုဆူပှၤအၢပှၤသီအရၢၢ်အစၢၢ်တဖၣ်လၢ အမ့ၢ်ပှၤလၢအသ့လီၤတံၢ်လီၤဆဲးလၢတၢ်မၤဟးဂီၤအပူၤ အစုပူၤန့ၣ်လီၤ.

လံာ်ယဃ့းစက့လး 22:20

ဒ်ကျဲတဘိဃီလၢထးသံကိၣ်လိၣ်လၢအမ့ၢ်စ့, တိၢ်ဂီၤ, ထး, စၢၢ်ဒီးပှာ်ဝါဘၣ်တၢ်ဒၢနုာ်အီၤဆူဖၣ်ကပူၤတခါလၢအမၤ ကဆှီထီၣ်တၢ်အပူၤအသိးန့ၣ်လီၤ. ယတၢ်သးဒိၣ်ဒီးယတၢ်သးကဲၤထီၣ်ကမၤပှံၢ်ထီၣ်အဝဲသ့ၣ်ဒ်မ့ၣ်အူ မၤပှံၢ်ထီၣ်ထးသံကိၣ်လိၣ်အသိးန့ၣ်လီၤ.

လံာ်ယဃ့းစက့လး 22:22

လၢဝ့ၢ်ယရူၤၡလ့ၣ်အပူၤန့ၣ်, အဝဲသ့ၣ်တဖၣ်ကဘၣ်တၢ်မၤပှံၢ်ထီၣ်အီၤ ဒ်စ့ဘၣ်တၢ်မၤပှံၢ်ထီၣ်အီၤလၢဖၣ်ကပူၤတခါအပူၤအသိးန့ၣ်, ဝံၤဒီးအဝဲသ့ၣ်ကသ့ၣ်ညါဝဲလၢအကလၢၢ်ဘၣ်လံယွၤအတၢ်သးဒိၣ်ထီၣ် န့ၣ်လီၤ.”

လံာ်ယဃ့းစက့လး 23:37

အဝဲသ့ၣ်မၤတ့ၢ်တၢ်မၤကမၣ်မုၣ်ကမၣ်ခွါအတၢ်မၤဒီးတၢ်မၤသံလၢ အမ့ၢ်တၢ်မၤကမၣ်မုၣ်ကမၣ်ခွါဒီးတၢ်ဂီၤတၢ်ဖီၣ်တဖၣ်ဒီးတၢ်မၤ သံကွံာ်ဖိခွါတဖၣ်လၢအအိၣ်ဖျဲၣ်ထီၣ်န့ၢ်ယၤန့ၣ်လီၤ. အဝဲသ့ၣ်လုၢ်ထီၣ်ယဖိခွါတဖၣ်ဆူတၢ်ဂီၤတၢ်ဖီၣ်တဖၣ်အအိၣ်န့ၣ် လီၤ.

လံာ်ယဃ့းစက့လး 33:25

တဲဘၣ်အဝဲသ့ၣ်လၢ, ယၤယွၤပၢဘၣ်တၢ်ခဲလၢာ်ကစၢ်စံးတၢ်အံၤ တက့ၢ်. သုအီၣ်တၢ်ညၣ်လၢတၢ်သွံၣ်အိၣ်ဒံးလၢအပူၤန့ၣ်လီၤ. သုဘါထီၣ်တၢ်ဂီၤတၢ်ဖီၣ်တဖၣ်န့ၣ်လီၤ. သုမၤသံတၢ်န့ၣ်လီၤ. တၢ်မနုၤဒုးဆိကမိၣ်သုလၢကီၢ်အံၤမ့ၢ်သုတၢ်န့ၣ်လဲၣ်.

လံာ်ယဃ့းစက့လး 39:23

ဒီးပှၤကလုာ်တဖၣ်ကသ့ၣ်ညါဝဲလၢ, ပှၤအံၣ်စရ့လးဖိတဖၣ်ဘၣ် လဲၤဆူတၢ်စိာ်မၢကဲကုၢ်အလီၢ်, မ့ၢ်လၢတၢ်ဒဲးဘးတဖၣ်လၢ အဝဲသ့ၣ်မၤတ့ၢ်ထီဒါယၤအဃိန့ၣ်လီၤ. ယကဃၣ်ကွံာ်ယသးလၢ အဝဲသ့ၣ်အအိၣ်ဒီးပျဲအဝဲသ့ၣ်အဒုၣ်အဒါတဖၣ်မၤနၢၤမၤဃၣ်အဝဲသ့ၣ် ဒီးမၤသံကွံာ်အဝဲသ့ၣ်လၢတၢ်ဒုးအပျီပူၤန့ၣ်လီၤ.

လံာ်ယဃ့းစက့လး 7:8

ခဲအံၤ, တယံာ်လၢၤဘၣ်, နကကလၢၢ်ဘၣ်ယတၢ်သးဒိၣ်ထီၣ်အသဟီၣ်လီၤ. ယစံၣ်ညီၣ်နၤလၢတၢ်လၢနမၤတ့ၢ်နဲအဃိ, ဒီးလၢနသကဲာ်ပဝးလၢအလီၤသးဘၣ်အၢခဲလၢာ်အဂီၢ်န့ၣ်, ယကဟ့ၣ်ကၣ်ဆၢက့ၤနၤလီၤ.

လံာ်နၤဃူၣ် 1:6

မ့ၢ်မတၤကွၢ်ဆၢၣ်မဲာ်အတၢ်သးထီၣ်ကန့ၢ်တဂၤလဲၣ်. ဒီးမ့ၢ်မတၤတူၢ်အတၢ်သးကဲၤထီၣ်ကကဲဝဲတဂၤန့ၣ်လဲၣ်. လူလီၤဝဲအတၢ်သးကဲၤထီၣ်, ဒီးလၢၢ်ဧိၤလ့ဧိၤကၢ်လီၤကလဲကွံာ်ဆူဖၣ်ကမူၣ်လၢအမဲာ်ညါလီၤ.

လံာ်လီၣ်ဖျါ 14:10

အဝဲအနီၢ်ကစၢ်ဒၣ်ဝဲကအီကစၢ်ယွၤအစပံးထံလၢ အတဃါဃုာ်အသးလၢတၢ်နီတမံၤ, စပံးထံဘၣ်ဃးကစၢ်ယွၤအတၢ်သးထီၣ်လၢကစၢ်ယွၤ လူလီၤဝဲဆူလီခီဘၣ်ဃးဒီးအတၢ်သးထီၣ်န့ၣ်လီၤ. ကယဲၢ်ပှၤလၢအမၤတၢ်တမံၤအံၤန့ၣ်, ကဘၣ်တၢ်မၤဆါအီၤနးနးကလဲာ်လၢမ့ၣ်အူဒီးကးအပူၤလၢ ကလူးစီဆှံတဖၣ်ဒီးသိဖိအမဲာ်ညါန့ၣ်လီၤ.