လံာ်ယဃ့းစက့လး 34:4 - Sgaw Karen Common Bible

⁴ သုတအံးထွဲကွၢ်ထွဲဘၣ်သိလၢအဂံၢ်စၢ်ဘါစၢ်တဖၣ်, တမၤဘျါဘၣ်သိလၢအဆူးအဆါတဖၣ်, တဘိၣ်ဘံသိလၢအဘၣ်ဒိဘၣ်ထံးတဖၣ်, တဟဲက့ၤစိာ်ကဒါက့ၤသိလၢအဟးဖျိးတဖၣ်မ့တမ့ၢ် ဃုက့ၤသိလၢအဟါမၢ်တဖၣ်န့ၣ်ဘၣ်. အခိၣ်တလိာ်သုမၤဘၣ်အဝဲသ့ၣ်အၢအၢသီသီတ အိၣ်ဒီးတၢ်သးကညီၤဘၣ်န့ၣ်လီၤ.

လံာ်ယဃ့းစက့လး 34:4 Iomraidhean Croise

လံာ်ယၡါယၤ 1:5

ဘၣ်မနုၤအဃိသုပူထီၣ်ဒံးအီၤန့ၣ်လဲၣ်. မ့ၢ်သုအဲၣ်ဒိးတၢ်စံၣ် ညီၣ်သုအါန့ၢ်ဒံးအလီၢ်အံၤဧါ. အံၣ်စရ့လးဧၢ, သုခိၣ် ဘၣ်တၢ်ကးဘၢတ့ၢ်လံအီၤလၢတၢ်ပူၤလီၢ်ပူၤကျဲတဖၣ်ဒီး သုသးဒီးတၢ်ဆိကမိၣ်တဖၣ်ဆိးက့ဝဲလီၤ.

လံာ်ယၡါယၤ 3:7

ဘၣ်ဆၣ်အဝဲကစံးဆၢဝဲ, “ယတမၤဘၣ်. ယမၤစၢၤသုတသ့ဘၣ်. ယတၢ်အီၣ်ဒီးယကူယကၤစ့ၢ်ကီးတအိၣ်ဘၣ်. ဒုးကဲထီၣ်ယၤလၢသုးခိၣ်သုးနၢ်တဂ့ၤ,” န့ၣ်လီၤ.

လံာ်ယၡါယၤ 56:10

အဝဲစံး, “ခိၣ်နၢ်ခဲလၢာ်လၢအကဘၣ်ဟ့ၣ်ပလီၢ် ယပှၤဂီၢ်မုၢ်န့ၣ်အမဲာ်ဘျီၣ်လီၤ. အဝဲသ့ၣ်တသ့ၣ် ညါတၢ်နီတမံၤဘၣ်. အဝဲသ့ၣ်လီၤဂာ်ဒီးထွံၣ်ခိးတၢ် တဖၣ်လၢတမီၤတၢ်ဘၣ်, အိၣ်ဒၣ်ထဲစူၣ်လီၤအသးဒီးမံမီၢ်တၢ်န့ၣ်လီၤ. အဝဲသ့ၣ်အဲၣ်တၢ်မံဒိၣ်မးလဲၣ်.

လံာ်ယံးရမံယၤ 22:13

ပှၤတဂၤလၢအသူၣ်ထီၣ်အဟံၣ်လၢတၢ်စံၣ်ညီၣ်တတီဘၣ်အပူၤ, ဒီးမၤလဲၢ်ထီၣ်အီၤလၢတၢ်တတီတလိၤအပူၤ, ပှၤတဂၤလၢအမၢအထံဖိကီၢ်ဖိမၤတၢ် ဒီးတဟ့ၣ်ဘူးဟ့ၣ်လဲဝဲဘၣ်န့ၣ်, ကဘၣ်တၢ်စံၣ်ညီၣ်ဃါမနၤလီၤ.

လံာ်ယံးရမံယၤ 8:22

လၢကီၢ်ကံးလဧးအပူၤန့ၣ်, မ့ၢ်ကသံၣ်ကသီတအိၣ်လၢၤနီတမံၤ ဘၣ်ဧါ. မ့ၢ်ကသံၣ်သရၣ်တဖၣ်တအိၣ်ဖဲန့ၣ်နီတဂၤဘၣ်ဧါ. မ့မ့ၢ်ဒ်န့ၣ်ဒီး, ဘၣ်မနုၤအဃိယပှၤဂီၢ်မုၢ်တဘၣ် တၢ်မၤဘျါက့ၤအီၤန့ၣ်လဲၣ်.

လံာ်ယဃ့းစက့လး 19:6

ဖဲအဒိၣ်တုာ်လံန့ၣ်, အဝဲဟးဝ့ၤဝီၤစီၤဖီၣ်အီၣ်တၢ်ဒီးခ့ယုၢ် အဂၤတဖၣ်န့ၣ်လီၤ. အဝဲစ့ၢ်ကီးမၤလိန့ၢ်ကဘၣ်ဖီၣ်န့ၢ်တၢ်မံၤလာ်ဒ်လဲၣ်ဒီးကဲထီၣ် ပှၤတဂၤလၢအအီၣ်ပှၤကညီန့ၣ်လီၤ.

လံာ်ယဃ့းစက့လး 19:7

အဝဲမၤဟးဂီၤကွံာ်တိာ်ဧိၤတာ်ဧိၤတဖၣ်, အဝဲမၤဟးဂီၤဝ့ၢ် တဖၣ်န့ၣ်လီၤ. ပှၤဂီၢ်မုၢ်လၢကီၢ်ပူၤတဖၣ်ပျံၤတၢ်ဖုးတၢ်တဘျီ လၢ်လၢ်ဖဲအဝဲကညီၤထီၣ်တၢ်န့ၣ်လီၤ.

လံာ်ယဃ့းစက့လး 19:9

အဝဲသ့ၣ်ဒၢနုာ်အီၤဆူကပိၤတဖျၢၣ်အပူၤဒီးက့ၤစိာ်အီၤဆူ ကီၢ်ဘၤဘူၤလိၣ်အစီၤပၤအအိၣ်န့ၣ်လီၤ. အဝဲသ့ၣ်ပာ်အီၤလၢပှၤ ခိးတၢ်ဖိအစုပူၤမ့ၢ်ဒ်သိးအဝဲအတၢ်ကညီၤထီၣ်သုတဘၣ်တၢ်နၢ် ဟူကဒီးလၢကီၢ်အံၣ်စရ့လးအတၢ်လူၢ်တဖၣ်အဒီခိၣ်နီ တစုလၢၤတဂ့ၤန့ၣ်လီၤ.

လံာ်ယဃ့းစက့လး 34:16

ယကဃုက့ၤသိလၢအလီၤမၢ်တဖၣ်, ဟဲက့ၤစိာ်ကဒါက့ၤသိလၢ အဟးဖျိးကျဲတဖၣ်, ဘိၣ်ဘံထီၣ်သိလၢအဘၣ်ဒိဘၣ်ထံးတဖၣ် ဒီးမၤဘျါက့ၤသိလၢအဆူးအဆါတဖၣ်န့ၣ်လီၤ. ဘၣ်ဆၣ်သိ လၢအဘီၣ်ဒီးအဂံၢ်ဘါဆူၣ်တဖၣ်န့ၣ်ယကမၤဟးဂီၤကွံာ်အီၤန့ၣ်လီၤ. အဂ့ၢ်ဒ်အံၤ, ယမ့ၢ်ပှၤကွၢ်သိတဂၤလၢအမၤတၢ်အဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:43

သုတဘၣ်ပၢအီၤလၢတၢ်စုဆူၣ်ခီၣ်တကးဘၣ်. မ့မ့ၢ်သုဘၣ်ပျံၤသုကစၢ်ယွၤန့ၣ်လီၤ.

လံာ်မးသဲ 10:6

မ့မ့ၢ်လဲၤသုဝဲဆူပှၤအံၣ်စရ့လးဖိလၢအမ့ၢ်သိလၢအဟါမၢ် တဖၣ်အအိၣ်န့ၣ်တက့ၢ်.

လံာ်မးသဲ 21:35

ပှၤဒိးလဲစပံးလီၢ်တဖၣ် ဟံးဃာ်အဝဲအခ့အပှၤတဖၣ်, ဒီးတီၢ်ဝဲတဂၤ, မၤသံဝဲတဂၤ, ဒီးကွံာ်ဝဲလၢလၢၢ်တဂၤလီၤ.

လံာ်မးသဲ 24:49

ဒီးမ့ၢ်တီၢ်တၢ်အခ့အပှၤသကိးသကိးဒီးအီၤတဖၣ်, အီၣ်တၢ်အီတၢ်ဒီးပှၤအီသံးဖိတဖၣ်န့ၣ်,

လံာ်မးသဲ 9:36

တုၤအဝဲထံၣ်ပှၤဂီၢ်မုၢ်တဖၣ်ဒီးအသးပှဲၤဒီးတၢ်သးကညီၤဘၣ် အဝဲသ့ၣ်လီၤ. အဂ့ၢ်ဒ်အံၤ, အဝဲသ့ၣ်အသူၣ်ကိၢ်သးဂီၤဒီးပှၤမၤစၢၤအီၤတအိၣ်ဘၣ်ဒီး လီၤဂာ်ဒ်သိလၢအပှၤကွၢ်သိတအိၣ်ဘၣ်တဖၣ်အသိးလီၤ.

၂ ကရံၣ်သူး 1:24

ပတဂုာ်ကျဲးစၢးနဲၣ်သုလၢသုကဘၣ်စူၢ်တၢ်နာ်တၢ်ဒ်အံၤဒ် နုၤဘၣ်. ပသ့ၣ်ညါလၢသုအိၣ်ဆၢထၢၣ်သုဝဲကျၢၤကျၢၤလၢ တၢ်စူၢ်တၢ်နာ်အပူၤလီၤ. အခိၣ်တလိာ်ပမၤသကိးတၢ်ဒီးသု, လၢသုတၢ်သူၣ်ဖှံသးညီဒၣ်ဝဲအဂီၢ်န့ၣ်လီၤ.

ဧ့ၤဘြံၤ 12:12

စုလၢအလီၤဘှါတဖၣ်ဒီးခီၣ်လ့ၢ်ခိၣ်လၢအကနိးတဖၣ်န့ၣ်မၤ ဆူၣ်ထီၣ်အီၤတက့ၢ်.