လံာ်ယဃ့းစက့လး 34:12 - Sgaw Karen Common Bible

¹² ဒ်ကျဲတဘိဃီလၢပှၤကွၢ်သိတဂၤအံးထွဲကွၢ်ထွဲအသိတဖၣ်လၢ အလီၤပြံလီၤပြါဒီးဟဲက့ၤစိာ်ကဒါက့ၤကဒီးအဝဲသ့ၣ်တပူၤဃီ အသိးန့ၣ်လီၤ. ယကဟဲက့ၤစိာ်ကဒါက့ၤအဝဲသ့ၣ်လၢကယဲၢ် တၢ်လီၢ်တဖၣ်လၢအဝဲသ့ၣ်လီၤပြံလီၤပြါတ့ၢ်ဖဲမုၢ်တနံၤလၢ အခံးသူဒီးပှဲၤဒီးတၢ်တတၢးတနါန့ၣ်လီၤ.

လံာ်ယဃ့းစက့လး 34:12 Iomraidhean Croise

တၢ်ကတိၤဒိ. 27:23

ကွၢ်ထွဲနသိဒီးဂီၤဖံးတဖၣ်လီၤတံၢ်လီၤဆဲးတသ့ဖဲအသ့တက့ၢ်.

လံာ်ယၡါယၤ 40:11

အဝဲကဟုကယာ်အသိတဖုဒ်ပှၤကွၢ်သိတဂၤ အသိးလီၤ. ကပာ်ဖှိၣ်သိဖိတဖၣ်တပူၤဃီ ဒီးစိာ်ထီၣ်အီၤလၢအစုဒုၣ်စုတီၤအလိၤ ဒီးကဆှၢအသိအမိၢ်တဖၣ်ကယီကယီလီၤ.

လံာ်ယၡါယၤ 50:10

သုဝဲခဲလၢာ်လၢအယူးယီၣ်ပာ်ဒိၣ်ယွၤ ဒီးစူၢ်အခ့အပှၤအတၢ်ကတိၤတဖၣ်န့ၣ်, ကျဲလၢသုပိာ်အီၤ, ကခံးဝဲနီၢ်နီၢ်လီၤ. ဘၣ်ဆၣ်ဒီး, ပာ်သုတၢ်နာ်လၢယွၤအပူၤ, ဒီးသန့ၤသုသးလၢသု ကစၢ်ယွၤန့ၣ်တက့ၢ်.

လံာ်ယၡါယၤ 56:8

ယွၤပၢဘၣ်တၢ်ခဲလၢာ်ကစၢ်, လၢအဟဲက့ၤစိာ်အပှၤဂီၢ်မုၢ် အံၣ်စရ့လးလၢတၢ်စိာ်မၢကဲကုၢ်အလီၢ်ဆူဟံၣ်န့ၣ်, အၢၣ်လီၤစ့ၢ်ကီးဝဲလၢကဟဲစိာ်ဒံးပှၤဂီၢ်မုၢ်အဂၤတဖၣ် လၢကဟဲပာ်ဖှိၣ်ဃုာ်အသးဒီးအဝဲသ့ၣ်န့ၣ်လီၤ.

လံာ်ယံးရမံယၤ 13:16

တချုးဒံးဘၣ်လၢအဝဲဟဲစိာ်တၢ်ခံးတၢ်နၤဒီးသုခီၣ်ဘၣ်တိၢ်ဘၣ်ထံး လၢကစၢၢ်တဖၣ်အဖီခိၣ်, တချုးဒံးဘၣ်လၢအဝဲဒုးကဲထီၣ်အီၤတၢ်ကပီၤလၢ သုမုၢ်လၢ်န့ၣ်အီၤဆူတၢ်ခံးယိာ်ဒံးဘၣ်ဒီး, မၤလၤကပီၤယွၤ, သုကစၢ်ယွၤတက့ၢ်.

လံာ်ယံးရမံယၤ 23:3

ယပှၤဂီၢ်မုၢ်လၢအအိၣ်တီၢ်ဒံးလၢထံကီၢ်တဖၣ်လၢယမၤလီၤပြံလီၤပြါတ့ၢ်အီၤအပူၤန့ၣ်, ယကပာ်ဖှိၣ်က့ၤအီၤဒီးယကဟဲက့ၤ စိာ်က့ၤအဝဲသ့ၣ်ဆူအထံအကီၢ်ဒၣ်ဝဲန့ၣ်လီၤ. အဝဲသ့ၣ်ကအိၣ်ဒီး အဖိအလံၤအါမးဒီးအနီၣ်ဂံၢ်ကအါထီၣ်ဂီၢ်ထီၣ်ဝဲန့ၣ်လီၤ.

လံာ်ယံးရမံယၤ 31:10

ယွၤစံးဝဲဒၣ်, “ပှၤကလုာ်သ့ၣ်ဧၢ, ဒိကနၣ်ယၤဒီး တဲဖျါထီၣ် ယတၢ်ကတိၤ တဖၣ်လၢ ပီၣ်လဲၣ်နံၤလၢ ကီၢ်အယံၤတဖၣ်န့ၣ်တက့ၢ်. ယမၤလီၤပြံလီၤပြါတ့ၢ် ယပှၤဂီၢ်မုၢ်, ဘၣ်ဆၣ်ယကထၢဖှိၣ်က့ၤ အဝဲသ့ၣ်, ဒီးကဟုကယာ် အဝဲသ့ၣ်ဒ် ပှၤကွၢ်သိတဂၤ ဟုကယာ်အသိတဖုအသိးန့ၣ်လီၤ.

လံာ်ယံးရမံယၤ 31:8

ယကဟဲစိာ်အဝဲသ့ၣ်လၢ ကလံၤစိးတခီ, ဒီးထၢဖှိၣ်အဝဲသ့ၣ်လၢ ဟီၣ်ခိၣ်အကတၢၢ်တဖၣ်န့ၣ်လီၤ. ပှၤမဲာ်ဘျီၣ်ဒီး ပှၤခီၣ်ဟးဂီၤ ကဟဲဃုာ်ဒီးအဝဲသ့ၣ်, ဃုာ်ဒီး ပိာ်မုၣ်လၢ အဒၢတဖၣ်ဒီး ပိာ်မုၣ်လၢဘူး အကဆံးစၢ်တ့ၢ်တဖၣ်န့ၣ်လီၤ. အဝဲသ့ၣ်ကဟဲက့ၤကဒါက့ၤဝဲ ဒ်ပှၤကလုာ်ဖးဒိၣ် တကလုာ်အသိးန့ၣ်လီၤ.

လံာ်ယံးရမံယၤ 33:12

ယွၤသ့တၢ်လၢာ်စံးဝဲဒၣ်, “လၢကီၢ်လၢအလီၤဂာ်ဒီး မဲးမုၢ်ခိၣ်တတီၤအံၤအပူၤ, ဒီးလၢတၢ်လီၢ်ဖဲပှၤကညီ မ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ တအိၣ်ဘၣ်လၢအပူၤအံၤန့ၣ်, တၢ်အီၣ်ဆၣ်အလီၢ်လါဟ့ တဖၣ်လၢပှၤကွၢ်သိတဖၣ် ကဒုးကိာ်လီၤအသိန့ၣ် ကအိၣ်ထီၣ်က့ၤကဒီးဝဲလီၤ.

လံာ်ယဃ့းစက့လး 30:3

မုၢ်တနံၤန့ၣ်ဘူးထီၣ်လံ. မုၢ်တနံၤဖဲယွၤကမၤတၢ်, မုၢ်တနံၤလၢ အပှဲၤဒီးတၢ်အၢၣ်တဖၣ်ဒီး တၢ်ကိၢ်တၢ်ဂီၤလၢပှၤကလုာ်တဖၣ်အဂီၢ်န့ၣ်လီၤ.

လံာ်ယဃ့းစက့လး 32:7

ဖဲယမၤဟးဂီၤကွံာ်နၤန့ၣ်, ယကကးဘၢမူကပိာ်လိၤဒီးတြီတံာ် ဃးဆၣ်ဧိၤဖီဧိၤတဖၣ်န့ၣ်လီၤ. မုၢ်န့ၣ်ကအိၣ်ခူသူၣ်လၢတၢ်အၢၣ်တဖၣ် အလီၢ်ခံဒီးလါန့ၣ်တဟ့ၣ်ထီၣ်ဘၣ်အတၢ်ကပီၤဘၣ်.

လံာ်စဖါနယၤ 1:15

မုၢ်တနံၤန့ၣ်ကမ့ၢ်တၢ်သူၣ်ဒိၣ်သးဖျိးအမုၢ်တနံၤ, တၢ်သူၣ်ကိၢ်သးဂီၤဒီးတၢ်ကီတၢ်ခဲအမုၢ်တနံၤ, တၢ်ဟးဂူာ်ဟးဂီၤဒီးတၢ်လီၤပှီၢ်အမုၢ်တနံၤ, တၢ်ခံးတၢ်နၤဒီးတၢ်သးဟးဂီၤအမုၢ်တနံၤ, တၢ်အၢၣ်ဒီးတၢ်ခံးသူအမုၢ်တနံၤ,

လံာ်စကၤရယၤ 10:3

ယွၤစံးဝဲဒၣ်, “ယသးဒိၣ်ထီၣ်ဘၣ်ပှၤတခီဘီမုၢ်ဖိတဖၣ်လၢအပၢ ယပှၤဂီၢ်မုၢ်, ဒီးယကစံၣ်ညီၣ်အဝဲသ့ၣ်လီၤ. ကီၢ်ယူဒၤအပှၤဂီၢ်မုၢ်တဖၣ်မ့ၢ်ယတၢ်, ဒီးယၤ, သ့တၢ်လၢာ်ယွၤကကွၢ်ထွဲကဟုကယာ်အဝဲသ့ၣ်လီၤ. အဝဲသ့ၣ်ကမ့ၢ်ယကသ့ၣ်ဒုးသုးတဖၣ်လၢအဂံၢ်ဆူၣ်ဘါဆူၣ်လီၤ.”

လံာ်စကၤရယၤ 9:16

ဖဲမုၢ်နံၤဝဲန့ၣ်တုၤဃီၤန့ၣ်, ယွၤကအုၣ်က့ၤခီၣ်က့ၤ အပှၤဂီၢ်မုၢ်, ဒ်ပှၤကွၢ်သိတဂၤအုၣ်က့ၤခီၣ်က့ၤအသိတဖုလၢ တၢ်အၢတၢ်သီအပူၤအသိးန့ၣ်လီၤ. အဝဲသ့ၣ်ကကပီၤထီၣ်လၢယွၤအထံအကီၢ်အပူၤ ဒ်ခိၣ်သလုးတဖျၢၣ်အတၢ်မျၢ်ပလဲတဖၣ် အသိးန့ၣ်လီၤ.

လံာ်လူၤကၣ် 15:8

မ့တမ့ၢ်, ပစံးဒၣ်ကလိာ်ပိာ်မုၣ်တဂၤလၢအအိၣ်ဒီးစ့အဘ့ၣ်တဆံ အတၢ်လီၤမၢ်န့ၢ်အီၤတဘ့ၣ်လီၤ. အဝဲဒၣ်ကမၤဒ်လဲၣ်. အဝဲဒၣ်ကဒွဲၣ်ထီၣ်မ့ၣ်အူဒၢတဖျၢၣ်, ခွဲသိၣ်ခွဲပျီအဟံၣ်, ဒီးကွၢ်ဝဲလီၤတံၢ်လီၤဆဲးလၢတၢ်လီၢ်ကိးပူၤဒဲး တုၤလၢအထံၣ်န့ၢ်က့ၤဝဲတစုလီၤ.

လံာ်လူၤကၣ် 19:10

အဂ့ၢ်ဒ်အံၤ, ပှၤကညီဖိခွါဟဲဒ်သိးအကဃုန့ၢ်ဒီးအုၣ်က့ၤခီၣ်က့ၤ ပှၤလီၤမၢ်တဖၣ်လီၤ.”

လံာ်ယိၤဟၣ် 10:16

သိအိၣ်ဝဲအဂၤတဖၣ်လၢအဘၣ်ဃးဒီးယၤလၢ အတအိၣ်လၢသိကရၢၢ်အဝဲအံၤအပူၤဘၣ်. ဘၣ်ဆၣ်ဒီးယကဘၣ်ဆှၢအီၤစ့ၢ်ကီးလီၤ. ဒီးအဝဲသ့ၣ်ကဒိကနၣ်ယကလုၢ်ဒီးကကဲထီၣ်သိ တဖုဃီအိၣ်ဒီးပှၤကွၢ်သိတဂၤဃီလီၤ.