လံာ်ယဃ့းစက့လး 33:11 - Sgaw Karen Common Bible

¹¹ တဲဘၣ်အဝဲသ့ၣ်လၢဒ်ယၤ, ယွၤပၢဘၣ်တၢ်ခဲလၢာ်ကစၢ်မ့ၢ်ကစၢ်ယွၤ လၢအမူဝဲတဂၤအသိးန့ၣ်, ယစံးယဲ, ယတမုာ်လၤသးခုလၢ တၢ်ထံၣ်ဘၣ်ပှၤတၢ်ဒဲးဘးဖိတဂၤသံန့ၣ်ဘၣ်. ယအဲၣ်ဒိးထံၣ်ဒါခီလၢအဝဲသ့ၣ်ဆိကတီၢ်မၤတၢ်ဒဲးဘးဒီးမူဝဲန့ၣ်လီၤ. ကီၢ်အံၣ်စရ့လးဧၢ, ဆိကတီၢ်ကွံာ်တၢ်အၢတၢ်သီလၢနမၤအီၤန့ၣ် တက့ၢ်. ဘၣ်မနုၤအဃိနအဲၣ်ဒိးသံန့ၣ်လဲၣ်.

လံာ်ယဃ့းစက့လး 33:11 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:14

ဒ်ထံလၢအလီၤဂၢ်လၢဟီၣ်ခိၣ်လိၤ, လၢအဘၣ်တၢ်ပာ်ဖှိၣ်က့ၤကဒီး အီၤတသ့ဘၣ်အသိးန့ၣ်, ပကဘၣ်သံကိးဂၤဒဲးန့ၣ်လီၤ. ဘၣ်ဆၣ်ကစၢ်ယွၤတမၤသံဘၣ်တၢ်လီၤထူလီၤယိာ်ဘၣ်. လၢတၢ်န့ၣ်အဃိ, အစှၤကတၢၢ်စီၤပၤကိးက့ၤပှၤတဂၤလၢအဃ့ၢ်ပူၤဖျဲးအသးသ့ဝဲလီၤ.

လံာ်စီၤယိၤဘး 37:23

ကစၢ်ယွၤအစိအကမီၤန့ၣ်ဒိၣ်ဝဲတုၤဒၣ်လဲာ်ပဟဲဘူးဒီးအီၤ တန့ၢ်ဘၣ်. အဝဲတီဝဲလိၤဝဲဒီးစံၣ်ညီၣ်တၢ်တီလၢအတၢ်ဘၣ် ထွဲဒီးပှၤကညီန့ၣ်လီၤ.

စံးထီၣ်ပတြၢၤ 51:15

ယွၤဧၢ, မၤစၢၤယၤလၢယကစံးကတိၤတၢ် ဒီးယကစံးထီၣ်ပတြၢၤနၤလီၤ.

တၢ်ကတိၤဒိ. 1:23

ဖဲယသိၣ်ဃီၣ်သုဒီးဒိကနၣ်တက့ၢ်. ယကဟ့ၣ်သုတၢ်ဟ့ၣ်ကူၣ် အဂ့ၤဒီးနီၤဟ့ၣ်သုလၢယတၢ်သ့ၣ်ညါလီၤ.

တၢ်ကတိၤဒိ. 8:36

ပှၤလၢအတထံၣ်န့ၢ်ယၤန့ၣ်, မၤဆါလီၤဒၣ်အသးဒၣ်ဝဲန့ၣ်လီၤ. ပှၤတဂၤလၢ်လၢ်လၢအသးဟ့ယၤန့ၣ်, အဲၣ်တၢ်သံလီၤ.”

လံာ်ယၡါယၤ 21:12

ယစံးဆၢအီၤ, “မုၢ်ဂီၤဟဲဝဲလံ, ဘၣ်ဆၣ်မုၢ်နၤကဟဲကဒီး လီၤ. နမ့ၢ်အဲၣ်ဒိးသံကွၢ်ကဒီးန့ၣ်, ဟဲက့ၤကဒါက့ၤဒီးသံကွၢ် တက့ၢ်.”

လံာ်ယၡါယၤ 49:18

ကွၢ်တရံးတၢ်ဝးဝးဒီးထံၣ်တၢ်လၢအမၤအသး န့ၣ်တက့ၢ်. နပှၤဂီၢ်မုၢ်တဖၣ်အိၣ်ဖှိၣ်ရိဖှိၣ်ဒီးဟဲက့ၤဆူနအိၣ်လံ. ဒ်ယမ့ၢ်ကစၢ်ယွၤလၢအမူဝဲနီၢ်နီၢ်တဂၤအသိး ယစံးဘၣ်နၤ, နကပာ်ကဖၢလၢဘၣ်နသးလၢနပှၤဂီၢ်မုၢ်အဃိ, ပှဲၤသိးသိးဒီးတလးမူးပိာ်မုၣ်တဂၤပာ်ကဖၢလၢဘၣ်အသးလၢ အတၢ်မျၢ်ပလဲတဖၣ်အဃိလီၤ.

လံာ်ယံးရမံယၤ 22:24

ယွၤစံးဘၣ်ကီၢ်ယူဒၤအစီၤပၤစီၤယဟိယါကံၣ်အဖိခွါ စီၤယဟိယါခံၣ်, “ဒ်ယမ့ၢ်နီၢ်နီၢ်ကစၢ်ယွၤလၢအမူဝဲတဂၤအသိး, နမ့မ့ၢ်ဒၣ်လဲာ်တၢ်စဲပနီၣ်အပသံးတဘိလၢယစုထွဲအလိၤန့ၣ်, ယကဘ့ၣ်လီၤကွံာ်နၤ,

လံာ်ယံးရမံယၤ 3:12

အဝဲတဲဘၣ်တ့ၢ်ယၤလၢယကလဲၤဒီးစံးဘၣ်ကီၢ်အံၣ်စရ့လး, “ကီၢ်အံၣ်စရ့လးလၢအသးတတီဧၢ, ဟဲက့ၤကဒါက့ၤဆူ ယအိၣ်တက့ၢ်. ယသူၣ်ကညီၤသးကညီၤတၢ်သ့ဒီးယတသး ဒိၣ်ထီၣ်ယဲဘၣ်. ယတသးဒိၣ်နၤလီၤထူလီၤယိာ်ဘၣ်.

လံာ်ယံးရမံယၤ 3:22

သုဝဲလၢအဃၣ်ယံၤကွံာ်အသးလၢယွၤခဲလၢာ်သ့ၣ်ဧၢ, ဟဲက့ၤ ကဒါက့ၤတက့ၢ်. အဝဲဒၣ်ကမၤဘျါက့ၤသုဒီးဒုးသူၣ်တီသးရၤသုန့ၣ်လီၤ. သုစံးသုဝဲ, “မ့ၢ်လီၤ, ပဟဲဆူယွၤအအိၣ်, မ့ၢ်လၢ အဝဲမ့ၢ်ကစၢ်ယွၤအဃိန့ၣ်လီၤ.

လံာ်ယံးရမံယၤ 44:7

အဃိဒီးယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, သံကွၢ်သုခဲအံၤလၢ ဘၣ်မနုၤအဃိလၢ သုမၤတၢ်အၢတၢ်သီဒ်သိးအံၤ တမံၤထီဒါသုကစၢ်ဒၣ်သုဝဲန့ၣ်လဲၣ်. မ့ၢ်သုသးအိၣ်ဒုးလီၤဘၣ်တၢ်တတၢးတနါလၢ ပှၤပိာ်ခွါတဖၣ်, ပှၤပိာ်မုၣ်တဖၣ်, ဖိသၣ်တဖၣ်ဒီၤ ဖိသၣ်အီၣ်နုၢ်ထံ တဖၣ်အလိၤ, ဒ်သိးပှၤဂီၢ်မုၢ်အသုတအိၣ် တီၢ်လၢၤဘၣ် နီတဂၤအဂီၢ်န့ၣ်ဧါ.

လံာ်ယံးရမံယၤ 44:8

ဘၣ်မနုၤအဃိ သုမၤသးဒိၣ်ထီၣ်ယၤ ခီဖျိသုဘူၣ်ထီၣ်ဘါထီၣ် တၢ်ဂီၤတၢ်ဖီၣ်တဖၣ်ဒီး ခီဖျိသုလုၢ်ထီၣ်တၢ်ဆူကစၢ်အဂၤတဖၣ် ဖဲ ကီၢ်အဲၤကူပတူးအံၤအပူၤ, တၢ်လီၢ်ဖဲ သုဟဲအိၣ်ဟဲ ဆိးအံၤန့ၣ်လဲၣ်. မ့ၢ်သုမၤတၢ်အံၤ ထဲဒၣ်သုကမၤဟးဂီၤ လီၤသုသးအဂီၢ်ဧိၤ, ဒ်သိးပှၤကလုာ်ကိးကလုာ်ဒဲးလၢ ဟီၣ်ခိၣ်အံၤကနံၤဘၣ်ဖၣ်လဲ သုဒီး ပာ်သုမံၤဒ်တၢ်ဆိၣ်အၢတမံၤအသိးအဂီၢ်ဧိၤန့ၣ်ဧါ.

လံာ်ယံးရမံယၤ 46:18

ယၤ, ယွၤသ့တၢ်လၢာ်, ယမ့ၢ်စီၤပၤ, ယမ့ၢ်ကစၢ်ယွၤလၢ အမူဝဲလီၤ. ဒ်ကစၢၢ်တၤဘိၢ်ကစီၤထီၣ်ထီမးလၢကစၢၢ်တဖၣ်အဖီခိၣ်အသိး, ဒီးဒ်ကစၢၢ်ကၢ်မ့ၤလးအိၣ်ထီၣ်ထီဝဲလၢပီၣ်လဲၣ်အဖီခိၣ်အသိးန့ၣ်, ပှၤလၢအဒုးသုတဂၤအဂံၢ်အဘါ ကမ့ၢ်တၢ် ဒ်န့ၣ်အသိးလီၤ.

လံာ်သးသယုၢ်တၢ် 3:33

တမုာ်ဘၣ်အသးလၢတၢ်ဒုးလီၤဘၣ်ပှၤလၢတၢ်သးအုးမ့ၢ်ဂ့ၤတၢ်ဆူး တၢ်ဆါမ့ၢ်ဂ့ၤအပူၤန့ၣ်ဘၣ်.

လံာ်ယဃ့းစက့လး 14:6

ဒီးခဲကနံၣ်အံၤ, တဲဘၣ်ပှၤအံၣ်စရ့လးဖိတဖၣ်လၢတၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်တက့ၢ်. ဃၣ်ကဒါက့ၤသုသးဒီးပာ်တ့ၢ်ကွံာ်သုတၢ်ဂီၤတၢ်ဖီၣ်တဖၣ်လၢ အလီၤသးဘၣ်အၢန့ၣ်တက့ၢ်.

လံာ်ယဃ့းစက့လး 16:48

ယွၤပၢဘၣ်တၢ်ခဲလၢာ်ကစၢ်စံးဝဲ, ဒ်ယမ့ၢ်ကစၢ်ယွၤလၢ အမူဝဲသပှၢ်ကတၢၢ်အသိး, ယစံးလၢနဒီပုၢ်ဝဲၢ်မုၣ်ဝ့ၢ်စဒိၣ်ဒီး အဒူသဝီတဖၣ်ကမၤတ့ၢ်တၢ်အၢတၢ်သီလၢနၤဒီးနဒူသဝီ တဖၣ်မၤတ့ၢ်ဝဲန့ၣ်ဘၣ်.

လံာ်ယဃ့းစက့လး 18:23

မ့ၢ်သုဆိကမိၣ်လၢယသးမုာ်သးခုလၢယထံၣ်ဘၣ်ပှၤအၢပှၤသီ တဂၤသံဝဲန့ၣ်ဧါ. ယွၤပၢဘၣ်တၢ်ခဲလၢာ်ကစၢ်သံကွၢ်ဝဲ. တမ့ၢ်ဘၣ်, ယအဲၣ်ဒိးထံၣ်ဒါခီလၢအဝဲကပီၢ်ယၢ်လီၤက့ၤအသးဒီး မူဝဲန့ၣ်လီၤ.

လံာ်ယဃ့းစက့လး 5:11

လၢတၢ်န့ၣ်အဃိ, ဒ်ယမ့ၢ်ကစၢ်ယွၤလၢအမူဝဲအသိး, အအံၤမ့ၢ်ယွၤသ့တၢ်လၢာ်ကစၢ်အတၢ်ကတိၤန့ၣ်လီၤ. မ့ၢ်လၢသုမၤဘၣ်အၢတ့ၢ်ယတၢ်လုၢ်ဟံၣ်ဒီးတၢ်အၢတၢ်သီခဲလၢာ်တၢ် လီၤသးဘၣ်အၢတဖၣ်လၢသုမၤတ့ၢ်အီၤအဃိ, ယကဒီၣ်တဲာ်ကွံာ်သု တအိၣ်ဒီးတၢ်သးကညီၤဘၣ်န့ၣ်လီၤ.

လံာ်ဒၤနံးယ့လး 9:13

ဒီးဟ့ၣ်လီၤပှၤကယဲၢ်တၢ်စံၣ်ညီၣ်ဒ်တၢ်ကွဲးဖျါတ့ၢ်လၢစီၤမိၤၡ့ အတၢ်သိၣ်တၢ်သီအပူၤလီၤ. အိယွၤ, ပကစၢ်ယွၤဧၢ, ခဲကနံၣ်အံၤဒၣ်လဲာ်ပတကျဲးစၢးမၤမုာ်နသးခီဖျိတၢ်ဃၣ်ကွံာ် ပသးလၢပတၢ်ဒဲးဘးတဖၣ်မ့ၢ်ဂ့ၤ, ခီဖျိတၢ်မၤထွဲနတၢ်မ့ၢ်တၢ်တီမ့ၢ်ဂ့ၤဒံးဘၣ်.

လံာ်ဟိၤၡ့ 11:8

ကီၢ်အံၣ်စရ့လးဧၢ, ယပျဲစုပျၢ်ခီၣ်ကွံာ်နၤကသ့ဒ်လဲၣ်ယစူးကွံာ်ညိကွံာ်နၤကသ့ဒ်လဲၣ်. မ့ၢ်ယကမၤဟးဂီၤတ့ၢ်နၤဒ်ယမၤတ့ၢ်ဝ့ၢ်အၤဒမၤအသိးမ့ၢ်ဂ့ၤ, မၤဘၣ်နၤဒ်ယမၤတ့ၢ်ဝ့ၢ်စဘိအံၣ်အသိးမ့ၢ်ဂ့ၤတဘျီဘျီဧါ. တမ့ၢ်ယသးကပျဲယမၤတၢ်န့ၣ်ဘၣ်. ယတၢ်အဲၣ်နၤအံၤဆူၣ်ဒိၣ်မးလီၤ.

လံာ်ဟိၤၡ့ 14:1

ဟဲက့ၤကဒါက့ၤဆူယွၤ, သုကစၢ်ယွၤအအိၣ်တက့ၢ်, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ. သုတၢ်ဒဲးဘးမၤဘၣ်တိၢ်သုခီၣ်ဒီးဒုးလီၤဃံၤသုလီၤ.

လံာ်ယိၤအ့လး 2:12

ဒီးယွၤစံးဝဲဒၣ်, ခဲကနံၣ်အံၤပီၢ်ယၢ်လီၤက့ၤသုသးနီၢ်နီၢ်, ဒီးဟဲက့ၤကဒါက့ၤဆူယအိၣ်, အိၣ်ဒီးတၢ်ဒုၣ်တၢ်အီၣ်တၢ်အီ, ဒီးတၢ်ဟီၣ်တၢ်ယၢၤဒီးသူၣ်အုးသးအုးန့ၣ်တက့ၢ်.

လံာ်စဖါနယၤ 2:9

ဒ်ယမ့ၢ်နီၢ်နီၢ်ယွၤလၢအမူဝဲ, ပှၤအံၣ်စရ့လးဖိအကစၢ်ယွၤအသိးန့ၣ်ယဆိၣ်တၢ်လၢကီၢ်မိၤအးဒီး ကီၢ်ဧၣ်မိၣ်ကဘၣ်တၢ်မၤဟးဂီၤကွံာ်အီၤဒ်ဝ့ၢ်စဒိၣ်ဒီးဝ့ၢ်ဂမိၤရၤ အသိးန့ၣ်လီၤ. အဝဲသ့ၣ်ကကဲထီၣ်အံသၣ်အပူၤတဖၣ် အလီၢ်တတီၤဒီးတၢ်ဟးဂီၤအထူအယိာ်လၢအဘၣ် တၢ်ခဲဘၢကွံာ်အီၤလၢနီၣ်ဧိၤမံၤဧိၤန့ၣ်လီၤ. ယပှၤဂီၢ်မုၢ်လၢအအိၣ်မူတ့ၢ်တဖၣ်ကဂုာ်န့ၢ်မၤဟးဂီၤဒီးဟံး န့ၢ်အကီၢ်န့ၣ်လီၤ.”

လံာ်တၢ်ဂံၢ် 14:21

ဘၣ်ဆၣ်ဒီးယအၢၣ်လီၤအီလီၤလၢ, ဒ်ယမူယဲဒီးဒ်ယတၢ်အိၣ်ဝဲမၤ ပှဲၤဟီၣ်ခိၣ်အသိးန့ၣ်, ယစံးယဲ,

လံာ်တၢ်ဂံၢ် 14:28

ခဲအံၤဟ့ၣ်အဝဲသ့ၣ်လၢတၢ်စံးဆၢအံၤတက့ၢ်. “ယဆိၣ်လီၤယသးလၢ, ဒ်ယမူယဲအသိး, ယကမၤတၢ်လၢသုဂီၢ်ဒ်သုဃ့တ့ၢ်တၢ်အသိးန့ၣ်လီၤ. ယၤ, ယွၤစံးလံတၢ်လံ.

မၤတၢ် 26:20

ယစံၣ်တဲၤတဲလီၤတၢ်အဆိကတၢၢ်လၢဝ့ၢ်ဒၤမ့ၤစ့းအပူၤဒီး လၢဝ့ၢ်ယရူၤၡလ့ၣ်အပူၤ, အန့ၣ်ဝံၤအလီၢ်ခံလၢကီၢ်ယူဒၤဒီဘ့ၣ်ညါဒီးလၢပှၤကလုာ်ဂၤ တဖၣ်အသိးအကျါ, ဒီးသဆၣ်ထီၣ်အဝဲသ့ၣ်အခံဒ်သိးအကပီၢ်ယၢ်လီၤက့ၤအသးလၢ အတၢ်ဒဲးဘးတဖၣ်, ဒီးဃၣ်လိၤက့ၤအသးဆူကစၢ်ယွၤအအိၣ်ဒီးမၤတၢ်သ့ၣ်တဖၣ် လၢအကအုၣ်အသးလၢအဝဲသ့ၣ်ပီၢ်ယၢ်လီၤတ့ၢ်လံအသး အဂ့ၢ်န့ၣ်လီၤ.

မၤတၢ် 3:19

ပီၢ်ယၢ်လီၤဒီးဃၣ်လိၤက့ၤသုသးဆူကစၢ်ယွၤအအိၣ်, ဒ်သိးအဝဲကပျၢ်ကွံာ်သုတၢ်ဒဲးဘးအဂီၢ်န့ၣ်တက့ၢ်. သုမ့ၢ်မၤဒ်န့ၣ်ဒီး,

ရိမ့ၤ 14:11

အဂ့ၢ်ဒ်လဲၣ်န့ၣ်, တၢ်ကွဲးအသးစံးဝဲ, “ကစၢ်စံးဝဲဒၣ်, ဒ်ယမ့ၢ်ကစၢ်ယွၤလၢအမူဝဲအသိး ပှၤကိးဂၤဒဲးကချံးခီၣ်တီၤလီၤလၢယမဲာ်ညါ ဒီးပှၤကိးဂၤဒဲးကအၢၣ်လီၤအီလီၤလၢယမ့ၢ်ကစၢ်ယွၤန့ၣ်လီၤ.”

၁ တံၤမသ့း 2:4

လၢအသးအိၣ်လၢပှၤကိးဂၤဒဲးကတုၤလၢတၢ်အုၣ်က့ၤခီၣ်က့ၤ ဒီးကဒိးန့ၢ်တၢ်သ့ၣ်ညါတၢ်မ့ၢ်တၢ်တီအဂီၢ်န့ၣ်လီၤ.

၂ ပ့းတရူး 3:9

ကစၢ်တမၤယံာ်မၤနီၢ်အသးလၢတၢ်လၢအစံးပာ်တ့ၢ်ဝဲ, ဒ်ပှၤတနီၤဆိကမိၣ်ဝဲအသိးန့ၣ်ဘၣ်. မ့မ့ၢ်တခီ, အဝဲဝံသးစူၤသုမ့ၢ်လၢအတသးအိၣ်လၢပှၤကတုၤ တၢ်ဟးဂီၤနီတဂၤဘၣ်, ဒီးသးအိၣ်ဝဲပှၤခဲလၢာ်ကဃၣ်ကွံာ်အသးလၢ အတၢ်ဒဲးဘးတဖၣ်အဃိန့ၣ်လီၤ.