လံာ်ယဃ့းစက့လး 34:24 - Sgaw Karen Common Bible

²⁴ ယၤ, ယွၤ, ကမ့ၢ်အဝဲသ့ၣ်အကစၢ်ယွၤ, ဒီးစီၤပၤတဂၤလၢအလီၤဂာ် ဒီးယခ့ယပှၤစီၤဒၤဝံးကမ့ၢ်အဝဲသ့ၣ်အပှၤပၢတၢ်တဂၤလီၤ. ယကတိၤလံတၢ်လံ.

လံာ်ယဃ့းစက့လး 34:24 Iomraidhean Croise

စံးထီၣ်ပတြၢၤ 2:6

အဝဲစံးဝဲ, “ယပာ်ထီၣ်ယစီၤပၤလၢ ယကစၢၢ်စီဆှံစံယိၣ်အလိၤလံ.”

လံာ်ယၡါယၤ 55:3

ဒိကနၣ်ခဲအံၤ, ယပှၤဂီၢ်မုၢ်သ့ၣ်ဧၢ, ဒီးဟဲဆူယအိၣ်တက့ၢ်. ဟဲဆူယအိၣ်ဒီးသုကန့ၢ်ဘၣ်တၢ်မူလီၤ. ယကမၤတၢ်အၢၣ်လီၤအီလီၤအထူအယိာ်ဒီးသု ဒီးဟ့ၣ်သုတၢ်ဆိၣ်ဂ့ၤတဖၣ်လၢယအၢၣ်လီၤတ့ၢ်စီၤဒၤဝံးန့ၣ်လီၤ.

လံာ်ယၡါယၤ 55:4

ယဒုးကဲထီၣ်အီၤလၢခိၣ်နၢ်တဂၤဒီးပှၤကလုာ်တဖၣ်အသုးခိၣ်ဖးဒိၣ်, ဒီးခီဖျိအီၤန့ၣ်ယဒုးနဲၣ်အဝဲသ့ၣ်လၢ ယတၢ်စိတၢ်ကမီၤလီၤ.

လံာ်ယံးရမံယၤ 30:21

အဝဲသ့ၣ်အပှၤပၢတၢ် ကဟဲထီၣ်လၢ အပှၤကလုာ် ဒၣ်ဝဲအကျါ ဒီးအစီၤပၤဖိလၢ အပှၤဂီၢ်မုၢ်ဒၣ်ဝဲအကျါလီၤ. အဝဲကသုးဘူးအသးဆူ ယအိၣ်ဖဲ ယကွဲမုာ်အီၤလီၤ. အဂ့ၢ်ဒ်အံၤ, ယမ့ၢ်တကွဲမုာ်ဘၣ်ဒီး မ့ၢ်မတၤဟဲကဘူၣ်တဂၤလဲၣ်.

လံာ်ယံးရမံယၤ 30:9

အခိၣ်တလိာ်, အဝဲသ့ၣ်ကမၤယၤ, ယွၤအဝဲသ့ၣ် အကစၢ်ယွၤ, ဒီးစီၤဒၤဝံးအစၢၤ အသွဲၣ်လၢယကပာ် ထီၣ်အီၤလၢ စီၤပၤအလီၢ်တဂၤ, အတၢ်မၤန့ၣ်လီၤ.

လံာ်ယံးရမံယၤ 31:1

ယွၤစံးဝဲဒၣ်, “တၢ်ဆၢကတီၢ်ဟဲဝဲလၢ ယကကဲထီၣ် ကီၢ်အံၣ်စရ့လး အဒူၣ်တဖၣ်ခဲလၢာ် အကစၢ်ယွၤဒီး အဝဲသ့ၣ်ကကဲထီၣ် ယပှၤဂီၢ်မုၢ် န့ၣ်လံ.

လံာ်ယံးရမံယၤ 31:33

တၢ်အၢၣ်လီၤအီလီၤ အသီလၢ ယကမၤဒီး ကီၢ်အံၣ်စရ့လး အပှၤဂီၢ်မုၢ်န့ၣ် ကမ့ၢ်အအံၤလီၤ. ယကပာ်ယတၢ်သိၣ်တၢ်သီ လၢအဝဲသ့ၣ်အသးကံၢ်ပူၤဒီး ကွဲးလီၤအီၤလၢ အဝဲသ့ၣ်အသး ဘ့ၣ်ဘၣ်အလိၤန့ၣ်လီ. ယကမ့ၢ်အဝဲသ့ၣ် အကစၢ်ယွၤဒီး အဝဲသ့ၣ်ကမ့ၢ်ယပှၤဂီၢ်မုၢ်န့ၣ်လီၤ.

လံာ်ယံးရမံယၤ 32:38

အန့ၣ်ဝံၤဒီး အဝဲသ့ၣ်ကမ့ၢ်ယပှၤဂီၢ်မုၢ်ဒီးယကမ့ၢ် အဝဲသ့ၣ် အကစၢ်ယွၤန့ၣ်လီၤ.

လံာ်ယဃ့းစက့လး 20:5

တဲဘၣ်အဝဲသ့ၣ်လၢ, တၢ်လၢယစံးယဲန့ၣ်တက့ၢ်. ဖဲယဃုထၢထီၣ်အံၣ်စရ့လးန့ၣ်ယမၤတ့ၢ်တၢ်အၢၣ်လီၤအီလီၤတမံၤ ဒီးအဝဲသ့ၣ်န့ၣ်လီၤ. ယလီၣ်ဖျါထီၣ်ယသးဒီးအဝဲသ့ၣ်လၢကီၢ်အဲၤကူပတူးအပူၤဒီးတဲ ဘၣ်အဝဲသ့ၣ်လၢ, ယမ့ၢ်ယွၤသုကစၢ်ယွၤန့ၣ်လီၤ.

လံာ်ယဃ့းစက့လး 20:7

ယတဲဘၣ်တ့ၢ်အဝဲသ့ၣ်လၢကစူးကွံာ်ညိကွံာ်တၢ်ဂီၤတၢ်ဖီၣ်တဖၣ်လၢ အလီၤသးဘၣ်အၢလၢအဝဲသ့ၣ်အဲၣ်ဝဲဒီးသုတမၤဘၣ်အၢအသးဒီးကီၢ် အဲၤကူပတူးအယွၤတဖၣ်လၢအကဘျံးကဘျၣ်န့ၣ်တဂ့ၤ. ယမ့ၢ်ယွၤ, အဝဲသ့ၣ်အကစၢ်ယွၤန့ၣ်လီၤ.

လံာ်ယဃ့းစက့လး 21:27

တၢ်ဟးဂူာ်ဟးဂီၤ, တၢ်ဟးဂူာ်ဟးဂီၤ, မ့ၢ်လီၤ. ယကဒုးကဲထီၣ်ဝ့ၢ်ဆူတၢ်ဟးဂီၤတမံၤန့ၣ်လီၤ. ဘၣ်ဆၣ်တၢ်အံၤတချုးဒံးလၢပှၤတဂၤလၢယဃု ထၢအီၤလၢကမၤဟးဂီၤဝ့ၢ်အံၤဟဲတုၤဒံးဘၣ်န့ၣ်တမၤ ဘၣ်အသးဘၣ်. အန့ၣ်ဝံၤဒီးယကဟ့ၣ်လီၤအီၤဆူအဝဲ အစုပူၤန့ၣ်လီၤ.

လံာ်ယဃ့းစက့လး 36:28

အန့ၣ်ဒီးသုကအိၣ်ဆိးလၢကီၢ်လၢယဟ့ၣ်လီၤတ့ၢ်သုမိၢ်ပၢ်ဖံဖု လၢပျၢၤတဖၣ်အပူၤန့ၣ်လီၤ. သုကမ့ၢ်ပှၤဂီၢ်မုၢ်ဒီးယကမ့ၢ် သုကစၢ်ယွၤန့ၣ်လီၤ.

လံာ်ယဃ့းစက့လး 37:22

ယကပာ်ဖှိၣ်အဝဲသ့ၣ်ဆူပှၤတကလုာ်ဃီလၢကီၢ်ပူၤ, လၢ ကီၢ်အံၣ်စရ့လးအကစၢၢ်တဖၣ်အဒီခိၣ်န့ၣ်လီၤ. အဝဲသ့ၣ်ကအိၣ် ဒီးစီၤပၤတဂၤလၢကပၢအဝဲသ့ၣ်ဒီးအဝဲသ့ၣ်တအိၣ်လီၤဖးလိာ် အသးဆူပှၤကလုာ်ခံကလုာ်မ့ၢ်ဂ့ၤ, လီၤဖးကွံာ်ဆူဘီမုၢ်ခံ ဘ့ၣ်မ့ၢ်ဂ့ၤလၢၤဘၣ်.

လံာ်ယဃ့းစက့လး 37:23

အဝဲသ့ၣ်တမၤဘၣ်အၢလီၤအသးလၢတၢ်ဂီၤတၢ်ဖီၣ်တဖၣ်လၢ အလီၤသးဘၣ်အၢမ့ၢ်ဂ့ၤ, မၤဟးဂီၤလီၤအသးလၢတၢ်ဒဲးဘး မ့ၢ်ဂ့ၤလၢၤဘၣ်. ယကဒုးထူၣ်ဖျဲးအဝဲသ့ၣ်လၢကျဲတဖၣ်လၢ အဝဲသ့ၣ်ပိာ်တ့ၢ်အီၤလၢအမ့ၢ်တၢ်မၤတၢ်ဒဲးဘးဒီးတၢ်သမၢကွံာ် ယၤန့ၣ်လီၤ. ယကမၤကဆှီထီၣ်အဝဲသ့ၣ်န့ၣ်လီၤ. အဝဲသ့ၣ် ကမ့ၢ်ယပှၤဂီၢ်မုၢ်ဒီးယကမ့ၢ်အဝဲသ့ၣ်အကစၢ်ယွၤန့ၣ်လီၤ.

လံာ်ယဃ့းစက့လး 37:24

စီၤပၤတဂၤလၢအလီၤဂာ်ဒီးယခ့ယပှၤစီၤဒၤဝံးကမ့ၢ်အဝဲသ့ၣ် အစီၤပၤန့ၣ်လီၤ. အဝဲသ့ၣ်ကအိၣ်ဃူအိၣ်ဖိးလၢ ပှၤပၢတၢ်တဂၤဃီအဖီလာ်ဒီးကစူၢ်ယတၢ်ဘူၣ်တၢ်ဘါအတၢ် သိၣ်တၢ်သီတဖၣ်လၢတၢ်သးတီအပူၤန့ၣ်လီၤ.

လံာ်ယဃ့းစက့လး 37:25

အဝဲသ့ၣ်ကအိၣ်ဆိးလၢကီၢ်လၢယဟ့ၣ်လီၤတ့ၢ်ယခ့ယပှၤ စီၤယၤကိာ်, ဒီးကီၢ်ဖဲအဝဲသ့ၣ်အမိၢ်အပၢ်ဖံဖုလၢပျၢၤတဖၣ်အိၣ်ဆိးတ့ၢ်ဝဲအပူၤန့ၣ်လီၤ. အဝဲသ့ၣ်ကအိၣ်ဆိးဖဲန့ၣ်လီၤထူလီၤယိာ်ဃုာ်ဒီးအဖိ အလံၤဒီးအစၢၤအသွဲၣ်ခဲလၢာ်န့ၣ်လီၤ. စီၤပၤတဂၤလၢအလီၤဂာ်ဒီး ယခ့ယပှၤစီၤဒၤဝံးကပၢတၢ်လၢအဝဲသ့ၣ်အဖီခိၣ်အစိၤစိၤအဃၣ် ဃၣ်န့ၣ်လီၤ.

လံာ်ယဃ့းစက့လး 37:27

ယကအိၣ်ဆိးဖဲန့ၣ်ဒီးအဝဲသ့ၣ်လီၤ. ယကမ့ၢ်အဝဲသ့ၣ်အကစၢ်ယွၤ ဒီးအဝဲသ့ၣ်ကမ့ၢ်ယပှၤဂီၢ်မုၢ်န့ၣ်လီၤ.

လံာ်ယဃ့းစက့လး 39:22

အန့ၣ်တစု, စးထီၣ်ဖဲန့ၣ်, ပှၤအံၣ်စရ့လးဖိတဖၣ်ကသ့ၣ်ညါဝဲ လၢယမ့ၢ်ယွၤ, အဝဲသ့ၣ်အကစၢ်ယွၤန့ၣ်လီၤ.

လံာ်ယဃ့းစက့လး 44:3

ဘၣ်ဆၣ်သနာ်က့, စီၤပၤဖိခွါလၢအပၢတၢ်ကလဲၤဝဲဖဲန့ၣ်ဒ်သိးကအီၣ် တၢ်အီၣ်စီဆှံလၢယမဲာ်ညါန့ၣ်လီၤ. အဝဲကလဲၤနုာ်ဝဲဒီးဟးထီၣ် လၢတြဲၤအကျဲစၢၤခီဖျိကျဲစၢၤကျိၤထံးအဒၢးလၢအအိၣ်ဖဲ တၢ်အိပူၤအကတၢၢ်န့ၣ်လီၤ.

လံာ်ယဃ့းစက့လး 45:7

တၢ်လီၢ်ကဘၣ်တၢ်ပာ်လီၤဆီစ့ၢ်ကီးအီၤလၢစီၤပၤဖိခွါလၢအပၢ တၢ်အဂီၢ်န့ၣ်လီၤ. စးထီၣ်လၢတၢ်စီဆှံအလီၢ်ကဝီၤအမုၢ်နုာ် အီၢ်ဆၢန့ၣ်တၢ်ကဘၣ်မၤလဲၢ်ထီၣ်အီၤဆူမုၢ်နုာ် တကပၤတုၤဆူပီၣ်လဲၣ်မဲးဒံးထၢၣ်ရ့နယၢၣ်အကပၤ ဒီးစးထီၣ်လၢမုၢ်ထီၣ်အီၢ်ဆၢန့ၣ်ကဘၣ်တၢ်မၤလဲၢ်ထီၣ်တုၤဆူထံကီၢ်အ မုၢ်ထီၣ်ကီၢ်ဆၢ, ဒ်သိးဒီးအထီန့ၣ်ကတုၤသိး သိးဒီးတၢ်လီၢ်အါတီၤအကျါတတီၤလၢအဘၣ်တၢ်နီၤဖးလီၤတ့ၢ်အီၤလၢ ပှၤအံၣ်စရ့လးအဒူၣ်တဖၣ်အဂီၢ်န့ၣ်လီၤ.

လံာ်ယဃ့းစက့လး 48:21

တၢ်လီၢ်လၢအအိၣ်ဝဲဒီးယွၤအတၢ်လုၢ်ဟံၣ်, ပှၤလုၢ်တၢ်အခိၣ်တဖၣ် အလီၢ်အကျဲ, ပှၤလ့ၤဝံဖိတဖၣ်အလီၢ်အကျဲ, ဒီးဝ့ၢ်အလီၢ် အကျဲတကဝီၤအံၤ, အမုၢ်ထီၣ်ဒီးအမုၢ်နုာ်, တၢ်လီၢ်လၢအအိၣ် လီၤတဲာ်အဂၤတဖၣ်န့ၣ်ဘၣ်ဃးဒီးစီၤပၤဖိခွါလၢအပၢတၢ်န့ၣ်လီၤ.

လံာ်ဟိၤၡ့ 3:5

ဘၣ်ဆၣ်ဒီးတၢ်ဆၢကတီၢ်ကဟဲတုၤဃီၤဝဲဖဲကီၢ် အံၣ်စရ့လးအပှၤဂီၢ်မုၢ်ကဃၣ်ကဒါက့ၤကဒီးအသးတဘျီဆူယွၤ, အကစၢ်ယွၤအအိၣ်ဒီးဆူအဝဲသ့ၣ်အစီၤပၤစီၤဒၤဝံးအစၢၤအသွဲၣ် တဂၤအအိၣ်န့ၣ်လီၤ. ဒီးဖဲန့ၣ်အဝဲသ့ၣ်ကအိၣ်ဒီးတၢ်ပျံၤယွၤဒီးကဒိးန့ၢ်ဘၣ်အဝဲ အတၢ်ဟ့ၣ်အဂ့ၤတဖၣ်န့ၣ်လီၤ.

လံာ်မံကၤ 5:2

ယွၤစံးဝဲဒၣ်, “ဘ့ၤသလ့ဃ့ၣ်အ့ဖရၤသးဧၢ, နမ့ၢ်ဝ့ၢ်အဆံးကတၢၢ်တဖၣ်အကျါတဝ့ၢ်လၢကီၢ်ယူဒၤအပူၤလီၤ. ဘၣ်ဆၣ်ယကဒုးဟဲထီၣ်ပှၤပၢတၢ်တဂၤလၢကီၢ်အံၣ်စရ့လးအဂီၢ်လၢ နပူၤလီၤ. အဝဲအဒူၣ်ဖိထၢဖိအခီၣ်ထံးခီၣ်ဘိန့ၣ်မ့ၢ်တၢ်လၢပျၢၤလၢကစၢၤ လံၤလံၤန့ၣ်လီၤ”.

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.

လံာ်စကၤရယၤ 13:9

ဒီးယကမၤကွၢ်ပှၤသၢပူတပူလၢအအိၣ်လီၤတဲာ်ဒီးမၤကဆှီ အဝဲသ့ၣ်ဒ်စ့ဘၣ်တၢ်မၤကဆှီအီၤလၢမ့ၣ်အူအသိးန့ၣ်လီၤ. ယကမၤကွၢ်အဝဲသ့ၣ်ဒ်ထူဘၣ်တၢ်မၤကွၢ်အီၤအသိးန့ၣ်လီၤ. အန့ၣ်ဒီးအဝဲသ့ၣ်ကဘါထုကဖၣ်တၢ်ဆူ ယအိၣ်ဒီးယကစံးဆၢအဝဲသ့ၣ်လီၤ. ယကတဲဘၣ်အဝဲသ့ၣ်လၢမ့ၢ်ယပှၤဂီၢ်မုၢ်, ဒီးအဝဲသ့ၣ်ကအၢၣ်လီၤလၢယမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်မးသဲ 28:18

ယ့ၣ်ၡူးလဲၤဘူးထီၣ်ဒီးအဝဲသ့ၣ်ဒီးစံး, “ယဘၣ်တၢ်ဟ့ၣ်လီၤလံယၤလၢတၢ်စိတၢ်ကမီၤလၢမူခိၣ်ဒီးလၢ ဟီၣ်ခိၣ်ချၢခဲလၢာ်လံ.

မၤတၢ် 5:31

ကစၢ်ယွၤပာ်ထီၣ်ထီအီၤလၢအစုထွဲတကပၤဒ်ပှၤခိၣ်ပှၤနၢ် ဒီးပှၤအုၣ်က့ၤခီၣ်က့ၤပှၤတဂၤအသိး, ဒ်သိးကဟ့ၣ်ပှၤအံၣ်စရ့လးဖိတဖၣ်တၢ်အခွဲးအယာ်လၢကပီၢ်ယၢ်ဒီး ဃၣ်လိၤက့ၤအသးဒီးအတၢ်ဒဲးဘးကဘၣ်တၢ်ပျၢ်ကွံာ်အီၤ အဂီၢ်န့ၣ်လီၤ.

1 ကရံၣ်သူး 15:25

အဂ့ၢ်ဒ်အံၤ, ခရံာ်ကဘၣ်ပၢတၢ်တုၤလီၤလၢကစၢ်ယွၤမၤနၢၤ ကွံာ်ဒုၣ်ဒါခဲလၢာ်ဒီးပာ်အဝဲသ့ၣ်လၢအဝဲဒၣ်အခီၣ်ဖီလာ်တစုန့ၣ်လီၤ.

လံာ်လီၣ်ဖျါ 21:3

ယနၢ်ဟူတၢ်ကလုၢ်ဖးဒိၣ်ကတိၤလီၤတၢ်လၢလီၢ်ပစိာ်ဒီးစံး, “ခဲကနံၣ်အံၤ, ကစၢ်ယွၤအဟံၣ်အိၣ်ဝဲလၢတၢ်လီၢ်တပူၤဃီ ဒီးပှၤဟီၣ်ခိၣ်ဖိလီၤ. အဝဲဒၣ်ကအိၣ်ကဆိးဒီးအဝဲသ့ၣ်, ဒီးအဝဲသ့ၣ်ကမ့ၢ်အဝဲဒၣ်အပှၤဂီၢ်မုၢ်လီၤ. ကစၢ်ယွၤအနီၢ်ကစၢ်ဒၣ်ဝဲကအိၣ်တပူၤဃီဒီးအဝဲသ့ၣ်, ဒီးအဝဲဒၣ်ကမ့ၢ်အဝဲသ့ၣ်အကစၢ်ယွၤလီၤ.