လံာ်ယဃ့းစက့လး 33:5 - Sgaw Karen Common Bible

⁵ အဝဲအတၢ်သံန့ၣ်မ့ၢ်အတၢ်ကမၣ်ဒၣ်ဝဲမ့ၢ်လၢအဝဲတကနၣ်ဃုာ်ဘၣ် တၢ်ဟ့ၣ်ပလီၢ်အဃိန့ၣ်လီၤ. အဝဲမ့ၢ်ကနၣ်ဃုာ်တၢ်ဟ့ၣ်ပလီၢ်န့ၣ်, အဝဲပူၤဖျဲးသ့ဝဲန့ၣ်လီၤ.

လံာ်ယဃ့းစက့လး 33:5 Iomraidhean Croise

လံာ်စီၤပၤခံဘ့ၣ်တဘ့ၣ် 6:10

လၢတၢ်န့ၣ်အဃိကီၢ်အံၣ်စရ့လးအစီၤပၤဟ့ၣ်ပလီၢ်ပှၤတဖၣ်လၢအအိၣ် ဆိးဖဲတၢ်လီၢ်န့ၣ်ဒီးအဝဲသ့ၣ်စီၣ်မဲာ်စီၣ်နါ, ပာ်သူၣ်ပာ်သးန့ၣ်လီၤ. တၢ်အံၤမၤအသးတဘျုးဘျီန့ၣ်လီၤ.

စံးထီၣ်ပတြၢၤ 95:7

အဂ့ၢ်ဒ်အံၤ, အဝဲဒၣ်န့ၣ်မ့ၢ်ပကစၢ်ယွၤ, ပမ့ၢ်အတၢ်အီၣ်ဆၣ်အလီၢ်အပှၤဂီၢ်မုၢ်, ဒီးအစုအသိတဖုန့ၣ်လီၤ. ဒိကနၣ်တၢ်လၢအဝဲစံးဝဲတနံၤအံၤတက့ၢ်.

လံာ်ယၡါယၤ 51:2

ဆိကမိၣ်ထီၣ်သုမိၢ်ပၢ်ဖးဒိၣ်လၢပျၢၤစီၤအၤဘြၤဟၣ် ဒီးနီၢ်စၤရါလၢသုဟဲလီၤစၢၤလီၤသွဲၣ်လၢအီၤန့ၣ်တက့ၢ်. ဖဲယကိးထီၣ်စီၤအၤဘြၤဟၣ်န့ၣ်အဖိတအိၣ်ဘၣ်. ဘၣ်ဆၣ်ယဆိၣ်ဂ့ၤတ့ၢ်အီၤဒီးဟ့ၣ်အီၤအဖိတဖၣ်လီၤ. ယဒုးအိၣ်ထီၣ်အစၢၤအသွဲၣ်တဖၣ် အါအါဂီၢ်ဂီၢ်န့ၣ်လီၤ.

လံာ်ယဃ့းစက့လး 18:13

ဒီးဟ့ၣ်လိၢ်လီၤစ့လၢတၢ်အါထီၣ်အဂီၢ်လီၤ. မ့ၢ်အဝဲကမူစ့ၢ်ကီးဧါ. အဝဲတမူဘၣ်. အဝဲမၤတၢ်လီၤသးဘၣ်အၢသ့ၣ်တဖၣ်အံၤ အဃိဒီးအဝဲကသံဝဲဒၣ်လီၤ. အဝဲကဘၣ်တၢ်ပာ်ဒ့ၣ်ပာ်ကမၣ်အီၤလၢအတၢ်သံဒၣ်ဝဲအဃိန့ၣ်လီၤ.

လံာ်ယဃ့းစက့လး 33:4

ပှၤတဂၤဂၤမ့ၢ်နၢ်ဟူတၢ်သီၣ်န့ၣ်, ဘၣ်ဆၣ်မ့ၢ်တပာ်သူၣ်ပာ်သး ဝဲလၢအဂ့ၢ်ဒီးဒုၣ်ဒါဟဲဒီးမၤသံအီၤန့ၣ်, အန့ၣ်တစု, အဝဲအတၢ်သံ န့ၣ်မ့ၢ်ဒၣ်အတၢ်ကမၣ်ဒၣ်ဝဲန့ၣ်လီၤ.

လံာ်ယိၤဟၣ် 8:39

အဝဲသ့ၣ်စံးဆၢအီၤ, “ပပၢ်မ့ၢ်စီၤအၤဘြၤဟၣ်လီၤ.” ဒီးယ့ၣ်ၡူးစံးဘၣ်အီၤ, “သုမ့မ့ၢ်နီၢ်နီၢ်စီၤအၤဘြၤဟၣ် အဖိတဖၣ်ဒီးသုကမၤတၢ်တမံၤဃီလၢအဝဲမၤတ့ၢ်ဝဲတဖၣ်လီၤ.

ဧ့ၤဘြံၤ 11:7

လၢတၢ်စူၢ်တၢ်နာ်န့ၣ်စီၤနိအၤနၢ်ဟူကစၢ်ယွၤအတၢ်ဟ့ၣ် ပလီၢ်အီၤဘၣ်ဃးဒီးတၢ်ကမၤအသးလၢအတထံၣ်ဘၣ်ဒံးဝဲ တဖၣ်န့ၣ်လီၤ. အဝဲဒၣ်စူၢ်ကစၢ်ယွၤဒီးဘှီထီၣ်ကဘီတဘ့ၣ်လၢ အဝဲဒၣ်အပှၤဟံၣ်ဖိအတၢ်ပူၤဖျဲးအဂီၢ်န့ၣ်လီၤ. လၢတၢ်အံၤအဃိဟီၣ်ခိၣ်ဘၣ်တၢ်စံၢ်ၣ်ညီၣ်အီၤ, ဒီးစီၤနိအၤဒိးန့ၢ်ဘၣ်ကစၢ်ယွၤအတၢ်တီတၢ်လိၤလၢ အတၢ်စူၢ်တၢ်နာ်အီၤအဃိန့ၣ်လီၤ.