လံာ်ယဃ့းစက့လး 34:8 - Sgaw Karen Common Bible

⁸ ဒ်ယမ့ၢ်ကစၢ်ယွၤလၢအမူဝဲနီၢ်နီၢ်တဂၤအသိး, ယစံးယဲ, ဂ့ၤဒိၣ် ဒၣ်တၢ်တက့ၢ်လၢသုဒိကနၣ်ယၤန့ၣ်လီၤ. ယသိဘၣ်တၢ်လူၤဖီၣ် ဆူၣ်အီၤလၢဆၣ်ဖီကီၢ်ဖိအမံၤတဖၣ်လၢမၤသံဒီးအီၣ်ကွံာ် အဝဲသ့ၣ်, မ့ၢ်လၢပှၤကွၢ်သိတအိၣ်နီတဂၤအဃိန့ၣ်လီၤ. ယပှၤကွၢ်သိတဖၣ်တဂုာ်ကျဲးစၢးဃုထံၣ်က့ၤသိတဖၣ်ဘၣ်. အဝဲသ့ၣ်အံးထွဲကွၢ်ထွဲလီၤက့ၤအသးဒၣ်ဝဲဒီး တအံးထွဲကွၢ်ထွဲသိန့ၣ်ဘၣ်.

လံာ်ယဃ့းစက့လး 34:8 Iomraidhean Croise

လံာ်ယဃ့းစက့လး 34:10

ယၤ, ယွၤပၢဘၣ်တၢ်ခဲလၢာ်ကစၢ်ဘိးဘၣ်သ့ၣ်ညါကျၤမနၤ လၢယမ့ၢ်သုဒုၣ်သုဒါန့ၣ်လီၤ. ယကဟံးထီၣ်ကွံာ်ယသိလၢ သုအိၣ်ဒီးယတပျဲကဒီးလၢသုကမ့ၢ်အဝဲသ့ၣ်အပှၤကွၢ်သိတဖၣ် နီတစုလၢၤဘၣ်. ယတပျဲသုကွၢ်ထွဲလီၤက့ၤထဲဒၣ်သုသးနီတစု လၢၤဘၣ်. ယကမၤပူၤမၤဖျဲးက့ၤယသိလၢသုစုပူၤဒီးတပျဲ သုအီၣ်အဝဲသ့ၣ်လၢၤဘၣ်.

လံာ်ယဃ့းစက့လး 34:18

သုဝဲတနီၤ, သုတသးမံလၢတၢ်အီၣ်ဘၣ်နီၣ်အဂ့ၤကတၢၢ် အဃိဘၣ်. သုယီၢ်တံၢ်လီၤဒၣ်လဲာ်တၢ်လၢသု အီၣ်တဖၣ်န့ၣ်လီၤ. သုအိထံအဆှံဒီးသုမၤဒုထီၣ်တၢ် လၢသုတအိအီၤန့ၣ်လီၤ.

လံာ်ယဃ့းစက့လး 34:31

ယွၤပၢဘၣ်တၢ်ခဲလၢာ်ကစၢ်စံးဝဲ, သုဝဲ, ယသိ အဖုလၢယလုၢ်အီၣ်လုၢ်အီၤန့ၣ်မ့ၢ်ယပှၤဂီၢ်မုၢ်ဒီး, ယမ့ၢ်သုကစၢ်ယွၤန့ၣ်လီၤ.”

လံာ်ယဃ့းစက့လး 34:7

ခဲကနံၣ်အံၤ, သုဝဲပှၤကွၢ်သိတဖၣ်ဧၢ, ဒိကနၣ်တၢ်လၢယၤ, ယွၤကတဲသုန့ၣ်တက့ၢ်.

လံာ်ယဃ့းစက့လး 34:9

လၢတၢ်န့ၣ်အဃိ, သုဝဲပှၤကွၢ်သိတဖၣ်ဧၢ, ဒိကနၣ်ယၤတက့ၢ်.

လံာ်ယဃ့းစက့လး 36:4

လၢတၢ်န့ၣ်အဃိ, ခဲကနံၣ်အံၤ, ဒိကနၣ်တၢ်လၢယၤယွၤပၢဘၣ် တၢ်ခဲလၢာ်ကစၢ်စံးဘၣ်သုဝဲကစၢၢ်ကလိတဖၣ်ဒီးတၢ်လူၢ်တဖၣ်, သုဝဲ, ထံကျိဖိဒီးတၢ်တြီၤတဖၣ်, သုဝဲတၢ်လီၢ်တဖၣ်လၢ အဘၣ်တၢ်ပာ်လီၤတဲာ်အီၤလၢတၢ်ဟးဂီၤအပူၤ, ဒီးသုဝဲဝ့ၢ်တဖၣ်လၢအဘၣ်တၢ်ဟးသဒၣ်ကွံာ်အီၤ, လၢအဘၣ်တၢ်ဂုာ်ဆူၣ်ပျီဆူၣ်ဒီးဘၣ်တၢ်ဒုၣ်ဒွဲၣ်ထွဲလၢပှၤကလုာ် တဖၣ်လၢအအိၣ်ခိၣ်အိၣ်ဃၢၤန့ၣ်တက့ၢ်.

လံာ်စကၤရယၤ 10:2

ပှၤဂီၢ်မုၢ်ဃ့တၢ်ဟ့ၣ်ကူၣ်လၢတၢ်ဂီၤတၢ်ဖီၣ်တဖၣ်ဒီးပှၤဖးတၢ် ဟဲဝံဟဲစိာ်တဖၣ်အအိၣ်ဘၣ်ဆၣ်ဒီးတၢ် စံးဆၢတဖၣ်လၢအမၤန့ၢ်ဝဲန့ၣ်မ့ၢ်ဒၣ်တၢ်ကဘျံးကဘျၣ် ဒီးတၢ်ကလီကလီလီၤ. ပှၤတနီၤဖးတၢ်မံမီၢ်တဖၣ်အခီပညီ, ဘၣ်ဆၣ်မ့ၢ်ဒၣ်တၢ်ဆှၢကမၣ်သုလီၤ. တၢ်မၤမုာ်ထီၣ်လၢအဝဲသ့ၣ်ဟ့ၣ်သုန့ၣ်မ့ၢ်ဒၣ်တၢ်ကလီကလီလီၤ. လၢတၢ်န့ၣ်အဃိပှၤဂီၢ်မုၢ်ဟးဝ့ၤဝီၤဒ်သိလၢအဟးဖျိးကျဲအသိးန့ၣ်လီၤ. အဝဲသ့ၣ်အိၣ်လၢတၢ်ကိၢ်တၢ်ဂီၤအပူၤမ့ၢ်လၢအခိၣ်အနၢ် တအိၣ်ဘၣ်နီတဂၤအဃိန့ၣ်လီၤ.

မၤတၢ် 20:29

ယသ့ၣ်ညါယဲဒၣ်လၢယဟးထီၣ်ဝံၤအလီၢ်ခံန့ၣ်, ထွံၣ်မံၤအဒူတဖၣ်ကဟဲနုာ်လီၤဆူသုကျါ, ဒီးတပျဲပူၤသိတဖၣ် န့ၣ်ဘၣ်.

မၤတၢ် 20:33

ယတသးလီသးကွံပှၤနီတဂၤအစ့မ့ၢ်ဂ့ၤ, ထူမ့ၢ်ဂ့ၤ, တၢ်ကူတၢ်ကၤမ့ၢ်ဂ့ၤန့ၣ်ဘၣ်.

1 ကရံၣ်သူး 9:15

ဘၣ်ဆၣ်ဒီးယတသူတ့ၢ်ယဲတၢ်အခွဲးအယာ်တဖၣ်အံၤနီတခါ ဒံးဘၣ်. ဒီးယတကွဲးစ့ၢ်ကီးတၢ်ခဲအံၤဒ်သိး ယကဟံးန့ၢ်တၢ်အခွဲးအယာ်တဖၣ်အံၤလၢယနီၢ်ကစၢ်ဒၣ်ယဲ အဂီၢ်ဘၣ်. ယမ့ၢ်ဘၣ်သံ, ယကသံဒါခီလီၤ. မတၤတဂၤမးတဘၣ်လဲလိာ်ကွံာ်ယတၢ်ကတိၤပာ်ကဖၢလၢသး လၢအကြၢးအဘၣ်တမံၤန့ၣ်ဆူတၢ်ကတိၤအကလီကလီတဖၣ် ဘၣ်.

၂ ပ့းတရူး 2:13

ဒီးကတူၢ်ဘၣ်က့ၤတၢ်လၢအဒုးတူၢ်ပှၤဂၤန့ၣ်လီၤ. တၢ်မၤလၢပှဲၤနီၢ်ခိဖံးညၣ်အတၢ်သူၣ်ဝံၤသၣ်စ့ၤလၢမုၢ် ဆါခီန့ၣ်, အဝဲသ့ၣ်ပာ်ဝဲလၢအမ့ၢ်တၢ်မုာ်လၤသးဖှံ လီၤ. ဖဲအဝဲသ့ၣ်အီၣ်တၢ်အီတၢ်ဒီးသုန့ၣ်, ကဲထီၣ်တၢ်လီၤမဲာ်ဆှးဒီးတၢ်အသူးအသ့ၣ်တအိၣ်ဘၣ် အလီၢ်, ဒီးမုာ်လၤဒံးဒၣ်ဝဲလၢအတၢ်လီတၢ်ဝ့ၤအကျဲတဖၣ် အပူၤန့ၣ်လီၤ.

ယူဒၤ 1:12

အဝဲသ့ၣ်အတၢ်မဲာ်ဆှးတအိၣ်ဘၣ်ဒီး, အတၢ်ဟဲထဲလၢတၢ်အီၣ်ဘၣ်အီဘၣ်အဂီၢ်န့ၣ်, ကဲထီၣ်တၢ်မဲၣ်သူမဲၣ်ဂီၤလၢသုတၢ်အဲၣ်တၢ်ကွံအဘူၣ် အဂီၢ်လီၤ. အဝဲသ့ၣ်ကွၢ်တၢ်ထဲလၢအဂီၢ်ဒၣ်ဝဲလီၤ. အဝဲသ့ၣ်လီၤဂာ်တၢ်အၢၣ်တဖၣ်လၢအဘၣ်တၢ်အူဒံကွံာ် အီၤလၢကလံၤ, ဒီးလၢအတဟဲဒုးစူၤတၢ်ဘၣ်န့ၣ်လီၤ. အဝဲသ့ၣ်လီၤဂာ်ဒီးသ့ၣ်တဖၣ်လၢအတသၣ်ထီၣ်ဘၣ်လၢ အကတီၢ်ဒၣ်ဝဲဘၣ်, ဒီးလၢအဘၣ်တၢ်ထဲးထီၣ်ကွံာ်အီၤလၢအဂံၢ်ဒီးသံကွံာ်ဝဲ လၢာ်လၢာ်ဆ့ဆ့န့ၣ်လီၤ.