လံာ်ယဃ့းစက့လး 33:22 - Sgaw Karen Common Bible

²² မုၢ်တဟါလၢတချုးအဝဲဟဲန့ၣ်, ယကလၢၢ်ဘၣ်ယွၤအတၢ်အိၣ်ဝဲ အတၢ်စိတၢ်ကမီၤန့ၣ်လီၤ. ဖဲပှၤတဂၤန့ၣ်ဟဲတုၤဝဲလၢလီၢ်ခံတ ဂီၤန့ၣ်, ယွၤဟ့ၣ်ကဒါက့ၤယၤစိကမီၤလၢယကကတိၤက့ၤတၢ်န့ၣ်လီၤ.

လံာ်ယဃ့းစက့လး 33:22 Iomraidhean Croise

လံာ်ယဃ့းစက့လး 1:3

ဖဲန့ၣ်လၢကီၢ်ဘၤဘူၤလိၣ်အပူၤ, လၢထံကျိကဘၢ်အနံၤန့ၣ်, ယနၢ်ဟူယွၤကတိၤတၢ်ဒီးယၤလီၤ. ဒီးယကလၢၢ်ဘၣ်အစိကမီၤလီၤ.

လံာ်ယဃ့းစက့လး 24:25

ယွၤစံးဝဲဒၣ်, ခဲကနံၣ်အံၤ, “ပှၤကညီလၢအသံသ့ဧၢ, ယွၤအတၢ်လုၢ်ဟံၣ်လၢအဂံၢ်ဆူၣ်ဘါဆူၣ်လၢအမ့ၢ်အဝဲသ့ၣ်အတၢ်ပာ် ကဖၢလၢသးဒီးတၢ်သးခု, လၢအဝဲသ့ၣ်အဲၣ်ဒိးကွၢ်ဃီၤဝဲဒီးလဲၤဝဲဆူ အအိၣ်န့ၣ်, ယကဟံးထီၣ်ကွံာ်လၢအဝဲသ့ၣ်အအိၣ်လီၤ. ယကစိာ်ထီၣ်ကွံာ်အဝဲသ့ၣ်အဖိခွါတဖၣ်ဒီးအဖိမုၣ်တဖၣ်န့ၣ်လီၤ.

လံာ်ယဃ့းစက့လး 29:21

ဖဲတၢ်န့ၣ်မၤအသးဒီး ယကဒုးဆူၣ်ထီၣ် ကီၢ်အံၣ်စရ့လးအပှၤဂီၢ်မုၢ်ဒီးပျဲနၤ, စီၤယဃ့းစက့လး ကတိၤတၢ်ဖဲပှၤကိးဂၤဒဲးနၢ်ဟူဝဲသ့, ဒ်သိးအဝဲသ့ၣ်ကသ့ၣ်ညါ ဝဲလၢ ယမ့ၢ်ယွၤန့ၣ်လီၤ.”

လံာ်ယဃ့းစက့လး 3:22

ယကလၢၢ်ဘၣ် ယွၤအတၢ်အိၣ်လီၤစိလီၤကမီၤဒီး နၢ်ဟူအဝဲစံးဘၣ် ယၤ, “ဂဲၤဆၢထၢၣ်ဒီး လဲၤဟးထီၣ်ဆူ တၢ်တြီၤပူၤတက့ၢ်. ယကကတိၤ တၢ်ဒီး နၤဖဲန့ၣ်လီၤ.”

လံာ်ယဃ့းစက့လး 33:23

ယွၤကတိၤတ့ၢ်တၢ်ဒီးယၤန့ၣ်လီၤ. အဝဲစံးဝဲဒၣ်, “ပှၤကညီလၢအသံသ့ဧၢ, ပှၤဂီၢ်မုၢ်လၢအအိၣ်ဆိး လၢဝ့ၢ်တဖၣ်လၢအဟးဂီၤလၢကီၢ်အံၣ်စရ့လးအပူၤစံးတၢ်ဒ်အံၤ လီၤ. စီၤအၤဘြၤဟၣ်မ့ၢ်ဒၣ်ပှၤကညီထဲတဂၤဧိၤ, ဒီးအဝဲဘၣ် တၢ်ဟ့ၣ်အီၤလၢကီၢ်ဒီဘ့ၣ်ညါန့ၣ်လီၤ. ပဝဲဒၣ်ပမ့ၢ်ပှၤကညီအါ ဂၤအဃိဒီးခဲအံၤကီၢ်န့ၣ်မ့ၢ်ပတၢ်န့ၣ်လီၤ.

လံာ်ယဃ့းစက့လး 37:1

ယကလၢၢ်ဘၣ်ယွၤအိၣ်ဒီးယၤအတၢ်စိတၢ်ကမီၤ, ဒီးအဝဲအ သးဆှၢဃီၤယၤဒီးပာ်လီၤယၤဖဲတြီၤတခါလၢအပှဲၤဒီးတၢ်ဃံတၢ် ကွဲတဖၣ်န့ၣ်လီၤ.

လံာ်ယဃ့းစက့လး 40:1

တၢ်န့ၣ်မ့ၢ်နံၣ်ထီၣ်သီအသီတဆံအနံၤလၢပဘၣ်တၢ်စိာ်မၢကဲကုၢ်ပှၤ ပှဲၤထီၣ်ခံဆံယဲၢ်နံၣ်တနံၣ်ဝံၤအလီၢ်ခံဒီးဖဲဝ့ၢ်ယရူၤၡလ့ၣ်ဘၣ်တၢ်ဒုး န့ၢ်အီၤဝံၤတဆံလွံၢ်တနံၣ်အလီၢ်ခံန့ၣ်လီၤ. လၢမုၢ်နံၤအဝဲန့ၣ်, ယကလၢၢ်ဘၣ်ယွၤအိၣ်ဒီးယၤအတၢ်စိတၢ်ကမီၤ, ဒီးအဝဲစိာ်ထီၣ်ကွံာ်ယၤန့ၣ်လီၤ.

လံာ်ယဃ့းစက့လး 8:1

လၢပတၢ်ကဲကုၢ်ဃုနံၣ်တနံၣ်, လါဃုလါတလါထီၣ်ယဲၢ်သီ အနံၤန့ၣ်, ကီၢ်ယူဒၤအပှၤခိၣ်ပှၤနၢ်လၢတၢ်ကဲကုၢ်အပူၤတဖၣ် ဆ့ၣ်နီၤသကိးဒီးယၤလၢယဟံၣ်ပူၤန့ၣ်လီၤ. သတူၢ်ကလာ်, ယွၤပၢဘၣ်တၢ်ခဲလၢာ်ကစၢ်အစိကမီၤလီၤဘၣ်လၢယလိၤန့ၣ်လီၤ.

လံာ်လူၤကၣ် 1:64

တဘျီဃီဖဲန့ၣ်စီၤစဃၤရံကတိၤတၢ်သ့ထီၣ်က့ၤဒီးအဝဲဒၣ် စံးထီၣ်ပတြၢၤကစၢ်ယွၤလီၤ.

၂ ကရံၣ်သူး 6:11

တံၤသကိးသးဘိလၢဝ့ၢ်ကရံၣ်သူးသ့ၣ်ဧၢ, ပကတိၤတၢ်လိၤလိၤဘျၢဘျၢဒီးသုလီၤ. ပအိးထီၣ်လံ ပသးလဲၢ်လဲၢ်လံ.