လံာ်ယဃ့းစက့လး 32:32 - Sgaw Karen Common Bible

³² ယမၢတ့ၢ်ကီၢ်အဲၤကူပတူးအစီၤပၤလၢကမၤပျံၤမၤဖုးပှၤမူတဖၣ်, ဘၣ်ဆၣ်အဝဲဒီးအသုးမုၢ်ကဘၣ် တၢ်မၤသံအီၤဒီးမံလီၤဝဲလၢတၢ်အိၣ်ဘှံးအပူၤဃုာ်ဒီးကယဲၢ် ပှၤလၢအတဒိးဘၣ်တၢ်ကူးတရံးတဖၣ်လၢအသံလၢတၢ်ဒုးအပူၤန့ၣ် လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 32:32 Iomraidhean Croise

လံာ်တၢ်ကဲထီၣ်အခီၣ်ထံး 35:5

တုၤစီၤယၤကိာ်ဒီးအဖိခွါတဖၣ်စးထီၣ်ဟးထီၣ်န့ၣ်တၢ်ပျံၤတၢ် ဖုးဖးဒိၣ်လီၤဘၣ်လၢပှၤဂီၢ်မုၢ်လၢအအိၣ်လၢဝ့ၢ်အိၣ်ဘူးအိၣ် တံၢ်တဖၣ်အလိၤဒီးတလူၤဘၣ်အဝဲသ့ၣ်ဘၣ်.

လံာ်စီၤယိၤဘး 31:23

အဂ့ၢ်ဒ်အံၤယပျံၤကစၢ်ယွၤအတၢ်စံၣ်ညီၣ်သတးဒီး, တၢ်မၤဒ်သိးအံၤန့ၣ်ယမၤတဘူၣ်နီတဘျီဘၣ်.

လံာ်ယဃ့းစက့လး 29:1

လၢပဘၣ်တၢ်စိာ်မၢကဲကုၢ်ပှၤအနံၣ်တဆံအပူၤ, လါဆံဆဲၣ်လါတလါထီၣ်တဆံခံသီ အနံၤန့ၣ်ယွၤကတိၤတၢ်ဒီးယၤန့ၣ်လီၤ.

လံာ်ယဃ့းစက့လး 30:1

ယွၤကတိၤကဒီးတၢ်လီၤ. အဝဲစံးဝဲဒၣ်, “ပှၤကညီလၢအသံသ့ဧၢ, ကတိၤတၢ်လၢဝံအကျိာ်ဒီး ဘိးဘၣ်သ့ၣ်ညါတၢ်လၢယၤယွၤပၢဘၣ်တၢ်ခဲလၢာ်ကစၢ်စံးဝဲန့ၣ်တက့ၢ်. နကဘၣ်ကိးပသူထီၣ်တၢ်ကတိၤတဖၣ်အံၤလီၤ. တၢ်လီၤပျံၤလီၤဖုးအမုၢ်နံၤ တနံၤဟဲလံဝဲလံ.

လံာ်ယဃ့းစက့လး 31:1

လၢပဘၣ်တၢ်စိာ်မၢကဲကုၢ်ပှၤပှဲၤထီၣ်အနံၣ်တဆံတနံၣ်, လါသၢလါတလါထီၣ်အခီၣ်ထံးတသီအနံၤန့ၣ်ယွၤကတိၤတ့ၢ်တၢ်ဒီး ယၤလီၤ.

လံာ်ယဃ့းစက့လး 32:27

အဝဲသ့ၣ်တဖၣ်တဘၣ်တၢ်ဟ့ၣ်အီၤလၢတၢ်မၤလၤကပီၤအတၢ်ခူၣ်လီၤ ဘျၢလီၤဒ်ပှၤဒူပှၤဃိၤလၢပျၢၤတဖၣ်အသိးလၢအလဲၤထီၣ်ဆူ တၢ်သံအကီၢ်ပူၤန့ၣ်ဘၣ်. ပှၤဒူပှၤဃိၤတဖၣ်န့ၣ်ကံာ်တူာ်အသး လၢလၢပှဲၤပှဲၤ, အဝဲသ့ၣ်အနးတဖၣ်ဘၣ်တၢ်ပာ်လီၤအီၤလၢအခိၣ် တဖၣ်အဖီလာ်ဒီးအကတီၤတဖၣ်လၢအမိၢ်ပှၢ်တဖၣ်အလိၤန့ၣ်လီၤ. ပှၤဒူပှၤဃိၤတဖၣ်အံၤတဘျီန့ၣ်အိၣ်ဒီးအစိကမီၤလၢလၢပှဲၤပှဲၤ လၢကမၤပျံၤပှၤမူတဖၣ်န့ၣ်လီၤ.

လံာ်ယဃ့းစက့လး 32:31

တၢ်ထံၣ်ဘၣ်ပှၤတဖၣ်လၢအဘၣ်တၢ်မၤသံအီၤလၢတၢ်ဒုးပူၤန့ၣ် ကမ့ၢ်တၢ်မၤမုာ်တမံၤလၢကီၢ်အဲၤကူပတူးအစီၤပၤဒီးအသုးမုၢ် အဂီၢ်န့ၣ်လီၤ. ယွၤပၢဘၣ်တၢ်ခဲလၢာ်ကစၢ်စံးတၢ်အံၤလီၤ.

လံာ်ယဃ့းစက့လး 33:1

ယွၤကတိၤတၢ်ဒီးယၤန့ၣ်လီၤ. အဝဲစံးဝဲဒၣ်, “ပှၤကညီလၢအသံသ့ဧၢ, တဲဘၣ်နပှၤဂီၢ်မုၢ်တၢ်လၢကမၤအသး ဖဲယဒုးအိၣ်ထီၣ်တၢ်ဒုးလၢကီၢ်ပူၤန့ၣ်တက့ၢ်. ကီၢ်န့ၣ်အပှၤဂီၢ်မုၢ်ဃုထၢပှၤလၢအဝဲသ့ၣ်အကျါဒၣ်ဝဲတဂၤလၢ ကမ့ၢ်ပှၤခိးကွၢ်တၢ်ဖိတဂၤန့ၣ်လီၤ.

၂ ကရံၣ်သူး 5:11

တၢ်ပျံၤယွၤအခီပညီမ့ၢ်တၢ်ဒ်လဲၣ်န့ၣ်ပသ့ၣ်ညါ ပဝဲဒီးလၢတၢ်န့ၣ်အဃိ, ပဂုာ်ကျဲးစၢးသဆၣ်ထီၣ်ပှၤအဂၤ တဖၣ်အခံန့ၣ်လီၤ. ကစၢ်ယွၤသ့ၣ်ညါပှၤလၢာ်လၢာ်ဆ့ဆ့ဒီးယဆၢမုၢ်လၢ် လၢသုသးပူၤန့ၣ်, သုကသ့ၣ်ညါယၤဂ့ၤဂ့ၤဒ်န့ၣ်အသိး စ့ၢ်ကီးလီၤ.

ဧ့ၤဘြံၤ 10:31

တၢ်လီၤနုာ်ဘၣ်ဆူ ကစၢ်ယွၤလၢအမူဝဲတဂၤအစုပူၤန့ၣ်, မ့ၢ်တၢ်လၢအလီၤပျံၤလီၤဖုးဒိၣ်မးလီၤ.