လံာ်ယဃ့းစက့လး 33:27 - Sgaw Karen Common Bible

²⁷ တဲဘၣ်အဝဲသ့ၣ်လၢယၤ, ယွၤပၢဘၣ်တၢ်ခဲလၢာ်ကစၢ်, ဟ့ၣ်ပလီၢ်အဝဲသ့ၣ်လၢ, ဒ်ယမ့ၢ်ကစၢ်ယွၤလၢအမူဝဲနီၢ်နီၢ်တဂၤ အသိးန့ၣ်, ယစံးယဲလၢပှၤဂီၢ်မုၢ်လၢအအိၣ်ဆိးလၢဝ့ၢ်တဖၣ် လၢအဟးဂီၤအပူၤန့ၣ်, ကဘၣ်တၢ်မၤသံအီၤန့ၣ်လီၤ. ပှၤတဖၣ်လၢအအိၣ်ဆိးလၢခိခိၣ်ပှၢ်လၢ်ကျါန့ၣ်, ကဘၣ်တၢ်အီၣ်ကွံာ်အီၤ လၢဆၣ်ဖိကီၢ်ဖိအမံၤတဖၣ်န့ၣ်လီၤ. ပှၤတဖၣ်လၢအအိၣ်ခူသူၣ် လၢကစၢၢ်ကလိတဖၣ်ဒီးလၢၢ်ကအိပူၤတဖၣ်န့ၣ်, ကသံလၢ တၢ်ဆါအဃိန့ၣ်လီၤ.

လံာ်ယဃ့းစက့လး 33:27 Iomraidhean Croise

လံာ်ယၡါယၤ 2:19

ပှၤကအိၣ်ခူသူၣ်လၢလၢၢ်ကအိပူၤလၢလၢၢ်ကစၢၢ်တဖၣ်အကျါ, မ့တမ့ၢ်, ခူၣ်လီၤတၢ်ပူၤတဖၣ်လၢဟီၣ်ခိၣ်အပူၤလၢတၢ်ကျဲးစၢး ဃ့ၢ်ပူၤဖျဲးကွံာ်အသးလၢယွၤအတၢ်သးဒိၣ်ထီၣ်ဒီးအိၣ်ခူသူၣ် လၢယွၤအစိကမီၤဒီးအလၤကပီၤဖဲအဟဲဝဲလၢကမၤဟူးဟီၣ်ခိၣ် အဂီၢ်လီၤ.

လံာ်ယံးရမံယၤ 41:9

ထံပူၤလၢ စီၤယံးၡမၤအ့လးကွံာ်နုာ်ပှၤလၢအဝဲမၤသံကွံာ်ဝဲတဖၣ် အစိၣ်န့ၣ်, မ့ၢ်ထံပူၤဖးဒိၣ်တပူၤလၢ စီၤပၤအၤစါခူၣ်တ့ၢ်ဝဲဖဲအဝဲ ဘၣ်တၢ်ဒုးအီၤလၢ ကီၢ်အံၣ်စရ့လးအစီၤပၤဘါၡၤအခါန့ၣ်လီၤ. စီၤယံးၡမၤအ့လးမၤပှဲၤထံပူၤန့ၣ်လၢ ပှၤအစိၣ်တဖၣ်န့ၣ်လီၤ.

လံာ်ယံးရမံယၤ 42:22

လၢတၢ်န့ၣ်အဃိ, သ့ၣ်နီၣ်ထီၣ်တၢ်အံၤတက့ၢ်. သုကသံလၢ တၢ်ဒုးအပူၤ, မ့တမ့ၢ် လၢတၢ်သၣ်ဝံၤလီၤဒိအဃိ, မ့တမ့ၢ် လၢတၢ်ဆူးတၢ်ဆါအဃိလၢ ကီၢ်တဘ့ၣ်လၢ သုသးအိၣ်လဲၤအိၣ်လဲၤဆိးလၢ အပူၤန့ၣ်လီၤ.”

လံာ်ယံးရမံယၤ 44:12

မ့မ့ၢ်ကီၢ်ယူဒၤအပှၤဂီၢ်မုၢ်လၢ အအိၣ်လီၤတဲာ်ဒီး ပာ်လီၤတ့ၢ်အသးလၢကလဲၤအိၣ်လဲၤ ဆိးလၢ ကီၢ် အဲၤကူပတူးအပူၤတဖၣ်န့ၣ်, ယကမၤတုၤအဝဲသ့ၣ် ခဲလၢာ်ဟးဂီၤကွံာ်ဝဲန့ၣ်လီၤ. အဝဲသ့ၣ်ခဲလၢာ်, ဒိၣ်မ့ၢ်ဂ့ၤဆံးမ့ၢ်ဂ့ၤ. ကသံလၢကီၢ်အဲၤကူပတူးအပူၤ, ခီဖျိလၢ တၢ်ဒုးတၢ်ယၤအပူၤ မ့တမ့ၢ် လၢတၢ်သၣ်ဝံၤလီၤဒိအဃိန့ၣ်လီၤ. အဝဲသ့ၣ် ကကဲထီၣ်တၢ်ထံၣ်ဘၣ်အလီၢ်တတီၤလၢ အလီၤပျံၤလီၤဖုးလီၤ. ပှၤဂီၢ်မုၢ်ကနံၤဘၣ်ဖၣ်လဲ အီၤဒီးသူအမံၤဒ် တၢ်ဆိၣ်အၢတမံၤအသိးန့ၣ်လီၤ.

လံာ်ယဃ့းစက့လး 14:21

တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ယကမၢလီၤယတၢ်စံၣ်ညီၣ်အအၢကတၢၢ်လွံၢ်မံၤလၢဝ့ၢ်ယရူၤၡလ့ၣ်အဖီ ခိၣ်, လၢအမ့ၢ်ဝဲတၢ်ဒုးတၢ်ယၤ, တၢ်သၣ်ဝံၤလီၤဒိ, ဆၣ်ဖိကီၢ်ဖိအမံၤတဖၣ်, ဒီးတၢ်ဆူးတၢ်ဆါလၢကမၤဟးဂီၤကွံာ် ပှၤဂီၢ်မုၢ်ဒီးဆၣ်ဖိကီၢ်ဖိတဖၣ်ဒ်သိးသိးအဂီၢ်န့ၣ်လီၤ.

လံာ်ယဃ့းစက့လး 39:4

စီၤကိးဒီးအဝဲအသုးမုၢ်ဒီးအသိၣ်အမှံၤတဖၣ်ကလီၤဃံၤကွံာ်လၢ ကီၢ်အံၣ်စရ့လးအကစၢၢ်ကလိတဖၣ်အဒီခိၣ်ဒီးယကဒုးကဲထီၣ် အနီၢ်ခိတဖၣ်လၢတၢ်အီၣ်လၢကယဲၢ်ထိၣ်တဖၣ် ဒီးဆၣ်ဖိကီၢ်ဖိအမံၤတဖၣ်အဂီၢ်န့ၣ်လီၤ.

လံာ်စဖါနယၤ 1:2

ယွၤစံးဝဲဒၣ်, “ယကမၤဟးဂီၤကွံာ်ကယဲၢ်တၢ်အိၣ်လၢဟီၣ်ခိၣ်ချၢ,

လံာ်ပှၤစံၣ်ညီၣ်ကွီၢ် 6:2

ပှၤမံးဒယၣ်ဖိတဖၣ်အဂံၢ်အဘါဆူၣ်န့ၢ်ဒံးအံၣ်စရ့လး, ဒီးအံၣ်စရ့လးအပှၤဂီၢ်မုၢ်ပာ်ခူသူၣ်အသးလၢလၢၢ်ကအိလ့ကအိတဖၣ်အပူၤ ဒီးတၢ်လီၢ်ပူၤဖျဲးအဂၤတဖၣ်လၢကစၢၢ်ကလိအကျါန့ၣ် လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:6

အန့ၣ်ဝံၤဒီးအဝဲသ့ၣ်ဒုးတၢ်ထီဒါပှၤအံၣ်စရ့လးဖိတဖၣ်လၢတၢ် ဒုးဆူၣ်ဆူၣ်ကိၤကိၤတခါဒီးဒုးကဲထီၣ် တၢ်လီၤပျံၤလီၤဖုးဖးဒိၣ်တမံၤလၢအဝဲသ့ၣ်အဂီၢ်လီၤ. ပှၤအံၣ်စရ့လးဖိတနီၤပာ်ခူသူၣ်အသးလၢလၢၢ်ကအိဒီးတၢ်ပူၤ တဖၣ်အပူၤမ့ၢ်ဂ့ၤ, လၢလ့ကျါမ့ၢ်ဂ့ၤ, တၢ်ပူၤဖိတဖၣ်အပူၤ, ဒီးထံပူၤတဖၣ်အပူၤမ့ၢ်ဂ့ၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:1

စီၤဒၤဝံးဃ့ၢ်ထီၣ်ကွံာ်လၢကီၢ်ကၤသးအဝ့ၢ်ပူၤဒီးလဲၤဆူ လ့ကအိတခါလၢအဘူးဒီးဝ့ၢ်ဧးဒူးလၣ်လီၤ. ဖဲအဒီပုၢ်ဝဲၢ်တဖၣ်ဒီးအဟံၣ်ဖိဃီဖိလၢအအိၣ်လီၤတဲာ်တဖၣ်နၢ်ဟူလၢအအိၣ်ဖဲန့ၣ်ဒီးအဝဲသ့ၣ်လဲၤမၤသကိးတၢ်ဒီးအီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:14

စီၤဒၤဝံးအိၣ်ခူသူၣ်လၢတၢ်လူၢ်တၢ်တြီၤအထံအကီၢ်ပူၤ လၢပှၢ်မုၢ်ကနၢဘူးဒီးဝ့ၢ်စံဖးန့ၣ်လီၤ. စီၤစီလူးတခီကျဲးစၢးတဘိယူၢ်ဃီဒ်သိးအကထံၣ်န့ၢ်အီၤန့ၣ်လီၤ. ဘၣ်ဆၣ်ဒီးကစၢ်ယွၤတဟ့ၣ်လီၤကွံာ်အီၤဆူအစုပူၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 24:3

အဝဲတုၤဃီၤဖဲလ့ကအိတခါ ဘူးဒီးသိအကရၢတဖၣ်လၢကျဲအကပၤ ဒီးလဲၤနုာ်ဆူလ့ကအိအပူၤဒ်သိးအကမၤဖှံထီၣ်အတၢ်ဝံတၢ်ယိးလီၤ. တၢ်န့ၣ်ဘၣ်အတီၤလၢအမ့ၢ်လ့ကအိတခါဃီဖဲစီၤဒၤဝံး ဒီးအပှၤတဖၣ်အိၣ်ခူသူၣ်ဝဲလၢလ့ကအိအလီၢ်ခံကတၢၢ်န့ၣ်လီၤ.