လံာ်ယဃ့းစက့လး 32:7 - Sgaw Karen Common Bible

⁷ ဖဲယမၤဟးဂီၤကွံာ်နၤန့ၣ်, ယကကးဘၢမူကပိာ်လိၤဒီးတြီတံာ် ဃးဆၣ်ဧိၤဖီဧိၤတဖၣ်န့ၣ်လီၤ. မုၢ်န့ၣ်ကအိၣ်ခူသူၣ်လၢတၢ်အၢၣ်တဖၣ် အလီၢ်ခံဒီးလါန့ၣ်တဟ့ၣ်ထီၣ်ဘၣ်အတၢ်ကပီၤဘၣ်.

လံာ်ယဃ့းစက့လး 32:7 Iomraidhean Croise

လံာ်စီၤယိၤဘး 9:7

အဝဲတြီဃာ်မုၢ်ဒ်သိး အသုတဟဲထီၣ်တဂ့ၤဒီး ဆၣ်တဖၣ်ဒ်သိး သုတကပီၤထီၣ်လၢ မုၢ်နၤခီတဂ့ၤ န့ၣ်သ့ဝဲလီၤ.

တၢ်ကတိၤဒိ. 13:9

ပှၤတီပှၤလိၤတဖၣ်လီၤဂာ်ဒ်တၢ်ကပီၤလၢအကပီၤဝဲဆှံဆှံအသိး န့ၣ်လီၤ. မ့မ့ၢ်ပှၤတတီတလိၤတဖၣ်လီၤဂာ်ဒ်မ့ၣ်အူဒၢလၢ အလီၤပံာ်ကွံာ်ဝဲအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 12:2

အကတီၢ်န့ၣ်ကမ့ၢ်ဖဲ, မုၢ်, လါ, ဒီးဆၣ်တဖၣ်အတၢ်ကပီၤကခံးလီၤဝဲ လၢနဂီၢ်, ဒီးတၢ်စူၤအတၢ်အၢၣ်တဖၣ်တလဲၤပူၤကွံာ်နီတဘျီ အကတီၢ်,

လံာ်ယၡါယၤ 13:10

ဆၣ်ကိးဖျၢၣ်ဒဲးဒီးဆၣ်ဒီတကရူၢ်ကဆိကတီၢ်လၢတၢ်ဟ့ၣ်ထီၣ်တၢ် ကပီၤအဂီၢ်လီၤ. တုၤမုၢ်ဟဲထီၣ်ဒီးတၢ်ကခံးလီၤဝဲဒီးလါတဟ့ၣ်ထီၣ်ဘၣ်တၢ်ကပီၤဘၣ်.

လံာ်ယၡါယၤ 34:4

မုၢ်, လါ, ဒီးဆၣ်တဖၣ်ကလီၤကလဲကွံာ်ဒီးကဲထီၣ်ဖၣ်ဆါန့ၣ် လီၤ. မူကပိာ်လိၤကလီၤမၢ်ကွံာ်ဒ်လံာ်ထူတထူဘၣ်တၢ်ထူထီၣ် အီၤအသိး, ဒီးဆၣ်တဖၣ်ကလီၤဆှု ဝဲဒ်သ့ၣ်လၣ်တဖၣ်လီၤဆှုကွံာ်လၢစပံးမုၢ်တမုၢ်, မ့တမ့ၢ်, ချၢၣ်ဒၢတထူၣ်အလိၤအသိး န့ၣ်လီၤ.

လံာ်ယံးရမံယၤ 13:16

တချုးဒံးဘၣ်လၢအဝဲဟဲစိာ်တၢ်ခံးတၢ်နၤဒီးသုခီၣ်ဘၣ်တိၢ်ဘၣ်ထံး လၢကစၢၢ်တဖၣ်အဖီခိၣ်, တချုးဒံးဘၣ်လၢအဝဲဒုးကဲထီၣ်အီၤတၢ်ကပီၤလၢ သုမုၢ်လၢ်န့ၣ်အီၤဆူတၢ်ခံးယိာ်ဒံးဘၣ်ဒီး, မၤလၤကပီၤယွၤ, သုကစၢ်ယွၤတက့ၢ်.

လံာ်ယဃ့းစက့လး 30:18

တၢ်ခံးကလီၤဘၣ်လၢ ဝ့ၢ်တၤပါန့ၤအလိၤဖဲ ယမၤကတၢၢ်ကွံာ်ကီၢ်အဲၤကူပတူးအစိကမီၤဒီး မၤကတၢၢ်ကွံာ်အဂံၢ်အဘါလၢအဝဲသ့ၣ်ပာ်ထီၣ်ထီ တ့ၢ်အသးန့ၣ်လီၤ. တၢ်အၢၣ်ကလုၣ်ဘၢ ကီၢ်အဲၤကူပတူးဒီးပှၤဂီၢ်မုၢ်လၢအအိၣ်လၢအဝ့ၢ်တဖၣ်အပူၤန့ၣ် ကဘၣ်တၢ်စိာ်ကွံာ်အီၤဒ်ပှၤဃိာ်ဖိတဖၣ်အသိးန့ၣ်လီၤ.

လံာ်ယဃ့းစက့လး 30:3

မုၢ်တနံၤန့ၣ်ဘူးထီၣ်လံ. မုၢ်တနံၤဖဲယွၤကမၤတၢ်, မုၢ်တနံၤလၢ အပှဲၤဒီးတၢ်အၢၣ်တဖၣ်ဒီး တၢ်ကိၢ်တၢ်ဂီၤလၢပှၤကလုာ်တဖၣ်အဂီၢ်န့ၣ်လီၤ.

လံာ်ယဃ့းစက့လး 31:15

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. “မုၢ်တနံၤဖဲသ့ၣ်န့ၣ်လဲၤလီၤဆူတၢ်သံအကီၢ်ပူၤဒီးယကမၤဘၢအီၤ လၢထံလၢဟီၣ်ခိၣ်လာ်တဖၣ်ဒ်အမ့ၢ်တၢ်သူၣ်အုးသးအုးအပနီၣ် တမံၤအသိးန့ၣ်လီၤ. ယကဒုးအိၣ်ကတီၢ်ထံကျိတဖၣ်ဒီးတပျဲဘၣ်ထံကျိ ဖိတဖၣ်ယွၤလီၤလၢၤဘၣ်. မ့ၢ်လၢသ့ၣ်န့ၣ်သံလံဝဲအဃိ, ယကဟဲစိာ်ဃီၤတၢ်ခံးတၢ်နၤဆူကီၢ်လဘၤနိၣ်အကစၢၢ် တဖၣ်အလိၤဒီးဒုးဃ့ထီကွံာ်သ့ၣ်တဖၣ်လၢအအိၣ်လၢပှၢ်ပူၤန့ၣ်လီၤ.

လံာ်ယဃ့းစက့လး 34:12

ဒ်ကျဲတဘိဃီလၢပှၤကွၢ်သိတဂၤအံးထွဲကွၢ်ထွဲအသိတဖၣ်လၢ အလီၤပြံလီၤပြါဒီးဟဲက့ၤစိာ်ကဒါက့ၤကဒီးအဝဲသ့ၣ်တပူၤဃီ အသိးန့ၣ်လီၤ. ယကဟဲက့ၤစိာ်ကဒါက့ၤအဝဲသ့ၣ်လၢကယဲၢ် တၢ်လီၢ်တဖၣ်လၢအဝဲသ့ၣ်လီၤပြံလီၤပြါတ့ၢ်ဖဲမုၢ်တနံၤလၢ အခံးသူဒီးပှဲၤဒီးတၢ်တတၢးတနါန့ၣ်လီၤ.

လံာ်ယိၤအ့လး 2:10

ဟီၣ်ခိၣ်ဟူးဝးဝဲဒီးမူကပိာ်လိၤဆှဲးဆှိးဝဲလၢအဝဲသ့ၣ်အမဲာ်ညါလီၤ. မုၢ်ဒီးလါခံးလီၤဝဲဒီးဆၣ်ဧိၤဖီဧိၤတဖၣ်တကပီၤလၢၤဘၣ်.

လံာ်ယိၤအ့လး 2:2

ကမ့ၢ်တၢ်ခံးတၢ်နၤဒီးတၢ်သူၣ်အုးသးအုးအမုၢ်တနံၤ, တၢ်အၢၣ်ဒီးတၢ်ခံးသူအမုၢ်တနံၤလီၤ. ဒွဲၣ်ဧိၤသကံၤဧိၤဂီၢ်မုၢ်ဂီၢ်ပၤဟဲထီၣ်ဝဲ လီၤဂာ်ဒ်တၢ်ခံးတၢ်နၤသလၣ်လီၤအသးလၢကစၢၢ်ကလိအလိၤ အသိးန့ၣ်လီၤ. တၢ်ဒ်န့ၣ်အသိးတမၤတ့ၢ်အသးနီတဘျီဘၣ်. ဒီးတမၤလၢၤကဒီး အသးနီတဘျီဘၣ်.

လံာ်ယိၤအ့လး 2:31

တချုးလၢယွၤအမုၢ်နံၤလၢအလီၤပျံၤလီၤ ဖုးဖးဒိၣ်ဟဲဝဲဒံးဘၣ်န့ၣ်မုၢ်ကခံးလီၤဝဲ, ဒီးလါန့ၣ်ကလဲလိာ်အသးဆူအလွဲၢ်ဂီၤဒ်တၢ်သွံၣ်အသိးန့ၣ်လီၤ.

လံာ်ယိၤအ့လး 3:15

မုၢ်ဧိၤလါဧိၤခံးလီၤဝဲဒီးဆၣ်ဧိၤဖီဧိၤတကပီၤထီၣ်လၢၤဘၣ်န့ၣ်လီၤ.

လံာ်ဧၤမိၣ် 8:9

ဒီးလၢမုၢ်တနံၤန့ၣ်, ယကဒုးလီၤနုာ်မုၢ်လၢမုၢ်ထူၣ်အကတီၢ်ဒီး မၤခံးလီၤဟီၣ်ခိၣ်ဖဲမုၢ်ဆါခီစီၣ်ဝဲၤကဲၤလီၤ. ယၤ, တၢ်စိတၢ်ကမီၤခဲလၢာ်အယွၤစံးဝဲဒၣ်.

လံာ်မးသဲ 24:29

တၢ်နးတၢ်ဖှီၣ်အမုၢ်နံၤတဖၣ်ဝံၤတဘျီဃီ, မုၢ်ကခံးလီၤဝဲ, လါတကပီၤလၢၤဘၣ်, ဒီးဆၣ်တဖၣ်ကလီၤတဲာ်ကွံာ်လၢမူခိၣ်, ဒီးတၢ်စိတၢ်ကမီၤလၢမူကပိာ်လိၤတဖၣ် ကဘၣ်တၢ်တရုၤဆှဲးဆှိးကွံာ်အီၤလၢအကျဲအကျိၤဒၣ်ဝဲအပူၤလီၤ.

လံာ်မၢ်ကူး 13:24

မုၢ်နံၤမုၢ်သီတဖၣ်လၢတၢ်နးတၢ်ဖှီၣ်ဘၣ်ပှၤဝံၤအလီၢ်ခံန့ၣ်, မုၢ်ကခံးလီၤကွံာ်ဒီးလါအတၢ်ကပီၤကလီၤမၢ်ကွံာ်,

လံာ်လူၤကၣ် 21:25

တၢ်ပနီၣ်တဖၣ်ကအိၣ်ဝဲလၢမုၢ်, လါ, ဒီးဆၣ်တဖၣ်အပူၤန့ၣ်လီၤ. လၢဟီၣ်ခိၣ်အဖီခိၣ်န့ၣ်, ပှၤကလုာ်တဖၣ်ကအိၣ်ဝဲလၢတၢ်သူၣ်ကိၢ်သးဂီၤနးမး, ဒီးတၢ်သးသဘံၣ်ဘုၣ်ဖဲ ပီၣ်လဲၣ်အလပီသီၣ်ထီၣ်ရုၢ်ရုၢ်ဒီး စံၣ်စုးအခါန့ၣ်လီၤ.

လံာ်လီၣ်ဖျါ 8:12

တုၤနုၤတစုကလူးလွံၢ်ဂၤတဂၤအူထီၣ်အကွဲၤလီၤ. မုၢ်အသၢပူတပူဒီးလါအသၢပူတပူဒီးဆၣ်တဖၣ်အသၢပူ တပူဘၣ်တၢ်မၤဘၣ်ဒိအီၤတုၤဒၣ်လဲာ်အဝဲသ့ၣ်အတၢ်ကပီၤ အကပြုၢ်ကပြီၤလီၤမၢ်ကွံာ်ဝဲဒၣ်သၢပူတပူန့ၣ်လီၤ. မုၢ်နံၤအသၢပူတပူဒီးမုၢ်နၤအသၢပူတပူစ့ၢ်ကီးန့ၣ်, အတၢ်ကပီၤတအိၣ်ဘၣ်.