လံာ်ယဃ့းစက့လး 36:12 - Sgaw Karen Common Bible

¹² ယကဟဲက့ၤစိာ်ကဒါက့ၤသုဝဲ, ယပှၤဂီၢ်မုၢ်အံၣ်စရ့လးဒ်သိး သုကအိၣ်ဆိးကဒီးလၢကီၢ်ပူၤအဂီၢ်န့ၣ်လီၤ. တၢ်န့ၣ်ကမ့ၢ် သုကီၢ်ဒၣ်သုဝဲ, ဒီးတဒုးသူၣ်ဝံၤသၣ်စ့ၤကဒီးဘၣ်သုဖိတဖၣ်လၢၤဘၣ်.

လံာ်ယဃ့းစက့လး 36:12 Iomraidhean Croise

လံာ်ယၡါယၤ 65:9

ယကဆိၣ်ဂ့ၤပှၤအံၣ်စရ့လးဖိတဖၣ်လၢအဘၣ်ဃးဒီးယူဒၤ အဒူၣ်, ဒီးအဝဲသ့ၣ်အစၢၤအသွဲၣ်တဖၣ်ကန့ၢ်သါဘၣ် ယကီၢ်လၢအပှဲၤဒီးကစၢၢ်ကလိတဖၣ်လီၤ. ယပှၤဂီၢ်မုၢ်လၢယဃုထၢအီၤလၢအမၤယတၢ်ခ့တၢ်ပှၤ အတၢ်မၤတဖၣ်ကအိၣ်ကဆိးဖဲန့ၣ်န့ၣ်လီၤ.

လံာ်ယံးရမံယၤ 15:7

လၢဝ့ၢ်ကိးဝ့ၢ်ဒဲးလၢကီၢ်အံၤအပူၤန့ၣ်, ယကွံာ်လီၤသုဆူကလံၤကျါဒ်ဘုလီၢ်အသိးန့ၣ်လီၤ. ယပှၤဂီၢ်မုၢ်ဧၢ, ယမၤဟးဂီၤကွံာ်သု, န့ၣ်လီၤ. ယမၤသံသုဖိတဖၣ် မ့ၢ်လၢသုတဆိကတီၢ်သုတၢ်အၢတၢ်သီအကျဲတဖၣ်အဃိန့ၣ်လီၤ.

လံာ်ယံးရမံယၤ 32:15

ယွၤသ့တၢ်လၢာ်, အံၣ်စရ့လးအကစၢ်ယွၤ, စံးတ့ၢ်ဝဲလၢ ဟံၣ်တဖၣ်, စံာ်ပျီတဖၣ်, ဒီးစပံးလီၢ်တဖၣ်ကဘၣ်တၢ်ပှၤ န့ၢ်ကဒီးအီၤလၢ ထံကီၢ်တဘ့ၣ်အံၤအပူၤန့ၣ်လီၤ.”

လံာ်ယံးရမံယၤ 32:44

ပှၤဂီၢ်မုၢ်ကပှ့ၤအီၤအိၣ်ဒီး လံာ်ဃံၤဃာ်တဖၣ်လၢ တၢ်ဆဲးလီၤမံၤ, တၢ်စဲပနီၣ်ဃာ်အီၤဒီး တၢ်အုၣ်သးအသးလၢ အဂ့ၢ်န့ၣ်လီၤ. တၢ်အံၤကမၤအသးလၢ ဘံၣ်ယၤမံၣ်အဒူၣ်ထၢအလီၢ်ကဝီၤ တဖၣ်အပူၤ, လၢကီၢ်ယူဒၤအဝ့ၢ်တဖၣ်အပူၤ, ဒီး လၢဝ့ၢ်လၢအိၣ်လၢ တၢ်လူၢ်တၢ်တြီၤ အကျါတဖၣ်အပူၤ, ဒီးဝ့ၢ်တဖၣ်လၢ တၢ်လူၢ်ခီၣ်ထံးဒီး ကီၢ်ယူဒၤကလံၤထံးအပူၤ န့ၣ်လီၤ. ယကပာ်က့ၤယပှၤဂီၢ်မုၢ်လၢ အဝဲသ့ၣ်အကီၢ်ဒၣ်ဝဲအပူၤလီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 22:12

သုပှၤဂီၢ်မုၢ်တနီၤမၤသံတၢ်လၢတၢ်အဘူးအလဲအဂီၢ်လီၤ. တနီၤဟံးန့ၢ်စ့အအ့ၣ်လၢစ့လၢအဟ့ၣ်လိၢ်လီၤဝဲဆူအဝဲသ့ၣ် အပှၤအံၣ်စရ့လးဖိကဒဲကဒဲအဖီခိၣ်ဒီးကဲဒိၣ်ထီၣ်ဝဲလၢတၢ် အခွဲးအယာ်လၢအမၤန့ၢ်ဝဲလၢအဝဲသ့ၣ်အဖီခိၣ်အဃိန့ၣ်လီၤ. အဝဲသ့ၣ်သးပ့ၤနီၣ်ကွံာ်လံယၤလံ. ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 22:27

တၢ်ပၢတၢ်ပြးအပဒိၣ်ပပှၢ်တဖၣ်လီၤဂာ်ဒ်ထွံၣ်မံၤတဖၣ်လၢအအ့ၣ်ဖှီ ကွံာ်ဆၣ်ဖိကီၢ်ဖိတဖၣ်လၢအမၤသံတ့ၢ်ဝဲအသိးန့ၣ်လီၤ. အဝဲသ့ၣ်မၤသံတၢ်ဒ်သိးကထူးထီၣ်တီၤထီၣ်ဝဲအဂီၢ်န့ၣ်လီၤ.

လံာ်ယဃ့းစက့လး 34:13

ယကဟံးထီၣ်ကွံာ်အဝဲသ့ၣ်လၢတခီထံတခီကီၢ်တဖၣ်အပူၤ, ပာ်ဖှိၣ်က့ၤအဝဲသ့ၣ်တပူၤဃီဒီးဟဲက့ၤစိာ်က့ၤအဝဲသ့ၣ်ဆူ အကီၢ်ဒၣ်ဝဲန့ၣ်လီၤ. ယကဆှၢက့ၤအဝဲသ့ၣ်ဆူကီၢ် အံၣ်စရ့လးအကစၢၢ်ကလိတဖၣ်ဒီးအထံကျိဖိတဖၣ် ဒီးယကလုၢ်အီလုၢ်အီအဝဲသ့ၣ်လၢအီၣ်ဆၣ်အလီၢ်လါဟ့ အမုာ်အပၢၤတဖၣ်အပူၤန့ၣ်လီၤ.

လံာ်ယဃ့းစက့လး 34:14

ယကဒုးကိာ်လီၤအဝဲသ့ၣ်လၢတၢ်ဘံၣ်တၢ်ဘၢအပူၤလၢ ကီၢ်အံၣ်စရ့လးအကစၢၢ်ကလိအတၢ်ပၢၤခိၣ်တဖၣ်လၢ အအိၣ်ဒီးတပံၢ်တမါအပူၤဒီးလၢတၢ်တြီၤ တဖၣ်အပူၤဒီးလၢကယဲၢ်အီၣ်ဆၣ်အလီၢ်လါဟ့ခဲ လၢာ်အပူၤန့ၣ်လီၤ.

လံာ်ယဃ့းစက့လး 36:13

ယၤ, ယွၤပၢဘၣ်တၢ်ခဲလၢာ်ကစၢ်စံးတၢ်လီၤ. ပှၤဂီၢ်မုၢ်ကိးဝဲ ကီၢ်န့ၣ်လၢပှၤအီၣ်ပှၤကညီတဂၤန့ၣ်, မ့ၢ်ဝဲတီဝဲ, ဒီးအဝဲသ့ၣ်စံးဝဲ လၢကီၢ်န့ၣ်ဂုာ်န့ၢ်အဖိတဖၣ်အပှၤကလုာ်န့ၣ်လီၤ.

လံာ်ယဃ့းစက့လး 47:14

ယအၢၣ်လီၤတ့ၢ်တၢ်သမှံၤသပှၢ်ဒီးသုမိၢ်ပၢ်ဖံဖုလၢပျၢၤတဖၣ် လၢယကဟ့ၣ်အဝဲသ့ၣ်လၢထံကီၢ်အံၤဒ်သိးကကဲထီၣ်အဝဲသ့ၣ် အတၢ်န့ၢ်သါန့ၣ်လီၤ. ခဲကနံၣ်အံၤနီၤဖးလီၤအီၤပှဲၤသိးသိး လၢသုကျါတက့ၢ်.

လံာ်တၢ်ဂံၢ် 13:32

မၤသးဒ်န့ၣ်ဒီးအဝဲသ့ၣ်ရၤလီၤတၢ်ကစီၣ်လၢအတတီလၢပှၤအံၣ်စရ့ လးဖိတဖၣ်အကျါဘၣ်ဃးဒီးကီၢ်လၢအဝဲသ့ၣ်လဲၤဃုထံၣ်သ့ၣ်ညါဝဲ အဂ့ၢ်န့ၣ်လီၤ. အဝဲသ့ၣ်စံးဝဲဒၣ်, “ကီၢ်အဝဲန့ၣ်ဟ့ၣ်ထီၣ်အတၤသၣ်တလၢဝဲလၢပှၤအိၣ်ဖဲန့ၣ်တဖၣ် အဂီၢ်ဒၣ်လဲာ်ဘၣ်. ပှၤကိးဂၤဒဲးလၢပထံၣ်ဘၣ်တ့ၢ်အီၤန့ၣ်အဂီၤထီဒိၣ်မး,