လံာ်ယဃ့းစက့လး 32:30 - Sgaw Karen Common Bible

³⁰ ကယဲၢ်အပဒိၣ်ဖးဒိၣ်တဖၣ်လၢကလံၤစိးအိၣ်ဖဲန့ၣ်ဒီးပှၤစံဒိၣ်ဖိတဖၣ် စ့ၢ်ကီးန့ၣ်လီၤ. တဘျီန့ၣ်အဝဲသ့ၣ်အစိကမီၤရၤလီၤတၢ်မၤပျံၤ မၤဖုးဘၣ်ဆၣ်ခဲအံၤအဝဲသ့ၣ်လဲၤလီၤလၢတၢ်လီၤမဲာ်ဆှးအပူၤ ဃုာ်ဒီးပှၤတဖၣ်လၢအဘၣ်တၢ်မၤသံအီၤလၢတၢ်ဒုးပူၤဒီးမံလီၤတ့ၢ် လၢတၢ်အိၣ်ဘှံးအပူၤတအိၣ်ဒီးတၢ်ဒိးဘၣ်တၢ်ကူးတရံးဘၣ်န့ၣ်လီၤ. အဝဲသ့ၣ်ဒိးဘၣ်တၢ်မဲာ်ဆှးတမံၤဃီဒ်သိးဒၣ်ပှၤတဖၣ် လၢအလဲၤလီၤတ့ၢ်ဆူတၢ်သံအကီၢ်ပူၤန့ၣ်လီၤ.

လံာ်ယဃ့းစက့လး 32:30 Iomraidhean Croise

လံာ်ယံးရမံယၤ 1:15

အဂ့ၢ်ဒ်အံၤ, ယကိးထီၣ်ပှၤကလုာ်တဖၣ်ခဲလၢာ်လၢကလံၤစိးတခီ ဒ်သိးကဟဲဝဲအဂီၢ်လီၤ. အဝဲသ့ၣ်အစီၤပၤတဖၣ်ကပာ်ထီၣ် အလီၢ်ပစိာ်တဖၣ်ဖဲဝ့ၢ်ယရူၤရှလ့ၣ်အတြဲၤတဖၣ်, ဒီးဝးတရံးအဒူၣ် တဖၣ်, ဒီးဝးတရံးကီၢ်ယူဒၤအဝ့ၢ်တဖၣ်စ့ၢ်ကီးန့ၣ်လီၤ.

လံာ်ယံးရမံယၤ 25:22

စီၤပၤခဲလၢာ်လၢ ဝ့ၢ်ထါယၢၣ်ဒီး စံဒိၣ်,

လံာ်ယံးရမံယၤ 25:26

စီၤပၤတဖၣ်လၢ ကီၢ်စံၣ်ရံၤ, ကီၢ်ဧ့ၤလၣ်, ဒီးကီၢ်မၤဒဲ, စီၤပၤခဲလၢာ် လၢကလံၤစိးတခီ, လၢအယံၤဒီးလၢအဘူး, တဂၤဝံၤတဂၤ န့ၣ်လီၤ. ပှၤကိးကလုာ်ဒဲးလၢ အအိၣ်လၢ ဟီၣ်ခိၣ်ချၢအံၤကဘၣ်အီလီခီအံၤလီၤ. လၢခံကတၢၢ်န့ၣ် ကီၢ်ဘၤဘူၤလိၣ်အစီၤပၤ ကအီဝဲန့ၣ်လီၤ.

လံာ်ယဃ့းစက့လး 26:20

ယကဆှၢလီၤနၤဆူပှၤသံတဖၣ် အကီၢ်ပူၤလၢနကလဲၤအိၣ်ဆိးဃုာ်ဒီးပှၤလၢအအိၣ်တ့ၢ်လၢ ပျၢၤတဖၣ်န့ၣ်လီၤ. ယကဒုးလဲၤအိၣ်နၤလၢ ဟီၣ်ခိၣ်အဖီလာ်လၢတၢ်ဟးဂီၤလီၤထူလီၤယိာ်အကျါ, လဲၤအိၣ်ဆိးဃုာ်ဒီးပှၤသံတဖၣ်န့ၣ်လီၤ. လၢတၢ်န့ၣ်အဃိ နကဲထီၣ်က့ၤကဒါတၢ်အိၣ်တၢ်ဆိးအလီၢ်ဒီးဟံးန့ၢ်နလီၢ်လၢ ပှၤအမူအကီၢ်ပူၤ, တသ့နီတစုလၢၤဘၣ်.

လံာ်ယဃ့းစက့လး 28:10

နကသံဒ်ထွံၣ်တဒုအသိးလၢပှၤတခီဘီမုၢ်ဖိတဖၣ်လၢ အယွၤတအိၣ်ဘၣ်အစုပူၤန့ၣ်လီၤ. ယၤ, ယွၤပၢဘၣ်တၢ်ခဲလၢာ် ကစၢ်ဟ့ၣ်လီၤအကလုၢ်န့ၣ်လီၤ.”

လံာ်ယဃ့းစက့လး 28:21

“ပှၤကညီလၢသံသ့ဧၢ, စံးလၢဝ့ၢ်စံဒိၣ်ကြၢးဘၣ်တၢ်စံၣ်ညီၣ်တက့ၢ်. တဲဘၣ်ပှၤဂီၢ်မုၢ်ဖဲန့ၣ်တဖၣ်လၢ, တၢ်လၢယၤ, ယွၤပၢဘၣ်တၢ် ခဲလၢာ်ကစၢ်တဲဝဲဘၣ်ဃးဒီးအဝဲသ့ၣ်အဂ့ၢ်န့ၣ်တက့ၢ်. ဝ့ၢ်စံဒိၣ်ဧၢ, ယမ့ၢ်နဒုၣ်နဒါလီၤ. ပှၤဂီၢ်မုၢ်ကစံးထီၣ်ပတြၢၤယၤလၢတၢ်လၢယမၤနၤသ့ၣ်တဖၣ်အဃိလီၤ. အဝဲသ့ၣ်ကသ့ၣ်ညါဝဲလၢယမ့ၢ်ယွၤ, ဖဲယပာ်ဖျါထီၣ်ယသးလၢ, ယစီဝဲဆှံဝဲထဲလဲၣ်ခီဖျိယစံၣ်ညီၣ်ပှၤလၢအအိၣ်ဆိးလၢ နပူၤတဖၣ်အဃိန့ၣ်လီၤ.

လံာ်ယဃ့းစက့လး 28:23

ယကဆှၢလီၤတၢ်ဆူးတၢ်ဆါတဖၣ်လၢနလိၤဒီး ယကဒုးယွၤလီၤ တၢ်သွံၣ်လၢနကျဲမုၢ်တဖၣ်အပူၤန့ၣ်လီၤ. နကဘၣ်တၢ်ဟဲထီၣ်ဒုးနၤလၢအကပၤကပၤဒီး နပှၤဂီၢ်မုၢ်ကဘၣ်တၢ်မၤသံကွံာ်အီၤန့ၣ်လီၤ. အန့ၣ်တစု, နကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 38:15

ဒီးဟဲထီၣ်လၢတၢ်လီၢ်အိၣ်လီၢ်ဆိးလၢကလံၤစိးတခီ, ဆှၢထီၣ် သုးမုၢ်ဖးဒိၣ်တဖုလၢအဂံၢ်ဆူၣ်ဘါဆူၣ်, အိၣ်ဒီးသုးဖိတဖၣ် လၢထံကီၢ်အါဘ့ၣ်လၢကိးဂၤဒဲးဒိးကသ့ၣ်န့ၣ်တက့ၢ်.

လံာ်ယဃ့းစက့လး 38:6

ကယဲၢ်ပှၤဒုးတၢ်ဖိအပိာ်ခွါတဖၣ်လၢအအိၣ်ဒီးကီၢ်ကိမၢၤဒီး အပှၤဟံၣ်ဖိလၢကလံၤစိးတခီဒီးဒ်န့ၣ်အသိးပှၤပိာ်ခွါတဖၣ်လၢထံကီၢ် အဂၤအါဘ့ၣ်စ့ၢ်ကီးအိၣ်ဒီးအီၤန့ၣ်လီၤ.

လံာ်ယဃ့းစက့လး 39:2

ယကဃၣ်တရံးအီၤဆူကျဲအသီတဘိအပူၤဒီးဆှၢထီၣ်အီၤလၢ ကလံၤစိးလၢအယံၤတခီတုၤအလဲၤတုၤဝဲဆူကီၢ်အံၣ်စရ့လး အကစၢၢ်ကလိတဖၣ်န့ၣ်လီၤ.