လံာ်ယဃ့းစက့လး 33:25 - Sgaw Karen Common Bible

²⁵ တဲဘၣ်အဝဲသ့ၣ်လၢ, ယၤယွၤပၢဘၣ်တၢ်ခဲလၢာ်ကစၢ်စံးတၢ်အံၤ တက့ၢ်. သုအီၣ်တၢ်ညၣ်လၢတၢ်သွံၣ်အိၣ်ဒံးလၢအပူၤန့ၣ်လီၤ. သုဘါထီၣ်တၢ်ဂီၤတၢ်ဖီၣ်တဖၣ်န့ၣ်လီၤ. သုမၤသံတၢ်န့ၣ်လီၤ. တၢ်မနုၤဒုးဆိကမိၣ်သုလၢကီၢ်အံၤမ့ၢ်သုတၢ်န့ၣ်လဲၣ်.

လံာ်ယဃ့းစက့လး 33:25 Iomraidhean Croise

လံာ်တၢ်ကဲထီၣ်အခီၣ်ထံး 9:4

တၢ်တမံၤလၢသုတဘၣ်အီၣ်အီၤန့ၣ်တၢ်ညၣ်လၢတၢ်သွံၣ်အိၣ်ဒံးလၢ အပူၤန့ၣ်လီၤ. ယတြီတၢ်အံၤမ့ၢ်လၢသးသမူ အိၣ်လၢတၢ်သွံၣ်အပူၤအဃိလီၤ.

စံးထီၣ်ပတြၢၤ 24:4

မ့ၢ်ဒၣ်ပှၤလၢအစုစီဆှံဝဲဒီးအသးကဆှီဝဲ, ပှၤလၢအတဘါထီၣ်ဘၣ် တၢ်ဂီၤတၢ်ဖီၣ်တဖၣ် ဒီးတဆိၣ်ဘၣ်တၢ်လၢ တၢ်လီတၢ်ဝ့ၤအပူၤဘၣ်န့ၣ်လီၤ.

လံာ်ယံးရမံယၤ 7:15

ယကနီၣ်ထီၣ်ဟီထီၣ်ကွံာ်သုလၢယမဲာ်ညါဒ်ယနီၣ်ထီၣ်ဟီထီၣ်ကွံာ် သုဘူးသုတံၢ်တဖၣ်လၢအမ့ၢ်အံၣ်စရ့လးအပှၤဂီၢ်မုၢ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 7:21

ယပှၤဂီၢ်မုၢ်သ့ၣ်ဧၢ, တၢ်လုၢ်တၢ်ပာ်တနီၤန့ၣ်သုဒွဲၣ်အူကွံာ် အီၤလၢာ်လၢာ်ဆ့ဆ့လၢတၢ်လုၢ်လီၢ်အဖီခိၣ်, ဒီးတနီၤန့ၣ်တၢ်ပျဲ သုလၢသုကအီၣ်အဂီၢ်န့ၣ်လီၤ. မ့မ့ၢ်တၢ်လၢယၤ, ယွၤစံးန့ၣ်, မ့ၢ်ဝဲ, ဂ့ၤတက့ၢ်သုအီၣ်ကွံာ်အီၤခဲလၢာ်တခီန့ၣ်လီၤ.

လံာ်ယဃ့းစက့လး 18:12

အဝဲလီန့ၢ်ပှၤဖှီၣ်ဖိယာ်ဖိတဖၣ်, အဝဲဂုာ်ဆူၣ်တၢ်, အဝဲဟံးန့ၢ်ကွံာ်တၢ်လၢပှၤလၢအဃ့လိၢ်တၢ်တဂၤဟ့ၣ်အီၤဒ်တၢ်ဟ့ၣ် ကီၤအသိးန့ၣ်လီၤ. အဝဲလဲၤဆူပှၤတစူၢ်တနာ်ယွၤအတၢ်ဘါလီၢ်တဖၣ်, ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်လၢအလီၤသးဘၣ်အၢန့ၣ်လီၤ.

လံာ်ယဃ့းစက့လး 18:15

အဝဲတဘါထီၣ်ပှၤအံၣ်စရ့လးဖိတဖၣ်အတၢ်ဂီၤတၢ်ဖီၣ်မ့ၢ်ဂ့ၤ, တအီၣ်တၢ်လုၢ်တၢ်ပာ်တဖၣ်လၢအဘၣ်တၢ်လုၢ်ထီၣ်အီၤလၢတၢ်လုၢ်လီၢ် တဖၣ်လၢတၢ်တြီဃာ်အီၤမ့ၢ်ဂ့ၤန့ၣ်ဘၣ်. အဝဲတကလံာ်န့ၢ်ပှၤအဂၤတဂၤအမါမ့ၢ်ဂ့ၤ,

လံာ်ယဃ့းစက့လး 18:6

အဝဲတဘူၣ်ထီၣ်ဘါထီၣ်ပှၤအံၣ်စရ့လးဖိတဖၣ်အတၢ်ဂီၤတၢ်ဖီၣ် တဖၣ်မ့ၢ်ဂ့ၤ, တအီၣ်တၢ်လုၢ်တၢ်ပာ်တဖၣ်လၢအဘၣ်တၢ်လုၢ်ထီၣ်အီၤလၢတၢ်လုၢ်လီၢ်လၢ တၢ်တြီအီၤတဖၣ်မ့ၢ်ဂ့ၤန့ၣ်ဘၣ်. အဝဲတကလံာ်န့ၢ်ဘၣ်ပှၤအဂၤတဂၤ အမါမ့ၢ်ဂ့ၤ, မံဃုာ်ဂဲၤဃုာ်ဒီးပိာ်မုၣ်တဂၤဖဲအလုၢ် အလၢ်ဟဲဝဲအဆၢကတီၢ်မ့ၢ်ဂ့ၤန့ၣ်ဘၣ်.

လံာ်ယဃ့းစက့လး 22:27

တၢ်ပၢတၢ်ပြးအပဒိၣ်ပပှၢ်တဖၣ်လီၤဂာ်ဒ်ထွံၣ်မံၤတဖၣ်လၢအအ့ၣ်ဖှီ ကွံာ်ဆၣ်ဖိကီၢ်ဖိတဖၣ်လၢအမၤသံတ့ၢ်ဝဲအသိးန့ၣ်လီၤ. အဝဲသ့ၣ်မၤသံတၢ်ဒ်သိးကထူးထီၣ်တီၤထီၣ်ဝဲအဂီၢ်န့ၣ်လီၤ.

လံာ်ယဃ့းစက့လး 22:3

တဲဘၣ်ဝ့ၢ်လၢတၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်တ က့ၢ်. မ့ၢ်လၢနမၤသံတ့ၢ်နပှၤဂီၢ်မုၢ်ဒၣ်နဲအါအါဂီၢ်ဂီၢ်ဒီးနမၤဘၣ် အၢလီၤက့ၤနသးဒၣ်နဲလၢတၢ်ဘါတၢ်ဂီၤတၢ်ဖီၣ်တဖၣ်အဃိ, ဆၢကတီၢ်ဟဲလံဝဲလံ.

လံာ်ယဃ့းစက့လး 22:6

ကယဲၢ်ကီၢ်အံၣ်စရ့လးအခိၣ်အနၢ်ခဲလၢာ်နာ်န့ၢ်လီၤအဂံၢ်အဘါဒၣ် ဝဲဒီးမၤသံတၢ်န့ၣ်လီၤ.

လံာ်ယဃ့းစက့လး 22:9

သုပှၤဂီၢ်မုၢ်အကျါတနီၤကတိၤလီတၢ်ဘၣ်ဃးဒီးပှၤအဂၤတဖၣ် အဂ့ၢ်, မ့ၢ်ဒ်သိးကမၤသံအဝဲသ့ၣ်တဖၣ်အဂီၢ်န့ၣ်လီၤ. အဝဲသ့ၣ်တနီၤအီၣ်တၢ်လုၢ်တၢ်ပာ်တဖၣ်လၢတၢ်လုၢ်ထီၣ်အီၤ ဆူတၢ်ဂီၤတၢ်ဖီၣ်တဖၣ်န့ၣ်လီၤ. အဂၤတနီၤထီဘိမၤလၢပှဲၤအတၢ်သူၣ်ကတၢသးကတၢဒၣ်ဝဲန့ၣ်လီၤ.

လံာ်ယဃ့းစက့လး 36:18

ယဒုးကလၢၢ်ဘၣ်အဝဲသ့ၣ်လၢယတၢ်သးကဲၤထီၣ်အသဟီၣ်အဆူၣ်, လၢတၢ်မၤသံတဖၣ်လၢအဝဲသ့ၣ်မၤတ့ၢ်ဝဲလၢကီၢ်ပူၤဒီးလၢတၢ်ဂီၤ တၢ်ဖီၣ်တဖၣ်လၢအဝဲသ့ၣ်မၤဘၣ်အၢကီၢ်အဃိန့ၣ်လီၤ.

လံာ်ယဃ့းစက့လး 9:9

ကစၢ်ယွၤစံးဆၢတၢ်ဒီးစံးဝဲ, “ကီၢ်အံၣ်စရ့လးဒီးကီၢ်ယူဒၤ အပှၤဂီၢ်မုၢ်တဖၣ်မၤတၢ်ဒဲးဘးတဖၣ်လၢအလီၤပျံၤလီၤဖုးန့ၣ်လီၤ. အဝဲသ့ၣ်မၤသံတ့ၢ်တၢ်လၢထံကီၢ်ဒီဘ့ၣ်ညါဒီးမၤပှဲၤဝ့ၢ် ယရူၤၡလ့ၣ်ဒီးတၢ်မၤကမၣ်တၢ်သိၣ်တၢ်သီန့ၣ်လီၤ. အဝဲသ့ၣ်စံးဝဲလၢယၤ, ယွၤအံၤ, ပာ်လီၤတဲာ်ကွံာ်အဝဲသ့ၣ်အထံ အကီၢ်ဒီးလၢယတထံၣ်အဝဲသ့ၣ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:26

အီၣ်တၢ်ဖံးတၢ်ညၣ်လၢအအိၣ်ဒီးအသွံၣ်အဖၢမုၢ်န့ၣ်တဂ့ၤ. ဒီးမၤမုၣ်ကီၤလံၢ်အတၢ်မၤတဂ့ၤ.

လံာ်တၢ်ဘူၣ်ထီၣ်ဘါထီၣ် 3:17

တၢ်အသိမ့ၢ်ဂ့ၤ, တၢ်အသွံၣ်မ့ၢ်ဂ့ၤ, သုသုတအီၣ်အီၤတဂ့ၤ. အအံၤမ့ၢ်တၢ်မၤလိာ်လၢသုဘၣ်တိၢ်န့ၢ်အီၤအစိၤစိၤအဃၣ်ဃၣ်ဖဲ သုအိၣ်တပူၤလၢ်လၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:20

ဘၣ်ဆၣ်ဒီးပှၤလၢအတကဆှီဘၣ်တဂၤလၢ်လၢ်မ့ၢ်အီၣ်တၢ်ညၣ်န့ၣ်ဒီး, ကဘၣ်တၢ်ပာ်အီၤဒ်ပှၤလၢအတမ့ၢ်ယွၤအပှၤဂီၢ်မုၢ်အကျါတဂၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:21

ဒ်န့ၣ်အသိး, ပှၤတဂၤလၢ်လၢ်လၢအထိးဘၣ်တ့ၢ်လံတၢ်တ ကဆှီဘၣ်လၢပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ, တၢ်တကဆှီဘၣ်ထီရီၤတမံၤမံၤ ဒီးအီၣ်တၢ်လုၢ်မၤဃူမၤဖိးအတၢ်ညၣ်န့ၣ်, ကဘၣ်တၢ်ပာ်အီၤဒ်ပှၤ တမ့ၢ်လၢၤဘၣ်ယွၤအပှၤဂီၢ်မုၢ်အကျါတဂၤန့ၣ်လီၤ.

မၤတၢ် 15:29

တၢ်အီၣ်လၢအဘၣ်တၢ်လုၢ်ထီၣ်တ့ၢ်အီၤဆူတၢ်ဂီၤတၢ်ဖီၣ်န့ၣ်, အီၣ်အီၤတဂ့ၤ. အီၣ်တၢ်သွံၣ်တဂ့ၤ. ဆၣ်ဖိကီၢ်ဖိလၢအဘၣ်တၢ်စံၢ်သံအီၤန့ၣ်အီၣ်အီၤတဂ့ၤ. ဒီးဟးဆှဲးတၢ်မၤကမၣ်မုၣ်ကမၣ်ခွါန့ၣ်တက့ၢ်. သုမ့ၢ်ဟးဆှဲးတၢ်သ့ၣ်တဖၣ်အံၤဒီး, ကမ့ၢ်သုမၤတၢ်လၢအကြၢး ဝဲဘၣ်ဝဲန့ၣ်လီၤ. လၢတၢ်ဆၢဂ့ၤအါအပူၤ.”

မၤတၢ် 21:25

မ့မ့ၢ်ပှၤကလုာ်ဂၤလၢအကဲထီၣ်ပှၤစူၢ်က့ၤနာ်က့ၤတၢ်တဖၣ်န့ၣ်, ပဆှၢလီၤလံလံာ်ပရၢတဘ့ၣ်ဆူအအိၣ်ဒီးတဲဘၣ်အီၤလၢပအၢၣ်လီၤ စံၣ်ညီၣ်တ့ၢ်ပဝဲလၢတၢ်အီၣ်တမံၤလၢ်လၢ်လၢအဘၣ်တၢ်လုၢ် ထီၣ်အီၤဆူတၢ်ဂီၤတၢ်ဖီၣ်အအိၣ်မ့ၢ်ဂ့ၤ, တၢ်သွံၣ်မ့ၢ်ဂ့ၤ, ဆၣ်ဖိကီၢ်ဖိလၢတၢ်စံၢ်သံအီၤမ့ၢ်ဂ့ၤ, အသုတအီၣ်ဝဲတဂ့ၤ. ဒီးလၢအကဘၣ်ဟးဆှဲးတၢ်မၤကမၣ်မုၣ် ကမၣ်ခွါန့ၣ်လီၤ.

လံာ်သိၣ်လီၤသီလီၤတၢ် 12:16

မ့မ့ၢ်သုတအီၣ်ဘၣ်အဝဲသ့ၣ်အသွံၣ်ဘၣ်. သုကဘၣ်လူလီၤအီၤဆူ ဟီၣ်ခိၣ်အလိၤဒ်ထံအသိးန့ၣ်လီၤ.

လံာ်သိၣ်လီၤသီလီၤတၢ် 12:23

ထဲတမံၤန့ၣ်, တၢ်ညၣ်လၢအအိၣ်ဒံးဒီးတၢ်သွံၣ်လၢအပူၤန့ၣ်တဘၣ်အီၣ်အီၤတဂ့ၤ. အဂ့ၢ်ဒ်အံၤ, တၢ်မူအိၣ်ဒံးဝဲဒၣ်လၢတၢ်သွံၣ်အပူၤဒီးနတဘၣ်အီၣ် တၢ်ညၣ်လၢအအိၣ်ဒီးတၢ်မူန့ၣ်ဘၣ်.

လံာ်သိၣ်လီၤသီလီၤတၢ် 15:23

ဘၣ်ဆၣ်ဒီးသူအသွံၣ်လၢတၢ်အီၣ်အဂီၢ်တဂ့ၤ. အခိၣ်တလိာ်, သုကဘၣ်လူလီၤအီၤဆူဟီၣ်ခိၣ်အလိၤဒ်ထံအသိးလီၤ.

လံာ်သိၣ်လီၤသီလီၤတၢ် 4:19

ပျဲသုဒိးဘၣ်တၢ်လ့ပစီသုလၢသုကဘူၣ်ထီၣ်ဘါထီၣ်ဒီးမၤတၢ် တဖၣ်လၢသုထံၣ်ဘၣ်အီၤလၢမူကပိာ်လိၤလၢအမ့ၢ်, မုၢ်, လါဒီးဆၣ်တဖၣ်, အတၢ်န့ၣ်တဂ့ၤ. ယွၤဟ့ၣ်လီၤတၢ်တဖၣ်အံၤ လၢကယဲၢ်ပှၤဂီၢ်မုၢ်အဂၤတဖၣ်အဂီၢ်ဒ်သိးကဘူၣ်ထီၣ်ဘါထီၣ်ဝဲန့ၣ်လီၤ.