လံာ်ယဃ့းစက့လး 33:9 - Sgaw Karen Common Bible

⁹ နမ့ၢ်ဟ့ၣ်ပလီၢ်ပှၤအၢပှၤသီတဂၤဒီးအဝဲမ့ၢ်တဆိကတီၢ်မၤ တၢ်ဒဲးဘးဘၣ်န့ၣ်အဝဲကသံဒၣ်ဒ်ပှၤတၢ်ဒဲးဘးဖိတဂၤအသိး, ဘၣ်ဆၣ်နသးသမူကပူၤဖျဲးဝဲဒၣ်လီၤ.”

လံာ်ယဃ့းစက့လး 33:9 Iomraidhean Croise

တၢ်ကတိၤဒိ. 15:10

နမ့ၢ်မၤတၢ်လၢအကမၣ်ဒီး, နကဘၣ်တၢ်စံၣ်ညီၣ်နၤဆါဆါကလဲာ်လီၤ. နမ့ၢ်တပျဲတၢ်သိၣ်က့ၤသီက့ၤနၤဘၣ်ဒီး, နကသံလီၤ.

တၢ်ကတိၤဒိ. 29:1

ဖဲနဘၣ်တၢ်သိၣ်ဃီၣ်နၤကိးဘျီဒဲးန့ၣ်နခိၣ်မ့ၢ်ကိၤအါထီၣ်ဒီး, မုၢ်ကအိၣ်ဝဲတနံၤလၢနကဘၣ်တၢ်မၤလီၤကလဲနၤဒီး တၢ်မၤဘျါက့ၤနၤတအိၣ်လၢၤနီတဘျီဘၣ်.

လံာ်ယဃ့းစက့လး 3:19

နမ့ၢ်ဟ့ၣ်ပလီၢ်ပှၤ အအၢအသီတဂၤန့ၣ်ဒီး အဝဲမ့ၢ်တဆိကတီၢ်မၤ တၢ်ဒဲးဘးဒီး, အဝဲကသံဝဲဒ်အမ့ၢ်ဒံးဒၣ်ပှၤတၢ်ဒဲးဘးဖိတဂၤ အသိးလီၤ. ဘၣ်ဆၣ်ဒီး, နသးသမူ ကဘၣ်တၢ်ပျၢ်ဖျဲးအီၤန့ၣ်လီၤ.

လံာ်ယဃ့းစက့လး 3:21

နမ့ၢ်ဟ့ၣ်ပလီၢ်ပှၤ အဂ့ၤတဂၤဒ်သိး အသုတမၤတၢ်ဒဲးဘးတဂ့ၤ, ဒီးအဝဲမ့ၢ် ဒိကနၣ်နၤ, ဒီးမ့ၢ်တမၤတၢ်ဒဲးဘးဘၣ်ဒီး, အဝဲကမူဒံးဝဲဒီး နသးသမူကဘၣ်တၢ်မၤပူၤမၤဖျဲးအီၤ စ့ၢ်ကီးန့ၣ်လီၤ.”

လံာ်ယဃ့းစက့လး 33:3

ဖဲအဝဲထံၣ်ဒုၣ်ဒါဟဲသုးဘူးဃီၤအသးန့ၣ်, အဝဲအူသီၣ်ထီၣ်ကွဲၤ လၢတၢ်ဟ့ၣ်ပလီၢ်ပှၤကိးဂၤဒဲးအဂီၢ်န့ၣ်လီၤ.

လံာ်ယဃ့းစက့လး 33:4

ပှၤတဂၤဂၤမ့ၢ်နၢ်ဟူတၢ်သီၣ်န့ၣ်, ဘၣ်ဆၣ်မ့ၢ်တပာ်သူၣ်ပာ်သး ဝဲလၢအဂ့ၢ်ဒီးဒုၣ်ဒါဟဲဒီးမၤသံအီၤန့ၣ်, အန့ၣ်တစု, အဝဲအတၢ်သံ န့ၣ်မ့ၢ်ဒၣ်အတၢ်ကမၣ်ဒၣ်ဝဲန့ၣ်လီၤ.

လံာ်ယဃ့းစက့လး 33:6

ပှၤခိးကွၢ်တၢ်မ့ၢ်ထံၣ်ဘၣ်ဒုၣ်ဒါဟဲဝဲနာ်သက့မ့ၢ်တအူထီၣ်ကွဲၤဘၣ်ဒီး ဒုၣ်ဒါကဟဲဒီးမၤသံကွံာ်ပှၤတၢ်ဒဲးဘးဖိတဖၣ်န့ၣ်, ဘၣ်ဆၣ်ယကပာ်မူ ပာ်ဒါပှၤခိးကွၢ်တၢ်ဖိလၢအဝဲသ့ၣ်အတၢ်သံအဃိန့ၣ်လီၤ.

လံာ်လူၤကၣ် 12:47

တၢ်ခ့တၢ်ပှၤလၢအသ့ၣ်ညါအကစၢ်အဲၣ်ဒိးအမၤတၢ်မနုၤ, ဘၣ်ဆၣ်ဒီး တအိၣ်ကတဲာ်ကတီၤအသးဒီးမၤတၢ်လၢအကစၢ်အဲၣ်ဒိးဝဲန့ၣ်, ကဘၣ်တၢ်စံၣ်ညီၣ်ဒီးဖျ့အီၤနးနးကလဲာ်လီၤ.

လံာ်ယိၤဟၣ် 8:24

လၢတၢ်န့ၣ်အဃိ, ယစံးဘၣ်သုလၢသုကသံလၢသုတၢ်ဒဲးဘးတဖၣ် အပူၤလီၤ. ဒီးသုမ့ၢ်တနာ်လၢ ‘ယမ့ၢ်တၢ်လၢယမ့ၢ်’ ဘၣ်ဒီး သုကသံလၢသုတၢ်ဒဲးဘးတဖၣ်အပူၤလီၤ.”

မၤတၢ် 13:40

လၢတၢ်န့ၣ်အဃိ, ပလီၢ်သုသးဒ်သိးတၢ်လၢဝံတဖၣ်စံးတ့ၢ်ဝဲန့ၣ်, အသုတမၤအသးဒီးသုတဂ့ၤအဂီၢ်န့ၣ်တက့ၢ်.

မၤတၢ် 13:41

‘ပှၤကတိၤဒုၣ်ဒွဲၣ်တၢ်သ့ၣ်ဧၢ, ကွၢ်, ကမၢကမၣ်ဒီးဟးဂီၤတက့ၢ်. အဂ့ၢ်ဒ်အံၤ, တၢ်မၤလၢယမၤယဲဖဲ သုစိၤသုဆၢကတီၢ်ဒၣ်ဝဲအံၤန့ၣ်, မ့ၢ်တၢ်တမံၤလၢပှၤတဂၤဂၤမ့ၢ်တဲနၢ်ပၢၢ်သုလၢ အဂ့ၢ်ဒၣ်လဲာ်, တမ့ၢ်လၢသုကစူၢ်ကနာ်အီၤဘၣ်န့ၣ်လီၤ.’ ”

မၤတၢ် 13:46

ဘၣ်ဆၣ်ဒီးစီၤပီလူးဒီးစီၤဘၢ်နါဘၤကတိၤထီၣ်တၢ်ဒူဒိၣ်န့ၢ်ဒံး အလီၢ်တက့ၢ်ဒီးစံး, “အလီၢ်အိၣ်လၢပဘၣ်စံးကတိၤဆိကစၢ်ယွၤအကလုၢ်ကထါလၢသုလီၤ. ဘၣ်ဆၣ်မ့ၢ်လၢသုတစူၢ်တနာ်အီၤဘၣ်ဒီးသုစံၣ်ညီၣ်လီၤဒၣ်သုသး ဒ်ပှၤလၢအတကြၢးတဘၣ်လၢအကဒိးန့ၢ်တၢ်မူအထူအယိာ်အဃိ, ပကပာ်တ့ၢ်သုဒီးလဲၤဆူပှၤကလုာ်အဂၤတဖၣ်အအိၣ်လီၤ.

မၤတၢ် 20:26

လၢတၢ်န့ၣ်အဃိ, မုၢ်တနံၤဃီအံၤယဘိးဘၣ်သ့ၣ်ညါသုသပှၢ်ကတၢၢ်လၢသုဝဲ တဂၤဂၤသုမ့ၢ်လီၤမၢ်ကွံာ်ဒီးတမ့ၢ်ယမူယဒါဘၣ်လီၤ.

၁ သ့းစၤလနံ 5:14

ပဒီပုၢ်ဝဲၢ်သ့ၣ်ဧၢ, ပမၢန့ၢ်ဆီၣ်ခံသုလၢသုကဟ့ၣ်ပလီၢ်ပဒီ ပှၤကၢၣ်ပှၤကျူတဖၣ်, သုကဟ့ၣ်ဆူၣ်ထီၣ်ပှၤအိၣ်ဒီးတၢ်သူၣ်ပျံၤသးဖုးတဖၣ်အဂံၢ်အဘါ, သုကမၤစၢၤပှၤဂံၢ်စၢ်ဘါစၢ်, ဒီးသုကသူၣ်စူၤသးစူၤလၢပှၤကိးဂၤဒဲးအဖီခိၣ်န့ၣ်လီၤ.

ဧ့ၤဘြံၤ 12:25

ပလီၢ်သုသးဒ်သိးသုသုတဂ့ၢ်လိာ်ဘှီလိာ်ဘၣ်ပှၤလၢအကတိၤ တၢ်တဂၤန့ၣ်တဂ့ၤ. အဂ့ၢ်ဒ်အံၤ, ပှၤလၢအဂ့ၢ်လိာ်ဘှီလိာ်ပှၤလၢအဟ့ၣ်ထီၣ်ကစၢ်ယွၤ အတၢ်ကစီၣ်လၢဟီၣ်ခိၣ်ချၢတဂၤအံၤ, ဃ့ၢ်ပူၤကွံာ်အသးတန့ၢ်ဘၣ်. မ့မ့ၢ်ဒ်န့ၣ်ဒီး, ပှၤလၢအဂ့ၢ်လိာ်ပှၤလၢအကတိၤတၢ်လၢမူခိၣ် တဂၤန့ၣ်, ဃ့ၢ်ပူၤဖျဲးအသးတသ့ဘၣ်ဒိၣ်ဒၣ်တၢ်တက့ၢ်လီၤ.

ဧ့ၤဘြံၤ 2:3

မ့မ့ၢ်ဒ်န့ၣ်ဒီးပမ့ၢ်တပာ်ဒိၣ်ပာ်ကဲတၢ်အုၣ်က့ၤခီၣ်က့ၤ လၢအဒိၣ်ထဲထဲအံၤန့ၣ်ပကပူၤဖျဲးပဝဲဒ်လဲၣ်. ကစၢ်အနီၢ်ကစၢ်ဒၣ်ဝဲဘိးဘၣ်သ့ၣ်ညါပှၤအဆိကတၢၢ် လၢတၢ်အုၣ်က့ၤခီၣ်က့ၤအံၤအဂ့ၢ်ဒီးပှၤလၢအနၢ်ဟူတ့ၢ် အဝဲအတၢ်ကတိၤတဖၣ်စံးဘၣ်တဲဘၣ်ပှၤဒီးအုၣ်အသး လၢအမ့ၢ်ဝဲတီဝဲလီၤ.