လံာ်ယဃ့းစက့လး 34:22 - Sgaw Karen Common Bible

²² ဘၣ်ဆၣ်, ယကမၤပူၤမၤဖျဲးက့ၤယသိတဖၣ်ဒီး တပျဲဘၣ်တၢ်မၤ တရီတပါလၢၤအဝဲသ့ၣ်နီတစုဘၣ်. ယကစံၣ်ညီၣ်ယသိတဒု စုာ်စုာ်ဒီးနီၤဖးသိအဂ့ၤဒီးအအၢန့ၣ်လီၤ.

လံာ်ယဃ့းစက့လး 34:22 Iomraidhean Croise

လံာ်ယဃ့းစက့လး 20:38

ယကဟံးထီၣ်ကွံာ်ပှၤတဖၣ်လၢအပူထီၣ်တၢ်ဒီးမၤတၢ်ဒဲးဘးလၢသု ကျါန့ၣ်လီၤ. ယကထုးထီၣ်ကွံာ်အဝဲသ့ၣ်တဖၣ်လၢကီၢ်တဖၣ်လၢအဝဲသ့ၣ်အိၣ်ဆိးဝဲ လၢအပူၤခဲကနံၣ်အံၤ, ဘၣ်ဆၣ်ယတပျဲအဝဲသ့ၣ်က့ၤကဒါက့ၤဆူကီၢ်အံၣ်စရ့လးလၢၤဘၣ်. အန့ၣ်ဒီးသုကသ့ၣ်ညါလၢယၤ, ယမ့ၢ်ယွၤန့ၣ်လီၤ.”

လံာ်ယဃ့းစက့လး 34:10

ယၤ, ယွၤပၢဘၣ်တၢ်ခဲလၢာ်ကစၢ်ဘိးဘၣ်သ့ၣ်ညါကျၤမနၤ လၢယမ့ၢ်သုဒုၣ်သုဒါန့ၣ်လီၤ. ယကဟံးထီၣ်ကွံာ်ယသိလၢ သုအိၣ်ဒီးယတပျဲကဒီးလၢသုကမ့ၢ်အဝဲသ့ၣ်အပှၤကွၢ်သိတဖၣ် နီတစုလၢၤဘၣ်. ယတပျဲသုကွၢ်ထွဲလီၤက့ၤထဲဒၣ်သုသးနီတစု လၢၤဘၣ်. ယကမၤပူၤမၤဖျဲးက့ၤယသိလၢသုစုပူၤဒီးတပျဲ သုအီၣ်အဝဲသ့ၣ်လၢၤဘၣ်.