လံာ်ယဃ့းစက့လး 32:9 - Sgaw Karen Common Bible

⁹ ပှၤကလုာ်တဖၣ်အါကလုာ်ကဘၣ်ကိၢ်ဘၣ်ဂီၤ, ဖဲယရၤလီၤ တၢ်ကစီၣ်ဘၣ်ဃးဒီးနတၢ်ဟးဂီၤအဂ့ၢ်ဆူထံကီၢ်တဖၣ်လၢ နတနၢ်ဟူဘၣ်တ့ၢ်အဂ့ၢ်နီတဘျီဘၣ်န့ၣ်လီၤ.

လံာ်ယဃ့းစက့လး 32:9 Iomraidhean Croise

လံာ်တၢ်ဟးထီၣ်ကွံာ် 15:14

ပှၤကလုာ်တဖၣ်နၢ်ဟူဝဲဒီးအဝဲသ့ၣ်ကနိးကစုာ်လၢတၢ်ပျံၤတၢ်ဖုး အပူၤလီၤ. ပှၤဖလ့ၡသးဖိတဖၣ်ဘၣ်တၢ်စှီၤတံၢ်အီၤလၢတၢ်ပျံၤ တၢ်ဖုးလီၤ.

လံာ်ယဃ့းစက့လး 27:29

ကဘီကိးဘ့ၣ်ဒဲးန့ၣ်ခဲအံၤ ဘၣ်တၢ်ဟးသဒၣ်ကွံာ်လံ, ဒီးကဘီဖိ ကိးဂၤဒဲးန့ၣ် လဲၤထီၣ်ဆူပီၣ်လဲၣ်ကၢၢ်ခိၣ်လံန့ၣ်လီၤ.

လံာ်ယဃ့းစက့လး 28:19

နတအိၣ်လၢၤဘၣ်. နဟါမၢ်ကွံာ်လံလီၤစိၤလီၤထီလံ, ဒီးကယဲၢ်ပှၤကလုာ်လၢအသ့ၣ်ညါတ့ၢ်နၤတဖၣ် ပျံၤတၢ်ဖုးတၢ်, ဒီးဘၣ်ယိာ်ဝဲလၢနတၢ်ဟဲဝံဟဲစိာ်အံၤကဘၣ်ဘၣ်ဖုးအဝဲသ့ၣ်န့ၣ်လီၤ.”

လံာ်ယဃ့းစက့လး 29:12

ယကဒုးကဲထီၣ် ကီၢ်အဲၤကူပတူးလၢထံကီၢ်တဘ့ၣ်လၢအအိၣ် လီၤဃီကတၢၢ်ဟီၣ်ခိၣ်ချၢန့ၣ်လီၤ. လၢအနံၣ်လွံၢ်ဆံအတီၢ်ပူၤ ကီၢ်အဲၤကူပတူးအဝ့ၢ်တဖၣ် ကအိၣ်လၢတၢ်ဟးဂီၤအပူၤ, တၢ်ဟးဂီၤလၢကအၢဒိၣ်န့ၢ်ဒံးဝ့ၢ်အဂၤတဖၣ်တက့ၢ်န့ၣ်လီၤ. ယကဒုးကဲထီၣ် ပှၤအဲၤကူပတူးဖိတဖၣ်လၢပှၤတဖၣ်လၢ အဃ့ၢ်ပူၤဖျဲးအသးဆူထံကီၢ်အဂၤန့ၣ်လီၤ. အဝဲသ့ၣ်ကဃ့ၢ်ကွံာ်ဆူကယဲၢ်ထံကီၢ်တဖၣ်ဒီး ကအိၣ်ဆိးလၢ ပှၤဂီၢ်မုၢ်အဂၤတဖၣ်အကျါန့ၣ်လီၤ.”

လံာ်ယဃ့းစက့လး 30:23

ယကမၤလီၤပြံလီၤပြါကွံာ်ပှၤအဲၤကူပတူးဖိတဖၣ်သကုၤဟီၣ်ခိၣ် ဒီဘ့ၣ်ညါန့ၣ်လီၤ.

လံာ်ယဃ့းစက့လး 30:26

ယကမၤလီၤပြံလီၤပြါပှၤအဲၤကူပတူးဖိတဖၣ်သကုၤဟီၣ်ခိၣ်ဒီဘ့ၣ် ညါန့ၣ်လီၤ. အန့ၣ်တစုအဝဲသ့ၣ်ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 30:9

ဖဲမုၢ်နံၤအဝဲန့ၣ်ဟဲဃီၤဒီးကီၢ်အဲၤကူပတူးဘၣ်တၢ်မၤဟးဂီၤအီၤန့ၣ်, ယကဆှၢလီၤပှၤစိာ်တၢ်ကစီၣ်တဖၣ်လၢကဘီတဖၣ်အပူၤဒ်သိး ကထိၣ်ဂဲၤထီၣ်ကီၢ်ကူၤၡးအပှၤဂီၢ်မုၢ်လၢအတဆိကမိၣ်ထီၣ်တၢ် ကမၤအသးဒ်အံၤတဖၣ်ဒီးအဝဲသ့ၣ်ကပျံၤတၢ်ဖုးတၢ်န့ၣ်လီၤ. မုၢ်နံၤအဝဲန့ၣ်ဟဲလံဝဲလံ.”

လံာ်လီၣ်ဖျါ 11:18

ပှၤကလုာ်ဂၤတဖၣ်သူၣ်ဒိၣ်သးဖျိးဝဲ, အဂ့ၢ်မ့ၢ်လၢနတၢ်သးထီၣ် အဆၢကတီၢ်ဟဲတုၤဝဲလံ, ဆၢကတီၢ်လၢပှၤသံ ကဘၣ်တၢ်စံၣ်ညီၣ်အီၤန့ၣ်လီၤ. ဆၢကတီၢ်တုၤအိၣ်ဝဲလၢတၢ်ကဟ့ၣ်ခိၣ်ဖး ဆူနခ့နပှၤတဖၣ်, ဝံတဖၣ်, ဒီးနပှၤဂီၢ်မုၢ်ခဲလၢာ်, ပှၤကိးဂၤဒဲးလၢအအိၣ်ဒီး တၢ်ယူးယီၣ်ပာ်ကဲနၤတဖၣ်, ပှၤအဒိၣ်မ့ၢ်ဂ့ၤ, ပှၤအဆံးမ့ၢ်ဂ့ၤန့ၣ်လီၤ. ဆၢကတီၢ်တုၤအိၣ်ဝဲလၢတၢ်ကမၤဟးဂီၤကွံာ် ပှၤတဖၣ်လၢအမၤဟးဂီၤဟီၣ်ခိၣ်န့ၣ်လီၤ.”