လံာ်ယဃ့းစက့လး 35:5 - Sgaw Karen Common Bible

⁵ သုမ့ၢ်တ့ၢ်ကီၢ်အံၣ်စရ့လးအဒုၣ်အဒါတပယူာ်ဃီဒီးပျဲအပှၤဂီၢ်မုၢ် ဘၣ်တၢ်မၤသံမၤဝီအီၤလၢတၢ်ဟးဂီၤအမုၢ်တနံၤ, လၢတၢ်တတၢးတနါအဆၢကတီၢ်, တၢ်ဆၢကတီၢ်ဖဲတၢ်စံၣ်ညီၣ်လၢ ခံကတၢၢ်လၢအဝဲအတၢ်ဒဲးဘးတဖၣ်အဂီၢ်န့ၣ်လီၤ.

လံာ်ယဃ့းစက့လး 35:5 Iomraidhean Croise

စံးထီၣ်ပတြၢၤ 137:7

ယွၤဧၢ, သ့ၣ်နီၣ်ထီၣ်က့ၤတၢ်လၢပှၤအဒိၣ်ဖိတဖၣ် မၤတ့ၢ်အီၤဖဲ ဝ့ၢ်ယရူၤရှလ့ၣ်ဘၣ် တၢ်မၤနၢၤအီၤအနံၤန့ၣ်တက့ၢ်. သ့ၣ်နီၣ်ထီၣ်အဝဲသ့ၣ်စံးဝဲခဲအံၤခဲအံၤ မၤဟးဂီၤအီၤတုၤလၢ အခီၣ်ထံး” န့ၣ်တက့ၢ်.

စံးထီၣ်ပတြၢၤ 63:10

အဝဲသ့ၣ်ကဘၣ်တၢ်မၤသံအီၤလၢတၢ်ဒုးအပူၤ, ဒီးထွံၣ်မံၤတဖၣ်ကအီၣ်ကွံာ်အီၤလီၤ.

လံာ်ယံးရမံယၤ 18:21

ဘၣ်ဆၣ်ဒီးအခဲအံၤ, ယွၤဧၢ, မ်အဝဲသ့ၣ်အဖိတဖၣ်သၣ်ဝံၤလီၤဒိ သံကွံာ်တက့ၢ်. မ်အဝဲသ့ၣ်ဘၣ်တၢ်မၤသံကွံာ်အီၤလၢတၢ်ဒုး တၢ်ယၤအပူၤန့ၣ်တက့ၢ်. မ်ပိာ်မုၣ်တဖၣ်အဝၤဒီးအဖိတဖၣ်လီၤမၢ်သဒၣ်ကွံာ်အီၤတက့ၢ်. မ်ပိာ်ခွါသးပှၢ်တဖၣ်သံလၢတၢ်ဆူးတၢ်ဆါ အဃိဒီးမ်ပိာ်ခွါသးစၢ်တဖၣ်ဘၣ်တၢ်မၤ သံအီၤလၢတၢ်ဒုးတၢ်ယၤအပူၤန့ၣ်တက့ၢ်.

လံာ်ယဃ့းစက့လး 21:25

နဲဒၣ်ကီၢ်အံၣ်စရ့လးအပှၤပၢတၢ်လၢအအၢအသီဒီးတစီတဆှံ တဂၤဧၢ, နမုၢ်တနံၤ, မုၢ်တနံၤလၢနတၢ်စံၣ်ညီၣ်လၢခံကတၢၢ်အဂီၢ် န့ၣ်ဟဲတုၤဃီၤဝဲလံ.

လံာ်ယဃ့းစက့လး 21:29

တၢ်ထံၣ်လၢညါတဖၣ်လၢသုထံၣ်ဘၣ်န့ၣ်မ့ၢ်တၢ်ကဘျံး ကဘျၣ်ဒီးတၢ်ကတိၤဆိပာ်စၢၤတဖၣ်လၢသုမၤအီၤန့ၣ်မ့ၢ်တၢ်လီ တၢ်ဝ့ၤတဖၣ်လီၤ. သုမ့ၢ်ပှၤတတီတလိၤဒီးပှၤအၢပှၤသီ, ဒီးသုမုၢ်နံၤမုၢ်သီန့ၣ်ဟဲဝဲ, မုၢ်တနံၤလၢသုတၢ်စံၣ်ညီၣ်လၢခံ ကတၢၢ်အဂီၢ်န့ၣ်လီၤ. နးတဘ့ၣ်ကလီၤလၢသုကိာ်တဖၣ်အလိၤန့ၣ်လီၤ.

လံာ်ယဃ့းစက့လး 25:12

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ကီၢ်အဒိၣ်အပှၤဂီၢ်မုၢ်ဟ့ၣ် ကၣ်တၢ်အအၢအသီလၢကီၢ်ယူဒၤအဖီခိၣ်ဒီးတၢ်ဟ့ၣ်ကၣ်န့ၣ်ဟဲစိာ် တၢ်ကမၣ်အထူအယိာ်လၢကီၢ်အဒိၣ်အလိၤန့ၣ်လီၤ.

လံာ်ယဃ့းစက့လး 25:15

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ပှၤဖလ့ၡသးဖိတဖၣ်ဟ့ၣ်ကၣ် တၢ်အၢအၢသီသီလၢအဒုၣ်အဒါလီၢ်လံၤလၢပျၢၤတဖၣ်အဖီခိၣ်ဒီး မၤဟးဂီၤကွံာ်အီၤလၢအဝဲသ့ၣ်အတၢ်သးဟ့အပူၤန့ၣ်လီၤ.

လံာ်ယဃ့းစက့လး 35:12

အန့ၣ်ဒီး, သုကသ့ၣ်ညါသုဝဲလၢယၤ, ယွၤနၢ်ဟူဘၣ်တၢ်လၢ သုစံးအီၤပှဲၤဒီးတၢ်တပာ်လ့ၢ်ပာ်ကါလၢ, ကီၢ်အံၣ်စရ့လးအက စၢၢ်ကလိတဖၣ်အိၣ်သယုၢ်လီၤ ဃီဒီးအဝဲသ့ၣ်မ့ၢ်တၢ်လၢသုကဟးဂီၤ ကွံာ်အီၤအဂီၢ်န့ၣ်လီၤ.

လံာ်ယဃ့းစက့လး 36:5

ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လၢယတၢ် သးဒိၣ်ကဲၤထီၣ်အပူၤထီဒါပှၤကလုာ်တဖၣ်လၢအအိၣ်ခိၣ်အိၣ်ဃၢၤ ဒီးလီၤဆီဒၣ်တၢ်ထီဒါကီၢ်အဒိၣ်န့ၣ်လီၤ. လၢတၢ်နံၤဘၣ်ဖၣ်လဲ ဒီးတၢ်တပာ်လ့ၢ်ပာ်ကဲအပူၤ, အဝဲသ့ၣ်မၤန့ၢ်ကွံာ်ယကီၢ် ဒီးဟံးန့ၢ်ကွံာ်အတၢ်အီၣ်ဆၣ်အလီၢ်တဖၣ်န့ၣ်လီၤ.

လံာ်ဒၤနံးယ့လး 9:24

တၢ်အနံၣ်နွံဆံအဘျီနွံဝီအံၤမ့ၢ်တၢ်ဆၢကတီၢ်လၢကစၢ်ယွၤ ပာ်လီၤအီၤလၢတၢ်မၤထူၣ်ဖျဲးနပှၤဂီၢ်မုၢ်, ဒီးနဝ့ၢ်စီဆှံလၢတၢ် ဒဲးဘးဒီးတၢ်အၢတၢ်သီအပူၤလီၤ. တၢ်ဒဲးဘးကဘၣ်တၢ်ပျၢ်အီၤဒီး တၢ်စံၣ်ညီၣ်တီအထူအယိာ်ကဘၣ်တၢ်ဒုးအိၣ်ဂၢၢ်ကျၢၤအီၤ, ဒ်သိးတၢ်ထံၣ်လၢညါခီဒီးဝံအတၢ်စံးပာ်ကလၢထီၣ်ပှဲၤထီၣ်ဝဲ, ဒီးတၢ်လုၢ်ဟံၣ်စီဆှံကဘၣ်တၢ်ပာ်စီဆှံထီၣ်ကဒါက့ၤအီၤအဂီၢ်လီၤ.

လံာ်ဧၤမိၣ် 1:11

ဒီးယွၤစံးဝဲဒၣ်, “ပှၤကီၢ်အဒိၣ်ဖိတဖၣ်မၤတ့ၢ်လံတၢ်ဒဲးဘး တဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤ သပှၢ်ကတၢၢ်န့ၣ်လီၤ. အဝဲသ့ၣ်လူၤမၤဟး ဂီၤအဒီပုၢ်ဝဲၢ်ပှၤအံၣ်စရ့လးဖိတဖၣ်လၢဃဲာ်ဧိၤနးဧိၤ, ဒီးတပာ်ဖျါထီၣ်အတၢ်သးကညီၤအဝဲသ့ၣ်ဘၣ်. အတၢ်သးထီၣ်အကတၢၢ်တအိၣ်ဘၣ်ဒီးတပျဲအလီၤပံာ်ကွံာ်ဘၣ်.

လံာ်ဧၤမိၣ် 1:6

ဒီးယွၤစံးဝဲဒၣ်, “ပှၤဝ့ၢ်ဂါစၤဖိတဖၣ်မၤတ့ၢ်လံတၢ်ဒဲးဘးတဘျီ ဝံၤတဘျီလံ. လၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်စိာ်ကွံာ်ပှၤကီၢ်ဖိဒီတကီၢ်ညါဒီးဆါကွံာ်ဝဲဒ်ကုၢ် တဖၣ်အသိးဆူပှၤကီၢ်အဒိၣ်ဖိတဖၣ်အအိၣ်လီၤ.