လံာ်ယဃ့းစက့လး 33:29 - Sgaw Karen Common Bible

²⁹ တုၤမ့ၢ်ယစံၣ်ညီၣ်ပှၤဂီၢ်မုၢ်လၢအဝဲသ့ၣ်အတၢ်ဒဲးဘးတဖၣ်အဃိဒီး ဒုးကဲထီၣ်ထံကီၢ်လၢတၢ်အိၣ်လီၤဃီအလီၢ်န့ၣ်, အဝဲသ့ၣ်ကသ့ၣ်ညါ ဝဲလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 33:29 Iomraidhean Croise

စံးထီၣ်ပတြၢၤ 9:16

ယွၤဒုးနဲၣ်အသးခီဖျိအတၢ်စံၣ်ညီၣ်အတီအလိၤတဖၣ်, ဒီးပှၤတတီတလိၤတဖၣ်န့ၣ်, ဘၣ်ဘျးလၢပျံၤသကွီၤလၢ အမၤဝဲလၢအစုဒၣ်ဝဲလီၤ. ဟံၣ်ကယိၣ်စ့လၤ

လံာ်တၢ်ဟးထီၣ်ကွံာ် 14:18

ဖဲယမၤနၢၤအဝဲသ့ၣ်န့ၣ်ပှၤအဲၤကူပတူးဖိတဖၣ်ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယံးရမံယၤ 18:16

အဝဲသ့ၣ်ဒုးကဲထီၣ်တ့ၢ်ကီၢ်အံၤလၢတၢ် လီၤပျံၤလီၤဖုးအလီၢ်တတီၤ, လၢတၢ်ကသးဘၣ်အၢအီၤလီၤထူလီၤယိာ် အဂီၢ်န့ၣ်လီၤ. ကယဲၢ်ပှၤလၢအလဲၤခီဘၣ်ဖဲန့ၣ်, ကကမၢကမၣ်ဒီးသူၣ်ပျံၤသးဖုး လၢတၢ်လၢအဝဲသ့ၣ်ထံၣ်ဘၣ်ဝဲအဃိန့ၣ်လီၤ. အဝဲသ့ၣ်ကဂံၤဂုၤအခိၣ်လၢ တၢ်ကမၢကမၣ်အပူၤန့ၣ်လီၤ.

လံာ်ယဃ့းစက့လး 15:7

ဒီးယကစံၣ်ညီၣ်အဝဲသ့ၣ်န့ၣ်လီၤ. အဝဲသ့ၣ်ထူၣ်ဖျဲးထီၣ်တ့ၢ်လံ လၢမ့ၣ်အူတဘျီ, ဘၣ်ဆၣ်ဒီးခဲအံၤမ့ၣ်အူကအီၣ်ကွံာ်အဝဲသ့ၣ် န့ၣ်လီၤ. ဖဲယစံၣ်ညီၣ်အဝဲသ့ၣ်န့ၣ်, သုကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 15:8

အဝဲသ့ၣ်အသးတတီတ့ၢ်ဒီးယၤဘၣ်, ဒီးလၢတၢ်န့ၣ်အဃိ, ယကဒုးကဲထီၣ်ထံကီၢ်လၢပှၢ်မုၢ်ကနၢတတီၤန့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 23:49

ဒီးသုဝဲပှၤဒီပုၢ်ဝဲၢ်မုၣ်ခံဂၤဧၢ, ယကစံၣ်ညီၣ်သုလၢသုလုၢ် အၢလၢ်သီဒီးသုတၢ်ဒဲးဘးလၢအမ့ၢ်တၢ်ဘါထီၣ်တၢ်ဂီၤတၢ်ဖီၣ် တဖၣ်အဃိလီၤ. အန့ၣ်ဒီးသုကသ့ၣ်ညါလၢယမ့ၢ်ယွၤပၢဘၣ်တၢ်ခဲလၢာ်ကစၢ်န့ၣ်လီၤ.”

လံာ်ယဃ့းစက့လး 25:11

ယကစံၣ်ညီၣ်ကီၢ်မိၤအးဒီးအဝဲသ့ၣ်ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 33:28

ယကဒုးကဲထီၣ်ထံကီၢ်အံၤလၢတၢ်အိၣ်တယုၢ်အိၣ်လီၤဃီအလီၢ် တပူၤလၢအဘျုးတအိၣ်ဘၣ်ဒီးတၢ်စိတၢ်ကမီၤလၢအဝဲသ့ၣ် ပာ်ကဖၢလၢတ့ၢ်အသးဒိၣ်မးလၢအဃိန့ၣ်, ကကတၢၢ်ကွံာ်ဝဲဒၣ် လီၤ. ကီၢ်အံၣ်စရ့လးအကစၢၢ်ကလိတဖၣ်, ကဘၣ်တၢ်ခဲဘၢ အီၤတုၤဒၣ်လဲာ်ပှၤလဲၤထီၣ်က့ၤလီၤခီဖျိအီၤတသ့နီတဂၤဘၣ်န့ၣ်လီၤ.

လံာ်ယဃ့းစက့လး 33:30

ယွၤစံးဝဲဒၣ်, “ပှၤကညီလၢအသံသ့ဧၢ, နပှၤဂီၢ်မုၢ်ကတိၤတၢ်ဘၣ် ဃးဒီးနဂ့ၢ်ဖဲအဝဲသ့ၣ်ထံၣ်လိာ်အသးလၢဝ့ၢ်ခိၣ်ဒူတဖၣ်မ့ၢ်ဂ့ၤ, လၢအဝဲသ့ၣ်အဟံၣ်တဖၣ်အတြဲၤအကျဲစၢၤတဖၣ်မ့ၢ်ဂ့ၤန့ၣ်လီၤ. အဝဲသ့ၣ်စံးလိာ်သကိးအသးတဂၤဒီးတဂၤလၢ, ခဲအံၤပကလဲၤဒီးဒိ ကနၣ်တၢ်ကတိၤမနုၤဟဲလၢယွၤအအိၣ်လဲၣ်န့ၣ်လီၤ.

လံာ်ယဃ့းစက့လး 33:33

ဘၣ်ဆၣ်တုၤနတၢ်ကတိၤတဖၣ်လၢထီၣ်ပှဲၤထီၣ်ဝဲ, ကလၢထီၣ် ပှဲၤထီၣ်ဝဲသပှၢ်ကတၢၢ်န့ၣ်, အန့ၣ်တစု, အဝဲသ့ၣ်ကသ့ၣ်ညါ ဝဲလၢဝံတဂၤအိၣ်ဝဲလၢအဝဲသ့ၣ်အကျါန့ၣ်လီၤ.”

လံာ်ယဃ့းစက့လး 5:9

မ့ၢ်လၢယသးဟ့တၢ်ခဲလၢာ်လၢနမၤအီၤအဃိ, ယကစံၣ်ညီၣ်ဝ့ၢ်ယရူၤရှလ့ၣ်ဒီးတၢ်လၢယတမၤတ့ၢ်လၢညါနီတစု, ဒီးဆူညါတမၤလၢၤ ကဒီးစ့ၢ်ကီးနီတစုဘၣ်န့ၣ်လီၤ.

လံာ်ယဃ့းစက့လး 6:11

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, တၢၤပံာ်ထီၣ်နစုခိၣ်ဒီး ယူာ်ထီၣ်အီၤတက့ၢ်. ဆဲးထူနခီၣ်တက့ၢ်. ဟီၣ်တၢ်ယၢၤတၢ်လၢတၢ်သးအုးအပူၤ, လၢတၢ်အၢတၢ်သီခဲလၢာ်ဒီးတၢ်လီၤသးဘၣ်အၢတဖၣ်လၢပှၤအံၣ်စရ့ လးဖိတဖၣ်မၤတ့ၢ်ဝဲအဃိန့ၣ်တက့ၢ်. အဝဲသ့ၣ်ကဘၣ်သံဝဲလၢတၢ်ဒုးတၢ်ယၤအပူၤ, မ့တမ့ၢ်လၢတၢ်သၣ် ဝံၤလီၤဒိအဃိ, မ့တမ့ၢ်လၢတၢ်ဆူးတၢ်ဆါအဃိန့ၣ်လီၤ.

လံာ်ယဃ့းစက့လး 6:7

ပှၤဂီၢ်မုၢ်ကဘၣ်တၢ်မၤသံအီၤလၢတၢ်လီၢ်ကိးပူၤဒဲး, ဒီးပှၤတဖၣ်လၢအအိၣ်လီၤတဲာ်တၢ်န့ၣ်, ကသ့ၣ်ညါအၢၣ်လီၤအီလီၤဝဲ လၢယမ့ၢ်ယွၤန့ၣ်လီၤ.

လံာ်ယဃ့းစက့လး 7:27

စီၤပၤကဟီၣ်တၢ်ယၢၤတၢ်, စီၤပၤဖိခွါကပျဲကွံာ်တၢ်မုၢ်လၢ်, ဒီးပှၤဂီၢ်မုၢ်ကကနိးကစုာ်ဝဲလၢတၢ်ပျံၤတၢ်ဖုးအပူၤလီၤ. ယကသိၣ်ဃီၣ်သုလၢတၢ်ခဲလၢာ်လၢသုမၤတ့ၢ်အီၤအဃိ, ဒီးစံၣ်ညီၣ်သုဒ်သုစံၣ်ညီၣ်တ့ၢ်ပှၤအဂၤတဖၣ်အသိးန့ၣ်လီၤ. တၢ်ဝဲအံၤကဒုးနဲၣ်သုလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 7:4

ယတဒုးပူၤဖျဲးနၤမ့ၢ်ဂ့ၤ, ဒုးနဲၣ်နၤတၢ်သးကညီၤတမံၤဂ့ၤတမံၤဂ့ၤန့ၣ်ဘၣ်. ယကစံၣ်ညီၣ်နၤလၢတၢ်လီၤသးဘၣ်အၢတဖၣ်လၢနမၤတ့ၢ်နဲအဃိ, ဒ်သိးနကသ့ၣ်ညါလၢယမ့ၢ်ယွၤန့ၣ်လီၤ.”